Que'l Rei abdique, pero na República

Milio Mariño

Nunca escuché que se glayara, na cai, somos monárquicos. A lo meyor, pue ser, ye que namás m'interesen les manifestaciones de los roxos y la xente de mal vivir. Pero, poles noticies que tengo, tampoco nes otres, nes de la ilesia o los fachas, paez que la monarquía espierte entusiasmu. Solo nos periódicos, nes teles y nes radios escuché infinidá de vegaes que los españoles, nuna mayoría aplastante, somos monárquicos. Eso tamos cansaos d'oyelo. Y, tamién, que somos Juancarlistas, esto ye, forófos de Don Juanito.

Tou lo que dicen que somos los españoles, a esi respeutu, supónsenos porque nunca naide nos preguntó. Pero agora paez qu’esos mesmos medios, y la derecha rancia, montaron una campaña de llimpieza y restauración. Per una parte empiecen a pidir, tímidamente, que'l Rei abdique y por otra traten de convencenos de que la Casa Real nun tien nada que ver nos trapicheos corruptos. Vamos, daqué paecíu a lo que dicía la madre d'un yonqui, que pensaba que les pinchaes nel brazu, del so fíu, yeren porque lo picaren les abeyes.

Lo qu’intento dicir, dempués d'esta parrafada, ye que'l mio pidimientu nun ye que'l Rei abdique, en Felipin, L'Inocente, ye que se convoque un referéndum. Llueu, después, yá veremos si gana, o non, La República.

Bárcenas nes escueles

Milio Mariño

Firmada pol voceru del grupu popular, Alfonso Alonso, la diputada del PP Matilde Asian acaba presentar una iniciativa parlamentaria pa que los neños, de 11 a 18 años, reciban educación financiera nos institutos.

Nun sé a qué bien, agora, presentar como asignatura dalgo que yá figuraba na Educación pa la Ciudadanía que suprimieron. Igual ye que’l casu Bárcenas yos fexo reflexonar porque'l partíu del Gobiernu diz que considera mui positivu que los neños sepan conceutos como cuenta bancaria, fondu de pensiones, preséu financieru, hipoteca y préstamu, pal cumplimientu de les sos obligaciones tributaries, el día de mañana.

Nun ye por apurrir idees pero toi seguro que sedría muncho más positivu, entovía, que los neños supieren que con un sueldu de 1000 euros al mes, qu'agora ye coyonudu, precisaríen trabayar 183 años pa llegar a los 22 millones que'l nomáu Bárcenas tien na so cuenta de Suiza. Digo pa ganalos porque p'aforralos, pa comer y meter na hucha lo que sobre, precisaríen tres sieglos más. 

Mialma que non m’esplico cómo ye qu'inda naide convocó una manifestación en toa España contra la corrupción y les faltosaes del Partíu nel Poder.

Yeren tres osos y parió la güela

Milio Mariño

Esti domingu d’iviernu apetezme cuntar una hestoria un pocu más llarga de les qu’avezo a cuntavos. La hestoria de Paca y Tola, dos oses hermanes que tienen 24 años y va pa 4 que viven con Furaco, un osu enorme, de 302 quilos, diez años más xoven.

El matrimoniu a tres, ente osos, al paecer, ye llegal pos foi promovíu, en so día, polos Gobiernos d'Asturies y Cantabria, col propósitu de que les oses tuvieren descendencia. Quiero dicir que les autoridaes nun vieron escandalo nin yos importó que la edá de les oses fora, entós, l'equivalente a 67 años humanos. Les oses son fértiles tola vida y como a pesar de los munchos años entá nun probaren osu, unviáron-yos a Furaco, que según el presidente Revilla nun diba fallar pos venía alimentáu con anchoes y sobaos.

Tola y Furaco tuvieron cortexando un añu hasta que, el 3 de mayu de 2009, ficieron l’amor, momentu que foi recoyíu en delles fotografíes y espublizáu polos principales diarios del país. Ye más, según los testigos presenciales, l'actu prollongóse per espaciu de 20 minutos y l'osu, qu’acabó frayáu, a la fin dióse un bañu nel estanque mientres la osa valtóse plácidamente a folgar.

Aquel alcuentru valió pa pocu. Tola, que yera la prefería, nun quedó preñada y la so hermana Paca tampoco. Pero'l tríu siguió conviviendo, n'amor y harmonía, hasta que’l branu pasáu los cuidadores alvirtieron que Tola acoxaba de la pata drecha. Y, entós, foi anestesiada y sometía a un chequeu completu qu'incluyó radiografíes, una ecografía, una revisión del so aparatu xenital y amueses de sangre pa refugar problemes de fégadu o reñón.

El diagnósticu que dio’l vetrinariu foi que Tola yera como una güelina que precisaba bastón, por causa la edá y dellos problemes oseos, pero que taba bien de salú. Bárbaru, diría yo, yá que por aquelles feches, y ensin que naide lo alvirtiera, quedó preñada. Parió esti mes, fai unos díes, y la tristura d’esta hestoria ye que l'esbardu apaeció muertu, entá nun se sabe si de muerte natural o estrapáu ensin querer pola madre.

La tristura del desenllaz faise inda mayor cuando nos enteramos de que Tola pudo perder al so fíu porque les oses y l'osu nun recibíen la debida atención yá que'l so cuidador, que llevaba con elles 17 años, dexó de cuidales a finales del branu pasáu por aplicación d'un ERE que lu mandó pal paru.

Un churreru, un kalashnikov y 50 millones

Milio Mariño

Un churreru, un kalashnikov y 50 millones podía ser el títulu d'una d'aquelles películes de Pajares y Esteso que, alló pelos años ochenta, pretendíen facenos rir. Pero nun se trata de nenguna película, ye la realidá mesma d'un día cualesquier d'esta España del PP que supera la llende del meyor relatu de ficción.

El milagru d'Andrei Petrov, el rusu qu'empezó de churreru y, en dos años, blanquió 50 millones d'euros, vien a engrosar la llista de milagros y socesos pa-anormales que protagonicen, a diariu, los miembros del gobiernu y del partíu nel poder.

La ministra Fátima Báñez emula'l milagru, orixe del so nome, y ve que daqué entama a camudar cuando'l paru llega a seis millones. El presidente Rajoy pierde la memoria y non solo nun alcuerda cuando faló con Bárcenas per última vegada sinón que, pa demostrar que tien la cabeza a páxaros, na so visita a Perú, dirixóse al gobiernu d'aquel país llamándolo gobiernu cubanu.

Y yá pa terminar colos socesos pa-anormales d’ayeri, merez mención especial qu'un xuez gallegu condenare a la ilesia pagar l'IBI de dos finques, nun pueblu d'Ourense, señalando na sentencia que nun pue considerase que la Ilesia Católica sía una entidá ensin fines de lucro.

Naide tira de la manta, toos s’abelluguen del fríu

Milio Mariño

A metá de la cuesta de xineru hai dos índices que van pareyos y xuben los dos a un tiempu: el paru y la corrupción. Mientres el Ministru de Facienda rinde cuentes nel Congresu pa dicir que nun sabe sí Bárcenas s’acoyó, o non, a l'amnistía fiscal, el paru xube hasta los seis millones y la Ministra d'empléu tampoco atopa esplicación.

El paru xube cuando tendría que baxar y la corrupción paez empeñada en demostrar que ye falsu que los corruptos sían solo unos pocos. Ayeri mesmu súpose qu'otru políticu del PP blanquió 1,6 millones d'euros cola amnistía fiscal de Montoro, que l'asesor de la Casa del Rei asesoraba al institutu Nos, d'Urdangarín, y que l'alcalde de Santiago de Compostela, Angel Currás de PP, que va nueve meses sustituyó al entós alcalde, imputáu por fraude fiscal, foi imputáu tamién y sigue tranquilamente nel cargu.

Tamos al entamu del iviernu, d'equí a que llegue la primavera entovía tendremos que padecer muncho fríu. La incógnita ye si siguirán tapándose unos a otros o si habrá dalguién que tire del cobertor y dexe a unos cuantos al descubiertu.

La sinceridá del ministru xaponés

Milio Mariño

Les declaraciones del ministru xaponés de finances demuestren qu’entovía hai políticos que falen claro. Taro Aso, qu’asina se llama’l puntu, ye sinceru a más nun poder. Nun anda con caxigalines. Dixo que les persones mayores tienen que dase priesa y morrer p'alliviar los gastos del Estáu.

“¿Por qué tengo que pagar poles persones que namás comen y beben y nun faen llabor?". Dixo Taro, que tien 72 años y nun se considera mayor porque, entá, nun se xubiló. Sigue trabayando, de ministru, y tien una salú de fierru.

Taro esplicalo too nunes declaraciones qu'ayeri publicó The Guardian. Nun se cortó un pelu. A lo que dicimos que dixo amestó qu'hai vieyos que se ven obligaos a vivir cuando lo que quieren morrer. Y, p’acabar la entrevista, dexónos con esta frase tienra y poética: “Yo espertaría sintiéndome mal si sé que'l tratamientu, de la mio enfermedá, ta pagáu pol Gobiernu".

Ye duru y brutal, pero lo que diz el nipón ye lo que piensen munchos ministros, presidentes de gobiernu y capitostes financieros. Ciertu que nos duel oyelo pero como dixo aquel: Ye lo qu'hai.

Como si fuere corriente pidíi un xustificante al camellu

Milio Mariño

El ministru d'Asuntos Esteriores, José Manuel García-Margallo, dixo ayeri que "España nun ta escesivamente mal asitiada nos índices de corrupción”. Lo cuál pue entendese de dos maneres: como qu'inda tenemos marxe, o como que nun tamos mui lloñe de la cabeza y con otru par de casos podemos ser los primeros y alzanos col campeonatu.

Si daquién tenía dalguna esperanza sobre les intenciones de Rajoy, y el so gobiernu, pa esclariar lo asocedío con Bárcenas yá ve lo que piensen los ministros y los responsables del partíu. Unos dicen qu'entá nun lleguemos al cupu de corruptos, qu'inda tenemos marxe, y otros que nun-yos consta que, nel PP, repartiérense sobres con dineru en negru.

Pa rematar la xera, anuncien demandes y piden que, los que falen de que nel PP repartíen sobres con dineru puercu, presenten pruebes per escritu. Qué llistos son los PePeros. Como si fora d'usu corriente que daquién firmare un recibí al camellu cuando-y apurre trés dosis de mariguana.

Salvar al cabu furriel

Milio Mariño

Lo del Cabu Furriel del PP empieza a paecese a lo del sociu d'Iñaqui Urdangarin. Ciertu qu’esti nun va perhí publicando correos como avisu a navegantes pero manda mensaxes. Yá mandó unos cuantos, de mou que nel PP saben que si, a la fin, acaba en cárcel seguro que la prepara mui gorda. Tien el llistáu de los que recibíen sobres con dineru, en negru, de les xeneroses donaciones d'empresarios y constructores agradecíos polos favores.

Hasta agora conformábase col despachu, el xofer, la secretaria, los abogaos, Trillo pa tapar buracos y les manes llibres pa siguir manexando la pasta. Teníenlo contentu. Llegó a pensar, inclusu, que con Garzón fora de l'Audiencia naide más revolvería la mierda. Pero la cosa complicóse. El xuez Ruz tomó'l relevu y revolvió más de la cuenta.

El problema ye cómo convencer al furriel pa que siga cola boca zarrada. Ye saber cuantu va pidir pol rescate. Cueye suponer que pidirá abondo, pero non solo en billetes, tamién n'especies. Hai quien diz que la llibertá nun tien preciu de mou que pidirá nun dir a la cárcel cueste lo que cueste.

Cuando la flor en culu amustia

Milio Mariño

Rajoy ye d'eses persones que nacen con una flor nel culu y lleguen a onde lleguen ensin que naide lo esplique.

Pero, un día, la flor amustia y nel floreru queda, namás, agua podre. Queda lo que siempre hubo, una persona foina y tramposa que miente más que fala y ye un desastre escoyendo amiguinos de l'alma. Mialma paez que tien pasión polos golfos: Camps, Matas, Baltar, Fabra, Bárcenas... Defendiólos, a toos, diciendo que yeren inocentes, y toos lo dexaron col culu al aire.

Pero non escarma, engaña. Azorrona poniendo cara de víctima y diz que nun-y tremecerá la mano. Que mano, Mariano, porque dexáronte, en pelota, con una atrás y otra delantre, asina que precisaríes una tercera, que nun tienes, p'allumate con una vela y nun perdete na cuevona de Xénova.

Vuelves el Prestige, utilices la mesma táctica: unos filinos de plastilina… Tonelaes de galipote ye lo que tienes baxo cubierta. Chapapote a millones. A ver cómo sales d'esta, gallegu de Pontevedra. La suerte y la xiripa nun son eternes.

Naide sabe hasta onde pue llegar el filón de mierda

Milio Mariño

Pa esplicar la corrupción, nesti país, yá nun val esi principiu que diz que tou lo va mal pue dir a peor. Equí tou lo que va peor pue dir catastróficu porque cuando unu creía que valtiaremos, en demasía, cupu de sinvergüences y lladroniciu, vuelven apaecer casos nuevos que, mialma, faen imposible calcular hasta ónde pue llegar el filón de mierda.

Lo d'ayer podrá dicise que sí, que ye grave, pero que vien ser lo de siempre… Cuentes en Suiza con millones d’euros a maza, un áticu de luxu mercáu por quien, colos ingresos que declara, nun tendría que tener dineru pa mercalo…

D’alcuerdo, por desgracia, ye lo de siempre. Pero hai más entovía. Hai un Gobiernu qu’indulta a un kamikaze que foi condergáu a trece años de cárcel por conducir pol carril contrariu d'una autopista y matar a una persona y mancar de gravedá a otra. Dalgo que nun s’esplica si nun ye que la prensa nos pon al tantu de que l'abogáu defensor del kamikaze indultáu ye'l fíu del ministru de Xusticia.

¿Hasta onde llegará la nuestra paciencia? Esa ye la entruga.

Un libro «pa disfrutar como verderones»

Milio Mariño, en su debut literario en asturiano: «Escribo por placer, no espero ganar dinero ni alimentar el ego»

Francisco L. JIMÉNEZ

«Me atrevo a decir que los que compren el libro van a disfrutar de su lectura como verderones... Y más vale que sea así, porque ni la editorial ni yo tenemos previsto devolver el dinero a quien no le guste». Tan granuja como acostumbra a mostrarse cuando da rienda suelta a su pluma -todos los lunes, sin ir más lejos, en las páginas de LA NUEVA ESPAÑA de Avilés-, Milio Mariño (Avilés, 1949) sazonó ayer la presentación de su ópera prima literaria («El xaretón del embeligru», editorial Suburbia) con toda suerte de chascarrillos y la habitual retranca que gasta este sindicalista de Cristalería Española reconvertido a escritor una vez jubilado. Hasta eso, las razones que llevaron a Mariño a dar el salto del sindicalismo a la literatura, mereció cumplida explicación: «Tengo todo el tiempo del mundo para satisfacer mis deseos y este de escribir es uno de ellos; no lo hago ni por el dinero ni por alimentar mi ego, sencillamente porque me place».

Los padrinos del debut literario en solitario de Milio Mariño, que eligió el Club LA NUEVA ESPAÑA de Avilés para presentar su obra en la ciudad, fueron Silvia Cosío, responsable de Suburbia Ediciones, y Vicente García Oliva, escritor y miembro de número de la Academia Asturiana de la Llingua. La presencia de este último tenía toda la lógica: «El xaretón del embeligru» está escrito en asturiano. Un asturiano peculiar, eso sí, «sencillo y coloquial», que diría el autor, pero asturiano al fin y al cabo. «Muchos me preguntan que por qué escribo en asturiano y hay hasta quienes me lo reprochan porque aseguran no entender lo que leen. Pues lo cierto es que escribo en asturiano porque es de la forma que mejor me sé expresar y, en cierto modo, por comprimiso conmigo mismo. Desde luego no es ni por fomentar reivindicaciones nacionaliegas no por motivos políticos, quien piense eso que se lo quite de la cabeza», explicó el autor.

Mariño entró en detalles de su relación con el bable para satisfacer la curiosidad del público que acudió a la presentación de su libro: «Falar o escribir en asturiano, hoy en día, val pa bien poco. Eso ye lo que muncha xente piensa. A mi parezme que usar la llingua asturiana val pa sentise asturiano, y eso algunos pensamos que nun tien precio, que no se paga con nada». No es, de hecho, la primera vez que Mariño utiliza el asturiano para plasmar relatos en papel, ya lo hizo hace años cuando en colaboración con otros nueve escritores publicó «Esconderites», obra que fue traducida posteriormente al español.

«Aún me pregunto cómo mis socios en aquel proyecto tuvieron el valor de dejarme colaborar con ellos», manifestó Mariño, quien desde entonces atesoró un buen número de premios literarios tanto en castellano como en asturiano pero nunca se había decidido a publicar un libro en solitario. «Gran parte del mérito de estar hoy aquí presentando este trabajo es de la editora, Silvia Cosío; sin su empeño -y la colaboración económica de la Consejería de Cultura del Principado, justo es decirlo-, en vez de un libro habría un montón de folios apilados en mi casa», comentó Milio Mariño.

El libro en cuestión, ya a la venta en la librerías al precio de 12 euros, compila trece cuentos a través de los que el autor ofrece una particular visión de la vida diaria, de las locuras que atormentan al común de los ciudadanos y de cómo la gente interioriza miedos y sueños por temor al «qué dirán». A caballo entre el realismo y la comicidad, Mariño teje con sus personajes unos relatos que, fieles a lo que debe ser un buen cuento, aportan una moraleja final, cuando menos un elemento que invita a la reflexión.

Antes de proceder a la firma de ejemplares de su libro al público que acudió al Club LA NUEVA ESPAÑA de Avilés, Milio Mariño satisfizo otra curiosidad del respetable: de dónde le viene su apego al asturiano. Para explicarlo se remontó a su infancia, que vivió en una casería de La Carriona, frente por frente del centro comercial que ahora se levanta en el solar de la vieja tejera: «De guaje, me repetían mucho una frase: hay que hablar como Dios manda. Pero en casa se hablaba asturiano; en la escuela, en español; los curas, en latín; y el Papa, en todos los idiomas. Tardé tiempo en entender que más que como Dios manda hay que hablar como Dios quiera».

Transparente cuentacuentos sindicado

El perfil de la semana 

Saúl Fernández

Milio Mariño (Avilés, 1949) ha aparcado el sindicato y ha comenzado a contar cuentos. Unos cuantos de ellos forman «El xaretón del embeligru» (Suburbia Ediciones, 2012), su debut como narrador de ficciones. Mariño, sin embargo, nunca ha dejado de escribir. Es columnista de LA NUEVA ESPAÑA desde hace la tira (le pueden leer en estas páginas todos los lunes), pero no ha sido hasta ahora que se ha metido con los relatos de creación. Bueno, hace años participó en «Esconderites», una colección de historias breves de donde salieron los fundadores del semanario «Les Noticies», recién clausurado. «Cerrado del todo», apostilla ahora Mariño. El martes que viene el Club LA NUEVA ESPAÑA acoge el bautizo de la primera criatura de Mariño. Junto al escritor estarán su editora, Silvia Cosio, y Vicente García Oliva, clásico de la literatura en asturiano.

Pero para que Milio Mariño fuera Milio Mariño tuvieron que pasar años enteros reflejados en vidrio. Y es que el escritor antes que escritor fue trabajador de la compañía Saint-Gobain, sindicalista pionero y referente nacional e internacional del sector químico. Mariño resultó elegido representante de los trabajadores en su empresa mucho antes de los primeros comicios sindicales libres, después de la muerte de Franco. Formó parte del comité europeo de la multinacional francesa y, además, de la ejecutiva confederal del sindicato químico de UGT, cuando la ex Ministra Matilde Fernández estaba al frente de aquella federación, que ahora, en Asturias, vive matrimonio histórico con el SOMA.

Mariño pertenece a una familia «avilesina de siempre». El escritor sonríe: «Que no es lo mismo que "de las de toda la vida", que son las más bien». La casa en que nació ahí sigue. «Subiendo a La Carriona: una casa de aldea con hórreo y todo. La misma casa de mi madre», explica. El padre de Milio Mariño se llama Milio Mariño. Naturalmente. La madre, Maruja Riesgo. «Un hermano de mi abuelo tenía una barbería en la plaza de Hermanos Orbón, otro hacía guitarras y un tercero, Kiko El Checo, era sastre», Mariño hace memoria.

Recién cumplidos los 18 el futuro escritor entró a trabajar en Cristalería Española. «Siempre formamos parte de Saint-Gobain, pero no fue hasta hace poco que todas las sociedades del grupo incluyeron el nombre original en el sello de la firma», aclara. ¿Quería Mariño ser operario de Cristalería? «Lo que quería era trabajar y entré en Saint-Gobain de pura casualidad», apostilla el narrador. «Me encontré con un profesor del San Fernando, el colegio en el que estudié. Me preguntó si quería trabajar. Le respondí que sí, que claro. Me dijo que fuera a La Maruca, que necesitaban personal. Y me cogieron», recuerda. «Me salió antes lo de Cristalería que lo del banco, que estaba ahí, a punto», señala.

Saint-Gobain es una sociedad tricentenaria. Nació para reflejar la cara de los reyes absolutos de Francia y creció de manera desbordante por todo el planeta. «Cuando entré éramos algo así como 1.200. Llegamos a 1.600. Ahora son menos de quinientos», comenta. «La implantación de la tecnología ha reducido enormemente la plantilla. A mediados de los setenta comenzaron a aplicar en Avilés una patente que consistía en pasar el vidrio por un baño de estaño: así salía totalmente transparente», explica.

Su trabajo consistió, fundamentalmente, en transformar la arena en parabrisas. Y parece un salto mortal. Ahora Saint-Gobain plantea a sus trabajadores no pagarles los atrasos pactados. Porque los resultados no son todo los óptimos que la compañía quiere, cosas de la Reforma Laboral de Mariano Rajoy.

Mariño también fue concejal. En Castrillón. Dos legislaturas, representando al PSOE. «Entré en el sindicalismo a la vez que en el Partido. Nos reuníamos en el Grupo de Montaña Gorfolí. Allí no íbamos ninguno a la montaña», bromea. «Organizamos las primeras elecciones sindicales en Asturias y una de las primeras en España (los primeros fueron los de la Pegaso)», comenta. «Todos los trabajadores de la planta fuimos candidatos. Y salí elegido. Muy pronto tuve que empezar a viajar a París, a Ginebra... Recuerdo que me entrevistó una televisión de Suecia, en aquellos primeros años de la democracia, todos en Europa daban la bienvenida a los españoles. La verdad es que no sé por qué: el paisano murió en la cama».

Y llegó la jubilación y las ganas de contar cuentos. «Mandé unos pocos a Silvia Cosio y me pidió más. Y así sale este primer libro. Ya tengo terminado otro», anuncia. Va de foráneos que se quedaron maravillados con Asturias. Saldrán Maruja Mallo, Antonio López. «Y unos cuantos más».

La Nueva España, edición de Avilés / Domingo 13 de Enero de 2013

El PSOE va discurrir nueves idees pero colos dirixentes de siempre

Milio Mariño

El PSOE entama güei un procesu de modernización programáticu que va desenvolvese a lo llargo del añu pa concluyir n'ochobre, con una gran Conferencia Política.

Anúncienlo como'l mayor procesu d'alderique, diálogu, participación, y actualización porque, ente los sos oxetivos, ta implicar al mayor númberu posible de persones y colectivos, y sumar idees y respuestes.

Coles mesmes va poner en marcha un gran espaciu de trabayu dixital na rede, que va tar abiertu a tola población, y va constituyise como una plataforma d'escucha activa, conversación y participación.

Depués de cinco millones de votos perdíos y de fracasar en práuticamente toles autonomíes, sacante Asturies, esi podría ser el camín pero naz galguiáu pola resistencia de los que lleven más de vente años en cargos de relevancia y nun tan dispuestos a dexalos y marchar pa casa.

El PSOE precisa una renovación d'idees pero, sobremanera, de persones. Les idees nun fueron les que fallaron, siguen siendo válides, los que fallaron fueron los dirixentes que nun supieron tar a l’altura de lo qu’esixe un partíu y un electoráu d'esquierdes.

Agradezse que queden xueces que manda carallo

Milio Mariño

El Tribunal Constitucional acaba d’amparar, nuna sentencia, la inclusión de la espresión "manda carallo", destacando que denguna llei impide a naide permitise eses llicencies.

El casu esamináu, pol tribunal, foi'l del arquiteutu Gómez Muguruza, que demandó a la so empresa y la demanda foi anulada pola Sala Primera del Tribunal Central, en dos autos, nos que se dicía que nun podíen almitise espresiones como "manda carallo" y entá menos que'l demandante, a pesar de ser riqueríu pa quitales, negárase a facelo.

Gómez Muguruza retrucó que l'estilu y la redacción del so escritu taben dientro del exerciciu llexítimu de los drechos fundamentales a la llibertá d'espresión, opinión y defensa, y que desconocía cuáles yeren "les espresiones coloquiales, superflues ya impropies" a les que s'aludía.

El Constitucional sentencia, agora, que nesti asuntu la llei procesal aplicable nun configura como motivu d'inadmisión de la demanda l'usu d'espresiones inxurioses o pocu respetuoses. Cosa qu’agradeció l'arquiteutu esclariando que nun quixo ofender, sinón que permitióse un toque d'humor, na reclamación a la so empresa, pa evitar colgase d'un árbol.

Toi d’alcuerdo con too, cuando a unu lo echen del trabayu, lo menos que pue facer la xusticia ye dexalo que se desafogue soltando cualquier bocayada.

La policía pesca nes redes sociales

Milio Mariño

La Fiscalía de l'Audiencia Nacional llamó a declarar nel últimu mes a dos persones pol conteníu de les sos opiniones nes redes sociales. Tratase de dos muyeres que roblen los comentarios como Almu en Lucha y Loba Roja.

Nun casu, según la fueya de citación de la Fiscalía de l'Audiencia Nacional que la mesma acusada facilitó escaniada y entornada na rede social, tán investigándola por ser presunta autora d'un supuestu delitu d'enaltecimientu del terrorismu, al citar en dellos mensaxes a los GRAPO.

Nel otru casu, a quien robla como Loba Roja, la cita ye por facer munches referencies a Gramsci y por escribir la siguiente frase: “Hai tres clases de xente: la que se mata trabayando, la que tendría que trabayar y la que tendría que matase'". Una frase que ye de Mario Benedetti.

Los policíes que vixilen les redes sociales nun sé yo sí tarán bien al tantu de los filósofos y los pensadores pero, a riesgu de que me llamen a declarar o m'enchironen, voi probar citando la frase más famosa de Gramsci: “El vieyu mundu muérrese. El nuevu tarda n'apaecer. Y nesi clarescuru surden les bisarmes”.

Barrunto que yá surdieron, que yá tán equí, ente nos.

Cuatro nun vagón qu'apesta

Milio Mariño

Naide sabe qué facien estos cuatro, caún con más cara qu'espalda, viaxando nun vagón del Ave. Naide sabe que pintaba, ellí, un Príncipe pamestu que fexo’l discursu en catalán, anque nunca lo faiga n’asturiano, y viaxaba enfrente de Mas, el mesmu que va dos díes salió na tele cola foto del Rei voltiada, nun biecu claru de despreciu. Naide sabe que pintaba’l Presidente del Gobiernu aguantando que’l nada honorable, cabezaleru d’un partíu qu’acaba de declarase corruptu, fixera un discursu nel que llama lladrones al restu los españoles. Naide sabe de que se ríi la ministra, anque seya cola sorrisa fata del que traga sapos y culiebres.

Naide sabe nada… Xúntense, unos con otros, y ponen cara d’estreñios cuando, mialma, da cagalera velos facer la comedia de que toos se lleven divinamente.

Nel momentu de la foto, paez como si dalguién tirare un fumiacu y tastiaren el golor a podre. El vagón fiede qu'apesta pero denguno de los cuatro toma cuenta de la mierda propia. La propia nun güel y l'ayena sopórtenla con cinismu y una pinza nes ñarres.

Tolos díes apaecen nuevos casos de corrupción, la xente suicidase, quemase a lo bonzo y protesta na cai pero como si cantaren. Los cuatro del vagón tan convencíos de que faigan lo que faigan tenemos la obligación d'aguántalos y baxar la mollera.

Pero sigo siendo'l Rei, dixo Xuan Carlos

Milio Mariño

La entrevista que Jesús Hermida fixo al Rei, que nun aguanté na so totalidá, alcordóme aquel cantar mexicanu… Una piedra nel camín, enseñóme qu'el mio destín… Yera rodar y rodar… Nun tengo tronu nin reina… Nin naide que me comprienda… Pero sigo siendo'l Rei…

La sensación foi como de publicidá pagada, de publirreportaxe navidiegu que fala d'un productu cuyes virtúes y defeutos yá conocíamos de sobra. Foi falar pa nun dicir nada y dexar al descubiertu les tresnochaes idees y les llimitaciones d'un home de 75 años que nunca foi brillante y que les sos torpeces, siempre, quixeron vendeles como feches arrede por dalguién mui campechanu y simpáticu.

Más qu'un asuntu seriu paecía una escena infantil. El tratamientu de señor, col que testeronamente Hermida dirixíase al Rei, recordaba'l señor si señor de los subordinaos escontra los oficiales que vemos nes películes americanes.

La conclusión final ye que'l Rei caltién los sos privilexos, va siguir siendo rei hasta que muerra y nun va apurrir nada nin va contribuyir a gobernabilidá d'España. Lo único positivu foi que, nesta ocasión, nun soltó denguna patochada, aconseyáu, de xuru, de que los súbditos y el país nun tán pa chancies nin graciosaes.

Sangre, estupor y llárimes

Milio Mariño

Nun soi quien a imaxinar la cara, nin el cuerpu, nin les coraes, nin nada, de la persona, funcionariu o funcionaria, del Ministeriu italianu de Seguridá y Medioambiente, qu'escribió la carta na que-y piden, a Alessandra Mezetti, que pague 725 euros pola llimpieza de la sangre qu'el so fíu, de 15 años, dexó nel asfaltu por culpa d’un accidente de moto, na vía del Fontanile Anagnino, de Roma, que lo llevó a cutir la cabeza contra una farola y finar nel actu.

Yá sé qu'hai xente pa tou pero cuéstame almitir qu'un ser humanu pudo redactar esa carta na qu'espliquen a la madre que pa llimpiar la sangre esparcía pol so fíu nun tramu de carretera "tuvieron qu'utilizar una máquina especial".

Na carta tienen el detalle, amás, d'esplicar que la llimpiaron "por cuestiones de seguridá" porque la carretera podría ser peligrosa al convertise "en resbaliza".

Anque pa lo que tamos falando ye lo de menos, dase la paradoxa que nel accidente tán imputaos, por homicidiu culposu, trés policíes urbanos y un funcionariu municipal.

La señora Mezetti, la madre, que califica la carta d'insúltante y vergonzosa, manifestó al diariu La Reppublica que cuando acabó de lleela creía que nun taba despierta, que yera víctima d'una pesadilla.

La clase rica ye la que fai esta guerra, y ta ganándola

Milio Mariño

Dándo-y vueltes a lo qu'asocede, lleendo equí y alló, atopéme con unes declaraciones que'l norteamericanu Warren Buffet fixo al New York Times ehí p’atrás.

Warren, que ye una de les persones más influyentes ya riques del mundu, dixo daqué que quiciabes paeza cínicu, pero yo estimulo polo que tien de sinceru. Dixo estu: "Dende llueu qu'hai una guerra de clases, pero ye la mio clase, la clase rica, quien la ta faciendo y a fe que la tamos ganando".

Otros nun s’atreven a dicilo pero lo ciertu ye que los ricos tán faciendo la so revolución y tan ganándola. De mou que cuanto más tardemos en reconocelo peor nos dirá.

Que la tean ganando nun quier dicir que la vaigan a ganar, eso dependerá de nós. Dependerá de que los ciudadanos aceutemos vivir nuna sociedá más inxusta y bona, namás, pa unos pocos.

Soi de los que piensen que lo difícil foi llegar a onde llegamos y que’l progresu social nun tien marcha tras. Ciertu qu’agora reculamos unu pocu pero esto tien que sirvinos pa coyer impulsu y avanzar más apriesa. Lo único que precisamos ye organización, lideralgu y llucha. Y cuantu primero meyor.

Del abismu al sucu fiscal

Milio Mariño

Estos díes pasaos falóse abondo de qu'Estaos Xuníos podía cayer nun abismu fiscal y unu que coyere, col vuestru permisu, vacaciones navidiegues lleía les noticies pendiente d’enterase de que diba esa milonga qu'amenaciaba con una hecatombe mundial más estrozona que la boutade de los Mayas.

L'abismu fiscal resultó ser que'l tipu máximu d'impuestos, en EE.UU, pasaba del 35% al 39,6%, a partir de los 250.000 dólares d'ingresos añales, que yera lo que proponía Obama, y la cosa solucionóse alzando'l suelu hasta los 450.000, de cuenta que'l precipiciu quedó nun sucu qu'afeuta namás al 2% de los americanos. A los ricos, ricos, que ganen un pastón.

Obama sacó alantre la so propuesta cediendo, pa dalgunos, de forma escesiva y los Republicanos cedieron dando sofitu a unos impuestos que van en contra de los sos principios.

L'episodiu da pa milenta comentarios y anque prometo volver sobre’l tema apunto dos detalles p'abrir boca. N'España sedría impensable que'l PP sofitara una propuesta d'impuestos del PSOE. Y sería, tamién, inauditu que diputaos d'unu y otru partíu votaren lo creyíen que teníen que votar en conciencia y non lo que-yos mandaben votar nel so partíu.