La Infanta y el Pagafantas

Milio Mariño

Nóos lo vais a creyer pero lo del DNI 14, nun ye casualidá. Ta fechu arrede. L'arcanu catorce de les cartes del taró ye la Protección Divina, la protección del Ángel Gabriel. Asina que yá puen tar tranquilos don Juanito y Cristobal el de los Deneíses, qu'a la neña nun-y va pasar nada. Tou s’arregla, tal como quedó alcordáu na reunión que caltuvieron, nun fai muncho, el padre la criatura, Mariano el de Pontevedra y Gallardin el de les ceyes.

Estu de los pisos y les finques, eso de qu'apaezan y y desapaezan como por arte de barrabiellu, ye lo de menos. Lo importante ye lo qu'afayó Facienda.

Buscando les finques fantasma los de Facienda afayaron que l'home de la susodicha, el tal Urdanga, nun se dedicaba a lo que pensábemos sinón que yera un viaxante de motocicletes, un vendedor de motos, con mui poca chapeta. El llistu yera l'otru: unu que llamen Torres. Esi foi'l que la llió parda. Enguedeyó a la pareya y, de los dos, más a ella. Non porque sía muyer sinón porque ye Borbona.