Les Candeles n’Asturies y La Marmota nos Estaos Xuníos

Milio Mariño
El mio camentariu de los xueves nel programa Noche tras Noche de la RPA

El mi lio d'esta selmana ye por una coincidencia… Ye pol aquello de que'l dos de febreru, el llunes que vien, coincide qu’equí celebramos Les Candeles y nos Estaos Xuníos la fiesta de la Marmota. Dos fiestes qu'a pesar de la distancia y lo distintos que son los protagonistes paécense muncho. Les dos celebren que yá llegamos a la metá del iviernu y convién saber si'l fríu va pa llargu o podemos dir preparándonos pa la primavera.

La coincidencia inda ye mayor cuando vemos lo que se tien en cuenta pa facer la predicción. En dambos casos si esi día, el 2 de febreru, fai sol significa que tenemos iviernu pa ratu. Pero si llueve, ñeva o ta borrinosu entiéndese que lo más duro yá pasó.

No único que nun se paecen ye en quien fai la predicción. Nos Estaos Xuníos válense d'una marmota que, públicamente y nuna ceremonia de muncho buatu, faen salir de la lluriga y esperen a ver pa onde tira. Si fai sol y ve la so solombra, l’animalín vuelve a metese na lluriga y ye señal de que queda muncho iviernu pero si ta borrinosu, y nun la ve, queda fuera y sinifica que vamos camín de la primavera.

N’Asturies nun precisamos d’animal nengunu, facémoslo nós mesmos aplicando un vieyu refrán: Cuándo la Candelera llora, (llueve) l’iviernu ta fora; cuando la Candelera ri, (fai sol) l’iviernu ta por venir.

Los fundamentos de la predicción vese que son los mesmos a pesar de l'alloñanza y lo distintes que puean ser la forma de vida y la cultura. El secretu ye que comparten orixe. Les dos son fiestes agrícoles que festexen les hores crecientes de lluz solar y l'entamu del nuevu ciclu agrariu. Les dos ñacieron como homenaxe de los romanos al dios Pan. Homenaxe que consistía en que dúrante tola nueche, los devotos d'esta divinidá pagana, percorríen les cais de Roma ximelgando candeles.

Los cristianos aprovecharon esi festexu, como fixeron con otros munchos, pa honrar a la Virxe, estableciendo que cuarenta díes dempués del ñacimientu del neñu había que llevalo al Templu pa presentalo al Señor y proceder a la purificación de la madre. Cosa que se facía a media nueche con veles encendíes, candeles, como símbolu de purificación.

La fiesta de Les Candeles, qu’ellí llamase de la Marmota, foi llevada a los Estaos Xuníos por emigrantes irlandeses y alemanes que reparaben no que facía'l melandru nel so xoril pa saber cuándo teníen qu'empezar a cultivar les tierres.

Les Candeles celébrense, que sepamos, nel pueblu La Braña, conceyu del Franco y en Ventosa, San Román de Candamu, onde l'asociación de Vecinos anuncia que, un añu más, habrá comida con un fantásticu menú a 20€ y dempués baille con orquesta. Ye la primer fiesta del añu y, al contrariu de lo que se deseya pa cualesquier otra, óxala faiga mal día. Significaría que lo más duro del iviernu yá pasó.

La madre del Papa y la de los asturianos

Milio Mariño
La mi collaboración de los xueves nel programa Noche tras Noche de la RPA

El mi lio d'esta selmana vien por esa frase que dixo'l Papa. Por eso de que si dalguién nomaba a so madre podía llevar una morrada.

Hai xente que tomó a cuentu risa que'l Papa falara asina. Xente que, seguramente, tará d'alcuerdu con poner llendes a la llibertá d'espresión y aprovechó les pallabres del Papa pa meter nel mesmu sacu lo que pue ser una ofiensa personal y lo que les relixones consideren blasfemia. Coses que son dafechu distintes y nun convién entemeceles.

Por eso que nun-y veo la gracia a lo que dixo’l Papa. Por eso y porque, como asturianu, toi obligáu a reprocha-y qu’amenace con dai una morrada al que s'alcuerde de so madre. Non pol aquello de poner la otra mexella, qu’eso alló los católicos, sinón porque’l Papa debería saber que los asturianos somos los primeros n'alcordanos de la nuesa madre cuando les coses se tuercen. De mou que si n'Asturies siguiéramos el so conseyu tendríemos que danos una paliza diaria. Cosa que nun socede nin quiera Dios que soceda.

Ye bien sabíu que los asturianos tenemos por vezu dicir cago en mi madre. Y, a lo meyor nun cuadra ponelo como exemplu d'educación y bones maneres pero si de tolerancia y respetu porque somos nós mesmos los que decidimos insultanos enantes d’insultar al que tenemos enfrente.

Pa min que nun se valora como debiera lo de caganos na nuesa madre enantes d’alcordanos de la madre de naide. Anque buenu, ye xustu reconocer qu’esi vezu nun surdió llibremente sinón forzáu poles circunstancies. Vien de cuando la dictadura franquista. Y yá sé lo que vais dicime, que ye mui fácil echa-y la culpa al réxime anterior. Habrá coses nes qu’igual non la tien pero nesta si. Y vais ver por qué.

Enantes de que Franco ganara la guerra, lo normal, pa los asturianos, nun yera cagase en so madre, yera cagase en Dios. Non porque fuéremos xabaces sinón porque cuando unu da una martellada nun deu nun aveza a desafogase diciendo Recorcholis o Cástipa… Recurre al cagamentu supremu.

El casu que depués de la guerra, col réximen dictatorial ya católicu qu’impuso Franco, si la Guardia Civil oyía a dalguién cagase en Dios llevábalo al cuartel… Y ehí sí que se cagaba… Cagábase poles pates abaxo de la paliza que-y daben. Por eso aquellos asturianos, que de tontos nun teníen un pelu, camudaron el cago en dios pol cago en mi madre, porque asina llibrábense de problemes y nun ofendíen a naide.

La prohibición de cagase en Dios tamién dio pasu a que los asturianos escurrieron otros cagamentos más suavinos ya prestosos. D’aquella ñacieron: Cago na vi llorando, Cago en Ros, Cago nes pites roxes, Cago na santa fesoria, Cago en mio máquina, Cagonmimantu… Cagamentos que si los alcuerdo y los traigo equí nun ye pa evitar una morrada del Papa sinón porque puen dicise, en cualquier sitiu, ensin ofender a nenguna relixón, institución o persona.

Podemos, piensan algunos

Milio Mariño

Nunca había tomado en serio que la historia se repite, que los grandes hechos y los grandes personajes vuelven por segunda vez. Es más, no sabía que fuera una frase de Hegel ni que Marx la hubiera completado añadiendo que cuando se repite acaba siendo una farsa.

No lo había tomado en serio porque, cuando eres joven, piensas que todo está por venir. Luego, según van pasando los años, empiezas a sospechar que hay cosas que ya has vivido y pones cara de escéptico si te hablan de algo nuevo y maravilloso que llega para cambiarlo todo a mejor.

Tal vez por eso, y porque uno ha vivido lo suyo, recuerda que después de la muerte de Franco, y de las colas interminables delante de su cadáver, con algún saludo fascista incluido, éramos apenas cuatro los que estábamos en el ajo de la lucha por las libertades. Éramos tan escasos que casi todos nos conocíamos, pero de pronto, como por arte de magia, aparecieron miles de personas que no solo decían que siempre habían sido demócratas sino que también reclamaban un pasado de izquierdas que habían mantenido en secreto, imagino que para no quitarnos protagonismo.

Salvando un trecho que tiene cuarenta años de ancho, hay indicios de que, quizá, esté ocurriendo lo mismo. En apenas seis meses, un partido como Podemos, que nadie sabe muy bien qué es, ha superado al PSOE en número de afiliados y se ha convertido en el preferido de millones de españoles. Las encuestas así lo señalan, de modo que no creo que sea una impertinencia preguntar dónde estaba toda esa gente. Convendría saberlo porque si dicen que votaban al PSOE o a IU no salen las cuentas. ¿Qué hacían entonces? ¿Votaban a la derecha? ¿Quedaban en casa y pasaban de todo?

No descarto, tampoco, que quienes anuncian que votarán a Podemos estuvieran en una nebulosa y despertaran a raíz de las propuestas de un líder que supo crear ilusión. Algo parecido a lo que sucedió en 1982. Por eso empezaba diciendo que hay quien sostiene que la historia se repite. De todas maneras, suponiendo que fuera así queda lo más sorprendente. Queda saber dónde estaban los cientos, miles, de personas que se están postulado como dirigentes y aspiran a ser candidatos en las próximas elecciones.

Para esta segunda pregunta no encuentro ninguna respuesta aceptable. No la encuentro porque hasta hace nada, prácticamente todos los que se están postulando como candidatos, renegaban de la cosa pública y tenían a menos meterse en política. ¿Cómo cabe entenderlo entonces? ¿Son vocaciones tardías o también se trata de luchadores y revolucionarios de toda la vida que ocultaban su condición para no liarla y que esto pareciera Siria?

Las preguntas no se hacen poniendo en cuestión la necesidad de un giro a la izquierda que suponga un vuelco de la situación política. Todo lo contrario. Las preguntas se hacen pensando en los que se están subiendo al carro porque ven la marcha que lleva y piensan que lo tienen a huevo para llegar y besar el santo. Surgen porque se desconfía de los vagos sociales arrepentidos, los luchadores ocultos y las vocaciones tardías. Por ahí es por donde suelen colarse los oportunistas y los trepas. En eso también la historia se repite. Y aunque sea a costa de quitarle la razón a Marx, me gustaría que no acabara siendo una farsa.

Milio Mariño / Artículo de Opinión / Diario La Nueva España

Tantu da la crisis que la Yihad, la receta ye siempre la mesma

Milio Mariño

La mio collaboración de los xueves nel programa Noche tras Noche de la RPA.

El mi lio d'esta selmana yá lo podéis imaxinar… Ye pa camentar lo que traen ente manes los llíderes políticos y los Gobiernos d'Europa dempués del atentáu terrorista de Francia. Ye un lio tan gordu qu'entama con esa semeya na que se ve a los Presidentes de los Gobiernos solos y alloñaos de la xente, del millón y mediu de persones qu’asiste a la manifestación, y acaba cola mentirona de que la democracia deféndense poniendo más policía y recortando les llibertaes.

Eso ye lo que dicen… Y, nesi sentíu, estos díes apuntaron unes cuantes idees que podíen presentales al premio bombiélla. Gánabenlo de llargu porque son tan orixinales que les idees van dende eliminar el Wasap y acutar y controlar internet a volver plantar les fronteres, pasando pola propuesta d'esi atleta mental que tenemos por ministru del interior, Jorge Fernández Díaz, que quier poner en marcha una rede de confidentes, ente profesores, médicos y trabayadores sociales, col aquello de que se chiven cuándo barrunten que dalgún mozu musulmán simpatiza cola Yihad.

Viendo lo que discurren, mialma paez que nun tenemos escapatoria… Que los terroristes en plan cabrón y los gobiernos en plan fatu van facenos la vida peor y más triste.

Falen muncho de defender la llibertá, pero la estratexa de los Políticos sofitase nuna mentira y nun imposible. Na mentira de que pa qu'haya más seguridá tien qu'haber menos llibertá y nel imposible de que toles cultures que nun sean la occidental arrenuncien a ser lo que son. Entienden la integración como que la xente que vieno de perhí pallá y los que yá tan equí, aceuten que son mano d'obra barato y que cuando la economía se tuerce tienen que coyer la puerta y colar por onde vinieron.

Llenase-yos la boca diciendo que nun son racistes pero, nel fondu, ye lo que piensen. Y la preba son los guetos que se crearon nes grandes ciudaes y lo que medró la xenofobia. Ehí ta’l problema… Eso ye lo que favorez que xorrezan el terrorismu y los estremistes. Y si a eso amestamos lo que fixo y fai Europa, xuntu con Estaos Xuníos, en Siria, Iraq y el restu países del norte d'África, tenemos la esplicación completa.

Por eso pidimos que non mos engañen cola puesta n’escena. Que nun faigan el paripé de sacar la policía y l’exércitu a la cai, pa que paeza que nos protexen, porque, amás de ser mentira, nun arreglen el problema. Asina, con más policía y menos llibertaes nunca s’arregló nada. Pero, polo visto, ye lo únicu que se-yos ocurre. Seya lo que seya tou lo arreglen con más policía y menos llibertaes. Ye la receta pa tou, lo mesmo pa la Yihad islámica que pa les protestes de los desahuciaos y los yayoflautes.

Vuelvo a creyer nos Reis (Magos)

Milio Mariño
La mio collaboración de los xueves nel programa Noche tras Noche de la RPA

El mio lio d'esta selmana, de la primer selmana entera de 2015, ye que vuelvo a creyer nos Reis Magos. Ríndome ante la evidencia. Nun vayáis pensar que me dio una tontura o que los Reis me traxeron tou lo que pidía. Nada d'eso… Son bien sensatos. Traxéronme lo que correspuende a un paisanu de la mio edá: Tres pares de calcetos, dos calzoncíos y una bufanda a cuadros.

Lo que me fixo volver a creyer nellos vien per otru llau. Vien porque mercar regalos volvióse cosa de maxa. Tas tranquilamente en to casa, teclies la direición d'una tienda online, que ye como mandar una carta a los Reis, entres de forma virtual nesa tienda, cueyes el regalu, ensin coyer nada, méteslo nuna cesta, que nun pesa nin causa nengún engorriu, escribes los datos personales ya bancarios, pulsies una tecla y llistu. A los dos o tres díes apaez un señor nuna furgoneta, que vien ser la versión moderna de venir en camellu, y apúrrete un paquete colo que pidisti. Dátelo ensin que tuvieras que sacar la cartera nin apoquinar en caxa l'importe de lo mercáu. Allá'l bancu s’entienda y pague con un dineru que, en teoría, ye tuyu. Digo en teoría porque anque figure al to nome ye'l bancu quien lu tien y lo manexa.

Yá sé lo que vais dicime, que lo de facese regalos a unu mesmu ye bien antiguu. Sí que lo ye pero non como dixi. Amás nun sé si sabéis la última. La última ye un inventu que llamen wish list, una llista de deseos qu'ellabora un programa informáticu, en base a los tos gustos y les tos aficiones. En base a eso, a los tos llibros preferíos, la to música, lo que faigas nos ratos llibres y coses asina, el programa fai una llista de lo que te prestaría que te regalaren. Vien ser como tener un amigu invisible, pura maxa. Pones los datos, teclies aceutar y yá s'encarga la máquina d'unviate un regalu.

Dicen los espertos que la wish list va marcar un antes y un dempués. Y yo créolo. Namás hai que dase d'alta nel sistema y esperar que llegue'l momentu. La máquina encargase de too, sabe inclusu cuando ye'l to cumpleaños. Y non lu escaez, como suel asoceder colos parientes y dalgunos amigos.

Viendo estes coses nun y’estrañu q’un paisanu de la mio edá vuelva a creer nos Reis Magos. Si lo piensa un pocu, vive fora de la realidá… Yo, mialma lu pensé… Y acabé de confirmalo, ayer mesmu, cuando una señora que tomaba café al mio llau, díxo-y al camareru que los Reis traxéren-y lo que'l médicu-y recetara como lo meyor pa la depresión.

Col envís d’enséñalo, la señora metió la mano nuna bolsa que tenía a los pies… ¿Y qué creéis que sacó?... Eso pensaba yo… Pero nun sacó un frascu pástielles… sacó un perru.