Milio Mariño
Tolos que va pocu se quexaben de qu'esti Gobiernu nun tenia coyones pa na, anden agora glayando, al altu la lleva, que nunca tal se vió qu'echaren mano del exércitu pa solventar un problema que tenía que tar solventáu va bien de tiempu.
Concide que la mayoría d'estos que, por aciu de Barrabiellu, tan tol día a vueltes cola Constitución y mialma paez que la defenden con uñes y dientes, son los qu'ayeri defendíen a muerte los principios del Movimientu.
Barrunten que, lo que fexo'l Gobiernu, pue que la xente lo viera bien y ganaren puntos a embute, d'ehí que cavilguen y se vuelvan llocos pa facer que paeza qu'había un plan perfechu pensáu pol xeneral Rubalcaba y el comandante Blanco.
Toi por apostar que si nun se ficiera lo que se fexo a estes hores taríen clamiando que nun hubo coyones pa echar mano del exércitu y poner los controladores en so sitiu.
Tienen tan poca chapeta y tantu odio, que val-yos too.
miércoles, 8 de diciembre de 2010
sábado, 4 de diciembre de 2010
El descontrol de los controladores foi un golpe d'Estáu
Milio Mariño
La que prepararon los controladores foi coyonuda pero resulta que los medios, lloñe d'esclariar esti asuntu, amestaron más descontrol y trafullu.
Nunca tal vi que falaren peor y tracamundiándolo too. Falaron de fuelga xabaz cuando la fuelga nin ta convocada nin s'asemeya a lo ficieron los perillanes de la torre control.
Y asina claro, asina vuelta a les andaes de pidir una nueva llei de fuelga y a dicir que los sindicatos nun tienen chapeta nin sentíu común.
Por si la cosa nun tuviera bastante enrrodiellada, hai medios que compararon esti plante de los controladores, que dellos foron al médicu y pidieron la baxa por depresión y otros dixeron que yá ficieren toles hores que teníen que facer esti añu, con aquella fuelga, llegal, que ficieron nel Metru de Madrid y na que'l problema foi que non se punxeron d'alcuerdo colos servicios mínimos.
Pidir un pelín de rigor informativu ye bobada. Equí valse too. El casu ye echái la culpa al Gobiernu. Que dalgo culpa si que tien, pero nun ye culpable de la que se preparó ayeri, que foi como aquel que diz un golpe d'Estáu.
Son concidencies que nun tienen que ver pero'l golpe d'Estáu que dio Pinochet y el que dieron los xenerales en Arxentina, foron precedíos por una fuelga del transporte.
La que prepararon los controladores foi coyonuda pero resulta que los medios, lloñe d'esclariar esti asuntu, amestaron más descontrol y trafullu.
Nunca tal vi que falaren peor y tracamundiándolo too. Falaron de fuelga xabaz cuando la fuelga nin ta convocada nin s'asemeya a lo ficieron los perillanes de la torre control.
Y asina claro, asina vuelta a les andaes de pidir una nueva llei de fuelga y a dicir que los sindicatos nun tienen chapeta nin sentíu común.
Por si la cosa nun tuviera bastante enrrodiellada, hai medios que compararon esti plante de los controladores, que dellos foron al médicu y pidieron la baxa por depresión y otros dixeron que yá ficieren toles hores que teníen que facer esti añu, con aquella fuelga, llegal, que ficieron nel Metru de Madrid y na que'l problema foi que non se punxeron d'alcuerdo colos servicios mínimos.
Pidir un pelín de rigor informativu ye bobada. Equí valse too. El casu ye echái la culpa al Gobiernu. Que dalgo culpa si que tien, pero nun ye culpable de la que se preparó ayeri, que foi como aquel que diz un golpe d'Estáu.
Son concidencies que nun tienen que ver pero'l golpe d'Estáu que dio Pinochet y el que dieron los xenerales en Arxentina, foron precedíos por una fuelga del transporte.
miércoles, 1 de diciembre de 2010
WikiLeaks: El fugues Wiki, que diríemos equí
Milio Mariño
Qué soi abondu pollín, y xostra mental, ya me lo dicia mio ma. Por eso veo difícil que llegue a enterame de cómu funciona WikiLeaks; El fugues Wiki, que diríemos equí.
Polo que tengo entendío ye una rede freelance que dedicase a esnalopiar per baxu les alfombres y nos retretes de los Gobiernos y les grandes corporaciones, pa llueu volcar tol cuchu nuna paxina web que s'encarga de vendelo, como esclusiva, a los periódicos más importantes del mundu.
Si ye asina, si non mos apurren la fuente d'onde saquen lo que dicen … ¿ Qué credibilidá yos podemos dar ?... Dígolo por qu'imaxino que taremos d'alcuerdo en que, lo que dicen, bien ser, más o menos, lo que cuantayá barruntábemos.
Mialma que non m'aclaro. Lo únicu qu'esclaria un pocu la cosa ye que, agora, acusen a Julian Assange, el fundador d'esti tingláu, de violación y acosu sexual. Eso yá me fai pensar que toos esos escandalos puean ser verdá.
La CIA y el Mosad nun perdonen, compañeru.
Qué soi abondu pollín, y xostra mental, ya me lo dicia mio ma. Por eso veo difícil que llegue a enterame de cómu funciona WikiLeaks; El fugues Wiki, que diríemos equí.
Polo que tengo entendío ye una rede freelance que dedicase a esnalopiar per baxu les alfombres y nos retretes de los Gobiernos y les grandes corporaciones, pa llueu volcar tol cuchu nuna paxina web que s'encarga de vendelo, como esclusiva, a los periódicos más importantes del mundu.
Si ye asina, si non mos apurren la fuente d'onde saquen lo que dicen … ¿ Qué credibilidá yos podemos dar ?... Dígolo por qu'imaxino que taremos d'alcuerdo en que, lo que dicen, bien ser, más o menos, lo que cuantayá barruntábemos.
Mialma que non m'aclaro. Lo únicu qu'esclaria un pocu la cosa ye que, agora, acusen a Julian Assange, el fundador d'esti tingláu, de violación y acosu sexual. Eso yá me fai pensar que toos esos escandalos puean ser verdá.
La CIA y el Mosad nun perdonen, compañeru.
sábado, 27 de noviembre de 2010
Yá ye iviernu, nel Corte Inglés.
Milio Mariño
Plasmame que les perres, el consumu y lo comercial, manden tantu que yá tracamundien hasta los calandarios. Enantes, na dómina que yo yera un neñu, que yá llovió como pa corrompinar el Cantábricu, l'iviernu entamaba alló pol 21 d'avientu pero agora entama el 26 de payares, que ye cuando'l Corte Inglés prende les lluces.
El mesmu día, por ciertu, que les prenden les tiendes de los Estaos Xunios. Les imáxenes de la tele son como pa mexar y nun echar gota. Recielles d'homes y muyeres esperando a les puertes de les tiendes, pa entrar en tropiella, como si fueren una reciella d'oveyes. Y, yá veréis, más prontu que tarde, va pasanos lo mesmu equí, somos asina d'orixinales.
Lo que peor llevo ye que'l fríu acompanga con una puntualidá que, mialma, me da que pensar. ¿ Nun sedrá qu'estos cabrones privatizaron el tiempu y viéndenlo por díes sueltos según seya la ocasión?
Alló ellos porque yo comprar, dalgo tendré que comprar pero voi dexalo pa sabe dios cuando. Yá sé que voi tener qué pasar pol aru pero asina doyos un pocu pol sacu.
Plasmame que les perres, el consumu y lo comercial, manden tantu que yá tracamundien hasta los calandarios. Enantes, na dómina que yo yera un neñu, que yá llovió como pa corrompinar el Cantábricu, l'iviernu entamaba alló pol 21 d'avientu pero agora entama el 26 de payares, que ye cuando'l Corte Inglés prende les lluces.
El mesmu día, por ciertu, que les prenden les tiendes de los Estaos Xunios. Les imáxenes de la tele son como pa mexar y nun echar gota. Recielles d'homes y muyeres esperando a les puertes de les tiendes, pa entrar en tropiella, como si fueren una reciella d'oveyes. Y, yá veréis, más prontu que tarde, va pasanos lo mesmu equí, somos asina d'orixinales.
Lo que peor llevo ye que'l fríu acompanga con una puntualidá que, mialma, me da que pensar. ¿ Nun sedrá qu'estos cabrones privatizaron el tiempu y viéndenlo por díes sueltos según seya la ocasión?
Alló ellos porque yo comprar, dalgo tendré que comprar pero voi dexalo pa sabe dios cuando. Yá sé que voi tener qué pasar pol aru pero asina doyos un pocu pol sacu.
jueves, 25 de noviembre de 2010
Otru Manifiestu de los 100, y yá son 500.
Milio Mariño
Volvemos a tar ante otru Manifiestu de los 100, un manifiestu qu'agora llamen Transforma España y que la Fundación Everis acaba presentar al Rei, y llueu, depués, a los Partíos Políticos y los Sindicatos.
Non lo tenia por tal pero paezme que 100, pa dellos, debe ser un númberu máxicu. Si mal nun alcuerdo en 1976, depués de la crisis del 73, ya hubo un manifiestu de los 100, otru en 1981, que defendía a los promotores del Golpe d'Estáu, otru nel 2009, que pidía la reforma del mercáu llaboral, y agora esti, que nun ye de los mesmos pero que quier dar a entender que lo fixeron los llistos.
Toi lleéndolo y, en llinies xenerales, vien dicir lo que cuantayá dicimos toos. No tocante a les causes, buenu… y nes recetes, hai pa gustos.
Otra cosa que mosquiame un pocu ye que lo presentaren al Rei, que nun se pinta nin quieren que pinte en too esto.
Debe ser dómina de Manifiestos, asina que too ye ponese
Volvemos a tar ante otru Manifiestu de los 100, un manifiestu qu'agora llamen Transforma España y que la Fundación Everis acaba presentar al Rei, y llueu, depués, a los Partíos Políticos y los Sindicatos.
Non lo tenia por tal pero paezme que 100, pa dellos, debe ser un númberu máxicu. Si mal nun alcuerdo en 1976, depués de la crisis del 73, ya hubo un manifiestu de los 100, otru en 1981, que defendía a los promotores del Golpe d'Estáu, otru nel 2009, que pidía la reforma del mercáu llaboral, y agora esti, que nun ye de los mesmos pero que quier dar a entender que lo fixeron los llistos.
Toi lleéndolo y, en llinies xenerales, vien dicir lo que cuantayá dicimos toos. No tocante a les causes, buenu… y nes recetes, hai pa gustos.
Otra cosa que mosquiame un pocu ye que lo presentaren al Rei, que nun se pinta nin quieren que pinte en too esto.
Debe ser dómina de Manifiestos, asina que too ye ponese
jueves, 18 de noviembre de 2010
En Cataluña tan como maniegues
Milio Mariño
La campaña de les elleiciones catalanes ta demostrándonos, penriba de too, una cosa: que los políticos nun saben lo que van dicir nin tienen alternatives que solventen los problemes. Nun se-yos ocurre nada curiosu y eso esplica que recurran a un videoxuegu fascista, a esi anunciu de que votar pue llevate al orgasmu o a les fataes d'insultar a los andaluces o pidir a les muyeres, a les que son catalanes de sangre, que se pongan a parir como coneyes pa qu'espoxigue la raza.
Vamos marcha atrás y ensin frenos. Nunca tal se vio, como agora, qu'hubiera menos idees y menos respetu pol elletoráu. Y llueu claro… llueu acabarán echándonos la culpa de que la xente nun vaya a votar. Probe democracia… tantu remar pa pone-yoslo en bandexa a esta reciella payasos.
La campaña de les elleiciones catalanes ta demostrándonos, penriba de too, una cosa: que los políticos nun saben lo que van dicir nin tienen alternatives que solventen los problemes. Nun se-yos ocurre nada curiosu y eso esplica que recurran a un videoxuegu fascista, a esi anunciu de que votar pue llevate al orgasmu o a les fataes d'insultar a los andaluces o pidir a les muyeres, a les que son catalanes de sangre, que se pongan a parir como coneyes pa qu'espoxigue la raza.
Vamos marcha atrás y ensin frenos. Nunca tal se vio, como agora, qu'hubiera menos idees y menos respetu pol elletoráu. Y llueu claro… llueu acabarán echándonos la culpa de que la xente nun vaya a votar. Probe democracia… tantu remar pa pone-yoslo en bandexa a esta reciella payasos.
domingo, 14 de noviembre de 2010
Raketa Brokovitx: ¡ A Santiago voi, en burru !
Milio Mariño
Entovía toi plasmáu colo que, güei mesmu pola mañana, vi delantre casa. Sali a comprar el periódicu y atopéme con una moza, vistía de novia, que caminaba falando un burru. Dos pasos más atrás diben los de la TPA, clamiando al altu la lleva que queríen facéi una entrevista.
Menos mal qu'ayeri nun sali de chumátela y taba abondu serenu pero asina y too tuvi que plizcame en culu pa creyer lo que taba viendo.
La moza, según m'enteré llueu, ye vasca y llamase Raketa Brokobitx. Eso dixo, y dixo tamién que va camín de Santiago, con un pollín de nome Maxari, “pa proyeutar la lluz a tantes muyeres maltrataes”.
Esclario depués qu'ella mesma foi maltratada, por un rapaz que la dexó plantada'l mesmu día la boda, delantre de la Basílica de Nuestra Señora de Begoña.
Tamién diz que ta farta de ver como muerren les muyeres y como los medios informen, en plan mariello, d'estos asuntos.
Tien previstu llegar a Santiago el 5 d'Avientu y piensa qu'esi día va llenar la Plaza del Obradoiro.
Agradeceríavos dalguna opinión sobre esti socesu que, mialma, ye verídicu.
Entovía toi plasmáu colo que, güei mesmu pola mañana, vi delantre casa. Sali a comprar el periódicu y atopéme con una moza, vistía de novia, que caminaba falando un burru. Dos pasos más atrás diben los de la TPA, clamiando al altu la lleva que queríen facéi una entrevista.
Menos mal qu'ayeri nun sali de chumátela y taba abondu serenu pero asina y too tuvi que plizcame en culu pa creyer lo que taba viendo.
La moza, según m'enteré llueu, ye vasca y llamase Raketa Brokobitx. Eso dixo, y dixo tamién que va camín de Santiago, con un pollín de nome Maxari, “pa proyeutar la lluz a tantes muyeres maltrataes”.
Esclario depués qu'ella mesma foi maltratada, por un rapaz que la dexó plantada'l mesmu día la boda, delantre de la Basílica de Nuestra Señora de Begoña.
Tamién diz que ta farta de ver como muerren les muyeres y como los medios informen, en plan mariello, d'estos asuntos.
Tien previstu llegar a Santiago el 5 d'Avientu y piensa qu'esi día va llenar la Plaza del Obradoiro.
Agradeceríavos dalguna opinión sobre esti socesu que, mialma, ye verídicu.
sábado, 13 de noviembre de 2010
Marruecos, ¿Tamos xugando llimpiu o amestando mierda a la rodiella ?
Milio Mariño
Fastidiame que xueguen conmigo y me tomen por fatu. Y, sobre manera que lo faigan los periódicos y los medios nos que confío y tengo por serios.
Agora, fai un momentín malpenes, enteréme que les fotos d'unos neños sangrando, llenos de pupes y cola cara fecha farrapes, qu'apaecieron en dellos periódicos como: El País, El Mundo, ABC, La Vanguardia…y otros munchos, con un pie de foto que dicía que yeren neños saharauis que fueren brutalmente agredíos y taben siendo atendíos nun hospital de El Aaiún, resulta que ye falsa. Que esa foto ye la d'unos neños palestinos que tan nun hospital de Gaza.
Acaba de reconocelo El País y pide esculpes por ello.
¿ A qué tamos xugando ?
Ensin quitar nin una freba de lo condenable que ye lo qué ta faciendo Marruecos ¿ A qué xueguen dellos medios ? ¿Quién yos madó esa foto?¿ Ye por casualidá que la SER mande a Angels Barceló y a otros periodistes pola frontera de Mauritania? ¿ Qué buscaba con ello? ¿ L'únicu interés yera, namás, la noticia ?
Da vergoña lo que faen con nosotros. Trátennos como repla.
Fastidiame que xueguen conmigo y me tomen por fatu. Y, sobre manera que lo faigan los periódicos y los medios nos que confío y tengo por serios.
Agora, fai un momentín malpenes, enteréme que les fotos d'unos neños sangrando, llenos de pupes y cola cara fecha farrapes, qu'apaecieron en dellos periódicos como: El País, El Mundo, ABC, La Vanguardia…y otros munchos, con un pie de foto que dicía que yeren neños saharauis que fueren brutalmente agredíos y taben siendo atendíos nun hospital de El Aaiún, resulta que ye falsa. Que esa foto ye la d'unos neños palestinos que tan nun hospital de Gaza.
Acaba de reconocelo El País y pide esculpes por ello.
¿ A qué tamos xugando ?
Ensin quitar nin una freba de lo condenable que ye lo qué ta faciendo Marruecos ¿ A qué xueguen dellos medios ? ¿Quién yos madó esa foto?¿ Ye por casualidá que la SER mande a Angels Barceló y a otros periodistes pola frontera de Mauritania? ¿ Qué buscaba con ello? ¿ L'únicu interés yera, namás, la noticia ?
Da vergoña lo que faen con nosotros. Trátennos como repla.
viernes, 12 de noviembre de 2010
La sidra nun se defende asina
Milio Mariño
Plasma ver como dellos, a les primeres de cambiu, entren al trapu de cualquiera al que se-y ocurra la última patochada.
Si los vascos anden diciendo por ehí que la sidra inventáronla ellos, anda que-yos den pol sacu. Que sigan faciendo'l ridiculo. Pero non, resulta que, en cuenta llamalos fatos, lo que faen, los que se tienen por llistos, ye lo qu'avecen a facer de cutiu: echái la culpa a Tini Areces y al PSOE.
¿ Qué culpa tien naide de que cuatro inorantes s'apropien de lo que tol mundu sabe que nun yos pertenez nin comprándolo ? ¿ Qué ye que si punxeren lletreros bien grandes por toa España diciendo que la sidra ye nuestro, estos pamestos diben aceutalo y guardase de dicir que yera d'ellos ?
Cuanta afición hai por tirar piedres contra'l nuestro teyáu. En llugar de dayos morrillazos, dialéuticos, a los vascos andamos a golpes y ponemos pingando a quien, nesti casu, malditu si tien culpa de que cuatro babayos puean dicir que la sidra ye d'ellos como va tiempu dixeron que'l ríu Ebro naz nel País Vascu.
Plasma ver como dellos, a les primeres de cambiu, entren al trapu de cualquiera al que se-y ocurra la última patochada.
Si los vascos anden diciendo por ehí que la sidra inventáronla ellos, anda que-yos den pol sacu. Que sigan faciendo'l ridiculo. Pero non, resulta que, en cuenta llamalos fatos, lo que faen, los que se tienen por llistos, ye lo qu'avecen a facer de cutiu: echái la culpa a Tini Areces y al PSOE.
¿ Qué culpa tien naide de que cuatro inorantes s'apropien de lo que tol mundu sabe que nun yos pertenez nin comprándolo ? ¿ Qué ye que si punxeren lletreros bien grandes por toa España diciendo que la sidra ye nuestro, estos pamestos diben aceutalo y guardase de dicir que yera d'ellos ?
Cuanta afición hai por tirar piedres contra'l nuestro teyáu. En llugar de dayos morrillazos, dialéuticos, a los vascos andamos a golpes y ponemos pingando a quien, nesti casu, malditu si tien culpa de que cuatro babayos puean dicir que la sidra ye d'ellos como va tiempu dixeron que'l ríu Ebro naz nel País Vascu.
sábado, 6 de noviembre de 2010
Rajoy el sacristán
Milio Mariño
Mialma daba respiegos, y muncha vergoña ayena, ver a Rajoy, y a la so muyer, esperando na sacristía, de pie y con cara pamestos, que'l Papa pasare por delantre pa saludalo y besái la mano.
Mialma paecíen un matrimoniu d'aquellos que, alló polos años cincuenta, baxaben de la montaña, el día qu'había mercáu, y diben ver al cura pa pidíi dalgún favor : que-yos colocare al fíu mayor de botones nun bancu, o una recomendación pa que-y dieren un estancu a una hermana de la muyer.
Mialma plasmé cuando vi que Rajoy daba-y al Papa un paquetín envueltu en papel de regalu, de colorinos, qu'un fartón, d'esos que siempre van al rau del Santu Padre, entainó a quita-ylo de les manes.
Hai que ver lo bien que-y queda a Rajoy facer de Sacristán.
Caún pa lo que val.
Mialma daba respiegos, y muncha vergoña ayena, ver a Rajoy, y a la so muyer, esperando na sacristía, de pie y con cara pamestos, que'l Papa pasare por delantre pa saludalo y besái la mano.
Mialma paecíen un matrimoniu d'aquellos que, alló polos años cincuenta, baxaben de la montaña, el día qu'había mercáu, y diben ver al cura pa pidíi dalgún favor : que-yos colocare al fíu mayor de botones nun bancu, o una recomendación pa que-y dieren un estancu a una hermana de la muyer.
Mialma plasmé cuando vi que Rajoy daba-y al Papa un paquetín envueltu en papel de regalu, de colorinos, qu'un fartón, d'esos que siempre van al rau del Santu Padre, entainó a quita-ylo de les manes.
Hai que ver lo bien que-y queda a Rajoy facer de Sacristán.
Caún pa lo que val.
miércoles, 3 de noviembre de 2010
Pagar por ver al Papa
Milio Mariño
Cuesta aceutalo pero nada ye gratis. Y menos en tiempos de crisis que ye cuando'l gastu se mira con llupa y paez espilfarru lo qu'enantes pagaben d'oficiu, ensin entrugar si yera caru o baratu. Valnos, como exemplu, lo que fexo David Cameron cuando'l Papa visitó'l Reinu Uníu.
Cuando aquello Cameron y los Torys, quiero dicir los de dreches de tola vida, plantáronse y dixeron hasta equí llegamos. Lo que teníemos presupuestáu yera que 10 millones d'euros pagábalos el Gobiernu y 8,5 pagábalos el Vaticanu, de moldu que nun queremos saber nada d'eso qu'agora dicen los obispos, que'l presupuestu al nuestru cargu acaba de disparase hasta los 14,5 millones.
Cameron dixo que nun pagaba un euru más y non lo pagó. Asina con un par… Y nun sé yo si sedría por eso, o porque ya taba presvistu, pero decidieron cobrar entrada por asistir a les mises del Papa. Seis euros pola d'Hyde Park, trenta pola de Birminghan y vente pola de Glasgow.
Inoro, dafechu, a quién se-y ocurrió la idea pero, seguru, que dalguién dixo: ¿Nun paga la xente por ver a Messi? Pos el que quiera ver al Papa que pague.
Suena raru pero la relixón ye un asuntu priváu que tien que tar al cargu, namás, de los feligreses. Lo que nun algamo a caltriar ye que, siendo toles mises iguales, el preciu fuere distintu. Val que na misa de Glasgow cantara Susan Boyle pero nes otres… En cualquier casu dalguna esplicación habrá. Y, lóxica por supuestu.
Esplicaciones aparte, una midía asina, que nel Reinu Uníu causó ciertu revuelu, equí nun sedría pa imaxinar. Equí vemos normal pagar por un cabu d'añu, una boda o un bautizu, pero pagar por ver al Papa seguru que nos paez munchu. Y, nun vayan pensar que sal gratis, ver al Papa cuesta lo suyu. Velo en Santiago y en Barcelona naide, entovía s'atrevió a dicir lo que-y pue costar al erariu público. De toles maneres nun creo que llegue a la friolera de 60 millones d'euros, que ye lo que dicen los socialistes que costó la visita del Papa a Valencia. Cantidá que'l PP niégase a cuantificar y de la que namás reconoció, a requerimientu del xuez, que la retrasmisión, pola TV Valenciana, costó 12 millones d'euros y que dos factures, una de 153.700 euros y otra de 400.000, correspuenden al tapiz de flores que colocaron frente a la sede arzobispal y a les que colocaron en parte del recorríu.
Total que cuatro años depués entá naide sabe lo que costó la visita del Papa a Valencia. Cosa que, dende llueu, nun pasó, nin pue pasar, en dengún otru sitiu.
Axustase al presupuestu, en cualquier país democráticu, ye ser seriu y responsable pero equí sedría otra cosa. Equí diríen que fixar un presupuestu y siguilo al pie de la lletra sedría persiguir y maltratar a la ilesia.
Lo nuestru, el presupuestu de los nuesos políticos, pal viaxe del Papa a Santiago y Barcelona, seguru que volvió ser lo que foi en Valencia:Pal Papa lo que faiga falta. Lo cuál non s'atien a les normes contables pero casa perfechamente colo que yá tien dixo, el Papa: “Los bonos cristianos deberíen pensar menos na xusticia social y más na resurreición de la carne”.
Cuesta aceutalo pero nada ye gratis. Y menos en tiempos de crisis que ye cuando'l gastu se mira con llupa y paez espilfarru lo qu'enantes pagaben d'oficiu, ensin entrugar si yera caru o baratu. Valnos, como exemplu, lo que fexo David Cameron cuando'l Papa visitó'l Reinu Uníu.
Cuando aquello Cameron y los Torys, quiero dicir los de dreches de tola vida, plantáronse y dixeron hasta equí llegamos. Lo que teníemos presupuestáu yera que 10 millones d'euros pagábalos el Gobiernu y 8,5 pagábalos el Vaticanu, de moldu que nun queremos saber nada d'eso qu'agora dicen los obispos, que'l presupuestu al nuestru cargu acaba de disparase hasta los 14,5 millones.
Cameron dixo que nun pagaba un euru más y non lo pagó. Asina con un par… Y nun sé yo si sedría por eso, o porque ya taba presvistu, pero decidieron cobrar entrada por asistir a les mises del Papa. Seis euros pola d'Hyde Park, trenta pola de Birminghan y vente pola de Glasgow.
Inoro, dafechu, a quién se-y ocurrió la idea pero, seguru, que dalguién dixo: ¿Nun paga la xente por ver a Messi? Pos el que quiera ver al Papa que pague.
Suena raru pero la relixón ye un asuntu priváu que tien que tar al cargu, namás, de los feligreses. Lo que nun algamo a caltriar ye que, siendo toles mises iguales, el preciu fuere distintu. Val que na misa de Glasgow cantara Susan Boyle pero nes otres… En cualquier casu dalguna esplicación habrá. Y, lóxica por supuestu.
Esplicaciones aparte, una midía asina, que nel Reinu Uníu causó ciertu revuelu, equí nun sedría pa imaxinar. Equí vemos normal pagar por un cabu d'añu, una boda o un bautizu, pero pagar por ver al Papa seguru que nos paez munchu. Y, nun vayan pensar que sal gratis, ver al Papa cuesta lo suyu. Velo en Santiago y en Barcelona naide, entovía s'atrevió a dicir lo que-y pue costar al erariu público. De toles maneres nun creo que llegue a la friolera de 60 millones d'euros, que ye lo que dicen los socialistes que costó la visita del Papa a Valencia. Cantidá que'l PP niégase a cuantificar y de la que namás reconoció, a requerimientu del xuez, que la retrasmisión, pola TV Valenciana, costó 12 millones d'euros y que dos factures, una de 153.700 euros y otra de 400.000, correspuenden al tapiz de flores que colocaron frente a la sede arzobispal y a les que colocaron en parte del recorríu.
Total que cuatro años depués entá naide sabe lo que costó la visita del Papa a Valencia. Cosa que, dende llueu, nun pasó, nin pue pasar, en dengún otru sitiu.
Axustase al presupuestu, en cualquier país democráticu, ye ser seriu y responsable pero equí sedría otra cosa. Equí diríen que fixar un presupuestu y siguilo al pie de la lletra sedría persiguir y maltratar a la ilesia.
Lo nuestru, el presupuestu de los nuesos políticos, pal viaxe del Papa a Santiago y Barcelona, seguru que volvió ser lo que foi en Valencia:Pal Papa lo que faiga falta. Lo cuál non s'atien a les normes contables pero casa perfechamente colo que yá tien dixo, el Papa: “Los bonos cristianos deberíen pensar menos na xusticia social y más na resurreición de la carne”.
domingo, 31 de octubre de 2010
Mieu me da que ten engañándome
Milio Mariño
Nun sé por qué tengo l'enfotu de qu'eses bombes que los americanos dicen qu'atoparon nos aviones que veníen d'Inglaterra y de Dubai, y qu'al paecer taben llistes pa estopar, son una trola como El Capitoliu de grande.
Chocame que siempre atopen bombes, o den l'altu a dalgún terrorista, la viéspora de les elleiciones o cuando se barrunta que la popularidá del que manda esnidia picu abaxo camín del desastre.
Nun ye que me tenga por más llistu que naide, pero qué sé yo… tampoco tan fatu como pa pensar que les milenta concidencies, qu'hasta agora se dieron, son un petite del destín que tien querencia por eses feches.
Yá sé que nunca lo voi saber. Que malpenes sabemos na de lo que socede por eses alcantarielles que tienen tolos Estaos y que, polo vistu, son imprescindibles pa que puean gobernanos como ta mandáu.
Lo que me queda ye nun plasmar, ye dicir: Cuidáu, si queréis que trague, prepara-ylo un pocu meyor, redios. Nun creo que los terroristes vayan ser tan fatos como pa facer un paquetín, con Goma-2, y mandalo por avión como si fuere una tableta turrón.
Nun sé por qué tengo l'enfotu de qu'eses bombes que los americanos dicen qu'atoparon nos aviones que veníen d'Inglaterra y de Dubai, y qu'al paecer taben llistes pa estopar, son una trola como El Capitoliu de grande.
Chocame que siempre atopen bombes, o den l'altu a dalgún terrorista, la viéspora de les elleiciones o cuando se barrunta que la popularidá del que manda esnidia picu abaxo camín del desastre.
Nun ye que me tenga por más llistu que naide, pero qué sé yo… tampoco tan fatu como pa pensar que les milenta concidencies, qu'hasta agora se dieron, son un petite del destín que tien querencia por eses feches.
Yá sé que nunca lo voi saber. Que malpenes sabemos na de lo que socede por eses alcantarielles que tienen tolos Estaos y que, polo vistu, son imprescindibles pa que puean gobernanos como ta mandáu.
Lo que me queda ye nun plasmar, ye dicir: Cuidáu, si queréis que trague, prepara-ylo un pocu meyor, redios. Nun creo que los terroristes vayan ser tan fatos como pa facer un paquetín, con Goma-2, y mandalo por avión como si fuere una tableta turrón.
viernes, 29 de octubre de 2010
El patiu de la escuela nun ye particular
Milio Mariño
Plasmo al ver como se tracamundia, pa min de forma interesada, eso de “regular los xuegos de los neños” nos patios de les escueles.
Plasmo de cómo s'escandalicen, en nome de la llibertá, los que tienen una idea mui particular de lo que nos fai llibres.
Dígolo porque ún de los valores de la sociedá democrática ye la participación responsable. Y eso, a min moldu de ver, ye lo que se trata de poner en prautica nel ámbitu de les escueles y nos patios escolares.
La llibertá y la responsabilidá nun son incompatibles. Daveres que non. Los neños son llibres y tienen drechu a esfrutar de la infancia como yos pete, eso nun creo que naide lo discuta. Pero l'exerciciu d'esa llibertá nun quita pa que los maestros los empobinen y los protexan. Nun pue ser que delles zunes nos resulten indiferentes y que'l patiu de la escuela seya como una cai trapacera na que se val cualquier cosa y rixe la llei del más fuerte.
La democracia, la ciudadanía, el respetu y los valores d'una sociedá nun sexista hai que procurar llevalos a tolos sitios, y a la escuela con más motivu.
Si nun ye eso, precisamente, lo que'l PSOE pretende cola propuesta, entós enquivocase. Enquivocase como enquivocaos tan los que, en nome de la llibertá, defenden que los neños, nel patiu la escuela, puen xugar a lo que-yos de pola gana y facer lo que-yos pete.
Plasmo al ver como se tracamundia, pa min de forma interesada, eso de “regular los xuegos de los neños” nos patios de les escueles.
Plasmo de cómo s'escandalicen, en nome de la llibertá, los que tienen una idea mui particular de lo que nos fai llibres.
Dígolo porque ún de los valores de la sociedá democrática ye la participación responsable. Y eso, a min moldu de ver, ye lo que se trata de poner en prautica nel ámbitu de les escueles y nos patios escolares.
La llibertá y la responsabilidá nun son incompatibles. Daveres que non. Los neños son llibres y tienen drechu a esfrutar de la infancia como yos pete, eso nun creo que naide lo discuta. Pero l'exerciciu d'esa llibertá nun quita pa que los maestros los empobinen y los protexan. Nun pue ser que delles zunes nos resulten indiferentes y que'l patiu de la escuela seya como una cai trapacera na que se val cualquier cosa y rixe la llei del más fuerte.
La democracia, la ciudadanía, el respetu y los valores d'una sociedá nun sexista hai que procurar llevalos a tolos sitios, y a la escuela con más motivu.
Si nun ye eso, precisamente, lo que'l PSOE pretende cola propuesta, entós enquivocase. Enquivocase como enquivocaos tan los que, en nome de la llibertá, defenden que los neños, nel patiu la escuela, puen xugar a lo que-yos de pola gana y facer lo que-yos pete.
jueves, 28 de octubre de 2010
González-Sinde diz qu'un inteletual pue llamate mierda y lo que-y de pola gana
Milio Mariño
Entruguen-y a la ministra de cultura que-y paez la polémica que se preparó a propósitu de que Perez Reverte dixera de Moratinos que ye un perfechu mierda, y a González-Sinde nun se-y ocurre otra cosa que dicir que los inteletuales tienen llibertá pa opinar como yos de pola gana.
Si ministra, hasta ehí llegamos. Los inteletuales y too mariasantísima, campeona. Pero, cuidáu, ensin faltar a naide.
Tal como lo dixo la ministra ye pa entender que los inteletuales, por ser quién son, puen ponete pingando y, a ti, lo únicu que te queda ye aguantar el bastiáu.
Yera lo que nos faltaba, que la ministra de cultura diere llicencia a Reverte, y a tolos inteletuales, pa que se ciscaren en toos nosotros y hasta na madre que nos parió.
Entruguen-y a la ministra de cultura que-y paez la polémica que se preparó a propósitu de que Perez Reverte dixera de Moratinos que ye un perfechu mierda, y a González-Sinde nun se-y ocurre otra cosa que dicir que los inteletuales tienen llibertá pa opinar como yos de pola gana.
Si ministra, hasta ehí llegamos. Los inteletuales y too mariasantísima, campeona. Pero, cuidáu, ensin faltar a naide.
Tal como lo dixo la ministra ye pa entender que los inteletuales, por ser quién son, puen ponete pingando y, a ti, lo únicu que te queda ye aguantar el bastiáu.
Yera lo que nos faltaba, que la ministra de cultura diere llicencia a Reverte, y a tolos inteletuales, pa que se ciscaren en toos nosotros y hasta na madre que nos parió.
martes, 26 de octubre de 2010
Ye preferible una babayada que dos de cinismu.
Milio Mariño
Toi plasmáu pola cantidá de tinta y los munchos regatos de cuspia que corrieron estos díes a propósitu d'una babayada del Alcalde de Valladolid, al que se-y ocurrió dicir lo qu'imaxinaba podía facer la Ministra de Sanidá colos llabios que tien.
La babayada foi de les que faen domina pero non me paez que fuere tantu como pa que, una selmana depués, entá sigan con esi cantar nos periódicos y los telediarios.
Yá sé que ta mal dicilo, y peor tratándose d'esti tema, pero mialma paez que tol mundu la cueye con papel de fumar. Valse dicir les mayores burraes en tolo que se quiera menos cuando anda pol medio una muyer. Valse pensar les aberraciones mas grandes que cueyan en mollera humana, pero nun se val diciles en públicu, so pena de puean aforcate na plaza mayor del pueblu.
Cuanta hipocresía hai pol mundu. Hai tanta que, puestos a escoyer, ye preferible la sinceridá al cinismu.
Toi plasmáu pola cantidá de tinta y los munchos regatos de cuspia que corrieron estos díes a propósitu d'una babayada del Alcalde de Valladolid, al que se-y ocurrió dicir lo qu'imaxinaba podía facer la Ministra de Sanidá colos llabios que tien.
La babayada foi de les que faen domina pero non me paez que fuere tantu como pa que, una selmana depués, entá sigan con esi cantar nos periódicos y los telediarios.
Yá sé que ta mal dicilo, y peor tratándose d'esti tema, pero mialma paez que tol mundu la cueye con papel de fumar. Valse dicir les mayores burraes en tolo que se quiera menos cuando anda pol medio una muyer. Valse pensar les aberraciones mas grandes que cueyan en mollera humana, pero nun se val diciles en públicu, so pena de puean aforcate na plaza mayor del pueblu.
Cuanta hipocresía hai pol mundu. Hai tanta que, puestos a escoyer, ye preferible la sinceridá al cinismu.
lunes, 25 de octubre de 2010
Xubilar a la ETA, enaína
Milio Mariño
A estes altures, nel sieglu XXI y nun país de la Unión Uropea, hai una reciella de terroristes que, entovía, tan pensando si dexen o nun dexen les armes. Piénsenlo abondo, nun sé que tendrán que pensar, diréis dellos. Yá, pero nun debe ser tan fácil, sobre manera pa los que lleven viviendo d'eso un porrón d'años y nun saben facer otra cosa. Claro que lo que manda caláu ye que, a la fin, va tener que ser l'Estáu, el que se faiga cargo d'ellos. Non mos va quedar más remediu que paga-yos la xubilación anticipada. Tien coyones la carga lleña pero si queremos qu'esto fine d'arréu, habrá que pesllar los güeyos, poner una pinza nes ñaples y facer de tripes celebru.
A estes altures, nel sieglu XXI y nun país de la Unión Uropea, hai una reciella de terroristes que, entovía, tan pensando si dexen o nun dexen les armes. Piénsenlo abondo, nun sé que tendrán que pensar, diréis dellos. Yá, pero nun debe ser tan fácil, sobre manera pa los que lleven viviendo d'eso un porrón d'años y nun saben facer otra cosa. Claro que lo que manda caláu ye que, a la fin, va tener que ser l'Estáu, el que se faiga cargo d'ellos. Non mos va quedar más remediu que paga-yos la xubilación anticipada. Tien coyones la carga lleña pero si queremos qu'esto fine d'arréu, habrá que pesllar los güeyos, poner una pinza nes ñaples y facer de tripes celebru.
jueves, 21 de octubre de 2010
Ser el meyor nun tien ciencia, pue selo cualquiera
Milio Mariño
El Presidente Zapateru camudó, güei, el Gobiernu. Camudó nun sé si cuatro o cinco ministros.
De los que quitó, dixo que fueren toos buenísimos y de los nuevos diz que van ser, entovía, meyores.
El casu que, viendo lo que dicía Zapateru, alcordéme d'un maestru que tuvi y de cuando un día me dixo:
¡Oiga, nun quiera ser el meyor, conformése con ser buenu! Atienda lo que voi dicíi : El meyor pue selo cualquiera, pero ser buenu… ser buenu ye otra cosa.
Debí poner cara pamestu porque cuando acabó la clase mandóme quedar elli, xunto a él, y volvió a esplicámelo.
Toi por apostar que Zapateru debe tar como taba yo enantes de que m'esplicaren la diferencia ente ser el meyor y ser buenu. A les prebes me remito.
El Presidente Zapateru camudó, güei, el Gobiernu. Camudó nun sé si cuatro o cinco ministros.
De los que quitó, dixo que fueren toos buenísimos y de los nuevos diz que van ser, entovía, meyores.
El casu que, viendo lo que dicía Zapateru, alcordéme d'un maestru que tuvi y de cuando un día me dixo:
¡Oiga, nun quiera ser el meyor, conformése con ser buenu! Atienda lo que voi dicíi : El meyor pue selo cualquiera, pero ser buenu… ser buenu ye otra cosa.
Debí poner cara pamestu porque cuando acabó la clase mandóme quedar elli, xunto a él, y volvió a esplicámelo.
Toi por apostar que Zapateru debe tar como taba yo enantes de que m'esplicaren la diferencia ente ser el meyor y ser buenu. A les prebes me remito.
miércoles, 20 de octubre de 2010
The parti de risa
Milio Mariño
La drecha de la drecha, l'ala dura de la gaviota, tien por zuna poner pingando al Gobiernu, tenga o nun tenga culpa.
Eso, hasta cierto puntu, ye normal, pero d'ehí a que ten tol tiempu, dai que te piego, llamando a Zapateru coyonazos por nun facer con Venezuela y Marruecos lo qu'ellos ficieron en Perexil, una de dos: o ye que lo dicen de coña, o que mialma son fatos del too. Fatos y mui peligrosos porque, al paecer, de tar ellos gobernando solventaríen lo de Marruecos a tiros y lo de Venezuela a bombazos.
Vaya peligru… Mamina que mieu. Mieu de ser la risión porque los americanos, y el mundu enteru, diben ponelos prietos a plizcos y a pataes nos todiellos.
La drecha de la drecha, l'ala dura de la gaviota, tien por zuna poner pingando al Gobiernu, tenga o nun tenga culpa.
Eso, hasta cierto puntu, ye normal, pero d'ehí a que ten tol tiempu, dai que te piego, llamando a Zapateru coyonazos por nun facer con Venezuela y Marruecos lo qu'ellos ficieron en Perexil, una de dos: o ye que lo dicen de coña, o que mialma son fatos del too. Fatos y mui peligrosos porque, al paecer, de tar ellos gobernando solventaríen lo de Marruecos a tiros y lo de Venezuela a bombazos.
Vaya peligru… Mamina que mieu. Mieu de ser la risión porque los americanos, y el mundu enteru, diben ponelos prietos a plizcos y a pataes nos todiellos.
lunes, 18 de octubre de 2010
Entá nun sabemos cómo nos quier vistir Rajoy
Milio Mariño
La drecha, y la drechona, atesteren y nun paren acusando al Gobiernu de facer una política enquivocada, pero'l Gobiernu nun anda mui lloñe de lo que fai Sarkozi en Francia. Tayada a los llogros sociales, estopa a los sindicatos y escorribanda a los emigrantes. Menos esto últimu lo otru ta faciéndolo Zapateru y Rajoy diz que nun ye por ehí la cosa.
Entós…¿ Qué ye lo que nos propón? ¿ Propón siguir la moda de París o la de Zara, que nun tien comparanza a peor? Quien sabe, igual nun-y valen denguna de les dos. Igual lo que ta pensando ye siguir la moda Agatha Ruiz de la Prada, la muyer del Kane de Llogroño, que con un trapu roxu y gualda lo mesmu fai una falda qu'un vistíu de llagarterana.
La drecha, y la drechona, atesteren y nun paren acusando al Gobiernu de facer una política enquivocada, pero'l Gobiernu nun anda mui lloñe de lo que fai Sarkozi en Francia. Tayada a los llogros sociales, estopa a los sindicatos y escorribanda a los emigrantes. Menos esto últimu lo otru ta faciéndolo Zapateru y Rajoy diz que nun ye por ehí la cosa.
Entós…¿ Qué ye lo que nos propón? ¿ Propón siguir la moda de París o la de Zara, que nun tien comparanza a peor? Quien sabe, igual nun-y valen denguna de les dos. Igual lo que ta pensando ye siguir la moda Agatha Ruiz de la Prada, la muyer del Kane de Llogroño, que con un trapu roxu y gualda lo mesmu fai una falda qu'un vistíu de llagarterana.
viernes, 26 de febrero de 2010
Camino, el polesu, ye'l rei de los obispos
Milio Mariño
Da gloria ver lo llistu que ye Caminin el polesu. No tocante a tracamundiar y dar vuelta a les coses nun hai otru que-y ponga'l pie delantre. Basta ver como se defendió panza arriba y salió pola tanxente cuando-y entrugaron si, los Obispos, tamién diben escomulgar al Rei por firmar la llei del albortu.
“ Que'l Rei tenga que sancionar cola so firma una llei ye una situación única. Nun ahí otru que pase por esi trance. De moldu que nun podemos aplicar los principios xenerales a lo que ye una situación única”.
Convidame a esi paisanu. Venga, yá tais poniendo-y otra botellina sidra o lo que quiera beber que lo que nun se-y ocurra a él nun se-y ocurre nin al qu'asó la mantega. Y, enriba dixo que, si quixera, podía escribir cuatro llibros sobre esi tema.
Esti polesu ye mundial. Esti garra lo d'esi cura de Toledo qu'andaba por ehí en calzonciellos, ofreciéndose de putu, y ye capaz de facenos creyer que lo facia por penitencia y pol aquello de ganase'l cielu a pulsu.
Da gloria ver lo llistu que ye Caminin el polesu. No tocante a tracamundiar y dar vuelta a les coses nun hai otru que-y ponga'l pie delantre. Basta ver como se defendió panza arriba y salió pola tanxente cuando-y entrugaron si, los Obispos, tamién diben escomulgar al Rei por firmar la llei del albortu.
“ Que'l Rei tenga que sancionar cola so firma una llei ye una situación única. Nun ahí otru que pase por esi trance. De moldu que nun podemos aplicar los principios xenerales a lo que ye una situación única”.
Convidame a esi paisanu. Venga, yá tais poniendo-y otra botellina sidra o lo que quiera beber que lo que nun se-y ocurra a él nun se-y ocurre nin al qu'asó la mantega. Y, enriba dixo que, si quixera, podía escribir cuatro llibros sobre esi tema.
Esti polesu ye mundial. Esti garra lo d'esi cura de Toledo qu'andaba por ehí en calzonciellos, ofreciéndose de putu, y ye capaz de facenos creyer que lo facia por penitencia y pol aquello de ganase'l cielu a pulsu.
lunes, 22 de febrero de 2010
Morrer por enquivocación
Milio Mariño
Güei, mentes tomaba'l primer cafetín de la mañana y echaba una güeyada por Internet, atopéme con otra estrapallada de civiles muertos, ventiún al paecer, por otra enquivocación de la OTAN. Nun sé cuantos enquivocos dirán, nun tengo humor pa cuntalos.
Morrer ye bien ciertu que toos tenemos que morrer, pero morrer asina… Poles bales y les bombes que disparen los amigos.
Los americanos xustifiquen la nueva ofensiva, 150.000 soldaos, diciendo que lo que quieren ye ganar puntos cola población nativa. Y, pa llogralo, amás de bombes, bales, cañonazos y estopa a dar por un tubu, dicen que piensen dayos dellos susidios como ya ficieren en Iraq cola minoría xuni. Unos cuantos dólares al mes, a repartir pa ca tribu, pa que nun sigan apoyando a los talibanes.
Ye como pa mexar y nun echar nin gota. A estes altures nun creo que naide sepa que facemos ellí porque lo que se cuez en Afganistán nun ye'l terrorismu o la paz mundial, ye una reciella ente criminales y narcotraficantes por algamar el poder. Eso y los intereses americanos pol repartu estratéxicu d'una zona d'influyencia que disputen a China y Rusia.
Güei, mentes tomaba'l primer cafetín de la mañana y echaba una güeyada por Internet, atopéme con otra estrapallada de civiles muertos, ventiún al paecer, por otra enquivocación de la OTAN. Nun sé cuantos enquivocos dirán, nun tengo humor pa cuntalos.
Morrer ye bien ciertu que toos tenemos que morrer, pero morrer asina… Poles bales y les bombes que disparen los amigos.
Los americanos xustifiquen la nueva ofensiva, 150.000 soldaos, diciendo que lo que quieren ye ganar puntos cola población nativa. Y, pa llogralo, amás de bombes, bales, cañonazos y estopa a dar por un tubu, dicen que piensen dayos dellos susidios como ya ficieren en Iraq cola minoría xuni. Unos cuantos dólares al mes, a repartir pa ca tribu, pa que nun sigan apoyando a los talibanes.
Ye como pa mexar y nun echar nin gota. A estes altures nun creo que naide sepa que facemos ellí porque lo que se cuez en Afganistán nun ye'l terrorismu o la paz mundial, ye una reciella ente criminales y narcotraficantes por algamar el poder. Eso y los intereses americanos pol repartu estratéxicu d'una zona d'influyencia que disputen a China y Rusia.
lunes, 15 de febrero de 2010
Emporcar el Poder Xudicial
Qué queréis que vos diga. Si Margaritina, fundadora de Xueces pa la Democracia, presume de colocar a 18 collacios, que nun fairán los otros sayones qu'anden al rau. Caún colocará a tolos qu'atrope. Tamos guapos. Nun ye que me choque, a min de los xueces chocame pocu. Tuvi bastante tratu con dellos y, mialma, algama pa escribir un llibru de babayaes, maníes, petites y vares de midir, según l'humor que tengan y quien seya'l que ta nel bancu.
Ya dixi, d'estos chocame bastante pocu pero que la presidenta presuma, al altu la lleva, de colocar a los amigos, tien güevos la carga lleña.
Ya dixi, d'estos chocame bastante pocu pero que la presidenta presuma, al altu la lleva, de colocar a los amigos, tien güevos la carga lleña.
jueves, 11 de febrero de 2010
Oru molíu
Na paxina que tengo abierta en facebook vien apaeciendo, dende va unos díes, un anunciu que diz : invierta 100 euros en oru y gane 1.000 nun día. Entá nun-y fici casu. Nin lo fici nin pienso face-ylo. Y nun ye que me sobren les perres… Ye que soi caprichosu. A min empobínenme pola drecha y colo pola manzorga. Y, otra cosa, vaya tolanos que tien el rapaz que punxo esi anunciu. En cuenta callar y tar dai que te piego invirtiendo montoninos de 100 euros y ganando una millonada, tien l'aquello de cuntalo na rede pa que tol mundu s'entere. Entovía queda xente con bonos sentimientos y un altruísmu que mialma me dexa plasmáu. Plasmáu y roxu de vergoña porque yo, la verdá seya dicha, si paño un choyu d'esos non-y lo cuento nin a mariasantisima.
Suscribirse a:
Entradas (Atom)