La culpa, yá lo sabemos, tienla la crisis. La crisis provocó, y ta provocando, un cambéu social que nos devuelve al pasáu. Daqué impensable, porque, pa volver atrás, nun tábemos preparaos.
De toes formes, esti cambéu de vida nun significa que nos volviéremos llocos, como, al paecer, insinúen dende'l Gobiernu pa desvirtuar y poner en solfa les nueses protestes. Pa molenos a palos, como si fuéramos una reciella insensatos que puñen contra tou porque perdieron la razón.
Mialma que non. Nun pidimos la lluna nin, tampoco, vivir como reis. Pidimos lo mínimo que pue pidise: vivir dignamente.
Pidimos, namás, que se nos considere como persones, que si tien qu'haber sacrificios se repartan con equidad y que, nes decisiones sobre la crisis, cunte la nuesa opinión.
Si eso merez que nos traten como animales nun pue estrañayos que l’animal se vuelva feroz.
No hay comentarios:
Publicar un comentario
Milio Mariño