Son aquelles muyeres siniestres que, nesti casu, fueron al Vaticano non p'asistir a la declaración de San Xuan d’Avila como doutor de la Ilesia Universal, sinón a un funeral per España. Pola España que conocíemos hasta que la familia d’estes dos páxares desencadenó la traxedia.
La semeya qu’atopé permitíme camudala a blancu y negru. Intentélo con negru y negru, que yera lo que meyor-y cuadraba, pero nun se vía un ris.
Chócame que’l ministru Wert, esi al que tanto-y esmolez la Marca España, nun dixera una pallabra. Chócame porque ye como volver a los años 60. Un viaxe al pasáu nel que pue apaecer, en cualquier momentu, Franco cola escolta mora a caballu, la pareya de la Guardia Civil con capote y tricorniu y Rajoy lleendo El Jabato.
Ehí tan les dos mano a mano, con esa mirada babaya y esi biecu nos llabios que paez como que tuvieren rezando la oración que más yos presta, aquel Qué se Jodan, que punxera de moda otra de les hermanes, non menos siniestra, del Conventu La Gavilueta.
No hay comentarios:
Publicar un comentario
Milio Mariño