Soraya non lu tendrá d'oru, pero de carne y güesu tampoco

Milio Mariño

Nesti país hipócrita cualesquier políticu que robe, defraude, estafe o faiga la mayor trapisonda, sigue nel cargu como si nada. Nun se retrata, nin dimite, nin pide esculpes. Agora bien si ye d’esquierdes y suelta una patochada a propósitu d’una muyer yá pue preparase que van a por él como si fuere’l mayor criminal del mundu. Foi lo que-y pasó a Xaquín, un conceyal del BNG de Cambados, que nel so blogue personal, refirióse a Soraya Sáez de Santamaría, llamándola “chochito d'oru”.

Nun tuvo bien, si la llamara cínica, caradura y sinvergüenza, que ye lo que ye, nun pasaba nada pero quixo facer una gracia y lloviéron-y les crítiques poniéndolo de machista.

Acaba dimitir, lo que preba que nesti país dimiten les persones decentes por facer un comentariu nun blogue, pero nun dimite nin un solu corruptu.

Xaquín referíase a que la Vicepresidenta Soraya, va pocu, robló un contratu públicu, por importe de 40.000 euros, con MD Anderson Internacional, pa que, a ella y a cuatro funcionaries de Moncloa, yos faigan revisiones y reconocimientos xinecolóxicos.

Nun importa que me llamen machista, toi contigo Xaquín. Yo tamién pienso que lu tien d'oru. Si fora de carne y güesu fadría les revisiones na Sanidá Pública o pagaríales del so bolsu, como faen la to muyer y la mía.