El robu del tren de Payares

Milio Mariño
La mio collaboración de los xueves nel programa de la RPA Noche tras Noche

El mi lio d'esta selmana ye polo del robu del tren de Payares. Por eso de que dempués de tolos problemes qu'hubo coles obres, agora resulta qu’apaecieron los cacos y robaron trenta kilómetros de cable. Total nada… Asina que diz Adif que la entrega de la obra pue retrasase nun saben cuantu.

Nun salimos d’una pa metenos n’otra. Mialma paez que la variante de Payares ta agüeyada. D'equí a unos díes van cumplise diez años desque les tuneladores entamaron col aquello d’afuracar el monte. Unes obres, que'l so presupuestu, de mano, yeren 1.085 millones d'euros y el plazu pa faceles cinco años.

Pos nada, la cosa va yá pa diez años y 3.200 millones d'euros gastaos; el triple de lo que taba presupuestáu. Colo gastáu hasta agora, la variante sal a más de 60 millones d'euros per kilómetru, incluyíos los 24.7 km de túneles y el restu la vía.

Con esi presupuestu… ¿Qué ye qu'a naide se-y ocurrió contratar a un par de vixilantes pa qu'echaren una güeyada? Naide sabía nin taba al tantu de que la cosa púnxose tan fea qu'hai xente que roba les llechugues y los tomates de les güertes, les tapes de les alcantarielles y tou lo que puea pañar al descuidu….?

Nun falamos d'un robu sofisticáu, como aquel del tren de Llondres, falamos de robar cable, daqué que nun se pue facer en cinco minutos nin con un ordenador o un artiluxu electrónicu. Trenta kilómetros de cable pesen lo suyo, hai qu'arrincalos, sacalos de los túneles, tresportalos monte embaxo… Nun son un diamante nuna vitrina o unos faxos de billetes na caxa fuerte.

Primero fueron los manantiales y les filtraciones d'agua, que llegaron a ser de 500 llitros per segundu con picos de 1.000 llitros, y agora son los cacos, que roben el cable cuando yá taba asitiáu y llistu. Por eso dicíamos de primeres que'l tren de Payares mialma paez que ta embruxáu, tou son problemes. Anque claro, hai problemes y problemes… Hailos que tienen xustificación y hailos que clamen al cielu.

Si daveres resulta que cada kilómetru de vía cuéstanos 60 millones d'euros, que yo piénsolo y dame un maréu, paezme otru robu que non lu algama a esplicar nin el campeón mundial de los inxenieros… Si ye asina, que va ser que si… ¿Qué ye qu'a naide se-y ocurrió poner a un paisanín con una cachaba y un perrucu pa que diera un par de paseos y en casu de que viera daqué raru llamara a la Guardia Civil per teléfonu?

Atestero no del robu porque robar trenta kilómetros de cable… tien delitu. Nun se roben en media hora... Por eso dicía, y caltengo, qu’hai coses que cuesta entendeles. Manden a un batallón de policíes pa desaloxar a una vieyina d’un pisu embargáu y una obra d'esti valumbu déxenla al debalu... Yá se lo que vais dicime: que facer estes comparances ye demagoxa barata y populismu venezolanu… Lo que queráis, pero ehí ta pa ver… Somos la risión

Sedrá por Museos… Home calla

Milio Mariño
La mio collaboración de los xueves nel programa de la RPA Noche tras Noche

El mi lio d'esta selmana ye un lio de muséu. Ye pola cantidá de museos que tenemos n'Asturies y por unu, otru más, qu'acaben d'inaugurar: el muséu de la minería del pozu Sotón, nel que cobren por entrar lo que nun acabo de creer. Na menos que 48 euros. Ocho mil pesetes por baxar a una mina onde si quies pues picar carbón, que nun sé yo si tará incluyíu nel preciu o habrá que pagalo aparte… A saber… Porque diz la presidenta d'Hunosa que percorrer les entrañes de la catedral de la minería ye un luxu…. y los luxos hai que pagalos.

Imaxino que cuando apoquinaron dineru pa un nuevu muséu ye que llegaron a la conclusión de que facía falta. Lo que yo tenía entendíu ye que museos había más que de sobra pero, por si acasu, llevo una selmana arrexuntando datos sobre los museos d'Asturies pa informavos, porque esta collaboración nun quiero que sía namás pa opinar, quiero que dalgunes vegaes tamién sirva d'información. Por eso, agora qu'abrieron otru Muséu de la minería y tan cerrando les mines porque dicen que tien más cuenta traer carbón de Colombia, pensé dar una repasada polos museos que tenemos, que nun sé si sedrán pocos o munchos… Yo voi dicilos y, llueu, vosotros diréis.

Rellacionaos cola mar tenemos el Muséu de Puertu de Vega, el Muséu del Calamar xigante, en L.luarca, el Muséu Marítimu, en Lluanco, la Casa del Salmón en Pravia, el Muséu de les Ancles, en Salines, el Muséu de la pesca y l'industria conservera, en Candás, l'Acuariu en Xixón, y l'Aula del mar en Llanes.

Rellacionaos cola naturaleza, tenemos el Muséu del Monte en Muñalén, Tinéu, el Muséu de la Madera en Casu, el Muséu del Urogallo en Murias, Aller, y el Rincón de les aves en Santianes, Pravia.

Rellacionaos col comer y el beber tenemos el Muséu de l'Apicultura en Bual, el Muséu de la Sidra en Nava, el Muséu de la Lleche en Morcín, y el Muséu del Quesu, en Cabrales.. Museos del Vinu tenemos dos: unu Cangas y otru en Pezós, y pa que nun se diga, Museos de l'Agua tamién tenemos dos: unu Taramunde y otru en Sobrescobiu.

Museos etnográficos tenemos ocho: En Porrúa, Quirós, Xixón, Grau, Grandes de Salime, Somiedu, Puertu Vega y Naraval.

Tamién tenemos un Muséu del Xurásicu en Colunga. El Muséu d'Indianos en Llanes y un Muséu del Cementeriu en La Carriona, Avilés

Museos de la Minería tenemos dos en Samartín del Rei Aurelio. Y tamién tenemos el Muséu de la Mina d’Arnao, en Castrillón, el Muséu de la Minería en Riocastiello, Cangas y dos Museos del Oru, unu en Belmonte y otru en Navelgas. Tamién tenemos un Muséu de la Siderurxía en Llangréu.

A toos estos hai que sumar el Muséu de Belles Artes, l'Arqueolóxicu, el de Barjola, el de Xovellanos, el de Piñole, el d’Evaristo Valle…

Nun sigo porque imaxino que yá taréis cansaos. Hasta equí, a mi sálenme 45 Museos y fáltame unu… El de Fernando Alonso que s'inaugura la selmana que vien.

Asina que yá veis… Sedrá por Museos… Home calla.

N’Asturies lo que, daveres, xorrez ye’l fútbol

Milio Mariño
La mio collaboración de los xueves nel programa Noche tras Noche de la RPA

El mi lio d'esta selmana tien que ver col fútbol. Nun podía pasar por altu que n’Asturies, polo que se refier al fútbol, la crisis yá ye hestoria. Acabáronse les penuries, quedó certificáu que l'Uviéu ye de Segunda y el Sporting de primera. Foi asina como quedaron, y que naide quiera ver nenguna intención oculta porque n'Uviéu celebraron muncho ser de segunda. Tamién lo celebraron en Xixón, refiérome al ascensu del Sporting.

Lo peor, la nota negativa, ye que los ascensos del Uviéu y del Sporting cobráronse como sacrificiu los descensos a tercera del Marino, l'Avilés y el Llangréu. Lo cuál demuestra que los dioses del Olimpu nun dan nada de baldre.

Ye lo qu'hai. Acabamos de vivir dos selmanes nes que la xente salió a la cai y festexó los ascensos de los sos equipos de fútbol con más aquello que si na ciudá cayera, integro, el Gordu de Navidá.

El fútbol nun apara de crecer, sigue siendo un fenómenu social inesplicable. Un fenómenu que va a más naide sabe perbién por qué. Dicía Vázquez Montalbán, que'l fútbol pasó de ser consideráu l'opiu del pueblu, en tiempos de la dictadura, a convertise na droga dura de la democracia. Dalgo que merecería ser dignu d'estudiu, sobremanera si tenemos en cuenta que ye difícil esplicar cómo pue ser qué daqué que nació como un xuegu, convertiérase, llueu, nun deporte, pasara a ser espectáculu y acabara siendo un negociu de munchos miles de millones.

Hai quien tien l’enfotu de que l'ésitu del fútbol debese a que prohibe usar les manes. A lo meyor ehí ta’l quiz. Ye bien posible que sía por eso y porque la xente corriente siéntese representada por esos 22 rapazos que lluchen por metese un gol, vixilaos por una autoridá, l'árbitru, a la que podemos xiblar ya insultar pa desafoganos.

Amás, voi dicivos una cosa… Anque cueste aceptalo y haiga xente que nun quiera velo, el fútbol ye cultura. ¿Cuál diríais que ye'l llugar más visitáu, en Madrid, dempués del Museo del Prado? ¿El Palaciu del Congresu, La Cibeles…? Fríu, fríu, amiguinos… El llugar que más visiten los turistes ye'l Santiago Bernabéu...

Asina que bienveníos al mundu real. El mundu de les empreses asturianes y les aniciaes n'Asturies, que cierren, declárense en suspensión de pagos o siguen quexándose de que nun puen salir alantre, mientres que les Sociedaes Anónimes del Fútbol collechen trunfos y progresen que da gustu veles.

Yo, la verdá, allégrome enforma de que trunfemos, anque namás sía en fútbol. Allégrome por Asturies y, sobremanera, polos asturianos. Nun podíemos siguir como tábemos… Refiérome que, l'añu pasáu, Asturies foi la rexón d'España onde más creció’l consumu d'alcohol. De mou que ye d’esperar que con un equipu en Primera y otru en Segunda, temos más distrayíos y nun mos demos tantu a la bebida.

Pactar con dios o con el diablo

Milio Mariño

Entre las instrucciones que vienen con los teléfonos móviles hay una que aconseja dejar que la batería se descargue totalmente para que no se produzca el efecto memoria. La instrucción no solo sirve para los móviles, también los aparatos de los partidos la hacen suya y la aplican a rajatabla. Nada más que pasan las elecciones dejan que la batería se descargue, desaparecen el no rotundo y las descalificaciones, y vuelven a cargarla para enfrentarse a un mundo que no existía una semana antes.

Con la batería recargada quedan para tomar un café, ponen los programas encima de la mesa, descubren las coincidencias, que son muchas, y llegan a la conclusión de que es más lo que les une que lo que les separa.

Tranquilos, dicen en el PSOE. Cedemos un poco, nos apoyan y gobernamos en seis comunidades. Antes lo hacíamos con IU y ahora lo hacemos con Podemos. Si hay que pactar con el diablo se pacta. No pasa nada.

No pasa lo que dicen los que se creen sentados a la diestra de Dios padre. Podemos no llega con soviets bajo el brazo, ni son proetarras, ni nazis o bolivarianos. No van a quemar iglesias, ni violar monjas, ni convertir el Club de Campo de Madrid en una partida de huertos ecologistas, aunque esto no estaría mal. No harán nada que no sea razonablemente de izquierdas. Y eso es un peligro para el PSOE. Bueno, en realidad son dos: creer que han ganado las elecciones y han protagonizado el cambio, y estar ante el diabólico dilema dar gobiernos al PP o dárselos a Podemos.

El PSOE no puede dar gobiernos al PP porque sería un suicidio. Sería el apaga y vámonos con sus propios electores. Pero, por otra parte, dárselos a Podemos puede comprometer su futuro, como referencia de la izquierda, y la opción de seguir siendo un partido de gobierno.

El diablo, en este caso, ha puesto a los socialistas a las puertas del infierno por más que Pedro Sánchez piense que está a dos pasos del cielo. Diga lo que diga Pedro, el PSOE no se ha acercado a la gloria porque no ha mejorado hasta casi alcanzar al PP. Ha sido el PP el que ha caído, casi, hasta donde cayeron los socialistas, que perdieron 670.000 votos con respecto a las municipales y autonómicas de 2011 que ya fueron desastrosas.

La cruda realidad es que el PSOE, lejos de recuperar el voto perdido, ha seguido perdiendo, a pesar de que el PP se ha hundido. Conviene que sus dirigentes lo tengan presente porque la posibilidad de que puedan recuperar el poder en algunas autonomías como Extremadura o incluso Aragón, Castilla La Mancha y Valencia, enmascara la magnitud de la crisis. Nunca, hasta ahora, se habían visto en otra así. Antes, en las elecciones pasadas, cuando el PSOE pactaba con el diablo, léase Izquierda Unida, lo hacía como partido dominante y en su propio beneficio. Ahora, negociará con Podemos siendo el PSOE la segunda fuerza de la izquierda en algunas autonomías y en los ayuntamientos más importantes. De modo que lo tiene muy difícil.

Lo tiene difícil porque si el PSOE pacta con Dios, es decir con el PP, sería un disparate y quedaría muy tocado, pero si pacta con el Diablo puede acabar como acabaron sus colegas, los socialistas italianos y los griegos.

Milio Mariño/ Artículo de Opinión / Diario La Nueva España