Ye del tou imposible que la inmensa mayoría de los militantes socialistes entiendan, aprueben y sofiten un pauto, del Secretariu Xeneral del so partíu, que nunca conocieron y que, en nengún momentu, yos foi consultáu. Un pauto que nun va sirvir pa nada, por muncho que los firmantes, dos políticos ensin credibilidá nin prestixu, saquen pechu caún por diferentes motivos.
Si, el PSOE, taba que daba pena velo, güei ye un partíu murniu, abatíu y humildáu que precisa d'una revolución urxente que tendría qu'entamar por casa, pol desallugo de los sos dirixentes, si pue ser esta tarde meyor que mañana.
Nin conferencia Política nel mes d'ochobre, nin primaries en víspora d'elecciones, nin polles en vinagre, falando claru y pa que s’entienda. Yá ta bien de faltar al respetu a los miles de persones que morrieron o llucharon tola so vida por defender unes idees que siguen más vixentes que nunca pero tán secuestraes por una reciella d'impresentables que nun quieren que nada se mueva pan nun perder la poltrona.
No hay comentarios:
Publicar un comentario
Milio Mariño