Tuvieron nel Paraisu: Pio Baroja en Tinéu

Milio Mariño

Pío Baroja, l'escritor más revesosu y controvertíu de la xeneración del 98, llevaba años naguando por facer un viaxe por onde lo fixera'l Xeneral Gómez Damas, un militar indisciplináu ya escéntrico que, desobedeciendo les ordenes de los sos superiores, ocurrióse-y facer una espedición, con 180 homes a caballu y 2700 infantes, qu'anició n’Amurrio, siguió per Asturies y foi faciendo ziszás, por Galicia y Castiella, hasta acabar na menos qu’en Cádiz.

La debalante ruta del xeneral carlista aprucía un encantu al que, Baroja, nun pudo aguantase. De cuenta que, a principios del branu de 1935, l'escritor preparó un viaxe y decidió siguir los pasos de Gómez, un militar de pelo roxu y güeyos azules, qu'acabaría siendo xulgáu y encarceláu por aquella esbarriada aventura que, curiosamente, nunca s'estudió nes academies militares d'España pero si nes de Francia, Alemaña y Rusia.

Baroja salió de Vera de Bidasoa, onde avezaba a braniar, con un xofer y un fotógrafu, dos collacios de viaxe que nun-y facíen muncha compaña, pos  quexábase de que'l xofer tuviera, siempres, canturriando y tastiando alredor del coche y el fotógrafu, foscu y ayeno, ocupándose, namás, de que nun-y asocediera nada a la so cámara fotográfica.

La cosa foi que, siguiendo l'itinerariu del xeneral Carlista, Baroja y los sos collacios de viaxe, entraron n'Asturies por Tarna, baxaron per San Isidro, travesaron Cabanaquinta y, dempués de pasar Mieres, a poca distancia d'Uviéu, paróse-yos el coche, de xuru cansáu de sortiar baches, morrillos, pronunciaes cuestes ya revueltes imposibles. Bastó que lo dexaren folgar un pocu pa que quixera arrincar de nuevu y aceutara llevalos a Uviéu, a onde llegaron yá entrada la nueche.

N'Uviéu agospiáronse nuna pensión y, al otru día, mientres el xofer llevaba'l coche al taller y mandaba que lo revisaren y punxeren a puntu, Baroja entretúvose, según dexó escrito na crónica que facía a diariu, en dormir la mañana y escuchar a la sirvienta de la pensión, que diba de cuartu en cuartu faciendo les cames, mientres canturriaba, allegre y parlladora, Si se va la palomba.

Cuando'l xofer dixo que l'arreglu del coche diba pa llargu, que diba ocupayos más tiempu de lo previstu, Baroja salió de paséu per Uviéu y, a la entrada del Campu San Francisco, atopóse con un conocíu que lo convidó a beber sidra, chocando-y que la echaren nel vasu dende un altor de dos metros pa que fixera espluma. Asina lo escribió na crónica d'aquel día.

Ente unu y otru, Baroja y los collacios de viaxe salieron d'Uviéu acabante comer, yá pela tarde, y fueron per Grau y Salas, apreciando que, al pasar polos pueblos, viense a dellos señores, con aire d'indianos, que pasiaben tranquilamente pela oriella la carretera. Tuvieron de llegar a Tinéu a bones hores, bien entrada la nueche. En realidá nun sabíen a onde llegaren, de mou que Baroja escribió, na so crónica, l'aspeutu que tenía'l pueblu, al otru día pela mañana, quiciabes sosprendíu de que fuere bien grande y nun tuviera envueltu poles gurrianes qu'apreciara n'otros pueblos d’Asturies.

En Tinéu, qu'entós tenía 21.000 habitantes, mandó Baroja al fotógrafu que-y fixera una semeya, anotando na so crónica que yera un pueblu nuevu, con mui bon aspeutu, que destacábase nel altor d’una llomba y rellumaba al sol de poniente con un rellume coloráu que-y prestaba enforma. Ellí debió consultar les sos notes y decatase d’ónde taba porque la pluma de Pío Baroja tamién s'ocupó d'un xeneral  pernomáu, Rafael del Riego, camentando que l'himnu del Xeneral yera caleyeru, allegre y saltarín y taba papáu pola gloria de los héroes del lliberalismu.

Dempués de facer nueche y pasar un día en Tinéu, Baroja salió camín de La Pola d'Ayande, y Grandes de Salime, anotando pueblos y paisaxes pa completar la crónica de quien dicía, de sí mesmu, que yera  un atéu y  un anticlerical crónicu. Un home con una capacidá estelante pa dar vida a personaxes y aventures dende un pesimismu irreductible, al dicir d'Azorín, que ñaciera en San Sebastián, en 1872, nel sen d'una familia lliberal, d'impresores ya editores, enfrentada al carlismu y, más tarde, al nacionalismu vascu.

Baroja yera introvertíu y misóxinu, solitariu y solterón, vascu gafientu y al empar antinacionaliegu, antisemita, y, en principiu, siguidor acérrimu de Lerroux. Tenía unes salíes memorables, dicía que ser Presidente de la República equivalía, en grande, a ser conserxe d'un casinu. En 1904, pidió en Las Ramblas de Barcelona, llevantar el velu a les novicies p'alzales a la categoría de madres.

 Tiempu dempués de proclamase siguidor de Lerroux, Baroja acabó desencantáu de la so política y llegó a considerálo un mediocre. Tamién la entamó con Azaña, al que llamaba home floxu y débil, de tipu feminoide. Almiraba a Negrín pola so resistencia frente al fascismu, y defendía, pa España, una dictadura platónica ya intelixente qu'impunxera la paz a los dos bandos.

 Baroja sintetiza, con Unamuno, toles pasiones y toles contradicciones de la xeneración del 98. Al terminar los sos estudios, treslladóse a Cestona, onde consiguiera una plaza de médicu rural. Nun tardó n'alvertir que l'exerciciu de la melecina nun yera lo suyo; al poco tiempu taba asquiáu del oficiu; reñera col médicu vieyu, con quien compartía'l cuidáu de la salú d'aquellos pueblos, como tamién reñera con casi tol mundu: col maestru, col alcalde y, naturalmente, col cura párrocu.

Cuando dexó de ser médicu, Baroja coló de Cestona a Madrid, onde taba'l so hermanu Ricardo que s'ocupaba nun negociu de pan d'una tía que quedare viuda. Ricardo taba fartu d’atender la panadería, quería dexalo. Y Baroja, ensin bazcuyar, díxo-y al so hermanu que nun tenía deveniente n'ocupase del negociu. De cuenta que pasó d'exercer de mélicu pa convertise en dueñu d'una panadería, un cambéu d'oficiu que sirvió pa que-y gastaren infinidá de chancies que lu agafaben enforma.

Pío Baroja siempre dixo que sintía muncha simpatía per Asturies, pero tenía a Clarín ente ceya y ceya porque criticare bien duramente la so primer novela. Baroja foi autor d'una estensa obra lliteraria: cuentos, ensayos, novela y novela histórica, qu'entama nel añu 1900 con La casa de Aitzgorri y conclúi en 1950 con El cantor Vagabundo. Les sos noveles más famoses quiciabes sían: Las aventuras de Shanti Andia y Zalacáin el aventurero.

Cuando Bajora pasó per Tinéu, n’aquel viaxe ablucante, yá tenía 63 años. Entovía vivió muncho tiempu. Morrió en Madrid, en 1956, afeutáu por una grave arteriosclerosis y foi enterráu nel campusantu civil como atéu, con gran escándalu de la España oficial. El so ataúd lleváronlo, a llombos, ente otros, dos de los sos grandes almiradores: Ernest Hemingway y Camilo José Cela.

 Milio Mariño / Del llibru, entá inéditu / Tuvieron nel Paraisu

La fruta guapa

Milio Mariño

Todo está en crisis menos lo guapo. Lo guapo se ha convertido en la prioridad absoluta de la sociedad actual y la belleza en una especie de religión que asocia lo feo con el demonio y se empeña en ahuyentarlo sustituyendo las misas y los rosarios por la cirugía estética, el botox y el photoshop.

Ya lo anticipaban Los Sirex en aquella exitosa canción que, en 1965, fue la canción del verano. “¡Que se mueran los feos!”. Que no quede ninguno, decían. Suerte que no se cumplió el deseo de los rockeros.  Los feos seguimos aquí y supongo que moriremos a la misma edad que los guapos. La belleza ya supone un trato social más favorable, como para que, encima, los guapos vivan más años.  Imagino que vivirán los mismos, lo que no quita para que la gente cuide su aspecto y utilice la cirugía, los implantes de todo tipo, la cosmética y lo que haga falta para lucir más joven y guapa. ¿Eso alarga la vida? Por supuesto que no, pero mejora la autoestima y aumenta la  sensación de felicidad.

La imagen es importante. Tanto que, aunque no solemos estar de acuerdo en cómo salimos en las fotos, sobre todo en la del DNI, la creencia general es que ahora somos más guapos. Nos vemos mucho mejor que la gente de hace treinta o cuarenta años a pesar de que sigue abundando la gente poco agraciada y la belleza sigue siendo excepción.

Era lo que pensaba. Y lo confirmé hace unos días cuando, mientras paseaba, se me ocurrió hacer una encuesta visual. A los cinco minutos ya lo tenía muy claro: hay más gente fea que guapa.

El caso que mientras iba calle adelante, distraído con la encuesta, tropecé con una frutería que tenía expuesto su género en un escaparte que ocupaba la mitad de la acera. Todo muy bien colocado, en una cascada de cajas en las que la fruta lucía como si estuviera expuesta para un desfile de Christian Dior.

Nunca me había fijado, pero la fruta toda era guapa. Fruta fea: peras con mucha barriga, tomates pálidos, manzanas con pecas, plátanos con manchas negras o cualquier fruta que se saliera de la perfección,  en cuanto a tamaño, color o características de la piel, no había ninguna. Solo había fruta guapa. Algo curioso, sobre todo si tenemos en cuenta que a la hora de comprar fruta debería primar el sentido del olfato y el del gusto por encima de la apariencia visual.

Me enteré luego que la fruta fea, aunque esté perfectamente apta al consumo, tenga el mismo gusto que la guapa, la misma cantidad de vitaminas y todos esos beneficios que atribuimos a la fruta en general, es eliminada sin piedad. Lo cual supone que aproximadamente el 45% de la producción queda fuera del circuito comercial. Un informe de la FAO, señala que se desperdician 300 millones de toneladas de fruta al año, sin que existan motivos nutricionales ni de sabor que justifiquen el despilfarro.

Ni les cuento el tembleque que me entró solo de pensar que podrían hacer con nosotros lo que hacen con los plátanos, las manzanas o las naranjas que no superan el canon estético. No sé si lo harán algún día, pero si lo hicieran la gente acabaría pereciéndose a los melocotones de ahora, que son muy guapos pero apenas tienen sabor ni huelen a nada.

Milio Mariño / Artículo de Opinión / diario La Nueva España

Tuvieron nel Paraísu: Pablo Iglesias en Celoriu

Milio Mariño

Pablo Iglesias Posse, el que fuere fundador del Partíu Socialista Obrero Español, primer Seretariu ya Diputáu en Cortes, tuvo en Celoriu del 13 de xunetu al 18 d'agostu de 1921, por  conseyu del so médicu, que-y encamentara pasar el branu n'Asturies, n'ares a una meyora de la so maltrecha salú.

Siguiendo l'encamientu del médicu, Pablo viaxó dende Madrid nel tren corréu de Santander, apeóse en Torrelavega y siguió viaxe a Celoriu nos Ferrocarriles Económicos, que teníen un apeaderu malpenes a unos metros del xalé onde Pablo diba agospiase, en La Ventona, que yera propiedá del indianu Agustín Otero.

Los trenta y seis díes que Pablo Iglesias pasó en Celoriu, mialma valieron de pocu. Valieron pa que meyorara, un pelín, de salú, pero pocu dempués  de volver a Madrid viose obligáu a guardar cama y namás pudo intervenir en política por aciu d’artículos o reuniones qu'habíen de celebrase na so casa. El probe tenía la salú  tan frayada que nun pudo asistir, siquiera, a una manifestación, entamada pol Atenéu de Madrid, na que se protestaba pol desastre d'Annual, qu'asocediera'l 21 de xunetu, mientres Pablo taba n'Asturies, y sedría causa direuta del golpe d'Estáu que dio pasu a la dictadura de Primo de Rivera.

Aquel branu, en Celoriu, nun-y sirvió a Pablo Iglesias, qu'entós tenía 71 años, pa reponese de los sos alifaces, pero supunxo un alliviu y dexó-y esfrutar de mui bonos momentos, nos que compartió proyeutos ya pruyimientos, con persones de la so redolada, pos tamién braniaben n'Asturies, nel cercanu pueblu de Llanes, Julián Besteiro, caderalgu de Lóxica de la Universidá Central,  que depués socederíalo na dirección del PSOE, la so esposa Dolores Cebrián, profesora de Ciencies Físiques, y Fernando de los Ríos, caderalgu de drechu y miembru de la Comisión Executiva del PSOE, que, sintiéndolo enforma, malpenes pudo tar unos díes acompañando al so almiráu maestru, yá que tenía alcordaos dellos mítines en Santander y Bilbao.

Los trés líderes socialistes que concidieron, aquel branu, nel paraísu d’Asturies, Pablo Iglesias, Julián Besterio y Fernando de los Ríos, posaron  xuntos pa un fotógrafu de Llanes que los inmortalizó nuna fotografía que pue considerase histórica pos dio orixe a un cuadru d'Isabel Villar, que formó parte de la so esposición na galería Juana Aizpuru de Sevilla, y darréu, sirvió como motivu pal cartelu del XXVII Congresu del Partíu Socialista Obreru Español, celebráu en Madrid n'avientu de 1976. El primeru tres el fin de la dictadura.

La estancia de Pablo Iglesias en Celoriu quedó plasmada primero na fotografía, depués nel cuadru, y finalmente nel cartelu pero, tamién, na memoria de munchos asturianos yá qu'a la lóxica espectación que desamarró, na contorna, la presencia del líder socialista, hai qu'añidir que los principales periódicos, tantu llocales como rexonales o nacionales, publicaron la noticia de que Pablo Iglesias pasaría una temporada n'Asturies p'aprovechar les bondaes del clima y la mar, y restablecer la so delicada salú. Asina foi que los socialistes asturianos, y en particular los uvieinos, nun esbardiaron la ocasión y, dempués de munches xestiones, consiguieron fletar un tren especial, con rebaxa del preciu de los billetes, que llevó a Celoriu a dellos centenares de militantes.

La semeya histórica, de los trés líderes, ye bien posible que fuera fecha por Amado Cue, un indianu de Llanes qu’entós tenía estudiu abiertu en Celoriu y yera amigu y vecín  d'Agustín Otero. Casi con toa probabilidá ta tomada na güerta asitiada al oeste de la casa ónde Pablo Iglesias braniaba, ente l'antigua carretera nacional y la vía del ferrocarril, nel  entronque de la baxada al pueblu y el camín que diba de Celoriu a Porrúa.

Aquel branu, coincidió que la Compañía de Xesús, que mercara'l Monasteriu de San Salvador, empecipió en Celoriu un ciclu d'exercicios espirituales a los que, al paecer, asistía Dolores Cebrían acompañada por Besteiro, que tenía un tratu deferente pa col párrocu. Pablo Iglesias, anque s'amosaba correuto, solía encetar al cura cuando lo atopaba nos sos paseos al traviés de les caleyes de l'aldega y acababen falando casi siempres de temes polémicos.

Pablo Iglesias, Paulino como lu llamaben en familia, naciera n'El Ferrol el 18 d'ochobre de 1850. Quedó güérfanu de padre cuando solu cuntaba 6 años y cola so madre, y un hermanu menor llamáu Manuel, treslladáronse dende El Ferrol a Madrid faciendo'l viaxe a pie y tirando d'un carrucu nel que llevaben lo poco que teníen. Yá en Madrid la so madre púnxose a sirvir pero, como lo que ganaba nun-y llegaba, siquiera, pa mantener a la familia, tuvo qu'ingresar a los dos fíos nel Hospiciu de San Fernando y ellí, nel hospiciu, Pablo deprendió a lleer y recibió les primeres nociones de lo que depués sería'l so oficiu, tipógrafu. Bien ceo, a los 12 años, entró a trabayar nuna imprenta como aprendiz y pocu dempués consiguió trabayu n'otra imprenta meyor onde yá exercía como oficial  pero, cuando empezaba a salir alantre, sufrió la desgracia de ver morrer al so hermanu, enfermu de tuberculosis.

Amás de trabayar na imprenta, Pablo Iglesias asistía a la escuela nocherniega, ónde se formó en  cultura xeneral y deprendió francés y aritmética. En 1870, conoció a Paul Lafargue, que yera xenru de Carlos Marx y taba abellugáu n'España. En 1874 foi escoyíu presidente de l'Asociación d'Impresores. Y el 2 de mayu de 1879, nel intre d'una comida, celebrada na tabierna Casa Labra, de Madrid, a la qu'asistieron 25 persones, fundó'l Partíu Socialista Obrero Español.

Pablo Iglesias viniera a Celoriu, por conseyu del médicu, pa reponese d'una grave pulmonía que contraxere l'añu anterior. La so salú yera bien fráxil, pesaba enforma la fame que pasare na infancia, los años nel hospiciu, les sos estancies na cárcel y tou un rosariu de penuries que lu llevaren a tener que vivir y dormir na trestienda de la imprenta onde trabayaba.

Cuando morrió en Madrid, el 9 d'avientu de 1925, dexó nun caxón del so austeru despachu, tou lo que tenía: un sobre con 1.000 pesetes pa que siguieren publicando "El Socialista". El so cadabre foi espuestu, dos díes enteros, nun veloriu, instaláu na Casa del Pueblu. Yera tan queríu de la xente que l'homenaxe póstumu que-y rindieron los sos compañeros y el pueblu de Madrid, algamó tal magnitú que'l Gobiernu viose obligáu a autorizar una manifestación, que pensaba torgar, a la que s’allegaron más de 150.000 persones, qu'acompañaron a quien llamaben “El Güelu”  nel so últimu viaxe hasta'l campusantu civil.

El branu que Pablo Iglesias pasó en Celoriu foi'l postreru del que pudo esfrutar. Ellí esfrutó, per unos díes, del bon clima, el paisaxe y la compañía de les persones más allegaes. Pablo tuvo nel Paraísu antes de pasar a la eternidá.

 Milio Mariño / Del llibru, entá inéditu, Tuvieron nel Paraísu

Se nos olvidó silbar

Milio Mariño

Hace unos días, iba distraído por el paseo de la playa y, de repente, no sé cómo fue que me puse a silbar “La vie en rose”; aquella preciosa canción de Edith Piaf que luego  cantó Donna Summer. Hacía tanto que no silbaba que ya creía que se me había olvidado. Ahora nadie silba ni tararea las canciones. No sé si será que el mal humor se ha generalizado o que tenemos muchos problemas, pero antes también los teníamos y, sin embargo, silbábamos.

A lo mejor era por eso. Dicen que no hay nada como silbar para levantar el ánimo y estimular nuestra sensación de felicidad. Y debe ser cierto porque me sentía muy contento a pesar de que silbando parezco más un gorrión que un jilguero. Nunca conseguí silbar, ni en sueños, como Kurt Savoy, aquel jiennense que en realidad se llamaba Curro Rodríguez y silbaba, como nadie, la música que Ennio Morricone componía  para los  spaghetti western.

Mientras silbaba, por lo bajinis porque tampoco era cosa de hacer el ridículo, veía pasar a mi lado parejas y grupos de jubilados y jubiladas que caminaban a buen paso como si tuvieran prisa por llegar a dónde quiera que fueran. Lo más probable que a ningún sitio porque aquella prisa debía obedecer al mandato de esta sociedad de ahora que tiene como valores la competitividad y la eficiencia y no nos quiere mano sobre mano, nos quiere activos y se empeña en convencernos de que es por nuestro bien, por el bien de nuestro cuerpo y el de nuestro cerebro.

Los últimos años de mi vida laboral ya los viví en la sociedad de la prisa y la disponibilidad absoluta para el trabajo, así que cuando me jubilé creí que había llegado la hora de descansar. Grave error. Para nosotros, los jubilados, habían inventado lo que llaman el envejecimiento activo, un proceso que, según ellos, optimiza nuestro bienestar físico y mental y hace que nos mantengamos ágiles y no estemos aburridos.

Sería un buen consejo si no fuera que cuando nos aburrimos es cuando nuestra imaginación tiene la oportunidad de ser libre, pensar por su cuenta, oxigenar el cerebro y llegar a conclusiones como la de que no hay por qué sentirse culpable de que a uno le apetezca tirarse a la bartola y no hacer nada.

Se necesita mucha fuerza de voluntad para reivindicar la vagancia. Mis amigos, mi familia, todo el mundo me aconseja que camine cuando, a mí, lo que me gusta es pasear; vagar de aquí para allá sin prisa, a veces incluso silbando y siempre sin otro propósito que no sea encontrar una terraza cómoda en la que sentarme a tomar un vino y lo que me pongan de pincho.

Eso no vale para nada, tú lo que tienes que hacer es caminar seis o siete kilómetros diarios, dicen los que presumen de recorrer esa distancia y te miran como si fueras una lacra social. Un ser inferior que se dedica a perder el tiempo en vez de disfrutar caminando hasta quedar exhausto.

Imagino que sienten lástima cuando les explico que, a estas alturas, no persigo ninguna hazaña. Lo mío es pasear sin prisa y, a ser posible, silbando. Así que ya estoy a vueltas con que sí, para la próxima, silbaré “Sentado en el muelle de la bahía”, de Otis Redding o “El puente sobre el rio Kwai” de Malcolm Arnold.

Milio Mariño/ Artículo de Opinión / Diario La Nueva España

Tuvieron nel Paraisu: Gómez de la Serna en Salinas

Milio Mariño

Ramón Gómez de la Serna, l'autor d'Automoribundia y de les bien famoses Greguerías, un escritor con más de trescientes obres suyes censaes na Biblioteca Nacional, yá braniaba en Salinas cuando, a pesar de la so mocedá, algamare fama y prestixu nos ambientes lliterarios de la dómina. Llevaba braniando en Salinas dende bien neñu, dende que'l so padre Javier, abogáu, miembru importante del Partíu Lliberal y alto funcionariu del Ministeriu d'Ultramar, escoyera un destín vacacional qu'entós, al entamu del sieglu XX, taba de moda ente les élites ilustraes y adineraes de Madrid, que quiciabes nun tuvieren perres bastantes pa braniar en San Sebastián.

 Fuere arrede, o por falta perres, Salinas nun yera, a cencielles, un llugar al que, Gómez de la Serna, viniere a pasar, namás, les vacaciones de branu. Javier Gómez tamién escoyó Asturies pa que'l so fíu acabara la carrera de drechu, que cursaba en Madrid con dalguna dificultá. De mou que’n 1908 obligólo a que se matriculare na Universidá d'Uviéu, onde estudió los dos últimos cursos y llogró acabar Drechu, obligáu pol testerón empeñu del padre.

La carrera, ciertu que llogró acabala pero rescamplaba que Gómez de la Serna nun tomare nunca mui en seriu exercer como abogáu. La preba foi que cuando consiguió'l títulu dedicóse, a si mesmu, una semeya, na qu’apaecía vistíu con toga y na qu'escribió: Al mui llamentable abogáu Gómez de la Serna, del so amigu Ramón.

Ente los braneos y los estudios, Gómez de la Serna pasó bona parte de la so infancia y la so mocedá n'Asturies. Tal ye asina qu'el 9 d'agostu de 1909 recibió, na so casa de Salinas, na casa onde braniaba, una citación na que-y indicaben que tenía que presentase na Alcaldía d'Avilés pa tallase y recoyer el so pase como recluta, con vistes a incorporase al serviciu militar.

Cuando Gómez de la Serna foi citáu pa facer la mili yá publicare Morbideces y aprovechara la so estancia en Salinas pa divertise, salir con María Jove, una moza que tenía n'Uviéu, y collaborar na prensa local. Un día enantes que lu citaren pa tallase publicare un artículu, “Sentimentalismos”, a cuenta d'unes mui guapes braniantes que viere na playa. Aquel artículu supunxo que'l médicu de Castrillón, José Villalaín, que roblaba los sos trabayos lliterarios col alcuñu “El Americanín de Romadorio”, escribiera un cuentu, tituláu: La venta del alma. Un cuentu que provocó'l retruque de Gómez de la Serna que-y contestó publicando “Ritornello”.

Naquel primer artículu, na prensa llocal d’entós, Gómez de la Serna compartía colos lleutores la so versión llírica de la playa de Salinas y el Mar Cantábricu.

“La playa ta llen de neños rizosos, albinos ya morenos, que xueguen una contradanza, como los mazaricos, poles tardes frente a la mar que-yos fai bis nel so pasu de regodón, averándose-yos nuna folada pa desapartase dempués, con toa distinción... Y trescala ver un mar tan grande, tan fuerte y fieru, facese cariciosu y bonu, y neñu ante los neños”…

Gómez de la Serna yera mui xoven pero yá esfrutaba escribiendo. Lo que más-y gustaba yera escribir, salir perhí de folixa y participar nes tertulies de los cafes. Por eso, viendo que nun llevaba camín d'exercer como abogáu, el so padre enchufólu nel Ministeriu d'Ultramar, onde-y asignaron un puestu de funcionariu qu'aceptó a la remolera. Ellí tuvo mientres un tiempu pero como nun daba un palu a l'agua y el so xefe de negociáu taba de les sos vagancies hasta les ñarices, un día pidió-y que redactare un informe, indicando en qué ocupaba'l so tiempu y como tenía la so seición.

“La seición tá al corriente/ y los papeles en regla. / Solu me queda pendiente/ esti bolu que me cuelga”. Escribió Ramón que, dempués d'apurrir l'informe, robló la so carta de dimisión y coló pa la tertulia del café Pombo.

Ente les munches obres y artículos del afamáu escritor, merez que tomemos cuenta una curiosa y bien curtia biografía de José Menéndez Menéndez, l'avilesín de Miranda que sedría conocíu como Rei de la Patagonia.

 Gómez de la Serna siguía viniendo per Salinas siempre que tenía ocasión. Sintía muncho apegu pol llugar onde viviera bona parte de la mocedá, conociere la mar, echare la primer moza,  y empezare a escribir.  Dexó de venir cuando-y tocaron unos miles de pesetes na llotería y cobró l'heriedu del padre. Con aquel dineru fexo un xalé, averáu a la mar, en Estoril. Un xalé, El Ventanal, al qu’avezaba a escapase los fines de selmana, diendo en tren dende Madrid, y que depués tuvo que vender por dificultaes económiques.

Gustába-y vivir a lo grande. Yera un bohemiu tresnochador qu'entamaba a escribir pasaes les dos de la mañana, cuando volvía de les tertulies de los cafés. Nos ambientes lliterarios taba catalogáu como un escritor inclasificable. Un escritor que confesaba la so fascinación pola mar, pol Rastru de Madrid y pol Circu, onde se-y ocurrió dar una conferencia xubíu enriba d'un elefante.

El casu qu'aquella nun foi, nin con muncho, la única estravagancia, tamién se cuntaba que diere una conferencia xubíu nuna farola, que-y gustaba arrendar motocicletes con sidecar pa pasiar per Madrid y visitar les redacciones de los periódicos y que cuando nel parque anunciaben que se perdiere un neñu, siempres s’allegaba al llugar qu'indicaben y presentábase diciendo que'l neñu yera él.

Gómez de la Serna foi un escritor empeñáu en llograr lo más raru, lo nunca d'esa manera escritu, lo incongruente o lo inverosímil, que llegó a crear, inclusive, el so propiu movimientu: El Ramonismo. Un movimientu con una esmolición principal:  que los escritos y les reflexones pudieren entendeles los caballos.

Dicía Jorge Guillén qu'a Ramón, en cuantes qu'abría la boca, cayía-y una Greguería. Más qu'un xéneru lliterariu, yera la so manera bonal d'espresase, la xera normal del so humor. Un humor, finu ya intelixente, qu'equí nun foi reconocíu pero que los franceses reconocieron, como yera de xusticia, nomándolo miembru de l'Academia Humorística xuntu a Charles Chaplín ya Pitigrilli.

Per cuenta de les sos munches estravagancies, y de los escritos y los artículos que publicaba nes revistes y nos periódicos, nun pue dicise que Gómez de la Serna espertare simpatíes ente la clase política. La drecha acusábalu de ser un intelectual imprevisible, anárquicu y presumíu, y l'esquierda de nun comprometese, enforma, colos más desfavorecíos y los problemes sociales.

Al pocu d’estallar la Guerra Civil, en 1937, Gómez de la Serna coló d’España y exilióse en Buenos Aires. Y ellí morrió, el 12 de xineru de 1.963, a los 75 años, aquel inclasificable y xenial escritor qu'afayó'l so paraísu particular y la so fascinación pola mar, en Salinas: pueblu y playa del conceyu de Castrillón.

 Milio Mariño / Del Llibru, entá, inéditu, Tuvieron nel Paraísu

Chorizos de marca no registrada

Milio Mariño

Hará cosa de un mes, la Oficina Española de Marcas y Patentes rechazó la  petición del empresario asturiano Rubén Lavandera de registrar sus chorizos con la marca “Hijoputa”. Le contestaron que, según el artículo 5 de la ley de marcas, no procede registrar marcas que sean contrarias a las buenas costumbres ya que pueden herir la sensibilidad de un amplio sector de la sociedad por ofensivas y malsonantes.

El referido artículo 5 y todos los artículos, excepto el 33 que es el de los caprichos, pueden ser interpretados en un sentido amplio o estricto, de modo que la Oficina de Marcas y Patentes podría haber tenido en cuenta las características del producto, así como el público que se estima como potencial cliente. Algo que, por lo visto, no hizo ya que difícilmente se entiende que la citada oficina tenga registradas otras marcas del mismo empresario como “Licores Hijoputa”, “Pimientos Cojonudos”, “Dulces Chochinos” y “Crema Catalana Artículo 155”, y ahora no admita lo que antes autorizó sin problemas.

La palabra que el empresario eligió para dar nombre a sus chorizos no es de las más brillantes y él sabrá si es comercial, pero de eso a prohibirla hay un trecho que los garantes de las buenas costumbres parecen no haber recorrido. No creo que dieran un paso en el análisis de lo que puede resultar ofensivo o malsonante ya que si lo hubieran dado es muy probable que llegaran a la conclusión de que las palabras dependen de la vigencia social de determinados valores y de que el viento sople según de qué parte. No aceptar, con naturalidad, el uso de algunas palabras nos ha llevado al ridículo de inventar nuevos términos que enseguida cambiamos por otros porque vuelven a sonarnos fatal.

Ejemplos podríamos poner a montones, pero puede servirnos el término “mongólicos”, que se consideró ofensivo y fue sustituido por “subnormales” para, años más tarde, sustituirlo por “retrasados”, de ahí pasar a “deficientes”, luego a “insuficientes”, después a “discapacitados psíquicos” y ahora a Síndrome de Down, que a saber cuánto tiempo se mantendrá porque cabe suponer que pronto inventarán otro término que suene mejor.

La palabra “hijoputa” no me gusta para nada, pero prohibirla como marca de unos chorizos me parece una tontería. Y más tontería si se hizo por lo que sospecho pues no procede entenderla como alusión a ninguna madre, sino a quien va dirigida y a su conducta.

En una sentencia del Juzgado Penal número 6 de Barcelona, la jueza María del Mar Méndez González escribió: “La expresión “hijoputa” no es un insulto sino una definición que puede ser aplicable a cualquier sujeto que hubiera tenido una conducta similar a la de quien se declara ofendido”.

Rubén Lavandera, dice que la palabra propuesta como marca de sus chorizos no es ofensiva sino jocosa y, al mismo tiempo, informativa pues los chorizos son de  sabor recio y rabiosamente picantes, arden en la boca antes de convertir el fuego en un placer exquisito.

No entiendo la censura. Es más, me parece un error. Si la Oficina de Marcas y Patentes exigiera, en defensa de los consumidores, que todos los productos fueran registrados con un nombre que nos orientara sobre sus características, no tendríamos el caso de estos chorizos, ahora peligrosamente anónimos, ni el de una empresa alemana que quiso llamar a lo suyo Ficken (Mierda) y tampoco la dejaron.

Milio Mariño / Mi artículo de los lunes en la Sección de Opinión del diario La Nueva España .

Tuvieron nel Paraísu: Seamus Heany en Piedres Blanques

Milio Mariño

Seamus Heaney, el que fuere premiu Nóbel de Lliteratura y llargamente reconocíu como ún de los poetes más importantes del sieglu XX, llegó a Salines, per primera vegada, al entamu del branu de 1.984. El casu que nun pué dicise que Heaney escoyera Salines, y Castrillón,  como quien escueye un destín arrede, foi la casualidá la que fixo que viniere a pasar unos díes en casa d’una cuñada, Ann Devlin, qu’exercía de maestra d’inglés nun institutu del conceyu. Quería aloñase lo más posible de los compromisos sociales y la situación convulsa que, entós, vivía Irlanda del Norte. De mano, la intención yera esa pero, dempués d'aquella primer visita, el poeta volvió al añu siguiente y lluéu siguió viniendo, más de 15 años siguíos, mientres la salú nun-y punxo impedimentu y lo tornó de viaxar. Volvía porque sentíase mui a gustu en Castrillón y mui identificáu con Asturies, una tierra que-y remembraba la so Irlanda natal pol paisaxe, la xente y, hasta, pol idioma, pos dicía que la situación de la Llingua asturiana yera mui semeya a la del gaélicu irlandés.

Aquella primer visita foi, ciertamente, una casualidá pero Haney sintióse tan identificáu con Asturies: col paisaxe, el clima y la xente que depués yá nun venía, solu, a esparcese y pasar unos díes de vacaciones; venía a escribir. Equí escribió, que se sepa, bona parte de la so versión de Beowulf y el poemariu Electric Light, nel que s'inclúin tres poemes dedicaos a Asturies.

Esplicando l'orixe del so trípticu dantescu sobre l'infiernu, el purgatoriu y el paraísu divín, Heaney dixo, nuna entrevista: “Diba nel coche cola mio muyer y los mios fíos, perdímosnos y apaecimos nel valle de Veriña, colos altos fornos de fondu, y ellí surdió la idea del Infiernu de Dante. Al otru día tábemos camin de Piedres Blanques y dime cuenta qu’ellí taba’l  Purgatoriu. En San Xuan de L’Arena asitié, depués, el Paraísu, sobremanera, porque empecipiamos un viaxe a Compostela, la “Stela” que dicía Dante.

Desque Heaney afayara Castrillón, per primer vegada y de manera casual, en 1984, la cercanía del poeta con Asturies, y la so identificación cola cultura y los valores de lo asturiano, fueron tan evidentes que llegó a participar, como convidáu d'honor, na XXVI Selmana de les Lletres Asturianes y na so obra figuren poemes como ún que titula Cantares d'Asturies, inspiráu nos sos paseos per Castrillón.

“A la mañana siguiente, camín de Piedres Blanques, /sentíme como ánima pola cuál daquién rezara. /Vi homes con gadañes cortando los rastroxos, /riqueza de truébanos, una bocamina y una ermita, /cuévanos llenos d'oru de maíz. /Yera yo un pelegrín nuevu naquella escena /na qu'entraba sicasí como nun tarrén familiar, /el Gaeltacht, pongamos, en 1950. / Saludábenme, anque poco yos importaba / a les families que trabayaben nos campos al pie de la carretera / que mirábenme y movíen la mano dende'l so otru mundu, / como yera vezu cerca de Piedres Blanques.

Los que conocen bien a Seamus Heaney dicen que les sos salíes d'Irlanda yeren más xeográfiques que psicolóxiques pos siempres llevaba na mente'l so país y el Condáu rural de Derry. Y, quiciabes fora por eso qu'esfrutaba pasiando, a soles, per Castrillón. Avezaba a facelo siguiendo delles rutes que llegaron a convertíse nun paséu cotidianu y casi obligáu. Una, qu'apaez reflexada nel poema que se reproduz nel párrafu anterior, diba dende Salines a Piedres Blanques pasando pola playa del Cuernu y Arnáu, y otres, como la sienda que bordia la mar dende Arnáu a Santa Maria del Mar, Bayas y San Xuan de L'Arena, apaecen reseñaes nel so poemariu Electric Light.

Les semeyances del paisaxe lleguen a hermanase hasta coincidir, de forma misteriosa, na nomenclatura de los llugares, pos Seamus Heaney ñaciera, el 13 d'abril de 1939, nuna granxa cercana a Castledawson, llocalidá que toma'l nome d'un castiellu, como tamién socede col nome de Castrillón.

El poeta, una de les grandes figures de les lletres d'Irlanda, que, amás de premiu Nóbel, foi caderalgu en Oxford y Harvard y doutor honoris causa por una trentena d'universidaes, crióse nel sen d'una familia católica, na que yera'l mayor d'ocho hermanos y pa quien el so padre acutara lo que n'Asturies sería l'equivalente al fiu que se casa pa en casa, col aquello de siguir cola casería. Lo previsto yera que Heaney siguiera al mandu de la granxa y dedicárase a la cría ya la compra y venta de ganáu. Pero, a los 12 años, dempués d'estudiar primaria na escuela d'Anahorish, ganó una beca, dexó la granxa, empecipió los estudios secundarios y depués siguió estudiando na Universidá de Londonderry.

N'agostu de 1965, Heaney casóse con Marie Delvin, una maestra d'escuela que tamién escribía y llegó a publicar una colleición de rellatos sobre mitos y lleendes irlandeses. Él, pela so parte, publicó la so primer obra, “Muerte de un Naturalista”, en 1966, al añu de tar casáu.

Nel poemariu “Muerte de un Naturalista”, Heaney esbilla un conxuntu de poemes nos que reflexa l'ambiente rural nel que se desendolcó na so infancia. A partir d'aquella primer publicación, foi evolucionando en busca de los raigaños que fixeren posible el llargu ya sangrientu conflictu anglu-irlandés, anque namás lo enceta abiertamente nel llibru “Norte”.

Heaney escribió, sobremanera, poesía pero tamién rellatos y crítica lliteraria. Unu de los sos llibros más conocíos ye la traducción al inglés modernu del poema Beowulf, que, en bona parte, fixolo en Castrillón y llegó a convertise nun Best Seller, reportándo-y el premiu Whitbread.

Dellos críticos dicen de Heaney que ye un poeta agrariu, qu’atroca munches imaxes ya paisaxes de la vida llabradora. Pué ser, pero tamién ye un poeta con un agudu sintíu de lo políticu, cuantimás, de la llucha de los irlandeses del Norte. La suya pasa por ser una poesía culta, con munches alusiones mitolóxiques, poétiques, ya históriques. Apuesta, según diz, por ser guardián de lo inesperáu y de la sensación. Y nesi apueste tuvieron enforma que ver les sos llargues estancies en Castrillón, el so paraísu particular bien paecíu al de la so Irlanda natal. Un paraísu del que se vio estremáu, en 2006, por culpa d'un grave problema coronariu que-y torgó de viaxar col avezamientu con que lo fixera los quince años anteriores.

De magar entós, dende esi añu que-y frayó la salú, ye bien probable que Heaney pasiara, a soles, pola mariña d'Irlanda como avezaba a facelo pola sienda que va dende Salines a Santa María del Mar y Bayas o pola que va dende Salines a Piedres Blanques. Seguro que’l poeta alcordaba, a diariu, los paseos pol so particular paraísu. Basta ver lo qu'escribió n'unu de los poemes, dempués de tornar d'un paséu polos cantiles de Bayas frente a la isla La Deva. 

“La mar callaba y esplendía más alló de los bancos. Y pela tarde, les gaviluetes in escelsis saludaben a l’aire, cegadores, igual que molacinos…

Seamus Heany, l’unicu poeta que dedicó un poema a Piedres Blanques, morrió nel hospital de Dublin el 30 d’agostu de 2013. Entá tenía reciente l’últimu paséu que diere pol paraíso nel que tantu esfrutó. La última vez que tuvo en Salines y Piedres Blanques foi n’abril d’esi mesmu añu, con ocasión d’una conferencia que dio nel Centru Cultural Niemeyer.

Milio Mariño, del llibru, entá inéditu: Tuvieron nel Paraisu

Se acabó la guerra

Milio Mariño

Un día de este verano, que por aquí viene tibio porque la energía se ha puesto muy cara y el sol calienta lo justo por miedo a no poder pagar la factura, me levanté temprano, desayuné café con galletas, eché un vistazo a la prensa y no sé cómo fue que me vino a la cabeza si Ucrania y Rusia seguirían en guerra.

Dicen que cuando uno recuerda algo de forma espontánea es porque ese algo le ha causado una impresión muy profunda. Y así debió ser, pero imagino que esa guerra  ya se habrá acabado porque apenas se habla de ella y en los medios tampoco aparece. Allá por abril y marzo ocupaba las primeras páginas de los periódicos, las emisoras de radio no hablaban de otra cosa y en la televisión hasta se formaban tertulias para comentar los bombardeos y el horror de las muertes. Pero si ha dejado de ser noticia será, seguramente, porque ya no hay guerra. No creo que seamos tan desalmados como para olvidar una tragedia y ocuparnos de que María del Monte se ha confesado lesbiana, el Real Madrid ha conquistado la decimocuarta Copa de Europa y Rafa Nadal ha vuelto a ganar Roland Garros a pesar de que tiene necrosado el escafoides tarsiano de su pie izquierdo. No somos unos monstruos, nos preocupa la vida y el bienestar de la gente más que alimentar nuestro morbo, prepararnos para las vacaciones, las hazañas de los futbolistas y el Reggaetón a toda pastilla.

Como tengo fe en el ser humano, pienso que la guerra entre Rusia y Ucrania debió acabarse sin que nos diéramos cuenta. De todas maneras, se acabara o no, la guerra como noticia ya estaba amortizada. Lo que era novedad había dejado de serlo con la excusa de no aburrirnos. Igual que el coronavirus, que también lo damos por amortizado. La semana pasada todavía murieron 243 personas pero es como si no hubiera muerto nadie porque hemos vuelto a la normalidad y esas muertes se cuentan cómo normales.

En Ucrania, parece ser que también han vuelto a la normalidad, pues a pesar de que aún hay muertos abandonados en las cunetas y los edificios se caen a pedazos,  en Kiev han abierto, de nuevo, los centros comerciales y la gente llena las terrazas de los bares con una alegría y un entusiasmo que los lleva a no levantarse ni aunque suenen las alarmas antiaéreas.

Para bien o para mal nos acostumbramos a todo. El horror y la muerte los metemos entre paréntesis y acabamos por normalizarlos y banalizar, incluso, las atrocidades con el propósito, consciente o inconsciente, de adormecer los sentimientos y que la conciencia no nos reproche que nos importa, solo, lo nuestro.

La guerra de Ucrania la damos por acabada. Ya hemos pasado página y ahora estamos en la posguerra, en el negocio que viene después y enriquece a los de siempre a costa de los sufrientes. Tal vez haya discusiones sobre si han ganado los nuestros, pero para saber quién ha ganado el cálculo no debe hacerse sumando quien tiene más muertos, víctimas inocentes y edificios destruidos. Basta con que nos fijemos en quien sale ganando con la luz al precio que está, la gasolina a más de dos euros el litro y las sandias como un manjar exquisito. Las guerras, las gane quien las gane, nunca las ganamos nosotros.

Milio Mariño / Artículo de Opinión / Diario La Nueva España

Tuvieron nel Paraisu: Roberto Frassinelli en Corao

Milio Mariño

Roberto Frassinelli Burnitz, quien años dempués sería conocíu como “L'alemán de Corao”, tuvo en Corao, per primer vegada, en 1844 y al paecer yá quedó plasmáu pola guapura del so paisaxe y los montes de Cuadonga. Entós yera un mozu adineráu, cultu y poliglota que fuxera del so país dempués de ser arrestáu en Munich y condergáu a prisión, pola so participación nos socesos revolucionarios de Frankfurt. Abelugáu n'España, establecióse en Madrid, onde goció de l'amistá de Pedro José Pidal, Marqués de Villaviciosa, y foi comisionáu pa dibuxar ya percanciar datos sobre los edificios y les ilesies que pasaren a ser propiedá del Estáu tres la desamortización de Mendizabal.  Con esi oxetivu visitó, per primer vegada, Asturies como asina lo atestigüen les actes nes que figura como asesor de la Comisión Provincial de Monumentos.

Cumplida aquella misión, Frassinelli tornó a Madrid y empezó a trabayar pa los Miyar, una familia, natural de Corao, que tenía la llibrería Cruz y Miyar na madrilana cai del Príncipe. Ellí conoció a Ramona Diaz Mariño, con quien contraxo matrimoniu na parroquia de San Esteban a principios d'ochobre de 1854.

Frassinelli tenía entós 41 años y yá decidiere treslladase y establecer la so residencia en Corao. El 16 d'ochobre d’aquel añu escribió una carta al so amigu Pedro de Cangas na que-y dicía: “Toles nueses conversaciones reducense a falar de Corao, anunciamos la nuesa llegada pal día 29”. Tamién Benito de Llanos, alcalde de Corao, taba al tantu de la visita y comunicólo a les sos hermanes Eulalia y Teresa: “L'alemán D. Roberto Frassinelli, cumplió'l so propósitu: esperámoslu mañana, o pasáu, con tola familia y 150 arrobes d'equipaxe”. L'alusión a tola familia referíase a que Frassinelli, amás de cola muyer, viaxaba cola madre, la señora Friederike Burnit, que morrería en Corao trés años dempués, el 31 de xineru de 1857.

La llegada de Roberto Frassinelli a Corao foi un inesperáu ya singular socesu que sosprendió a tolos sos habitantes. Corao yera un pueblín, cercanu a Cangues d'Onís, que calteníase igual que como lo describiere Madoz. “Malpenes 26 cases de mediana fábrica, con munches fontes de bones agües, dos ermites dedicaes a San Nicolás ya Santa Rosa de Viterbo, un clima templau y sanu, dos ríos, Güeña y Mozu, y un ensame de castañales, abedurios y otros árboles qu'apurren sitios de comodidá y recréu”.

Pue especulase tolo que se quiera sobre los motivos que llevaron a un mozu alemán, ricu, cultu y acabante casase, a escoyer Corao, primeru como llugar de residencia y dempués como la razón de so vida. Pero nun ye fácil pescudalo. Seique pasare por tentatives y amagos de retirase del bulliciu ya vivir nun sitiu sele. Esa podía ser la causa, que Frasinelli quixera aisllase o retirase del mundu. Pero entraría en contradicción colo que realmente fixo, pos los primeros años dedicólos a procurase una posición como terrateniente, alquiriendo numberoses finques y llugares emblemáticos como la cova del Cuélebre y la posesión de Les Mestes, na vega d’Orandi. Tamién denunció delles esplotaciones mineres, al tiempu que s'arreyaba na vida del conceyu, siendo nomáu comisariu de caminos, ya inscribiéndose, depués, nes llistes elleutorales que daben drechu a escoyer y ser escoyíu diputáu en Cortes.

Frassinelli non fuxía nin s’estremaba de la vida social. Aína, entabló una gran amistá col obispu Sanz y Forés, que llueu convertiríase n'unu de los sos principales valedores, hasta'l puntu d'encarga-y el diseñu d'un camarín que sustituyera al antiguu, estrozáu por una quema, y allugara la imaxe de la Virxe de Cuadonga nun marcu llaráu de referencies al llegáu d'un reinu yá estintu que llanguidecía nel olvidu. Les idees de Frassinelli, pa Cuadonga, anularon el proyeuto que l'arquiteutu madrilanu Ventura Rodríguez llevara a cabu pa construyir un templu naquel llugar y, dempués, llevantar na Santa Cova l'oratoriu de La Santina. Pero, Sanz y Forés foi reemplazáu na curia uvieina por Martínez Vigil, y el nuevu obispu, conocedor de que Frassinelli nun tenía’l títulu d'arquiteutu, resabió de la capacidá d'ésti para dirixir la obra y, anque los planos namás sufrieron llixeros retoques, quien s'encargó de too, menos de la cripta, foi Federico Aparici.

Por aquella dómina, Roberto Frassinelli yá llevaba un estilu de vida tan escéntricu como singular y desinhibíu. Avezaba a embarcase en llargues escursiones polos montes, nes que perdíase igual meses enteros, llevando por toa dote un zurrón con farina de maíz y una llata pa turralo, la so carabina y abondos cartuchos. Presumía de beber agua na palma la mano, comer de lo que cazaba, solu carne de robecu, y dormir sobre los matos de cairuelu. Tamién lo vieren valtase desnudu ente la ñeve o bañándose n'un reconcu de la vega d’Enol, un reconcu que dende entós empezó a llamase “El Pozu del Alemán”.  En dalguna d'aquelles escursiones acompañabalo el so amigu Alejandro Pidal. Escursiones aparte, tenía por vezu retirase a meditar y trabayar na llamada cova del Cuélebre, un abrigu natural abiertu a unos pocos metros de la so casa y que, según la lleenda popular, taba habitáu por seres tarrecibles de la mitoloxía asturiana. Naquel llugar dedicabase a l’estudiu, facía planos y perfeicionaba unos dibuxos qu'Alejandro Pidal calificaba como fotografíes feches a llápiz.

La presencia de Frassinelli facía de Corao un llugar de parada obligatoriu pa tou viaxeru cultu ya comenenciudu nel arte y l'arqueoloxía asturiana. L'alemán atopara ellí la so ventana al mundu. Ellí, nuna pintoresca aldega y nuna casa modesta con un xardín primorosamente curiáu, arrenunciaba a tolo que podía ufierta-y la vida pa esfrutar de la guapura d'aquel rincón del paraísu asturianu. Una guapura que supo representar como naide por aciu d’una serie de dibuxos, de los Picos d'Europa, realizaos a llápiz y enaguada en sepia que se conserven na biblioteca del Palaciu d'Oriente de Madrid.

Seique daqué decepcionáu polos cambeos de paecer del obispu d'Uviéu, Frassinelli abandonó la febril actividá desenvuelta en Cuadonga y retiróse a Corao pa dedicase, namás, a los sos asuntos. Tenía 68 años y malpenes se sabe nada d'esta última dómina de la so vida, pero sí hai constancia de que l'añu anterior a la so muerte tornó a Alemania, pos en xunetu de 1886 el so afiáu Roberto Miyar escríbio-y una carta a Frankfurt.

Quiciás fuere a despidise del so país porque, un añu más tarde, Roberto Frassinelli Burnitz finó na so casa de Corao. Morrió a les trés de la mañana del día 22 de xunu de 1887 y dióse-y sepultura nel vieyu campusantu d’Abamia. Ellí permanecieron los sos restos, participando de la ruina qu'afaró l'históricu llugar mientres décades, hasta que foi treslladáu nel añu 1977 al interior de la ilesia de Santolaya, onde anguaño reposa, baxu una modesta llosa de cayuela.

Dempués del so fallecimientu apaeció otru testamentu, distintu del primeru, nel que nomaba únicu y universal herederu al comerciante alemán aniciáu en Madrid Federico Schaefer al que mandó, amás del so capital n'Alemaia, les finques que tenía en Corao y Les Mestes… “Y tolos llibros, llibreríes, dibuxos, cuadros al oliu, estampes y armes de fueu y cuanto s’atope nel despachu particular del testador, ensin estrayer cosa dalguna”. Les razones que llevaron a Frassinelli a desheredar a la so muyer ya la familia entero desconócense y añeden un nuevu misteriu a la so increíble biografía.

Milio Mariño / Del llibru, entá, inéditu, Tuvieron nel Paraísu