Ye una nueva figura fiscal que beneficia, sobremanera, a les clases más desfavorecíes, dixo'l ministru. A la fin decidímosnos porque’l nomáu impuestu afeutara namás a los gases fluoraos. L'encamientu del FMI, la OCDE, la UE y la Conferencia Episcopal, yera que la nueva figura impositiva recayera sobre l'amiestu de Sulfuru d'Hidróxenu y acedu Sulfhídricu que conocemos, vulgarmente, por peu. Los espertos calcularen qu'un impuestu sobre los gases humanos tendría un poder recaudatoriu muncho más altu. Basta dicir que cada persona produz un quilu diariu de gas que suel espulsar, según naturaleces, un promediu de catorce veces al día.
Anque escluyéremos, como paez lóxicu, a los vieyos y los neños sedríen 30 millones diarios de llitros de gas. Resaltó'l ministru, al empar que llamaba l’atención sobre l’esfuerciu que supunxo pal Gobiernu aguantar les presiones de los nomaos organismos y tomar la decisión que, en conciencia, creen meyor pal país.
Entrugada por un periodista, Cherines dixo qu'Asturies yera, ensin dulda, la Comunidá más beneficiada por esta decisión del PP.
No hay comentarios:
Publicar un comentario
Milio Mariño