¿Los catalanes son, daveres, pazguatos o sedrá que se volvieron lluellos?

Milio Mariño

Llámame l'atención que la respuesta a la situación de Cataluña y a la situación d'España, los asuntos más importantes que vive'l país, non solo sía distinta sinón contrapuesta.

Mientres nun casu ye'l pueblu'l que se manifiesta, frente al Congresu, pidiendo un cambéu radical nel quefer políticu, nel otru, el de Cataluña, son los políticos los que dirixen la revuelta.

¿Somos tan distintos? ¿Los catalanes son, daveres, pazguatos o sedrá que se volvieron lluellos?

Camiéntolo por qué, en Cataluña, lloñe de cuestionar lo que dicen, faen y proponen los políticos, dalgunos d'ellos chiscaos por casos de corrupción y responsables de retayar l'Estáu del Bienestar más inclusive que nel restu d'España, la xente suscribe lo que dicen y paez encantada coles sos propuestes.

Los catalanes entraron al trapu de los sátrapes y vividores qu'ostenten l'alministración del poder y aspiren a perpetuase, enmazcaritando les sos canallaes col chivu espiatoriu de que somos los españoles los que tenemos la culpa de too. Y los catalanes dan-yos la razón.

¿Va ser que son tontos? Yo creía que non, que yeren inclusive bien llistos pero agora yá tengo mios duldes. Lo bono del casu ye que falten apenes dos meses pa que s'esaminen y sepamos cómo anden d'intelixencia.

El puru de Rajoy

Milio Mariño

A min, que Rajoy fume un puru, pasiando por Nueva York, frente al Radio City Music Hall, non me paez mal. En tolos trabayos se fuma. Otra cosa ye qu'intente azorronalo. Qué tape'l puru cola mano y, envolubráu na fumareda del habanu, diga que los millones d'españoles que'l martes nun se manifestaron ye que tán al so favor.

Mire señor Rajoy, por min pue fumar, si quier, tres caxes de Faries, de les que facíen en Xixón, pero tontures les xustes.

De tontures yá ta bien. Yá va, abondu, sobráu. Yá devasó'l cupu de llamase a andana y poner los pies en Polvorosa cuando les coses se ponen fees. Yá lo vimos dicir que yera usté el que presionaba a la UE, enantes de viaxar alló alantrón pa esfrutar colos goles de la selección y agora vémoslo fumando un puru, poles cais de Nueva York, enantes de dicir, na ONU, que sofita l'Alianza de Civilizaciones, aquel inventu de Zapatero que tanto criticó y del que fixo bona risión.

Pa esos viaxes nun faen falta alforxes. Pa facer el tontu meyor facelo en casa. Si-y apetez dase un garbeu pue dir de la Moncloa a Alcorcón. Salnos más baratu a nós y usté aforrase la paliza del avión.

Esperanza solu sabe baillar cha cha chá.

Milio Mariño

Hai que pena me das, Esperanza por dios…

Dicíalo Machín, naquel famosu cantar. Y, equí, yera cuestión de tiempu que cantaren cha, cha, chá. A la fin va saliendo la verdá. Y lo que te rondaré morena porque, adulces, vamos dir conociendo detalles de lo que yá barruntábemos, qu'Esperanza Aguirre nun dimitió por causes personales nin por enfermedá, dimitió porque Rajoy obligóla a dimitir, dempués del duru enfrentamientu que caltuvieron los dos, el pasáu 4 de setiembre, nel despachu del Presidente na cai Genova, onde s'oyeron voces ya insultos de la llideresa que nun son pa reproducir.

La causa del enfrentamientu fueron los alcuerdos qu'Esperanza asumió unillateralmente col grupu que quier construyir Eurovegas, qu'entepasaben notablemente les sos competencies, comprometiendo a dellos Ministerios y dexando a Rajoy como mera comparsa nesti ensundiosu negociu.

Con too, l'espolín nun foi solu por celos políticos sinón porque nesta rodiella anden metíes delles families del PP: L'home de Cospedal, el xenru d'Aznar… Soraya, Gallardón… Y cada familia quier sacar tayada. De cuenta qu'a non muncho tardar vamos dir conociendo detalles de la griesca familiar y de los intereses, mamandurries y pretensiones de cada cuál.

Los Diputaos nun quieren enterase de lo que val un peine

Milio Mariño

Ayer mesmu, concidiendo cola protesta del 25-S, tratábense nel Congresu les partíes de los Presupuestos Xenerales del Estáu que recueyo de siguío y que, mialma, nun solucionen el problema económicu pero que sigan conseñando, pal 2013, dellos privelexios demuestra que los nuesos Diputaos y Diputaes entá nun s'enteraron de como ta'l patiu y de que nun tamos dispuestos a siguir tragando sapos y culiebres.

La Cámara Baxa va gastar el próximu añu 6.750.000 euros en viaxes, 19.285 euros per diputáu. Esti capítulu de desplazamientos nun inclúi dietes, inclúi los trayeutos n'avión, tren y los peaxes de les autopistes. El kilometraxe, 600.000 euros al añu, va aparte y, per primer vegada, inclúyese una partida de 30.000 euros p'abonar l'aparcamientu nos aeropuertos, a pesar de qu'acútense otros 850.000 euros pa taxis (cada diputáu cunta con una tarxeta de taxi con un saldu de 2.500 euros).

Capítulu aparte merecen les multes qu'anicien los vehículos oficiales, que van ser abonaes pol Congresu, pa lo cuál inclúyese nos Presupuestos una partida de 7.000 euros, la mesma qu'en 2012.

Habrá quien piense que son gastos necesarios y que criticar esto ye dir contra la democracia pero a mi paezme que, siendo como ye'l chocolate del loru, basta y sobra pa demostrar que los nuesos diputaos y diputaes viven d’espaldes al pueblu.

Vuelven los virus y los pioyos, como tolos años, en setiembre.

Milio Mariño

A la vuelta de vacaciones atópome con que la Conseyería del Principáu tien inmovilizaes 18 vaques, pol aquello de qu'una d'elles tien el mal de les vaques lloques, y tamién con que nel Reinu Uníu acaben de detectar un nuevo virus, el SARS, síndrome respiratoriu agudu y grave.

Nos dos casos, dicen les autoridaes que, de momentu, nun hai qué preocupase, que van esperar a ver como evoluciona l'asuntu.

Si vos digo la verdá tampoco m'estraña muncho, tamos na seronda y en, seronda, vuelven los virus, como los pioyos a los colexos. Lo que m’estraña ye que too seyan virus. Si andes mal del estómagu virus, si tienes cagalera virus, si espirries y tuses virus…

A lo meyor, qué sé yo, estu de que los virus vuelvan en setiembre tien dalgo que ver colos productos que sollivien y curen los 300 virus de la gripe qu'anden por ehí al debalu. L'Amantadina, por exemplu, foi un productu aprobáu pola FDA (l'axencia estadounidense de la melecina) en 1976, y la so patente ta vencida, polo que pue adquirise muncho más baratu.

Una caxa d'Amantadina cuesta 3,15 euros. Una de Tamiflú 17,39 euros. Claro que Tamiflú ye de Roche. Y quiciabes por eso, por ser de-Roche, ye'l que más utilicen tolos Gobiernos.

Nun sé a vosotros pero a min chóquenme les concidencies. Chocame que los virus y los pioyos vuelvan, tolos años, en setiembre.

Lo duru y lo blando a propósitu de Rajoy y Merkel.

Milio Mariño

Vaya rodiella que me formé con eso de que Rajoy, echando mano a les midíes dures que tomó, intentare convencer a Merkel, pa que-y concediere un rescate blandu. Vaya llío del copón colo blando y lo duru, con que si ye más fuerte, o meyor, unu qu'otru.

Si me dieren a escoyer yo escoyería un rescate duru y unes midíes blandes pero nun soi Rajoy y, a lo meyor, él fa-ylo al aviesu por inorantón. Porque nun sabe que l'agua ye más fuerte qu'un peñascu nin que l'amor pue cola durez hasta dexala como la repla.

Tampoco tien de saber, porque nin él nin Merkel, debieron lleer a Nyce, que'l poder blando ye la capacidá d'atraer y convencer, mientres el poder duru consiste en forzar y coaccionar utilizando'l dineru como mediu de coacción.

Rajoy pue siguir, si quier, presumiendo de dureza pero asina como lo llargo y lo curtio fórmense unu del otru y l'asosiegu acaba sometiendo a lo nervioso, lo tienru y lo débil siempre acaben venciendo a lo duro, por más que lo duro azorrone y trate de faese'l fuerte.

El retratu d'Ávarez Cascos

Milio Mariño

Nun sé yo sí por que la cosa ta mal, de verdá, o por vengación, el Ministeriu de Fomentu decidió rescindir el contratu que tenía col pintor Antonio López pa que-y fixera un retratu a Álvarez Cascos que, según lo roblao, diba salir por 190.000 euros.

Una vez aprobáu l'encargu, ye’l retratáu el qu'escueye al pintor y Cascos escoyó a Antonio López, el maestru del hiperrealismu, con quien va tiempu charré nun par de vegaes y tuvi l'honor de que me punxera al tantu del so viaxe de novios, que fixo a Mieres, cuando la fuelga del 62, agospiándose en casa d'una cuñada, porque nun tenía dineru.

Ana Pastor diz que Cascos yá foi retratáu cuando yera vicepresidente del Gobiernu, y que dos retratos en sede ministerial igual abulta escesivu.

Pa nun entrar en polémiques, Antonio López, que ye tan bon pintor como humilde, candial y bona persona, manifestó que va facer el retratu anque nun-y lo paguen. Queda por ver onde lo van colgar, si nel Ministeriu Fomentu o Cascos piensa donalo pa que lo cuelguen nel Principáu.

Un grafiteru de 72 años fai lo que un faen les autoridades y manda la llei qu’hai que facer.

Milio Mariño

José Gallego, un mecánicu xubiláu, de 72 años, que vive en Aspe, Alícante, foi pilláu con un esprái na mano y xubíu a una escalera tachando los símbolos franquistes de la ilesia del so pueblu.

Al policía que lu detuvo intentó esplica-y que nun yera un gamberru, que taba, namás, aplicando la llei qu'obliga a retirar tolos símbolos franquistes. Una llei que, na so opinión, primero l'alcaldesa del PP y agora l'alcalde del PSOE, decidieron nun aplicar porque tienen mieu a la ilesia.

José Gallego ta agora imputáu por un delitu contra'l patrimoniu histórico y cultural y enfréntase a una pena que puede dir d'unu a tres años de cárcel y a una multa gorda por daños. Nel so descargu diz que n'Alemaña va tiempu que yá nun hai nengún símbolu de Hitler y pregúntase por qué España ta llena. Por qué esa resistencia.

Nun puedo tar más d'alcuerdu contigo José, paezme perbién que tachares la referencia al franquismu y respetares la cruz como símbolu de los cristianos. Yo tamién me siento traicionáu por toos esos cobardes y vividores, d’esquierdes y de dereches, que tienen mieu d'aplicar la llei.

La de Covadonga fue una batalla fiscal

Milio Mariño

La manía de andar releyendo la historia, aunque sea cosa de viejo, hace a uno más joven, pues he descubierto que leo de otra manera y qué quizá sea esta la más adecuada. En realidad leo lo mismo, la diferencia consiste en que añado la hipótesis de lo que pudo ser y, de la fe casi patriótica, paso al consejo del gran Argensola, aquel poeta que dijo: “Este cielo azul que todos vemos no es cielo ni es azul, ¡lástima que no sea verdad tanta belleza!”.

Tenía razón el poeta, así es que cuando vuelvo a leer la historia tomo mis precauciones, no me creo todo al pie de la letra, ni tampoco lo que algunos historiadores comentan con esa actitud, entre sonriente y zumbona, con la que dan a entender que saben más de lo que dicen pero que, para nosotros, el público en general, es suficiente.

No se trata, aquí, de saber más o menos. Uno sabe lo que sabe y cree tener el buen gusto de no falsear su ignorancia. Contando con eso, sucedió que en vísperas de esta semana repasé unas notas que había tomado a propósito de ciertos tópicos que no está de más recordar, aunque solo sea para desempolvarlos o quitarles el moho. Entre esos tópicos estaba el que se refiere a la batalla de Covadonga y, por añadidura, a la Santina y al 8 de septiembre, fecha en la que puede parecer que se conmemora la sublevación de los astures, la supuesta aparición de la virgen y el inicio de la reconquista, pero ni la fecha es la que dicen ni el motivo de los sucesos es lo que habitualmente se cuenta.

La primera sorpresa la llevé yo, y la importancia, de acuerdo con mis convicciones, no me pareció traumática. Confirma la sospecha de que cuando algo, por sí solo, no logra explicarse aparece lo coherente, que suele ser sencillo y fácilmente asumible.

Cada cual puede fantasear sobre los hechos, el significado y la trascendencia, pero el 8 de septiembre no se corresponde con la sublevación de Pelayo ni con la batalla de Covadonga, sino con la fecha en qué el Rey Alfonso XIII y la Reina Victoria, inauguraron el Parque Nacional de la Montaña de Covadonga, otorgaron a Cangas de Onís el titulo como la más grande capital y más pequeña ciudad, y asistieron a los actos de coronación de la virgen.

La batalla de Covadonga tuvo lugar el 28 de mayo del año 722. Pero eso sería lo de menos, lo grave es que tampoco coincide el motivo. El causus belli no fue alzarse contra el invasor para recuperar las tierras que los musulmanes habían arrebatado a sus antiguos pobladores, lo que desencadenó la rebelión, y la posterior batalla, fue la negativa de los dirigentes astures a pagar más impuestos.

Curiosamente hay discrepancias en cuanto al número, a si fueron 300 o 140.000 los que intervinieron en la batalla, pero los estudiosos coinciden en qué el motivo de la rebelión no fue la reconquista de las tierras ni la defensa de la fe cristiana, fue que los astures consideraban abusivos los nuevos impuestos que querían imponerles los árabes. Por eso se rebelaron. Ahora, lo de si se les apareció la virgen e intercedió, con su ayuda, para que derrotaran a los avariciosos recaudadores, cada cual que piense lo que quiera.

Milio Mariño / La Nueva España/Artículo de Opinión

Eastwood, un facha aceptable

Milio Mariño

Hai quien diz, y da nel clavu, que'l grandor del arte ta siempre percima del artista. A eso voi, a q’unu de los mios artistes más almiraos, como actor y direutor, ye Clint Eastwood, qu'esta selmana pasada despachóse con una intervención de lo más facha na convención republicana de Mitt Romney.

Eastwood ye republicanu de tola vida. Nunca lo guardó, nunca anduvo con medies tintes. Facha y too, nun alcuerdo ver películes norteamericanes tan progresistes como les d'esti xeniu de dereches. Gran Torino ye una morrada contra'l racismu yanqui. En Million Dollar Baby, un católicu irlandés acaba concediéndo-y la paz de la eutanasia a la so boxeadora tetrapléxica. En Mystic River demuéstranos que'l dolor personal, por infinitu que sía, nunca pue ser escusa pa que naide tome la xusticia por so mano. Bird, la película sobre Charlie Parker, ye un solu de saxo que supura anarquismu por tolos llaos.

Pa min quixera, pa esta España de fachas casposos, un facha como'l qu'esta selmana pasada faló cola siella vacía d'Obama.