Probes de nós si nos pilla un animal

Milio Mariño

Cañete, el ministru que come lo que-y echen, anque te podre, prepara una reforma de la Llei de Montes qu'eximirá de responsabilidá a los titulares de los cotos de caza nos accidentes de tráficu causaos por especies cinexétiques en tolos casos “menos cuando los accidentes sían consecuencia direuta d'una aición de caza coleutiva llevada a cabu'l mesmu día”.

Quier dicise que si a usté lo pilla un xabalín, un corzu o un elefante de Bostwana, va tener que xíngase y cargar cola factura del estropiciu, coles sos firíes y les del coche, nel supuestu de que dambes tengan aperio.

El Gobiernu tuvo en cuenta les quexes de les sociedaes de cazadores que veníen denunciando una situación financiera a la llende, poles elevaes cargues que-yos supón el pagu de los daños causaos poles especies cinexétiques al ganáu y les indemnizaciones que tienen d'abonar cuando los animales selvaxes causaben accidentes en carreteres o autovíes incluyíes dientro de la xurisdicción de los cotos que xestionen.

Los xabalinos tán mui contentos, y los cazadores más.