Esi ministru, calvu y con gafes, que siempre que quier facese'l graciosu trabucase en cuantu se pon delantre un micrófonu, dixo apocayá: nun vean pantasmes volando, que nun los hai.
Lleva razón. Volando igual non pero sentaos nel Conseyu de Ministros, la Executiva del PSOE y lo que sía que tenga UPyD, hai pantasmes pa dar y tomar. Pantasmes que, ciertamente, nun vuelen pero nun paran de faer pantasmaes porque hai que ser bien pantasma pa dicir lo que tán diciendo: que col pautu qu'acaben de roblar van camudar el rumbu d'Europa.
Pantasmada mayor nin nos díes de los díes pero ehí los tenemos, sacando pechu por roblar un alcuerdu que non val pa nada y diciéndonos que s'agarren los alemanes que van dir a por ellos.
Nun m'importaría que fixeren el ridículu si nun fuera que les tontures d'estos pantasmes pagámosles nosotros. Asina que menos camudar l'aldu d'Europa y más empezar por casa, que tenémosla fecha una ruina y, equí, non s'arremanga nin dios.
No hay comentarios:
Publicar un comentario
Milio Mariño