Cuando vemos, en pantalla, l'Audiencia Provincial de Córdoba, buscamos al asesín y cuéstanos reconocelo. Llama l'atención qu'amuese tantu dominiu de la escena y del escenariu. Que se presente ante'l Tribunal asina de llimpiu y curiosu: pulcramente peñáu y vistíu con zapatos marrones, pantalón azul escuru y camisa blanca de rayes, como si quixera demostranos que ye ciertu eso de que la sensibilidá y la crueldá humana formen un solu árbol.
Viéndolo asina, cualesquier podría pensar que'l sistema nerviosu de José Bretón, el so fégadu, el cuayu y hasta l'estómagu mesmu tendríen que ser idénticos a los nuesos pero son distintos. Les sos coraes dixeren les atrocidaes con una actitú tan pragmática que-y sirve pa maquillar el rostru y convertilo nuna mázcara.
Debe ser por eso que, cuando-y veo la cara, alcuérdome de los sos fíos, de Ruth y José, de 6 y 2 años, y prescindo de les lleis y la xusticia. Paezme escesivu que tenga drechu a la defensa daquién que valtió tolos llendes de la crueldá y tendría de podrecese nun foscu suétanu de cementu, alloñáu de cualesquier ser humanu.
Viéndolo asina, cualesquier podría pensar que'l sistema nerviosu de José Bretón, el so fégadu, el cuayu y hasta l'estómagu mesmu tendríen que ser idénticos a los nuesos pero son distintos. Les sos coraes dixeren les atrocidaes con una actitú tan pragmática que-y sirve pa maquillar el rostru y convertilo nuna mázcara.
Debe ser por eso que, cuando-y veo la cara, alcuérdome de los sos fíos, de Ruth y José, de 6 y 2 años, y prescindo de les lleis y la xusticia. Paezme escesivu que tenga drechu a la defensa daquién que valtió tolos llendes de la crueldá y tendría de podrecese nun foscu suétanu de cementu, alloñáu de cualesquier ser humanu.
No hay comentarios:
Publicar un comentario
Milio Mariño