Cuando m'enteré de que diben retresmitilo en diferíu pensé que debía ser cosa de Cospedal. Nun toi nada puestu en cómo se financien les retresmisiones deportives pero que sía la organización, y non la televisión, la que pague sería como si'l Madrid o'l Barça pagaren porque-yos televisen un partíu. Tampoco sé lo que cuesta televisar al Caudal o l'Uviéu, supongo que menos, pero daqué va costar y nun creo que sían los clubes los que cuerran col gastu.
El Descensu del Sella, que venía retresmitiéndose dende 1987 con unos índices d'audiencia bien bonos, ye una preba deportivu-festiva conocía en toa España y en bona parte del mundu. Una preba que nos asitia nel mapa y supón un anunciu impagable pal turismu pero les nueses autoridaes tienen una idea de cómo promocionar Asturies paecida a la d'aquel chigreru que vendía los cafés bien baratos. Pierdo 20 céntimos en caún –dicía- pero ye que los domingos nun doi abastu a vender cafés.
No hay comentarios:
Publicar un comentario
Milio Mariño