Rajoy y Pons prautiquen el sexu oral

Milio Mariño

Los que s'escandalicen polo que dixo Michael Douglas, eso de que'l sexu oral pue tener fatales consecuencies, seguro que nun afondaron bastante no que, l'actor, quixo dicir. Toi convencíu de que Douglas referíase a que cola llingua pue facese l’amor, pero xingar ye otra cosa. Quier dicise que cuando la llingua s'utiliza pa xingar ye cuando s’escoyona too y s’acaba fatal.

Xusto lo que-yos va a pasar a Rajoy y a González Pons. 

A Rajoy por dicir, como dixo nuna entrevista pa La Razón, que la culpa de la crisis tenémosla nós, la xente d'a pie, por mercar, a creitu, una segunda vivienda na playa, viaxes al caribe y televisiones de plasma. Y a l'otru, a González Pons, por dicir que los mozos que tienen que salir d'España pa poder trabayar, en realidá, nun salen del so país porque, agora, el nuesu país ye Europa.

Los dos podíen meter la llingua en culu, quiero dicir nel suyu. A ver si asina dexaben de xínganos a los demás.