En multes de tráficu… Uviéu gana a Xixón

Milio Mariño

La mio collaboración de los xueves nel Programa de la RPA, Noche tras Noche.

 El mi lio d'esta selmana ye por un informe del Ministeriu de Facienda nel que vienen dicir que l'añu pasáu, en multes de tráficu, Uviéu presupuestó 1,4 millones d'euros más que Xixón. Xixón pensaba recaudar 4,4 millones y Uviéu 5,8. Ehí ye nada, casi mil millones de les antigües pesetes.

Cuesta reconocélo pero, si nos multen ye pol nuestru bien. Siempre pol nuestru bien, anque nos estrañe que nun tramu d'autopista, con visibilidá perfeuta y ensin nada que lo xustifique, onde ponía 120, de sópitu, ponga 80 y d’ehí pa baxo… Seguru que tien esplicación…. Y nun ye la de recaudar porque, pa los Conceyos,  lo primero somos nos.

Polo que diz Facienda, mialma paez que n'Uviéu preocúpense más pola nuestra seguridá y salú que Xixón. A la fin págamoslu,  pero ye un detalle.

Yo, cuando entro n'Uviéu, pela autopista, nun ye que me fadie circular a 50… De magar que toi xubiláu tengo tiempu de sobra… Lo que me da rabia ye que miro a los que van polos otros carriles y toos lleven una cara que muerden… Asina que nun quiero imaxinar la cara que llevaré yo…. Cara de fatu porque, munches veces hasta pienso si nun sedrá más peligrosu dir pendiente del cunta kilómetros… Tenemos tantu mieu a pasanos y que nos multen que casi non miramos pa la carretera. Ente eso y que nun sabes que marcha meter… Si metes segunda vas trancáu… Y si pones tercera afuegues el motor….

Les multes, ye sabíu que non mos gusta pagales… pero dan munches facilidaes… Aumentaron el descuentu. Va tiempo, por pagar una multa antes de 20 díes descontaben el 30%.... Agora descuenten el 50… Y yá veréis…. Llegará’l día qu'en determinaes dómines del añu, los Conceyos fadrán ofertes…. Como los comercios.

Ye una idea pa los de Sahagún de Campos, en Llión, que l’añu pasau, recaudaron en multes de tráficu na menos que 110,75 euros per vecín. Son los que más recauden d'España… Anque, de xuru, munches d'eses multes págamosles los asturianos. Los que vamos a Llión a curar el reuma y algamar bona salú.

 Pa mi que los d’equí y los d’alló deben ponese d’alcuerdo… De llunes a vienres múltennos n'Uviéu o en Xixón y les fines de selmana y en vacaciones, cueyen el relevu los de Llión, que son los campeones.

Les multes que dixi son de radares fixos y móviles…. D’eses l’añu pasáu, punxeron n’Asturies 120.00o… Llueu tan les del cielu, les que pon l’helicópteru, que nun apunten cuentes fueron…. Antes, les del cielu, llevábales Dios, pero agora tamién les lleven los Conceyos… Asina qu’acabóse lo de rezar un padrenuestru…. Agora la penitencia ye n’euros… Y toos salimos perdiendo… Los que son creyentes y los que non.

Xugar a la guerra en Noreña

La mio collaboración de los xueves nel Programa Noche tras Noche de la RPA

El Mi lio d'esta selmana ye por esos guah.es de cinco colexos, más de doscientos alumnos, que la selmana pasada visitaron el cuartel Cabu Noval, en Noreña, como una actividá dientro del so programa escolar. Una visita que ta dando que falar porque los mandos del Reximientu d'Infantería N 3, Príncipe, dexaron que los guah.es empuñaren armes de fueu y entamaron con ellos un simulacru de combate nel que l'enemigu a bater yeren los yihadistes… Unos cuantos soldaos amarutaos de terroristes, con pañuelos palestinos al pescuezu.

Los guah.es seguro qu'esfrutaron a maza. Nun sé a qué xugarán agora, pero prúyeme dicir qu'antes xugábemos meyor. Yá sé que falando asina falta pocu pa que me convierta nun güelu Cebolleta d'esos que repiten ensin parar… Nos mios tiempos… Cuantayá que lo vengo diciendo… De mou que debo resultar un pocu pesáu. Pero nun soi l'únicu que piensa asina. Son munchos los que comparten la idea de que, agora, los guah.es, nun saben xugar. Refiérome a xugar de verdá porque xugar con un videoxuegu nun ye xugar. Amás, si falamos de violencia, los videoxuegos son violentos que te muerres.

Nos mios tiempos, allá cuando'l diluviu, l'enemigu a bater yeren los indios… Los indios yeren los malos…. Buenu y tamién los rusos… Pero, esos pa los magüetos. Pa los guah.es yeren los indios. Los indios yeren malísimos… Los buenos yeren el Xeneral Cúster y el Séptimu de caballería, que siempre llegaba a tiempu.

El casu que la selmana pasada, quien tomó'l relevu del xeneral Cúster y el Setimu de Caballería foi'l Reximientu d'Infantería Príncipe, que por un momentu convertió Noreña en capital de la Yihad y dexó que los neños xugaren a matar, con armes de verdá, supongo que descargaes.

El primeru en protestar foi Llamazares, que calificó l'actividá d'inaceptable. Depués el grupu parlamentariu de Podemos, faló de la escandalosa imaxe de menores empuñando fusiles d'asaltu. Los siguientes fueron l'Asociación Española de los Drechos Humanos, que consideró "altamente censurable la manipulación ideolóxica a la que fueron sometíos los escolares asturianos nun campu d'entrenamientu militar". Y, p'acabar, intervieno, inclusive, la embaxada de Palestina, que protestó pol usu de la emblemática kufiyya como parte del disfraz carauterizador de los enemigos que los menores teníen qu’esaniciar na so particular representación bélica".

Quiciabes nun foi lo más adecuáu, pero tampoco ye pa ponese asina. Los neños, siempre xugaron a la guerra… Quieran los padres o non, prestayos pola vida. El problema, nesti casu, foi que nun taben solos… Habia mayorones pel mediu y eso queda feu…. Sobre tou porque yeren soldaos profesionales.

Pa min que los que protesten y ponen el glayíu nel cielu enquivocaron la pisada. A los neños nun va pasayos nada por pasar una tarde xugando a la guerra… A lo meyor lo qu'había qu’entrugase ye si paga’l tiru tener soldaos que nun faen otra cosa que xugar como los neños… Y non precisamente una tarde, sinón tolos díes del añu.

Milio Mariño

El conciertu ciclotímbricu

La mio collaboración de los xueves nel programa de la RPA Noche tras Noche

El mi lio d'esta selmana ye por un conciertu que llamen ciclotimbricu y protagonicen trés músicos asturianos, Diego, Pedro y Anibal, que lo anuncien pa esti sábadu, a les doce y media la mañana, na Llaboral Centru d'Arte.

Estos chavales pretenden, al paecer, facer música utilizando partes y pieces sueltes de bicicletes… Instrumentos, de fabricación propia, como'l “timbrafonu” o la biela gamba”, que suenen a dalgo paecíu a lo que faen Les Luthiers'.

Nun duldo de la ilusión y les bones intenciones d'estos rapazos que nun se conformen colos instrumentos clásicos que tresformen en música les idees de Mozart y de Beetowen. Soi cosciente de que, si nun esperimentaremos coses nueves, de xuru que la botella d'anís, la zambomba, l’almirez y el culu la sartén nun seríen instrumentos popularmente aceutaos. Por eso qu’esti camentariu nun pretende, nin muncho menos, poner en custión la música que puea salir del timbre, les bieles o'l sillín d'una bicicleta sinón contribuyir a informar, modestamente, sobre l'usu d'oxetos a manera d’instrumentos, o siquier como elementos puntuales nuna composición musical… Dalgo que nun ye nuevu.

Yá, Erik Satié introduxo, en 1916, fai agora 100 años, dellos oxetos ruidosos, como bocines modificaes, na so composición titulada Parada. Y, escontra la mesma dómina, tamién Charles Ives esperimentó col usu musical de máquines d'escribir, y robló una risondera composición titulada, Machín a Ecriré. En fecha más recién, nel 2001, Claudio Prieto, fixo una composición pa voz y orquesta, na qu'utilizó, per primer vegada, como instrumentu, un grupu de teléfonos móviles. Y Stockhausen llegó, inclusive más alló. Llegó al estremu de componer y entamar un conciertu tituláu Cuartetu pa helicópteros, nel que, como ye fácil aldovinar, intervinieron cuatro helicópteros en vuelu.

Por eso que nun veo mal qu'esos tres rapazos asturianos quieran esperimentar dándonos un conciertu con instrumentos fechos con pieces de bicicletes. Espero que’l sábadu pela mañana la Llaboral centru d'Arte tenga xente a maza.

Yo nun voi dir pero non por nada… Tampoco quiero dar la esculpa fácil de que non se m’arregla. Ye, simplemente, que los mios gustos, en cuantu a música esperimental son mui particulares.

De tolo que vi perhí, barrunto que lo que más diba prestar ye la composición 4,33, de John Cage. Una composición na que l’únicu que s'escucha, a lo llargo de los cuatro minutos trenta y tres segundos que dura, ye’l silenciu. Asina foi interpretada va pocu pola Sinfónica de la BBC de Llondres. Los músicos tuvieron, 4 minutos 33 segundos, colos instrumentos n'alto dexando que'l protagonista fuera'l silenciu.

Eso igual me prestaba, pero son coses míes… Chifladures. Asina que muncho animo pa esos chavales que presenten, na Llaboral, esi conciertu con instrumentos fechos con pieces de biciletes. Avante con ello. Y que si dalguién yos diz que la música faise con instrumentos como’l violín ol pianu, non vos agurriéis… Returcar: Monta equí y da pedal.

Milio Mariño

La Ley del más débil

Milio Mariño

Tenemos la mejor patada para tu culo, cantaba La Polla Record en un disco, de 1990, titulado “Jubilados”. Un disco premonitorio, pues no sé yo si sus señorías no se habrán inspirado en el para discurrir y aprobar una ley que incompatibiliza cobrar una pensión de la Seguridad Social y percibir otros ingresos o subvenciones.

La citada ley había pasado desapercibida hasta que los escritores empezaron a levantar la voz denunciando que si sus ingresos, por venta de libros o derechos de autor, superaban el salario mínimo, perderían la pensión. Pero esa ley no fue hecha, solo, para los escritores. Hace un par de semanas supimos que una viuda de Gijón, que vive en un piso cuyo edificio ha recibido una subvención para rehabilitar la fachada, perderá el complemento que le permitía cobrar la pensión mínima. Es decir, pasará a cobrar 234 euros al mes, pues el resto, los 400 que percibía como complemento, le serán descontados ya que la Seguridad Social entiende que cobrar esa cantidad, y haberse beneficiado de la subvención para rehabilitar la fachada del edificio donde vive, supone abusar y aprovecharse del Erario Público.

El primer impulso fue consultar, en internet, la opinión de algún jurista famoso, pero como empecé citando una canción decidí seguir con la música y encontré una sentencia de Rubén Blades que me pareció apropiada: “Si naciste para martillo del cielo te caen los clavos”.

Eso lo explica todo. Explica que la Seguridad Social, con la ayuda de Hacienda, interprete la Ley así y vigile que se cumpla. No crean que el caso de la viuda de Gijón es el único. Hay otros muchos que, quizá por tratarse de jubilados, no ocupan las portadas de los periódicos. Ahí está lo que le sucedió a Ángel Seco, un jubilado de Ciudad Real que por participar de figurante, el sueño de su vida, en varios capítulos de una serie de televisión, percibió, por diez días de rodaje, un total de 400 euros, en concepto de desplazamiento y manutención. Pues bien, pasado un tiempo, fue requerido por la Inspección. Y, el hombre, acudió dispuesto a devolver los 400 euros, pero le dijeron que la cosa no iba así, que ya le notificarían la sanción. Poco después recibió, por carta, una multa 12.234,76 euros, un mes de pensión por cada día de rodaje.

Recordarán lo mucho que criticamos a la abogada del Estado cuando dijo aquello de que Hacienda no somos todos. Dijo la verdad. Hay que ver el celo con algunos y el poco esfuerzo con otros. No solo esa ley de la Seguridad Social es absurda e injusta, sino que cuando vigilan el cumplimiento de las leyes parece que centran sus esfuerzos en la parte de la población más débil y con menos rentas. Debe ser que resulta más fácil “cazar” al pequeño contribuyente que al adinerado… Y, por supuesto, también es más fácil cobrar.

Concluyo como empecé. Ya ven, hoy me ha dado por la música... Lo digo porque mi consejo, a la viuda de Gijón, es musical, que nadie piense lo contrario. El consejo es que se relaje y escuche a Rubén Blades. La canción es preciosa: …“Mientras camina, del viejo abrigo saca un revólver… Esa mujer… Iba guardarlo en su cartera pa que no estorbe… Un 38 Smith and Weston del especial…. Que carga encima pa que la libre de todo mal”…

Milio Mariño / Artículo de Opinión / Diario La Nueva España

¿Ciudá Astur o Conceyón?

La mio collaboración de los xueves nel programa Noche tras Noche de la RPA

El mi lio d'esta selmana vien dau por esa propuesta que, a mediaos d'esti mes de marzu, fixo'l Presidente del Principáu.  Eso qu’ellos llamen Área Metropolitana d'Asturies y nós vamos llamar El Conceyón. Un mega Conceyu qu'arrexuntaría a 29 Conceyos, de la área central, y al 85 per cientu de la población asturiana.

La idea nun ye nueva, yá tien unos años. Que, agora, la saquen del bagul y vuelvan ponela sobre la mesa, quiciabes se deba a que Javier Fernández y los suyos nun tienen otra cosa que facer y alcordáronse d'aquella aldega de la Galia na que centren les sos andances Asterix y Obelix. Una aldega que, por ciertu, naide sabe cómo se llama nin onde ta asitiada, pero aguanta l'asediu de los romanos. Vuélvese invencible, en bona midía, por cuenta d’una pocima máxica, un bebedizu que bien podía ser la sidra. 

Les semeyances son munches. Sobremanera si tenemos en cuenta qu'unu de los principales protagonistes ye'l bardu Asuranceturix, qu’acompañase d'una gaita  y siempre va peináu mui curiosu.

Esto del Conceyón yá salió a información pública y va tar nos tablones d'anuncios los próximos dos meses, períodu mientres el cuál van entamase xuntes, presentaciones y actos col fin de favorecer la participación ciudadana.

Too mui guapu si nun s'aldovinara imposible y cuntara, amás, col deveniente de que les zones oriental y occidental d'Asturies podíen convertise en dos reserves indíxenes que, supongo, seríen les encargaes de caltener la nuesa cultura y l'enllaz, espiritual, col pasáu.

Barrunto que ye imposible porque los que faen la propuesta saben, de sobra, que nun va llevase a efeutu. Diz Fermín Rodríguez, caderalgu de la Universidá d'Uviéu y promotor de  Ciudá Ástur, que namás se trata de  reconocer la nueva forma de la ciudá, pa poder xestionar meyor esa realidá.

Yá, pero les árees metropolitanes que s'intentaron hasta agora, Madrid  y Valencia, fracasaron. La única que, al paecer, funciona a medies, y con una llei autonómica que la sofita, ye la de Barcelona, qu'acaben de recuperala dempués d'un intentu anterior fallíu. Total que lleven nello 50 años, ya inda tán empezando.

¿A qué vien, entós, plantegar esa propuesta si toos sabemos que nengún Conceyu va renunciar a denguna de les sos competencies? Si, resulta que dalgo más cenciellu, como los Consorcios y les Mancomunidaes fracasen de toes toes. Nun hai una que funcione. A lo meyor, igual tendríen qu’entamar perhí. Amás, si llograren eso del Conceyón… que sería'l 85 % d'Asturies… ¿Qué falta fai un Gobiernu Rexonal y unos parllamentarios autonómicos? Con un Alcaldón tenemos de sobra.

Pa mi que va tener razón un paisanu, que va trenta años, cuando entamó la Xunta del Principáu, empeñábase en dicir… Ye que la Conserxería…. D'aquella, yo mialma creía que'l paisanu confundíase y en cuenta dicir Conseyeru, dicía Conserxe… Pero’l paisanu sabía lo que dicía.

Milio Mariño  / El Mi lio selmanal