P'añedir más coses rares, les esposes, madres, padres, tíos y demás familia de los militares d'alta graduación nun insultaron al Presidente del Gobiernu como venía siendo vezu dende tiempos inmemoriales.
Con too, la parada militar foi un ésitu yá que si nos atenemos a la manera de como cunta Rajoy les adhesiones, fueron más los que quedaron en casa que los que s'allegaron al desfile.
A los españoles nun paez que nos preste celebrar enforma'l día d’España, el 12 d'ochobre. Y, a los americanos menos. Los yanquis dicen que ye'l día de los italianos y en Venezuela celebren el día de la resistencia indíxena, que tamién son ganes d’alcordase de Colón, y los hermanos Pinzones, quinientos años dempués.
Yo, de festexu, quédome con esa semeya na que Rajoy paez esculpase diciendo que foi namás un cachín y El Rei retrúca-y diciéndo-y que ta hasta'l moñu de les sos torpeces.
Tamién me gustó lo que dixo'l Rei cuando-y entrugaron per Cataluña. Dixo qu'en Sevilla, el xamón taba buenísimu.
No hay comentarios:
Publicar un comentario
Milio Mariño