Seguro que yá lo saben. Como chiste ye malísimu y como númberu de maxa tampoco ye pa que lo copie David Coperfield o Blake. Consiste en presentar, en Facienda, qu'unu vendió pisos y finques, por un total de 1.400.000 euros, cuando resulta que los pisos y les finques siguen siendo de quien fueron tola vida.
¿Qué asocedió entós? Pos nada que, seguramente, la Infanta y el so home trataron de blanquiar parte del dineru que-yos venía del biribiri, como tou lo demás, esceuto los sueldos de La Caixa y Telefónica y l'asignación de la Casa Real, que si podíen xustificar, y tuvieron la ocurrencia d'inventar que vendieren unes finques.
El trucu ye mui zafiu pero coló. Lo malo que Facienda afayólo ensin querer y metióse nun lio coyonudu porque, pa salvar a la Infanta, quixo poner por tontos a los Rexistradores y los Notarios cuando lo más creyible sedría confirmar que los tontos, tontísimos, son los protagonistes de la película.
No hay comentarios:
Publicar un comentario
Milio Mariño