Embaxo del Madrid Arena

Milio Mariño

La traxedia del Madrid Arena ta demostrando de forma cruel y xabaz qu'a munchos de los que tan nel poder namás yos importa'l dineru. Cuando hai dineru pel mediu nun tienen cuenta de les persones, echen azucre na mierda y traguen como quien come un platu de casadielles rellenes.

Vaya espéutaculo que tan dando l'alcaldesa y los que formen l'equipu de Gobiernu del Conceyu de Madrid, demuestren una falta de dignidá que supera lo imaxinable.

Nun sé yo si a daquién paecerá-y normal qu'en Madrid seya precisu pidir llicencia pa tocar la guitarra na cai, mientres el Madrid Arena funcionaba ensin ella.

D'ehí p'abaxo valse too. Valse que'l vicealcalde, Villanueva, entaine a salir nos medios pa defender al so amigu, l'empresariu. Valse qué diga que los promotores nun teníen culpa denguna. Que, dende l’Ayuntamientu faigan tolo posible pa manipuliar a la opinión pública y culpar a les víctimes, que xuxurien que pasó lo que pasó porque los mozos taben borrachos… Valse cualquier disparate pa salvar la pelleya.

Ayer morrió la quinta víctima, una moza de 20 años que llevaba un mes en coma. Agora son cinco les víctimes mortales pero estos desalmaos nin con cuatro nin con cinco muertos se corten, siguen mintiendo, manipuliando y refugando responsabilidaes como si tolo que pasara fuere qu'un rapaz frayó una pierna.

Lo del Bancu de Valencia ye pa lliase a tiros

Milio Mariño

Hai fechos tres los cuálos unu siente que yá nada pue tener sentíu. Inxusticies, alcaldaes y escarnios que plonien dientro l’estómagu y nun sabes si echate a rir o lliate a tiros.

Nel casu que voi cuntar refugo la risa, de mou que namás nos queda l’otru camín como alternativa. Nun veo otru a tenor de lo que fai Rajoy cola sanidá, la educación, les hipoteques y lo poco que teníemos y como trata a los Bancos.

La última operación, nesti sentíu, foi vender el recién nacionalizáu Bancu de Valencia a La Caixa. Y veréis en qué términos:

L'Estáu, qu'apurrió 1.000 millones d'euros a la entidá, cuando la nacionalizó, va poner otros 4.500 millones pa saniala y da-yla a La Caixa por 1 euru.

Pero ehí nun acaba la cosa. La Caixa pidió, y llogró, que la Sociedá de Xestión d'Activos, el bancu malu pa entendenos, compre los activos axudicaos que la entidá tien (otros 1.000 millones d'euros) y los préstamos del sector inmobiliariu (4.500 millones d'euros) pa que cuando-y pasen el balance te llimpiu de polvu y paya.

Por si nun fuere bastante, l'Estáu va correr col 72,5% de les posibles perdes de la cartera de creitu ensin trespasar. Ye dicir que la operación va costanos 11.000 millones d'euros más les trés cuartes partes de les perdes que pudiera tener el Bancu de Valencia nos próximos diez años.

Y ehí siguen, el Presidente, los Ministros, los cómplices y los encubridores. El PP y el restu de los partíos políticos

El Plasma de Pilar Sol y la España del BBVA

Milio Mariño

La diputada del PP valencianu, Pilar Sol, dixo ayer qu'había families que taben en situación de necesidá y que, a lo meyor, utilizaben los 400 euros de l'ayuda social pa mercar una televisión de plasma.

Nun sé si al empar, enantes o depues, el Presidente de BBVA, Francisco González, dixo, a so vez, qu'España ta muncho meyor de lo que diz la prensa y de lo que la xente cree.

Oyíu lo que dixeron los dos tengo una dulda que me roye por dientro. Nun sé si la diputada del PP s’atrevió a dicir lo que dixo porque enantes oyó falar al banqueru o si resulta que'l banqueru faló asina porque oyó dicir a la diputada que los probes merquen teles de plasma coles ayudes sociales.

En principiu pensé que debió ser el Banqueru, el qu'oyó a la diputada, d’ehí que dixera qu'España ta meyor de lo que la xente cree, pero depués camudé d'opinión y diome por pensar que la diputada nun diría lo de les teles de plasma si nun fuera qu’oyó dicir al Banqueru qu’España ta meyor de lo que barruntamos.

Duelme la mollera de les munches vueltes que-y di, pero como entá nun lo tengo claro agradezo cualquier opinión al respeuto que me quite esti pesu d’enriba.

El xenru visita al suegru nel taller

Milio Mariño

Cuenten que foi la suegra la qu'atesteró pa que'l suegru dexare que’l xenru fuere a velo al taller, a pesar de que nun se lleven nin falen siquiera. La preba ye que la nuechebona pasada, el suegru yá nun quixo que cenara en casa y dixo, inclusu, que lo más cerca que quería velo yera n'Estaos Xuníos.

La rellación, d’esi tiempu p’acó, lloñe d'ameyorar, foi a peor porque si, d'aquella, el suegru yá barruntaba que'l xenru nun yera trigu llimpiu, agora resulta que tuvo que pasar pol xulgáu y ta pendiente de que lo xulguen por estafa y apropiación indebía.

Por eso que, tal como taben les coses, naide pensaba que'l suegru fuere a ceder, pero como basta qu'una muyer atestere pa que llogre lo que quier, siguió erre qu’erre y dixo que'l xenru metiere la pata pero qu'él taba bonu pa callar. Que yá taba bien de caceríes, de fíos ensin reconocer, querides y enfiles a tutiplén.

El casu que’l suegru, a la fin, cedió y fueron velo toos al taller: Les fíes, el fíu, la nuera y los nietos porque-y tienen ciñu. La so muyer por nun dar que falar. Y, el xenru porque sigue siendo un aprovecháu y un sinvergüenza que tien más cara qu'un sacu perres.

Estu que se diz equí, anque non lo paeza, ye una hestoria Real.

La broma infinita

Milio Mariño

Hace un par de semanas que cuando me enfado con otra noticia sobre la corrupción, la crisis o esas medidas que adopta el gobierno para castigarnos por lo que hicieron los bancos, cojo el libro de David Foster Wallace, La broma infinita, lo abro y leo hasta que me canso.

El libro fue escrito a mediados de los años noventa y va para cuatro que Foster Wallace se suicidó, ahorcándose en su domicilio de California, pero cada día está más vigente aquella teoría suya de un vertedero inmenso, un fabuloso crisol de basuras y desechos a donde van a parar los engaños políticos, las estafas, la corrupción y hasta nosotros mismos, usted y yo, arrojados como residuos de algo que se ha vuelto inservible además de tóxico.

La broma infinita habla de eso y de muchas cosas, es un tocho de más de mil páginas, pero a mí me interesa lo del gran vertedero que todo lo engulle y en el que surgen las mutaciones que dan origen a lo nuevo.

Me interesa porque ahí estamos. Ya nadie espera nada de nosotros, así que nuestro destino es fundirnos con otros detritus para que surja un no se sabe, que será distinto y, quizá, aprovechable para la buena marcha del negocio. Eso piensan los que han decidido que ya no servimos, pero de esa mutación puede salir un monstruo.

Cuando en el vertedero se juntan tantas cosas, y fermentan, puede ocurrir de todo. El material genético del hombre y el de los animales, en el fondo, no es tan diferente, basta una pequeña variación en el ADN, un par de genes que caigan de un lado u otro, y ya tenemos lo que no esperábamos. Quién sabe si un cerdo, un lobo o una oveja salvaje con aspecto de obrero en paro.

Prepárense para un orden distinto, olvídense de lo que había, dicen los promotores de la broma, los amigos de las mutaciones extremas. La concavidad del déficit público se lo tragara todo. Vean lo que está sucediendo, la economía ha suplantado a la política, la religión e incluso al fútbol. Es imposible dar un paso sin que nos tropecemos con esa fuerza omnipresente que afecta a nuestro estado emocional y condiciona nuestras vidas. Nada nos une tanto como la economía. De modo que la broma va en serio.

Hace unos años, cuando descubrimos que vivir como vivíamos era, realmente, una broma, pensamos que todo se saldaría con un simple toque de atención para sacarnos de aquella falsa rutina y devolvernos al viejo camino. Entonces, se conoce que para no asustar, nos hablaban de la superación de los partidos tradicionales, el triunfo del entretenimiento, el trabajo desde el domicilio, la compra por internet, la vida sin apenas salir de casa, el voyeurismo, la depresión, la escalada de las adicciones… Nada que no pudiera corregirse desprendiéndonos de algunos vicios como quien llega a la conclusión de que es hora ya de dejar el tabaco.

En esas estábamos cuando llegó Rajoy y dijo que teníamos que elegir entre lo malo y lo peor. Es decir, entre aceptar el vertedero o que él mismo procediera a sacrificarnos, degollándonos como a pollos, para que el sacrificio, la carne y la sangre de los degollados, acompañada de las preceptivas plegarias, aplacara la ira de los dioses del dinero.

Parecía una broma pero, por lo visto, así es como está planteado.

Milio Mariño/ Artículo de Opinión/ La Nueva España

La foto fata

Milio Mariño

Ente les munches coses que nun entiendo ta la fatada de que los fotógrafos pidan a los deportistes que muerdan la medaya pa saca-yos una foto.

Entiendo menos que los deportistes se presten al mordigañu y apaezan clavando los dientes nel troféu.

Eses semeyes paécenme ridícules pero nun lleguen a cafiame como me cafien les de los políticos cuando los veo disfrazase. Cuando ponen esos cascos, esos gorros y eses bates que-yos sienten como un tiru y faen que paeza que se visten asina porque nos presta a nosotros. El postreru y más bochornosu exemplu diolo Rajoy, va unos díes, na visita que fexo a Renault.

Claro que tamién los hai que faen el tontu a pelu, ensin bata, nin cascu denguno. Que lo faen como ayer lo fixeron los candidatos a presidir la Generalitat, que nun se ponen d'alcuerdu nin na hora qué ye, pero prestáronse, mansos como corderos, a fotografiase toos xuntos, nel Paséu Marítimu de Barcelona, suxetando la bandera de Cataluña, faciendo como que diben en bici y, p'acabar, sentaos, na borda d'un barcu que taba en tierra firme y a tres metros del suelu.

¿Pa quién ya pa qué faen eses semeyes? Quiero creyer que nun son pa mi porque si fuere asina sedría que me tomen por fatu. Anque nun sé, tien tola pinta que debe ser eso.

Gao Ping y Pinocho

Milio Mariño

Cada día que pasa asoceden descubrimientos científicos, revelaciones de l’autoridá relixosa, ya renuncios de les autoridaes y los políticos, que demuestren que tábemos siendo engañaos por tol mundu. Non solo pol gobiernu y los bancos sinón tamién pol Papa y hasta polos qu'escribieron aquellos cuentos que nos cuntaben na nuesa infancia.

Va cuatro díes, un equipu científicos de la Universidá de Granada descubrió que'l denomináu efeutu Pinocho nun consiste, como creyíamos, en que cuando dalguién miente crez-y la ñariz. Les prebes de termodinámica llevaes a cabu polos doutores Emilio Gómez y Elvira Salazar acaben de revelar que lo qu'asocede, cuando mentimos, ye que la ñariz camuda de temperatura y ponse colorada.

¿Imaxinen si supiéremos estu antes de les elecciones?¿ Imaxinen si lo supiéremos en tantes y tantes ocasiones a lo llargo de la nuesa vida?

Hai que ver cuantes mentires, anque nun sé… nun sé si nun sedrá meyor vivir engañaos. Dixéronnos que la mula y el güe nunca tuvieren en Belén, xubiéronnos les tases xudiciales y agora lo de Pinocho.

Lo de Pinocho y lo de Gao Ping, que demuestra que yá nun ye que nos engañaren como a un chinu, ye que yera’l chinu, el que nos engañaba a nosotros.

Otra selmana Mas… y llegamos

Milio Mariño

Nun tengo por vezu facer resumes selmanales pero esti vienres apetecióme y ehí van trés pincelaes.

Lo primeru a considerar ye que, pa min, hai dos colectivos que tán reaccionando como nun imaxinaba que pudieren facelo. Refiérome a los médicos y los xueces. Xente, la mayoría de dreches, que ta defendiendo la sanidá pública y la xusticia gratuita con más determinación que munchos políticos d'esquierdes.

Lo segundu ye la campaña de Cataluña que fina güei. Mialma, me chocó qu'El Mundu llanzara esi torpedu na llinia de flotación d'Artur Más, pero depués yá cayí na cuenta. Yá me percaté de que trabayaba pa que'l PP rematare la xugada, con Montoro y la so panda, diciendo que non, y que quien sabe, y añediendo que si to padre tien millones d'euros en Suiza nun deberíes presentate a les eleiciones. Un horror d'estratexa porque'l PP y El Mundu tendríen que saber que cuantu más corrupción más votos. Ehí ta pa muestra Valencia.

Lo tercero, y yá pa rematar, foi lo del Papa cola mula y el güe. Una crueldá colos animales y los fíeles cristianos. Nun sé lo que pensaréis pero, pa min, tien más delitu que lo d'aquella muyer de pueblu que restauró l'Ecce Homo.

El Xaretón del Embeligru

Milio Mariño

   Asina ye la portada del mio llibru de rellatos que yá ta na imprenta y d'equí a nada tará na cai.

El Papa presenta un ERE en Belén

Milio Mariño

Lo últimu qu’esperaba cualquiera yera que’l Papa ficiera como los direutores de les empreses y presentare un ERE no que ye la sede central de la empresa, en Belén. Y enriba nestes feches, a un mes de les navidaes.

Les causes entá nun les sabemos pero ye pa barruntar que Beneditu debió goler que taba quedando n’evidencia delantre Rajoy, y la cúpula de la CEOE, y dixo va… Pa que queremos una mula y un güe nel Portal de Belén…

Mirándolo ensin pasión, con criterios de rentabilidá, la verdá ye que nun facien llabor, taben ehí d’adornu… Por eso que'l Papa debió ceder y dixo seguramente: Pues venga quitámoslos…

Y quítolos ensin dar cuenta a los Sindicatos nin a les autoridaes nin a San Pedru benditu. Echó mano a la Reforma Llaboral y llistu.

Esti Papa tol mundu sabe que ye alemán pero, coime, podía tener un aquello… Podía mirase un pocu… La mula y el güe yeren de los más antiguos…

Pue ser que tuviere que reducir plantiya y se viere obligáu a despidir a dalguién… Pero, anque asina fuere, enantes qu'a la mula y el güe, podía despidir al Caganet, qu’amás de perxudicar la imaxen de la Empresa teníalo bien merecíu por catalán.

Vieyos de cine y toros de película

Milio Mariño

Alló por Madrid la xente taba contenta con un programa que, va siete años, se punxera en marcha pa fomentar eso que llamen l'avieyamientu activu. Yá saben, incentivar a los vieyos pa que salgan de casa y s’esparzan un pocu.

El programa, Mayores de cine, basábase en que, los martes, los mayores de 60 años podíen dir al cine pagando namás un euru. Presentaben el DNI, pagaben un euru y podíen ver una película d'estrenu en cualesquier de les 450 sales acoyíes a esi programa.

Según los empresarios, el 77,22% de los espectadores de los martes yeren mayores de 60 años. Pero llegó González y mandó parar. La Comunidá de Madrid acaba dicir que nun apurre más perres, que’l programa costaba-yos un millón d'euros al añu y qu'hai otres coses meyores en qué gastalo.

Vamos poner que seya ciertu, nun digo que non, pero esi criteriu podíen aplícalo, tamién a los toros, que l'añu pasáu pañaron, del erariu públicu, na menos que 564 millones d'euros en subvenciones.

Daveres que nun punxe de más nin un céntimu, 564 millones llevaron los toros nel conxuntu del Estáu español. A una media de 30.000 euros les corríes y un pocu menos el restu de los festexos taurinos. Lo cuál fai que los toreros sían, na práutica, funcionarios públicos de carrera cobrando les pagues integres.

La tómbola del Gobiernu: ser español por 160.000 euros

Milio Mariño

Lo de facer español, y dai el carné nel actu, a tou aquel que compre una casa o un pisu que valga 160.000, o más, euros nun se-y ocurre al qu'asó la mantega. Hai que ser Subsecretariu, Direutor Xeneral o Ministru, del PP, pa que, depués d’escornate pensando, te bilten estes idees.

Hai que pensalo a conciencia pa ponéi esi preciu: más baratu nada. Trampes tenemos de sobra, asina que nun val comprar un horru, nin una chabola nin un pisu vieyu nuna barriada probe. La llende asítienla penriba de los 25 millones de pesetes.

Bien miráu ye una gran oportunidá pa los que lleguen en patera o, inclusu, pa los que lleguen nadando. Buenu y, tamién, pa nosotros porque yá lo dixo Rajoy: el que gasta perres nun pisu llueu compra una nevera, unos muebles…

Entovía non lo aclararon pero imaxino qu'a tolos que vengan censaránlos en Castiella... Ser español de Cataluña o del País Vascu sedrá muncho más caru… Y yá, nin vos cuento, ser asturianu… ser asturianu valdrá una millonada.

Nunca lo pensare pero igual nos sal más baratu, y nos trai cuenta, facenos alemanes o franceses… Tengo d’enterame cuantu cobren per ehí alantre por ser ciudadanu d'un país que tenga un Gobiernu con dos deos de frente.

Los vieyos políticos quieren ser xovenes

Milio Mariño

Arrastraos poles males noticies avezamos a entruganos, con testerona insistencia, a ónde nos lleven. La entruga nun ye nueva, bien ser la eterna y humana entruga qu’aveza a preparar el retruque d'acordies cola manera en que, a caún, va-y na feria. Pa los d'abaxo caminamos escontra'l desastre y pa los de riba, los que tienen dineru y poder, facémoslo pol bon camín anque tea yen de piedres y vaigamos descalzos.

Temos enriba o embaxo nuna cosa tamos d'alcuerdu, en que cuantu primeru salgamos del pozu meyor. La dulda ye si van ser los lliberales, qu'en realidá son los conservadores, o los progresistes, que ye como se faen llamar los d'esquierdes, los que nos sacarán d'esti sótanu.

Sían unos u otros, que pa lo que voi dicir da lo mesmo, barrunto qu’hai otra cosa na que tamién, casi toos, tamos d'alcuerdu: en que la mayoría de los nuesos políticos son dinosaurios. Y non yá pola so edá biolóxica, que podría ser, sinón porque lleven venti o trenta años nel cargu y nun tienen otres idees que les de va dos sieglos.

El promediu d'edá de los nuesos diputaos ye de 53 años. Lo cuál, de por sí, nun sedría invalidante, pero la edá biolóxica ensin una intelixencia fresca y renovadora que la ponga al día, fai que la persona avieye sópitamente y conviértase nun vieyu empeñáu en xustificar los sos pasaos errores.

Perhí entama la quiebra, pos los que tán gobernando vienen agora con que ye necesariu un cambéu na forma de facer política y en, práuticamente, tou, ensin dase cuenta de que son unos vieyos políticos que destacaron, precisamente, pola so resistencia a los cambeos y el so aponderamientu d'esi arume aneyo llamáu conservadorismu.

La contradicción, y la falta de llexitimidá nos sos pidimientos, parte d'ellos mesmos y de los postulaos que siempre defendieron, pos el cristianismu nunca sintió un especial interés polo que dicíen los vieyos. Pa los cristianos, la vieyera ye claramente un mal, un castigu divín que remanen en contraposición col Paraísu, que ye'l llugar de la eterna xuventú.

Nel so ideariu, na idea qu'ellos tienen de cómo tendría que ser la sociedá, un vieyu que gocie de bona salú y nun sía conservador, namás pue esplicase por una intervención diabólica.

Asina ye. La visión pesimista que tenemos de la vieyera heredámosla de los escritos del Antiguu Testamentu y la tradición grecorromana. Les regles monástiques, pilastra esencial de la Ilesia Católica, siempre emprestaron poca, o nenguna, atención a los sos monxos vieyos. La más célebre, la de San Benitu, asitialos na categoría de neños y encamienta amosar ciertes indulxencies con ellos, pero nun-yos apurre nengún privilexu nin ye criteriu pa la elección d'abades. Nun s'esplica por tantu que los nuesos vieyos políticos, refiérome a los conservadores pero tamién a los otros, nos vengan agora con que lo meyor pa salir de la crisis ye romper colo que tenemos y aceutar cambeos que dean al traste col nuesu pasáu. Esa propuesta, en bona lóxica, namás que-yos correspondería facela a los mozos progresistes. Nunca a los conservadores. La preba ye que los vieyos políticos, sobremanera los de dereches, siempre fracasaron na xera de poner el país al día.

Milio Mariño / Artículo publicáu en La Nueva España, en castellán

L'irreal Real Uviéu

Milio Mariño

Esti llunes pasáu publiqué un artículu en La Nueva España que titulaba “Tomemos ejemplo del fútbol”. Paecíame, y sígue paeciéndome, curiosu que, con tola crisis que tenemos enriba, los equipos de fútbol sigan, como si nada pasara, xiblando tangos.

El casu que como la realidá ta dispuesta a dexate en ridículo a les primeres de cambeu, esta selmana apaeció'l Real Madrid y “donó” 100.000 euros al Ayuntamientu pa salvar al Uviéu. Y, dos díes más tarde, l'empresariu mexicanu Carlos Slim invirtió nel club 2 millones d'euros.

Vaya per delantre qu'allégrome nun sé cuantu de que'l Real Uviéu se salvare, pero eso nun quita pa que tea sosprendíu por cómo respondieron los aficionaos, apoquinando dineru, pol fechu de qu'un Club como'l Real Madrid donare 100.000 euros, y nun lo fixera pa denguna obra benéfica y porque un empresariu mexicanu invirtiera 2 millones nuna empresa que, hasta la fecha, foi un negociu ruinosu.

Ye pa suponer que'l Gobiernu del Principáu allegraríase pol Uviéu pero tará un pocu decepcionáu pol aquello de que tolos esfuerzos que tá faciendo p'atraer inversores y fortalecer el texíu industrial d'Asturies malditu si dan resultáu y perembargu esti empresariu, qu'invirtió 2 millones, reconoz que l'orixe de too esto debese a una chancia qu'oyó na Cope.

Mariano Franco y Soraya Carrero Blanco

Milio Mariño

El Real Decretu promovíu pol Gobiernu pa parar el drama de los desahucios nun ye más que la continuidá d'aquel códigu de bones práutiques qu'encamentaren a los Bancos y los Bancos tomaron pol pitu'l serenu.

Ye un un escarniu pa los que fueron o van ser desahuciaos porque viendo les condiciones nun basta con ser desgraciáu, hai que ser mui, mui, desgraciáu pa poder acoyese a lo que sedría, namás, una paralización temporal.

El resultáu de la midía, anunciada a bombu y platillu, sedrá que'l númberu de desahucios pasará de 500 a 497 diarios.

Al empar d'esti Decretu, el Gobiernu sacó otru que recueye una llimitación salarial pa los xestores del Bancu Malu, que nun van poder cobrar más de 500.000 euros añales, llimitación qu'estiende a los de les entidaes interveníes, que van ver llindáu'l sueldu a 300.000, según el Ministeriu d'Economía.

Estos dos decretos promulgáronlos al día siguiente d'una fuelga Xeneral y de que millones d'españoles salieren a protestar a la cai de forma civilizada y pacífica.

Viendo los Decretos, y los modales de la policía, mialma paez qu'en cuenta vivir nuna democracia vivimos nuna dictadura gobernada por Mariano Franco y Soraya Carrero Blanco.

El Gran Gochu

Milio Mariño

Fartucu de lleer babayaes sobre la güelga y lo que paso'l 14-N, ocurrióseme que podíemos relaxanos un pocu con esta hestoria verídica.

La hestoria ye la siguiente: Gonzalo, un xoven viticultor de La Rioja, necesitaba dineru pa etiquetar ya embotellar un nuevu vinu y allegóse a la sucursal de la caxa d'aforros del so pueblu, Fuenmayor, a pidir un creitu pero, según dixo, negaron-ylo.

Dixéronme que'l vinu nun ye un bien embargable, de mou que si quería los 6.000 euros tenía que llevayos un aval de los mios padres.

Paecióme ridículu, asina que pidí dineru a los amigos, llogré xuntar los 6000 euros y camudé-y el nome al vinu. Pensaba llámalo d’otra manera pero llamélo Gran Cerdo en honor del tipu que me negó'l creitu porque, conmigo, mialma se portó como un gochu.

Nun sé si habrá dalgún otru vinu con esi nome pero Gonzalo tampoco inventó la pólvora. Va tiempu que George Orwell dixo otru tantu en Rebelión na granxa:

Los animales, ablucaos, pasaron la so mirada del gochu al home, y del home al gochu; y, nuevamente, del gochu al home; pero yá yera imposible estremar quién yera unu y quién yera otru.

David y Goliat, una hestoria d’ayer

Milio Mariño

Ayer pela nueche, dempués de la manifestación, volví satisfechu a mio casa. Nun llevara denguna pancarta, nin pegatines, nin gorru, nin nada. Llevaba’l biecu de la razón na cara y creía que yera bastante.

Cuando acabó tou, y caminaba en silenciu escontra l'aparcamientu onde dexara'l coche, atopéme con un amigu qu'echó mano al bolsu y sacó’l teléfonu pa enseñame la foto d’esti neñu manando sangre.

Non mos diximos nada, tascamos la mollera y siguimos caún a lo nuestru. Pero, según diba caminando, viénome a la memoria la vieya hestoria de David y Goliat. Una hestoria que nun debió ser como nos la cuntaron, debió ser al revés.

El mocín refundiaría un morrillu que rebotaría na coraza del xigante y este, en cuatro galmiaes, algamaría al rapaz, valtiaríalo d'un garrotazu, pondría-y la bota nel pescuezu y los sos compañeros entainaríen a dai pataes, mientres él siguía suxetándolo y oyendo como berraba de mieu.

Alcordando esa hestoria llegué al aparcamientu y vi qu'había dos policíes faciendo guardia. Tuvi paráu un cachu a ver si dalgunu s’atrevía a mirame a los güeyos. Nun s'atrevieron. Debieron albidrar que llevaba nellos la señal del trunfu. Un trunfu tan minúsculo como la picadura d'un mosquitu nel culu d'un elefante, pero, pa min, bastante.

Marcho pa la Manifestación.

Milio Mariño

La Xusticia va ponese al preciu del caviar beluga

Milio Mariño

L'ataque d’esti Gobiernu a los drechos fundamentales ye per tierra, mar y aire. Nun damos abasto a denunciar tropelíes. Agora toca-y a la Xusticia. Tamos tan ocupaos n’otros frentes qu'escapábasenos esti, pero la cosa nun ye cuentu risa.

Dicen munchos abogaos, y tamién munchos xueces, que’l proyeutu de Llei de Tases Xudiciales que prepara Gallardón va ser un atracu. Pa tener accesu a la xusticia civil o contenciosu-alministrativa tendrémos qu’apoquinar 1.200 euros, y cerca de 300 na llaboral, más otra cuantía variable que dependerá del dineru reclamáu en cada casu.

Ponen como exemplu qu'una persona que sufriere una lesión medular nun accidente de tráficu y recurriera hasta'l Tribunal Supremu, tendría qu'abonar 19.500 euros en conceutu de tases. "Llegaríemos al absurdu de que dalgunos recurrentes tuvieren que pidir un préstamu al bancu pa pleitiar", dixo un xuez.

Otru xuez, el decanu de Madrid, José Luis González Armengol, dixo tamién que nun se puen establecer tases que nun puean abonar la mayoría de los ciudadanos, porque eso sedría crear una xusticia pa ricos, y destaco qu'espera que nun se llegue a que los xueces tengan que plantear cuestiones d'inconstitucionalidá contra la futura Llei por vulneración del artículu 24 de la Constitución, que reconoz el drechu de tolos ciudadanos a llograr la tutela xudicial efeutiva de los tribunales.

Tomemos ejemplo del fútbol

Milio Mariño

Hasta hace nada era de los que pensaban que con fútbol ocurriría lo que con el boom del ladrillo. Que si alguien no planificaba un pinchazo suave de la burbuja fútbolera, cualquier día saltaría por los aires y el desaguisado, como ocurrió con los bancos, acabaríamos pagándolo los que pagamos siempre, aunque ya no tengamos dinero. Menciono los bancos porque si las altas instancias consideran que son imprescindibles para que el sistema funcione con el fútbol pasa lo mismo. Nadie concibe que España pueda funcionar sin fútbol, sería inviable.

Adivino lo que piensan. Suponen que utilizo la ironía como un procedimiento retorico para abordar la crítica del fútbol y arrancarles una sonrisa que modere lo que todo el mundo se pregunta y nadie se explica. Como es posible que el fútbol siga funcionando como si nada pasara. Como si la ruina que todo lo invade se hubiera propuesto que solo el fútbol merece salvarse.

Quién sabe, a lo mejor es cuestión de buscarse un hado madrino, pero después de ojear un estudio que, sobre la situación del fútbol, publicó no hace mucho una auditora de prestigio, me atrevo a decir que, a veces, la solución a nuestros problemas está al lado mismo y, sin embargo, no acabamos de verla.

¿Por qué digo esto? Pues porque ya pueden cerrar miles de empresas, quebrar los bancos, hacer un ERE la iglesia, o que los catalanes voten a Mad Max, el salvaje autonomista, que al fútbol parece que no le afectan ni la prima de riesgo, la caída de la Bolsa o la falta de crédito. Es lo que se deduce de los datos que aporta Deloitte, que ha hecho un informe económico y dice que, actualmente, el fútbol es la decimoséptima economía mundial.

A nivel mundial no lo discuto pero, en nuestro país, no sé yo si no será la primera, pues el fútbol profesional, en España, supone 85.000 empleos directos e indirectos y aporta 9.000 millones de euros a la economía nacional.

La Liga española es una de las que más ingresos generan, apenas está por detrás de la Premier League inglesa y la Bundesliga alemana. Y lo más sorprendente, según el estudio de la citada auditora, es que el año pasado ha aumentado sus ingresos en un cinco por ciento.

Ahí es nada, crecer un cinco por ciento en estos tiempos que corren. Cierto que los clubes españoles deben 750 millones a Hacienda y 11 millones a la Seguridad Social. Y, también, que la UE ha propuesto investigar al fútbol español por presuntas ayudas del Estado, pero no sabemos la deuda del resto de las empresas y lo que el Estado las está ayudando a pesar de que no dejan de fabricar parados.

Las Sociedades Anónimas, deberían tomar ejemplo de las Anónimo Deportivas, que no se quejan de la millonada que pagan en salarios y apenas envían a nadie al paro. Tal es así que si la economía española funcionara como el fútbol estaríamos en la gloria. Solo se me ocurre un reproche. No comprendo cómo, a estas alturas, aún se mantiene, en España, la prohibición de que las mujeres puedan ejercer la profesión de futbolista.

Las mujeres, en nuestro país, pueden ser médicas, arquitectas, mineras o soldados del ejército pero futbolistas profesionales lo tienen prohibido. Un empecinamiento absurdo, que nos lleva a desperdiciar talento y a no disminuir el número de parados.

Milio Mariño/ Artículo de Opinión/ Diario La Nueva España

Esto ye un crime económicu contra la humanidá

Milio Mariño

Ciertu que los gobernantes nun maten direutamente coles sos manes pero eso nun quier dicir que nun sían responsables de les muertes que producen les sos polítiques.

Por supuestu que lo son. Son responsables de que'l suicidiu sía la única salía que dellos tienen ante la desesperación de vese ensin trabayu, ensin ingresu denguno y privaos, inclusu, de la so vivienda.

Son responsables de retayar la sanidá a miles de persones que precisen atención médica y dexen de tenela, o tiénenla en peores condiciones, y llevalos a morrer primeru. Como tamién asocede coles persones dependientes.

Por eso toi bien d’alcuerdo con Juan Torres, caderalgu d'economía de la Universidá de Sevilla, quien diz que, anque nun tea reconocíu como tal, lo que tan faciendo dalgunos gobiernos, ente ellos el nuestru, ye un auténticu crime económicu contra la humanidá. Un crime que, al igual que pasó a lo llargo de la hestoria con otros crímenes, el fechu de que nun tea reconocíu nun significa que nun se te produciendo.

Son criminales los gobernantes que protexen a los poderosos y dexen indefensos a los ciudadanos emburriándolos a la ruina, la desesperación y la muerte.

Quiciabes tarde tiempu pero la fuerza y la voluntá de la xente va facer que’l castigu pa estos criminales nun sían les urnes, sía la cárcel.

Camentando la dimisión del direutor de la CIA

Milio Mariño

Vaya per delantre qu'a min que dimita, o non, el direutor de la CIA tantu me da que me da lo mesmu. Dichu esto paso a lo siguiente, a que nun pueu aguantar un ruxe rux que tengo equí dientro.

Nun pueu porque'l xeneral, hasta agora xefe de la CIA, David Petraeus escribió-y una carta a Obama na que-y dicía que tuviere casáu 37 años y que, al sei infiel a la so pareya, amosaba un criteriu mui probe y un comportamientu inaceptable como maríu y como líder d'una organización de les carauterístiques de la CIA.

Como maríu toi d’alcuerdo, pero como xefe de la CIA… Vaya morru. Yá quixeren los iraquíes y sabe dios cuanta xente nel mundu que'l to mayor comportamientu inaceptable fuere'l de ponéi los cuernos a la to muyer.

Pero igual toi enquivocáu, igual les detenciones illegales, los secuestros, les tortures, los asesinatos y tou lo que se-y atribúi a la CIA ye mentira y la Central d'Intelixencia Americana, a lo que, daveres, se dedica, ye a la filantropía y el desenvolvimientu de la cultura y les llibertaes.

Barrunto que debe ser eso porque Obama aceutó la renuncia y dixo que los sos pensamientos y les sos oraciones sedríen pa Dave y la so muyer Holly, que tanto fixeren p'ayudar a los Estaos Xuníos y a les families de los militares.

Si quieren pueden: en dos hores solventaron los desahucios

Milio Mariño

Dos hores, lo que dura una película o un partíu de fútbol, tardaron sos señoríes n'arreglar un drama social vergonzosu qu'amás de dexar na cai a miles de families, costó cientos de manifestaciones, palices de los antidisturbios , firíos y hasta la vida de los qu'enantes d'abellugase embaxo d'un puente escoyeron la muerte.

Falta saber, entovía, cómo van reformar esa llei, anguaño vixente, que data de 1909, pero, a la espera de que nun seya otra chapuza como aquello del códigu de bones práutiques, quédome col detalle de lo que dixeron dambos partíos: solventámoslu en dos hores.

Vergüenza debía da-yos qué, daqué que pue resolvese en dos hores, tuviera qu'esperar años y años y supunxera la desesperación y la ruina de tantes y tantes families.

Penriba de que presumieren de lo que nun debíen presumir demostraron lo que barruntábemos: que ye custión de voluntá, que si quieren pueden. Eso ta claro, asina que yá tan tardando en emplegar otres dos horines, o trés si fai falta, pa solventar lo qu'acaba dicir la Unión Europea. Que, de los 27 países que la formen, namás Letonia y Lituania superen la desigualdá social qu'hai n'España.

Un paisanu priende fueu a una sucursal bancaria

Milio Mariño

Ayer asocedió dalgo que, seguramente, nun ocupa los titulares de los periódicos importantes pero, a min, paezme mui importante.

Un home, de 50 años, presentóse nuna sucursal bancaria con un garrafón de 20 llitros de gasolina, mandó que salieren los cuatro emplegaos, arramó'l llíquidu pel suelu y prendió-y fueu. Darréu coló pa casa onde, media hora dempués, foi deteníu pola Guardia Civil ensin qu'opunxera resistencia.

El socesu tuvo llugar na localidá burgalesa de Sotopalacios, alredor de les 9,30 la mañana y los daños fueron tan importantes que la sucursal quedó fecha una llaceria.

Caún pue pensar lo quiera pero, mialma, toi convencíu de que nun se trata d'un pirómanu nin d'un gamberru. Apuesto a qu’esti paisanu, que según la Guardia Civil caltenía dalgún problema financieru cola entidá bancaria por cuenta d'una hipoteca, vióse nuna situación desesperada y, dempués de pensalo enforma, nun debió atopar más que dos soluciones: facer lo que fixo o suicidase.

Celebro que nun se suicidare. Dígolo como me sal del alma

Dimisión, güei mesmu, de los Diputaos del iPad perdíu

Milio Mariño

El Congresu los Diputaos tenía 30 iPad en reserva per si sos señoríes tresmanaben dalgunu y el resultáu foi qu'en 9 meses tresmanaron 50. Son tan propensos al descuidu que na menos qu'el 14 % perdió l'iPad que-y dieren de baldre.

Pero nun pasó nada, como había 30 nel ñeru, diéron-yos otru nuevu y tan contentos. Lo malu que nun algamó pa toos, quedaron 20 n’espera de qu’echaren mano al presupuesto y autorizaren una nueva compra. Y la cosa plonió per ehí, polos que quedaron compuestos y ensin tabletina de gorra.

Probinos, van tener que mercar otru o pidi-ylo al fíu, la señora o quien fuere al que-y fixeren el regalín porque esi porcentaxe d'iPad perdíos nun lo cree nin Santa Rita de Casia que ye la santa de lo imposible.

Siempre me punxeron enfermu los aprovechaos y los gorrones. Cáenme peor que los que roben. Por eso sedría de xusticia que facilitaren los nomes de los 50 Diputaos y Diputaes que dixeron que perdieren el iPad y pidieron otru a cambéu. Creo que nun merecen nin puen representar a naide. Tendríen que dimitir yá mesmu.

Los Bancos pasen del lladriyu al hospital pero non pa curase, pa siguir estafando

Milio Mariño

La estafa nacional non solu sigue creciendo sinón que los estafadores tán cada vez más crecíos y actuen a cara descubierta, con total impunidá.

Ribera Salú, una empresa valenciana controlada por Bankia, ye la principal candidata pa llograr la concesión d’unu de los seis hospitales que la Comunidá de Madrid piensa privatizar poniéndolos en manes d'empreses de “reconocía solvencia” como s'encargó d’afitar el Conseyeru de Salú cuando esplicó'l nuevu modelu sanitariu.

Desinflada la borboya del lladriyu hai que buscar nuevos choyos. Y, el negociu de la sanidá nun ye una tontura, basta ver les cifres que manexen, lo que ta pagando Madrid a la multinacional Capio Sanidá, que xestiona los hospitales de Móstoles, Valdemoro y Collado Villalba. Na menos qu’a razón de 571 euros per añu y habitante. Ye dicir que si tenemos en cuenta qu'un Hospital pequeñu atiende un área, mínimu, de 135.000 habitantes ye fácil echar la cuenta. Eso lo qu’ingresen, como lluéu atiendan a los enfermos ye otru cantar.

Empreses de reconocía solvencia diz el Conseyeru. Y apunta pa Bankia. La tema ye que yá nin se corten, asina que nun sé hasta ónde nin hasta cuándo vamos siguir aguantando ensin que s'arme la de coyer.

Las hojas muertas

Milio Mariño

Mientras desayunaba advertí que el otoño estaba derrumbando mis hojas. Fue una premonición porque, cuando salí a pasear, compré el periódico y leí que hacía treinta años que Felipe González había ganado las elecciones. No les digo lo que pensé porque la conclusión sugería el suicidio. Me salvó que detesto lo trágico, prefiero lo tierno, así que cogí una hoja seca del suelo, la junté con la hoja de periódico, fui a casa y las guardé entre las hojas de un libro que volví a poner en la estantería no recuerdo en qué sitio.

Allí quedaron, guardadas en aquel libro que no sabía si volvería a abrirlo, dos hojas que envejecen parecido, pues las de los árboles, y las de los periódicos, adquieren ese color amarillo que anuncia el final previsto. Son, como dice la bella canción francesa, Les feuilles mortes.

Las hojas muertas se juntan en montones, como los desperdicios / los recuerdos y los lamentos también.

Eso dice la canción. Estuve escuchándola un rato largo y reitero lo dicho: es preciosa pero un poco cruel. Las hojas acaban tiradas por el suelo y, aunque haya quien diga que crujen, la realidad es que se quejan cuando sin querer las pisamos. Yo les tengo mucho respeto, me duele pisarlas. Y me dolería la desnudez de los árboles si no fuera que estoy convencido de que sacrifican su esplendor para verse cuajados de nuevo, en cuanto pase el invierno.

Sería lo propio, pero como vivimos en un mundo desconocido y en un país arrasado por las calamidades, nadie está seguro de que, después del invierno, venga la primavera. Los fenómenos “para anormales” se están imponiendo a la realidad. Nadie sabe cuándo va acabar el frio. Los hay que insinúan que puede durar 24 meses, o incluso más. Dicen que solo queda esperar. Que el frío para la mayoría es lo único que garantiza el calor para los elegidos.

Tampoco es nuevo. Fue lo que dijeron los que hace treinta años perdieron y ahora han ganado. De todas maneras, antes y ahora, siempre hubo árboles de hoja perenne y de hoja caduca. La diferencia, entre unos y otros, es que nosotros aceptamos ir perdiendo nuestras hojas, y darlas por bien perdidas, en la confianza de que se imantarán y se irán acumulando hasta crear ese humus que sirve para fertilizar el mundo.

Así era hasta que la oscuridad, el miedo, la tristeza y todo lo que creíamos arrumbado ha vuelto. Han vuelto los leñadores cuando me he quedado casi sin hojas, solo con el calor de unas letras que mitigan este frio que noto cada vez más intenso.

Escribí, hasta aquí, mientras escuchaba la canción y, cuando acabó, recordé el libro donde había guardado la hoja de árbol y la de periódico. Era “Despistes y Franquezas” de Mario Benedetti. Y la casualidad, o los duendes, hizo que las hojas estuvieran guardadas en la página donde se relata que don Luciano tomó aliento para decir: “Como siempre, quiero ser franco con ustedes. En este país, y salvo excepciones, estamos en manos de oportunistas, frívolos, ineptos y venales”.

“A la mañana siguiente, lo despertaron a las ocho: Don Luciano, lamento molestarlo, pero, frente a la casa, hay como quinientas personas. ¿Ah, sí?, dijo el profesor, de buen ánimo. ¿Y qué quieren? Al parecer expresarle su saludo ¿Y quiénes son? No lo sé con certeza. Ellos dicen que son las excepciones”.

Milio Mariño/Artículo de Opinión/ Diario La Nueva España

La web del Senáu y el preciu les castañes

Milio Mariño

Tá too mui caru. Basta ver qu'un cucuruchu de castañes cuesta tres euros (quinientes pesetes) y quinientos mil euros facer una páxina web pal Senáu. Nun sé onde vamos dir a parar. Yo, lo de les castañes, non me lo esplico. Quitando qu’hai que mozquetales un pocu malpenes tienen mano d’obra… Amás por nun gastar nun gasten nin en envolveles, dánteles en papel de periódicu.

No del mediu millón d’euros, (83 millones de pesetes) por facer una páxina web pal Senáu ehí yá non me meto. Esi ye otru cantar… Imaxino que llevará una pila hores de trabayu, obreros, ferramientes, andamios, que se yo… la de mi madre.

Nun pienso, tampoco, que puea haber trucu. Esplíquenlo bien esplicáu. La paxina web sal por 274.350 euros, el buscador por 115.404, el micrositiu infantil por 47.937, y nun sé qu'hestories más hasta redondiar el medio kilo.

Apaez too por escritu y bien detalláu pero acabo lleer qu'hai suspicacies, qu’hai xente mui indignada pol aquello de que gasten una pila perres nuna páxina web.

Mialma sal caru pero, qué queréis que vos diga, a min, paezme más desproporcionáu lo de les castañes. Lo que pasa que d’eso, nin los partíos d’izquierdes nin los sindicatos dicen nada.

El que nun valga pa taxista pue apuntase p'asesorar a Rajoy

Milio Mariño

Nun ye denguna sospresa que Rajoy faiga lo contrario de lo que prometió, de mou que cuando ayeri lleí que tamién faltare a la promesa d'amenorgar, nun 25%, los altos cargos atopélo cosa normal.

 Non me sosprendió un ris que les estructures del Estáu cunten, l'añu que vien, con 455 cargos de confianza. Sosprendióme más que Rajoy tenga 245 asesores. Y entovía más que 68, d'esos 245, nun acabaren siquier el Graduáu Escolar.

Estos datos non los acabo d’inventar, asina ye como figuren na memoria de los Presupuestos Xenerales del Estáu.

Como esceición, quiciabes puea pasar que dalgún asesor nun tenga’l bachiller o formación superior, pero tenga una gran esperiencia o formación autodidacta. Agora qu'el 30% de los asesores de Rajoy nun completaren la ESO, mialma, da que pensar.

Pero bonu, asina ye esti país y esti Gobiernu del PP. Seguro que si pregunten a Soraya o a Cospedal dalgún truquín alcontrarán pa xustificar que 68 persones puean ser altos cargos y asesores de Rajoy, cobrando de 45.000 a 60.000 euros, y nun puean ser taxistes de Madrid porque, como imaxino sabrán, a los taxistes van esixi-yos que, polo menos, tengan terminada la ESO.

L'home llobu yera muyer y llamábase Manuela

Milio Mariño

Descúbrese agora que Manuel Blanco Romasanta, l'home llobu gallegu, el sacamanteques, cosía, bordaba, calcetiaba y cortaba traxes y vistíos. En realidá yera Manuela, un ser duce y entrañable, d'apenes un metro cuarenta, que diba de feria en feria vendiendo beberaxos y ungüentos. Al paecer tenía "cara de bonu". Naciera en Regueiro, una aldega d'Esgos, Ourense, en 1853, y salvóse del garrote llaín tres un procesu xudicial ensin precedentes, financiáu por Isabel II que, a la fin, indultólu camudandoi la pena de muerte por cadena perpetua.

Romasanta foi xulgáu por, namás, 9 crímenes de los 17 que se-y atribúin, nun xuiciu que duró un añu y nel que declaró ser víctima del sortilexio d'una bruxa que, según él, facía-y tresformase en llobu mientres les nueches de lluna yen.

La teoría de que Manuel Romasanta yera una muyer, col clítoris xorrecíu, foi espuesta nes xornaes que, sobre esta tema, se celebren en Allariz, al cargu de la Fundación Risco, y vien a concidir colo yá apuntao, va tres años, por Xosé Ramón Mariño, antropólogu de la Universidá de Santiago.

Tráigolo equí porque paezme que, de xemes en cuando, vien bien apurrir una hestoria que ponga al descubiertu que vivimos nel vezu de creer que lo vimos tou y, perembargu, sosprendémosnos cola delicia de que nun vamos, nunca, a dexar de sosprendenos.

Bardem contra Bond y el PP

Milio Mariño

Como tamos nun país nel que los medios, barrunto que toos, son de dreches y enllordien y tracamundien lo que-yos interesa, voi poner, ce por be, lo que dixo Javier Bardem, na entrevista, y lo que-y retruca’l PP.

Bardem dixo lo siguiente:“Vivimos un drama humanitariu, superamos el 25% del paru. Esti Gobiernu tien una absoluta falta de compromisu col sistema público y social. El movimientu social actual demostró la so dignidá y claridá d'idees, y miles de persones apóyenlo pacíficamente. Pero ye qu'al Gobiernu esi ecu da-y igual. Vien-y bien tantu paru pa que les condiciones llaborales sían tarrecibles. Esti Gobiernu quier solliviar la delda del país colos llápices y los cuadernos de los neños. Salva a los bancos en cuenta ayudar a los hipotecaos, dándoyos una vivienda digna.

Quiero incidir en qu'esto nun va de colores de partíos, sinón de sensibilidá”.

El PP retrucó a esta entrevista diciendo qu'hai que ser un gran villanu, y non de película, pa caltener qu'al Gobiernu va-y bien tantu paru. Y, pa rematar amestó que yeren salíes de pata de bancu d’un millonariu que vive en Miami.

Bardem nun vive en Miami, vive en Madrid. Agora bien, nun voi discutir si ye millonariu o non. Si lo ye meyor pa él. Namás digo qu’óxala hubiera munchos millonarios que falaren asina.