A Beatriz nun la condenen los xueces, condenala nun tener perres

Milio Mariño

Si Beatriz, la mocina salvadoreña embarazada d'un fetu que fai qu'apeligre so vida, fora d’una familia con perres nun taría pasando por una tortura que, a la fin, va llevala a la muerte. Viaxaría a otru país, a Cuba que nun ta mui lloñe, y acabóse'l problema. Eso fadría, ensin publicidá denguna, cualquier moza de bona familia que, a la vuelta, recibiría les bendiciones del cura y de los qu’acaben de condenala.

Lo qu'agora asocede n'El Salvador va ser lo qu'asoceda n'España si Ruiz-Gallardón atestera n'abolir la llei que permite la interrupción voluntaria del embarazu. Llamalo asina porque toi fartu de que'l Gobiernu invente nuevos eufemismos pa referise a les coses más pelegrines y vuelva a llamar albuertu, cola intención que toos sabemos, a lo que ye interrupción del embarazu.

Si daquién non lo remedia, Beatriz sedrá otra víctima de la probeza, el fanatismu relixosu, la drechona casposa y el machismu tarrecible como lu foi Savita Halappanavar, la irlandesa d'orixe indiu muerta en avientu pasáu después de nega-y la xusticia l'albuertu que precisaba.

El Bosón de Bárcenas Premio Príncipe d'Astucies

Milio Mariño

El xuráu del Premio Príncipe d'Astucies, aconceyáu ayeri n'Uviéu, después de deliberar abondo, concedió'l famosu premiu a los descubridores del Bosón de Bárcenas. Esto ye, a los responsables del Gran Colisionador de Lladrones, que trabayaron de manera paralela, anque independiente, en busca de la mesma partícula, y declararon, con total certidume, que dieren con ella.

Pa nos ta claro que dimos col Bosón de Bárcenas, anque inda queda un llargu camín pa saber qué tipu de bosón ye, dixo'l voceru del esperimentu.

El xuráu tuvo en cuenta, y asina lo punxo nel acta, qu'esi descubrimientu constitúi un exemplu emblemáticu de cómo l'esfuerzu coleutivu consiguió resolver unu de los enigmes más fondos y enrevesaos d'España.

Pal premiu fueren propuestos, en base a los méritos contrayíos, la familia Pujol, Díaz Ferrán, el matrimoniu Urdangarín y el Bosón de Bárcenas.

Dempués de llargues deliberaciones, el xuráu decidió que llegaren a la final el matrimoniu Urdangarín y El Bosón de Bárcenas y, anque enantes les votaciones fueren reñíes, el premiu decidióse por unanimidá.

Tenemos inventores que nun son los del TBO

Milio Mariño

Pa completar el cuadru de los inventores ya científicos españoles que trunfen pel mundu alantre, ayer conocióse que l'inxenieru José Luis López Gómez ganó, en Bruseles, el Premiu al Inventor Européu del añu, qu'otorga la Oficina Europea de Patentes, por un sistema que permite a los trenes Talgo circular con más seguridá y confort, calteniendo siempre la posición óptima de les ruedes sobre'l rail, especialmente nes rexones montañoses.

Ye una bona noticia pero barrunto que la patente mercaríala cualquiera y esti inventu español fabricaráse fora d'España. Equí, tamos fartos d’oyílo, nun faen falta inventores, lo que precisa'l país, según el gobiernu, ye mano d'obra barata y sumisa que vuelva a trabayar nel lladriyu pa que los caciques y los bancos vuelvan llévalo crudu. Equí, según el gallegu cínicu, los que van sacar esto alantre van ser los empresarios corruptos, los toreros, los cures, el fútbol y los políticos ensin escrúpulos.

España vuelve a ser diferente: en cuenta subvencionar la investigación y el desarrollu, subvencionamos los cubalibres nel chigre del Congresu, los macrocasinos, los toros y l'ilesia católica. Neso nun facemos casu a Merkel, valímonos por nosotros mesmos.

Voi apuntame al maquis pa defender la pensión

Milio Mariño

Ta vistu que somos moñecos de trapu en manes d'un Gobiernu de sádicos qu'esfruta torturándonos na vieyura y na enfermedá.

Hasta agora, a los pensionistes diérennos plizcos pero como aguantamos ensin malpenes quexanos, anuncien mordigaños que de xuru van ser l’entamu d'una tayada mayor. Yá sabéis, les pensiones nun se van revalorizar según l'índiz del costu la vida, sinón que van aumentar o menguar en función de la situación económica del país. De mou que como’l país va mui bien, nun hai nada que temer.

Los qu'inda tais n'activu nun tenéis qu’esmolecevos tampoco, prepárenvos una bona vexez. Les vuestres pensiones van calculase, amás de cotizar munchos más años, n'atención a la esperanza de vida y non de lo que coticéis. Tamién van tener en cuenta, el patrimoniu que tengáis: a más patrimoniu, por pocu que sía, menos pensión.

Pero tranquilos, yá vais ver como dicen que si tuvieren mandando los roxos, la cosa sedría peor. Bonu si ye que queden roxos porque de sarxentu pa enriba desertaron toos, namás quedamos la clase de tropa. Asina que non me va quedar mas remediu que facer como mio güelu: xuntame con unos cuantos, tirame al monte y defendeme con dignidá.

Entre el AVE y la tortuga

Milio Mariño

Sucede, a menudo, que cuando veo de nuevo la misma película encuentro escenas que no había visto antes. Pues bien, esa fue la sensación cuando leí que alguien propone abrir un túnel, o los dos, de la variante de Pajares que se construyó para el AVE, y utilizarlo para el tren convencional. Me pareció buena idea. Una idea que, si se confirma, supondría una rebaja considerable de la duración del viaje entre Asturias y Madrid que, ahora, con al Alvia, ha quedado en 4,40 horas.

Usando el nuevo túnel ahorraríamos, como poco, esos cuarenta minutos y podríamos ponernos en Madrid en apenas cuatro horas, un avance importante que cuestionaría, incluso, la necesidad real de que Asturias necesite un trazado de Alta Velocidad.

Pero claro, todo fue aparecer la noticia y ya hubo quien puso el grito en el cielo por el dinero gastado y el trato discriminatorio que recibiría Asturias en comparación con otras comunidades que ya disfrutan del AVE.

No dudo de la buena fe de quienes se plantan y dicen que AVE o nada, pero, a veces, la realidad de las cosas es tan contraria a lo que uno había dado por supuesto que algo que le parecía obvio, después lo ha cuestionado. A mí me ha pasado y quiero creer que no soy el único. Imagino que otras muchas personas han sido capaces de llevarse la contraria al respecto de lo que pensaban en otro momento. Imagino también, aunque sea mucho imaginar, que algunos de los que no quieren dar el brazo a torcer, mantienen el tipo por el prejuicio de rectificarse a sí mismos, o por un sentimiento de venganza, entendida en el sentido de que si, el AVE, estaba prometido, proyectado y construido en la parte más costosa, que eran los túneles, tienen la obligación de cumplirlo.

Todos coincidimos en que Asturias necesita una buena conexión ferroviaria. La discrepancia aparece cuando tenemos que decidir entre un tren de velocidad alta o de alta velocidad, pues, aquí, el orden de los factores si altera el producto. En un caso estaríamos hablando de un tendido específico para el AVE y en el otro de mejorar las conexiones y que estas puedan ser utilizadas por los trenes convencionales de viajeros y también por los de mercancías.

Sin apasionamientos, y sin que prime el no enmendallo, la discusión sería si merece la pena gastar una millonada y renunciar a una salida mejor y más rápida, de personas y mercancías, hacia la Meseta, a cambio de que los viajeros reduzcan el viaje en no más de quince minutos.

Visto así, es decir como yo lo veo, sería un despilfarro. Seguiríamos incidiendo en lo que tanto hemos criticado: que se gasten miles de millones, que no tenemos, en infraestructuras sobredimensionadas y sin sentido.

Oyendo a los que discrepan, uno se sorprende de qué hayan desaparecido los partidarios del término medio y sean cada vez más los que apuestan por el todo o nada. Los que insisten en qué si se dijo esto se hace, haya que hacerlo, cueste lo que cueste y pese a quien pese.

Si ese es el argumento no insisto defendiendo la idea, apelo a lo que dijo Julio Camba cuando, un día, le informaron de que el tren llevaba retraso. No se preocupe: qué más dará llegar una hora antes que después, si el destino estará aguardándonos, tardemos lo que tardemos.

Milio Mariño/ Artículo de Opinión/ Diario La Nueva España

Tamos en mayu y, esta nueche, hai lluna yen

Milio Mariño

Dicíalo ayer un estudiante portugués qu’entrevistaron pola tele: Namás nos queda la revolución. Una respuesta que podéis tomar a broma pero que ye la verdá. L’orde establezse por un equilibriu de fuerces, de cuenta que cuando esi equilibriu se ruempe, cuando l'orde nun amuesa capacidá pa introducir los cambeos que la tensión social esixe, apaez la revolución.

Güei, agora mesmu, vamos por esi camín. Voi cuntavos un detalle. Seguro que toos percibistis, dalguna vez, un fenómenu misterioso y difícil d'esplicar. Que, de sópitu, nun momentu determináu, la xente sabe que llegó'l final y dexa de tener mieu.

Pos bien, eso ye lo que va pasar. Pasará que dientro de poco, o d'un pocu más, la xente va esplotar.

Tien tola traza. Los partíos y los sindicatos yá tiraron la toballa. Tán ocupaos n'azorronar y disimular la corrupción y siéntense incapaces ya deslexitimaos p’asumir les demandes de los ciudadanos. Falen de movilizaciones, pero nun se refieran a les que convoquen ellos, que nun convoquen denguna, sinón a les del 15-M, los afeutaos poles hipoteques, la sanidá pública, les plataformes civiles y etc, etc.

Quier dicir qu’esto, tal como lo conocíemos, acabóse.

A lo meyor, pienso asina porque tamos en Mayu y, esta nueche, hai lluna yen. Pero ehí lo tenéis, güei llevantéme rebelde.

Rajoy corniáu nun muslu

Milio Mariño

Sé qu'a munchos de vosotros nun vos gusten les corríes de toros, -a min tampoco- pero como lo que ta asocediendo, col PP, la corrupción y Aznar, convertióse na Fiesta Nacional, ocurrióseme tomar prestáu un titular y una semeya de la Feria de San Isidro, pal comentariu de güei.

Tamién valía aquella frase que-y dixo’l Rei a Hugo Chavez: ¿Por qué non te calles? Eso anden diciendo Rajoy y los ministros, en voz baxa, anque cuando-yos entruguen en públicu, allorien como pita llueza, nun saben qu’esculpa poner y, a la fin, dan la versión de qu'Aznar foi entrevistáu por Gloria Lomana, Francisco Marhuenda y Victoria Prego, trés periodistes d'estrema esquierda que con entrugues traicioneres llograron acorralalo y fixeron que cayera na trampa.

De toes formes, la cornada foi grave pero non mortal. Según el parte médicu, Rajoy resultó firíu, por asta d'Aznar, nel interior del muslu drecho y anque se reparen estrozos, nun sangra abondo. Ruempe venes superficiales, interesa la piel y el texíu celular. Lo cuál, dientro de la gravedá, ye bona señal.

La realidá, murnia y cruda, de los políticos

Milio Mariño

Entovía hai xente que cree que los políticos viven a cuerpu rei y ganen perres a embute. Hai muncha inorancia nel mundo. La xente nun ve, o nun quier ver, que’l Partíu Popular tenía que da-yos sobresueldos a los suyos pa que pudieren llegar a fin de mes.

El partíu ayudábalos un pocu, pero lo más triste ye que los amigos, viendo que los ministros y los altos cargos del PP taben a la quinta entruga, nun teníen otru aquello que paga-yos les bodes y les comuniones, amás de merca-yos traxes, bolsos y reloxes pa que tuvieren presentables y nun fueren perehí dando'l cante.

Pa que llueu digan que la política ye un choyu. Ríome yo de los choyos. Si non fuera por Correa y El Bigotes, la fía d'Aznar, qu’entós yera Presidente del Gobiernu, en cuenta d’un banquete de boda tendría que conformase con una espicha nun llagar corrientucu. Y los fíos d'Ana Mato con una xocolatada ensin xurros nin payasos.

Pero seguimos atesterando no mesmo. Facemos casu a los periódicos y tomámosla colos políticos. Hai quien, inclusu, s'entruga qué d'ónde sacaben esi dineru. D'ónde van sacalo alma cándida… del Bancu.

El Conceyu de Madrid subvenciona una web de contactos

Milio Mariño

Los escritorinos, como un servidor, mialma plasmamos. Pensábemos que teníemos, anque namás fuera un plizcu d'imaxinación y la realidá ta demostrando que tenemos menos imaxinación qu'un grillu. Na vida se nos podía ocurrir qu'una web de contactos n'internet, recibiera del Conceyu de Madrid, nin de conceyu denguno, 42.500 euros de subvención.

La nuesa imaxinación, por muncho que la echemos a volar, nun llega ehí, nin algama a xustificar tamaña golfería diciendo qu'una Web qu'anuncia como actividá: lligar, tener amistá, sexu y amor, ye una micropyme innovadora que resulta vital pa collaborar nel cambéu de modelu económicu.

Pos bien, tou eso díxolo'l compañeru de l’alcaldesa Botella, Iñaki Ortega, que foi quien dio la subvención. Y dixo más. Dixo que "el comerciu electrónicu, les nueves tecnoloxíes y les plataformes web, convertiéronse nel nichu de referencia de les nueves actividaes económiques, con independencia del sector". Y amestó qu'ésti, en concretu, ye un sector "onde la tecnoloxía ye bien importante, ye dafechu llegal y tien una clientela bien respetable".

Yo, la verdá, en cuenta xulgalo y mandalo a la cárcel, proponíalo pa un premiu de relatu fantásticu y de ciencia ficción.

El mar tiene sus propias leyes, no acepta la Ley de Costas

Milio Mariño

Viendo como viene la primavera, lluviosa y fría que casi parece el invierno, uno se pregunta si no habremos entrado, ya, en ese momento del no retorno que anunciaban para el cambio climático. Los indicios apuntan que sí, lo que pasa qué a ver quién es el guapo que se atreve a sacar el tema, ahora que los problemas de subsistencia son lo más inmediato. Allá se las compongan los que estudien el siglo veinte y se pregunten como fue que hicimos tan poco por evitar lo que todavía era evitable.

Dicho esto, conviene precisar que si el clima se ha vuelto loco y no reconoce las estaciones del año, la responsabilidad no es, solo, de España. Compete al mundo entero y, en especial, a China y Estados Unidos, que tomaron, y siguen tomando, el protocolo de Kyoto como la embestida de Don Quijote a los molinos de viento. Lo que sí es cosa nuestra, es que aún estábamos a tiempo de impedir que el desastre costero fuera irreversible. Bastaba con devolverle al mar lo que es suyo y a nosotros lo que es de todos. Tarea que sería posible si no fuera que nuestros gobernantes conciben el país como esos inquilinos gamberros que saben que dentro de poco tendrán que abandonar el piso y actúan como si no les importaran los desperfectos. Ahí los tenemos, imponiendo una nueva Ley de Costas con el alucinante argumento: “El impacto ya está hecho, aprovechémoslo”. Eso dijo, el secretario de Estado de Medio Ambiente, Federico Ramos.

Intuyo, por tanto, que no es cierto que el PP pisotee deliberadamente las leyes del PSOE, pero si, por casualidad, les da un pisotón, se alegra de habérselo dado. La excusa, para todo, es la crisis y la herencia recibida. Una herencia que, en este caso, suponía aplicar la ley para corregir, paulatinamente, los desmanes que se habían cometido, en terrenos de dominio marítimo, durante los años sesenta y setenta del siglo pasado.

Nunca entenderé por qué, tierra adentro, tienen tan poco respeto por el mar. Digo poco y debería decir ninguno, pues da la impresión que, quienes hacen las leyes, solo se acercan a la costa en verano, para bañarse y tomar un refresco en un chiringuito.

Lo lógico, para los que vemos el mar a diario, sería que estuviéramos hablando de estrategias de retroceso. Es decir, de evitar daños mayores a las playas y a los bienes inmuebles, aportando, además, seguridad a las personas, pero el PP acaba de hacer lo contrario. Nos acerca más al mar, permite la invasión del litoral, da pie para que lo privado se apropie de lo público, suplanta las competencias locales y autonómicas y, todo eso, lo hace por las bravas, imponiendo su criterio y sin escuchar a quienes apuntan, por ejemplo, algo tan elemental como que el Cantábrico no es el Mediterráneo.

Para el Gobierno, las tropelías no las cometieron quienes plantaron sus casas, sus chiringuitos o sus hoteles en espacios de dominio público ganados al mar, las cometió la Ley de Costas de 1988, por un exceso de proteccionismo. Una ley que acaban de eliminar sin advertir que da igual lo que legislen porque el mar tiene sus propias leyes. Quizá en Madrid no lo sepan, pero aquí sabemos que el Cantábrico no aceptará esta Ley de Costas, se pongan como se pongan.

Milio Mariño/ Artículo de Opinión/ Diario La Nueva España

Caravana de muyeres en Fontecha

Milio Mariño

Los de Piloña paecen empeñaos en que se fale del conceyu anque nun sía pa bien. A la Feria d'Abril andaluza, que celebraron apocayá, hai qu'añedir lo d'ayeri, una caravana de muyeres en Fontecha, que vien a demostrar que nun avanzamos malpenes nada dende aquella famosa Caravana de Plan, fai agora 28 años.

Cunten les cróniques que 55 muyeres fueron recibíes ayer pola tarde, en Fontecha, con voladores, gaita, espicha, cena y orquesta, por otros tantos o más paisanos de la llocalidá y pueblos d'alredor, encantaos de participar no que, al paecer, llamen “Campaña d'amor y repoblación”. Una campaña que ñació, y ta teniendo ésitu, en munchos pueblos de Castiella

Lo del amor nun se discute, pero lo de repoblar, pa min que van tenelo difícil, non porque nun lo intenten y pongan abondo interés sinón, más que nada, pola edá de los aficionaos y aficionaes a repoblar. Anque bonu, si de los dos oxetivos cumplen unu, seguru que se dan por satisfechos.

Arturo Fernández, Medaya d'Oru, chatina

Milio Mariño

Nun foi, pa min, denguna sorpresa que'l conseyu de Ministros concediera la Medaya d'Oru, al Méritu nel Trabayu, al xixonés Arturo Fernández. Eses medayes avecen a concedese a los que menos les merecen o les merecen mui pocu. Nel casu d’Arturo, mialma que nun-y atopo méritu dengunu. Foi un mal actor que fixo males comedies y peores películes. Pero, el Gobiernu, quiciabes consideró, como méritu, la chulería, el sofitu a la drechona y les tontures que dixo sobre la última Fuelga Xeneral y los manifestantes.

Arturo, qu’amás d’un galán de Hollywood siempre se creyó mui simpáticu, chungóse de la Fuelga y los manifestantes, diciendo que nun había que salir a la cai, a nun ser con xente guapo. Tamién dixo que, a les manifestaciones que convocaben los trabayadores, namás diba xente feo, en manada. Unes graciosaes que, tando como tan les coses, bien podía aforrales.

Naide-y niega'l drechu a tener la ideoloxía que-y de pola gana y a opinar lo que quiera, siempre que lo faiga con educación y respetu. Por eso, a los 84 años que tien, igual diba siendo hora qu'abandonara'l tonu arrayante, ranciu y chulescu, del que fixo gala tola so vida, y entamara a portase con un pocoñín de chapeta.

San Isidru, el folganzán

Milio Mariño

Como sé, de xuru, que tenéis desdexada la Hestoria Sagrada, güei quiero falavos d'un santu que se celebra estos díes. Refiérome a San Isidru, un llabrador qu’avezaba a llegar tarde y cansáu al trabayu porque tenía por zuna percorrer toles ilesies de Madrid y rezar un pocu en caúna.

Con aquel traxín, Isidru arrastraba una galbana que nun podía con ella, de mou qu'un tal Iván de Vargas, que yera'l señor pal que trabayaba, andaba al quite pa despidilo. Presentóse-y la ocasión cuando vio qu'un día llegaba colos gües a la era, sentábase embaxo d'un árbol y quedaba dormíu. Esta ye la mía, dixo'l llabrador empresariu, pero primero que pudiera llegar a onde taba'l folgazán, vio que del cielu baxaben dos ánxeles, poníase unu colos gües y otru col aráu y empezaben a llabrar la tierra.

Esi ye'l milagru más importante que-y reconocen a San Isidru. Asina, más o menos, ye como lo cuenta la Ilesia Católica.

Con esi exemplu, si a dalguién que se duerme nel trabayu lo faen Santu, yá me diréis aú vamos. Tenía razón Fátima Báñez y tamién el telediariu. Lo importante ye rezar y tener a dios de to parte.

La puerca moralina de la TVE

Milio Mariño

Fai yá nin sé sabe que nun veo la TVE, pero, polo visto, toi perdiéndome los meyores programes de los humoristes del PP. Si va una selmana, una presentadora del telediariu afitaba que rezar ye lo que meyor yos cuadra a los paraos porque quita-yos l'ansiedá, unos díes dempués dio'l triple blincu mortal, ensin rede, emitiendo un reportaxe nel qu'aconseyaba a los padres cómo vistir a les sos fíes pa que nun vaigan provocando.

Pa min que non lu pensaron bien porque, si tenemos en cuenta la edá a la que los fíos y les fíes yá nun se dexen vistir, el conseyu casi podría tomase como que los padres fomenten la perdición infantil.

Espero que sigan cola cruzada y lo siguiente sía dicinos a los güelos que nun senos ocurra calzanos una braga náutica porque ye una prenda escandalosa qu’afala y fomenta la indecencia na redolada familiar. Sentiríame bien deceicionáu si nun encamentaren pa nós la vuelta al Meyba tradicional.

Nestos conseyos, pal fomentu de la decencia, nun pido qu’incluyan a les muyeres de cincuenta años p’arriba, sían o non güeles, porque préstame pola vida que me sigan provocando. Yá lo sé, soi un golfu y un depraváu.

¿Cuantu pagaríes tú por una entrada de fútbol?

Milio Mariño

Nun sabéis cuantu me fastidía tener que da-yos la razón a los alemanes, a los franceses y a tou mariasantísima, cuando salen col aquello de que nun tenemos chapeta. Caime la cara de vergoña viendo que los precios de la final de la Copa del Rei, que va xugase en Madrid el vienres, son los más caros d'Europa.

Comparando los nuesos precios colos de les finales de Copa de les otres cuatro competiciones europees (Inglaterra, Alemaña, Francia ya Italia) nun s'averen nin de lloñe. La entrada más cara de la final inglesa costó 136 euros, la de los alemanes 125 y la d'Italia 120, pero equí n'España, les graes alta y baxa cuesten 220, el primer anfiteatru 245 y 275 la entrada de tribuna.

Ehí queda eso. Llueu, al día siguiente, vamos per ehí llorando y llamentando que tenemos más de seis millones de paraos y nun podemos cola crisis.

Y, voi dicivos otra cosa. Nun creáis que los de la Federación, los clubes o quien fuera, el que punxo'l preciu les entraes, ta barrenáu o chifló de repente. Al ritmu de venta que lleven, too apunta que'l Bernabeu tará llenu hasta la bandera.

La solución p'acabar cola fame ye comer inseutos

Milio Mariño

Nun sabíemos cómo salir d’esta y, nun descuidu, llegaron los de la FAO, un organismu de la ONU, cola solución p’acabar cola fame nel mundu. ¿Queréis comer?... Entrugaron.. ¡¡Pos comer mierda. Bonu, en realidá, nun dixeron eso, dixeron que comiéremos mosques, formigues, mosquitos, cucaraches, grillos, saltapraos, guxanos, aviespes… Hasta 1900 especies d'inseutos que, según la citada entidá, y sofitándose n'estudiu, realizáu en collaboración cola Universidá de Wageningen (Países Baxos), contienen la mesma cantidá de proteínes y minerales que la carne de xata y les grases más saludables.

Cuando vieron que s’armaba la de coyer intentaron arreglao. Sacaron un comunicáu nel qu'esclariaben que nun taben diciendo que la xente comiere bichos. Que, a cencielles, queríen dicir que los inseutos yeren un recursu alimenticiu fácil d'atopar, práuticamente gratis o bien baratu y entá por esplotar. Acabaron de xodelo porque punxeron como exemplu que n'África y n'Asia yá hai millones de persones que lleven tiempu comiéndolos.

Lo siguiente, non vos estrañe, ye que, d’equí a un par de meses, Rajoy quite'l subsidiu de 400 euros porque viendo que la xente, ensin que-y cueste un duru, pue preparar una parrillada de mosques, formigues y grillos, gastaríalo tou en vicios.

Los ricos tan delgaos y los probes cada vez más gordos

Milio Mariño

Nun digo nada nuevu si digo que la obesidá va n'aumentu y que casi toos tamos más gordos de lo qu’aconseyen los médicos. Lo que yo nun sabía, y por eso lo traigo equí, ye que dellos estudios demuestren que, en Europa y nos Estaos Xuníos, los probes tán más gordos que los ricos.

Y más que se van poner porque según el profesor Adam Drewnowski, de la Universidá de Seattle, “la obesidá va dir en aumento, pos ye la resultancia tóxica d'un ambiente económico que ta diendo a peor”.

Quier dicise que cuanto más probe yes más gochaes comes y más engordes. Pa que veáis lo que son les coses. De mou que, ensin que nos diéremos cuenta, la gordura pasó de ser un diferencial d'opulencia a un síntoma de probeza.

Nun ye por dámeles de llistu pero yo yá venía notando que los ricos avecen a tar nel so pesu y toos bien morenos. Lo que non se m'ocurriera foi rellacionar la obesidá cola probitú. Igual ye que toi un pocu gordu y mialma me fastidia que, viéndome, cualquiera puea imaxinar como ando de perres.

De mala educación

Milio Mariño

Toi por apostar que lo primero que seguramente fadrá, el siguiente Gobiernu qu'asoceda a esti, o a otru, del PP, sedrá anular la Llei d'Educación Wert y sustituyila por otra que tampoco pautará cola oposición. Llevamos asina dende va cuarenta años y lo que te rondaré morena porque, polo visto, nun se trata de conteníos formativos tratase de conteníos ideolóxicos, a los que, como nesti casu, súmase lo relixoso.

Lo sensatu, lo que tendría que facer cualesquier bon gobernante, seya d’isquierdes o de dreches, sedría formar estudiantes llibres, non manipuliaos, que reciban una enseñanza veraz y puean decidir por sí mesmos. Pero lo que busquen, los que faen estes lleis, nun ye que los estudiantes tengan una formación meyor, ye que piensen como ellos.

Asina nos lluz el pelo. Si España yá taba de lo más atrasáu d'Europa en materia d'educación, agora con esta Llei vamos dar un pasu de xigante, pero pa atrás.

Inventado nueves formes de protestar: el Cansinismu y l'Atracu Musical

Milio Mariño

Prestame pola vida que la xente nun se quede de brazos cruzaos, qu'estrume la imaxinación inventando nueves formes de protestar. Nun va ser too quemar ruedes, tirar voladores por un tubu o boles d’acero con un gomeru.

Tampoco quiero dicir con estu que nun comprienda nin participe de les razones qu’emburrien a protestar asina, quiero dicir que, delles veces, suple más y ye menos arriesgáu protestar d’otra manera que nun seya la tradicional.

Ayeri mesmu afayé dos nueves formes, d’estes que dixi, que me llamaron l’atención: el Cansinismu y L'atracu Musical.

El Cansinismu consiste en facer les xestiones habituales nun bancu pero a un ritmu más lentu, pagando con céntimos, faciendo ingresos d'un euru a diverses ONGs, actualizando la llibreta o pidiendo información sobre préstamos.

L'atracu Musical, podéis velo nun videu de youtube, inauguróse ayeri nuna sucursal de Bankia, en Lavapies, onde un grupu de xente xoven, formáu por una tuba, dos trompetes, una guitarra, cantante y coros, interpretó La Bankia dexónos ensin un duru.

Tamién hubo otres aiciones bien vistoses, como un home en bragues, blanques y d’encaxe, que saludaba a los veceros del bancu a la entrada de la sucursal.

Pa que llueu digamos que nun hai imaxinación y bon humor. Ha-ylo a pesar de la que ta cayendo. Y eso tien muncho méritu.

Meyoramos nuna cosa: nesti Gobiernu hai más fatos que nel de Zapatero

Milio Mariño

Lo de Rajoy, nel Congresu, dirixéndose al Presidente del Gobiernu, podría ser una anécdota si nun fuera que yá son munches les metedures de pata. Entamando porque plasma al nun entender la so lletra y siguiendo pol aquello de que tou ye mentira salvo delles coses.

Los ministros y ministres tamién anden a la tema en babayaes ya tontures. La esplicación de Cospedal merez figurar na antoloxía del disparate. Lo de Fátima Bañez, pidiendo-y a la Virxe del Rocio qu'interceda pa solucionar la crisis ye pa nota. Lo de Jorge Fernández rellacionando l'albuertu con ETA, nun tien nome. Lo que dixo Wert sobre la Educación pa la ciudadanía tamién ye antolóxicu. Y lo d'Ana Mato, Gallardón y Montoro, el risitas, venga dios y lo vea.

El casu que nun fai tantu la xente qu’agora gobierna y tolos medios conservadores chungábense de Zapatero y del escasu nivel de delles ministres como Bibiana Aido y Leire Pajín… Pos si que ganamos col cambéu. Estos son muncho más fatos. Y non me ciega la ideoloxía, refiérome al saber tar y a la eficacia nel cargu.

Ye peor el remediu que la imputación

Milio Mariño

Cristina, de momentu, sálvase. El fiscal, los abogaos del Estáu y l'abogáu particular consiguieron que fixera efeutu la so pócima llegal y desimputaron a la Infanta, pero tou apunta a que'l remediu va ser peor que la enfermedá. Yá lo ye porque lo más sensatu, pa la imputada, yera que se presentare delantre'l xuez y dixera: Equí me tenéis, nun tengo nada que tapecer.

Nun lo ve asina'l PP, qu'aplaude la marcha tras, nin la Infanta Elena, que diz que ta allegre, nin la Casa Real, qu'agora calla, non vaya ser que se-y escape la risa floxa.

Tampoco lo ve'l PSOE, que vuelve a la fórmula tonta del respetu a les decisiones xudiciales como si acatales y respetales torgara d'opinar sobre elles. Asina nun hai manera, asina cada vez hai más distancia ente les instituciones: Partíos Políticos, Monarquía y Poder Xudicial, y el pueblu pandu, un pueblu que ta siendo bien paciente pero qu'en cualesquier momentu pue españar.

Los dioses aliméntense de prótesis

Milio Mariño

Nun ye ciertu que podamos ponenos nel llugar d'otru. Lo que si podemos ye entendelo y entender los sos sentimientos. Por eso entiendo perbién lo que debe sintir Adrián, esi rapaz de 23 años al que-y retiraron una prótesis, que costaba 153 euros, porque nun podía pagala.

Dixo Adrián que, dempués del incidente, pasare la nueche entera con fuertes dolores y tomando calmantes. Pero esclarió, desiguida, que nun foi pola falta de la prótesis, que’l dolor teníalo na cabeza.

Entiéndelo cualquiera. Cierto que la rodiya debía tenela estrozada pero lo que más-y dolía, y siguirá doliendo-y, ye que lo trataren como nengún ser humanu trataría a un animal.

Sabíemos que los políticos qu'eliximos protexíen a los banqueros enantes qu'a nós pero, polo visto, tamién tan dispuestos a satisfacelos na crueldá d'esixir que los retayos s’apliquen onde más nos duel: a los cuerpos cuando tan en manes del ciruxanu, la salú de les persones, la subsistencia de los vieyos y el desamparu de los dependientes.

Creyíemos que nun díbemos llegar a esto, pero yá llegamos.

Los que vengan detrás, que arreen

Milio Mariño

Siempre creí que vivir -me refiero a vivir bien- consistía en hacer lo que a uno le diera la gana. Debía estar en lo cierto pues, con el paso de los años, fui dándome cuenta de que, queriendo o sin querer, me tocó hacer lo contrario. Así es que ahora, de jubilado, cultivo esa fantasía, tonta, de creer que hago lo que quiero. Por ahí va la cosa, de modo que dos veces al año, en primavera y a finales del verano, invento un paréntesis para ir de vacaciones y olvidarme del asunto principal y cotidiano. Es decir, nada de saber cómo va la crisis, ni qué puede depararme el futuro. Nada de televisión ni de periódicos, a disfrutar como un adolescente al que le importa un comino la política, los políticos y el déficit público.

Pues bien, estaba yo tan feliz, tomando una cerveza en una terraza de Cadaqués, cuando se sentaron a mi lado un par de parejas jóvenes, con apenas cuarenta años y muy buen aspecto. Quiero decir que, además de guapos, vestían ropa cara y se veía que no estaban en el paro ni vivían con un salario de esos que no llegan a mil euros. Traían la conversación iniciada y, una vez que estuvieron sentados, uno les dijo a los otros: Yo lo tengo muy claro, la consigna es aguantar como sea y los que vengan detrás que arreen.

Es posible que fueran imaginaciones mías pero, en una décima de segundo, se cruzaron nuestras miradas y creí advertir que miraba con desprecio. Intuyo que debió darse cuenta de que me había quedado con la frase y tal vez, de forma instintiva, había dibujado un gesto que sin decir nada lo decía todo. Algo así como: Vale chaval. Si, a tus años, eso es lo que piensas apañados vamos. ¿Quién vendrá después para arrear?

No sé por qué, tome su mirada como un reproche. Como si me hiciera responsable de la herencia recibida y dijera, resentido, por tú culpa estamos como estamos. Y encima, para más inri, te pagamos las vacaciones.

Me estuvo bien empleado. Si hay algo que me frustra y descorazona es el desmedido influjo que tienen el carácter y el estilo de la clase dominante, y los gobernantes, sobre el conjunto de la sociedad y de manera especial sobre la forma de pensar de los jóvenes. Uno no alcanza a explicarse cómo puede ser que no se revelen. Que no intenten luchar por un mundo y un futuro mejor que el de sus padres. Que acepten, sin más, la pérdida de derechos laborales y sociales que tanto costó conseguir. Y voy más allá, que digan, con desprecio, a mí me lo dais todo hecho y si no, no haberme traído al mundo.

Ahorrándome las excepciones, me parece que hay demasiados jóvenes que piensan así. Y encima no se tienen por egoístas ni sufren remordimientos, creen que se lo debemos. Por eso, oír que alguien, con apenas cuarenta años, entienda que ha salvado la circunstancia más difícil y lo que le queda es vivir lo mejor posible, desentendiéndose de los daños que las mismas circunstancias puedan tener para los demás, confirma un desapego social y un resentimiento que considero, más que injustificado, insultante. Pero es lo que hay. Y, a lo peor, hemos sido nosotros los que les hemos inculcado esa forma de pensar.

Milio Mariño/ Artículo de Opinión/ La Nueva España

¿Tará Zapatero gobernando en diferíu?

Milio Mariño

Pa min que los del PP afayaron que Rajoy nun ye Rajoy. De primeres, cuando ganaron les elecciones, taben seguros de que yera él, pero depués yá entamaron les duldes, ya entamaron por nun dexalo salir nes ruedes de prensa, nin dexar que los periodistes fixeren entrugues. Poníen una pantalla de televisión que reflexaba la so imaxe, pero naide sabe si quien falaba yera él, o José Luis Moreno, el de los moñecos.

A min, d’aquella, chocóme pero resulta que, agora, toi viendo qu’Esperanza Aguirre fai más y meyor oposición a Rajoy que'l mesmu Rubalcaba. Y eso chocame más entovía.

¿Nun vos paez raru? ¿Nun sedrá que Zapatero ta gobernando en diferíu? ¿Nun sedrá que Rubalcaba fexo-yos la pirula? ¿Cómo que nun se pué?... En diferíu, en forma, efeutivamente, de simulación, de... simulación, o de... lo que fuere en diferíu, en partes d'una... de lo qu'antes yera…

Apuesto que va ser eso. La preba ye que Miguel Ángel Rodríguez, cuando s'enteró, fartucóse a cubalibres, garró un enfile descomanal... Y acabó embistiendo tres coches.

Ropa puerco

Milio Mariño

La ropa que mercamos merez un repasu. Pa Zara, Mango, H&M, El Corte Inglés y etc, etc, los chinos yá salen mui caros, de mou que marcharon a otros países onde la xente trabaya más y cobra menos. Países como Bangladesh, onde va un par de selmanes derrumbóse un edificiu qu'allugaba delles fábriques testiles y yá se cuenten 501 muertos y más de 2.500 firíos.

Muerren tres persones en Boston y armase la de coyer pero muerren 501 en Bangladesh y apaez nun recuadrin escondíu.

Mialma ye vergonzosu como eses empreses esclavicen a la xente ante la indiferencia del mundu. Con tou, y nun ye por esculpanos, el negociu nun ta, como quieren facenos creer, en qué les camisetes que mercamos nos salgan más barates. El negociu ta nel marxe de beneficiu. Ehí tienen a Ortega, el dueñu de Zara, qu'acaba d'embolsase 406 millones d'euros como adelantu de los beneficios de 2012 y al que-y calculen un patrimoniu de 38.000 millones d'euros.

A lo meyor, si'l dueñu de Zara fabricara la ropa n'España, en cuenta de tener 38.000 millones, igual tenía, namás que 3.000. Lo cuál esplica que los empresarios nun tean pola llabor de crear empléu equí.

Llevámoslo dientro

Milio Mariño

Esti vienres, 3 de mayu, celébrase'l día del llibru Asturianu. Y va celebrase tamién, una manifestación, pola Oficialidá, que saldrá a les 19,30 de la Estación del Norte d’Uviéu.

Munchos, o dellos de vosotros, seguru que vos entrugaríeis dalguna vez: Y, l'Asturianu… ¿Pa qué val? ¿Pa qué lo necesitamos ? Non lu necesitamos pa nada…

Llevais razón. L’asturianu namás val pa una cosa: Pa sentinos asturianos. Y eso nun sé vosotros, pero, pa min, nun tien preciu.

Apuesto a que sois milenta los que pensáis asina. Y, pensa-yslo porque lleváis l’asturianu dientro, lo que pasa que non vos atrevéis a sácalo… Cuéstavos, davos como un pelín de vergoña. Pero tenéis qu'atrevévos.

Por eso, porque se reconoza lo nuestru, tamos nesta xera. Namás que por eso. Si dalguién quier sacar conclusiones polítiques o nacionaliegues pue facelo si-y peta, pero enquivocase. Pa min, escribir y falar n’asturianu nun ye un compromisu políticu, ye la manera que tengo d'espresame meyor, de ser más anténticu. Ye un compromisu comigo mesmu. Y tamién un drechu, porque son munchos, entamando pol Gobiernu, los que presumen de reconocer y tar a favor de tolos drechos individuales ya colectivos pero nun reconocen que cada cuál puea ser, realmente, llibre d’usar la llingua que quiera, cuando quiera.