Va unos díes celebróse, en Madrid, el xuiciu contra los acusaos de tundir a palos a un méndigu, que dormía nun fotomatón, al que causaron un traumatismu craneoencefálicu y una hemorraxa que lo dexó en coma, obligólo a pasar 541 díes nel hospital y acabó causando-y una minusvalía del 60%, que non lo dexa realizar por si mesmu cualquier actividá un pocu complexa.
El casu foi que l’abogáu de los acusaos, que llamase Ángel Pelluz y tien 90 años, manifestó que los sos defendíos pasaben pellí y lo qu'asocedió esplícase porque la esistencia de xente asina na cai ye una provocación, yá que nun-y gusta a naide dir pasiando ente pies escalzos pela Gran Vía, pos la mierda siempre se recoyó.
Tamién dixo, Ángel Pelluz, que la vagancia nun ta recoyida na Constitución y que la ocupación de terrén públicu por quien nun se procura una esistencia digna ye causa de refuga n'otres persones que cumplen la llei. La vagancia, el nun querer facer nada, el constituyise nun estorbu, ye un cáncer qu'hai que tayar.
Pa min qu’esti paisanu, de 90 años, que defende a los neonazis, nun ta chifláu. Ehí ta la cosa, qu’entovía hai xente que piensa asina.
No hay comentarios:
Publicar un comentario
Milio Mariño