Chavez yá calló, yá nun fala más

Milio Mariño

Reconocer ensin prexuicios, con xusticia y llucidez, los llogros o los fracasos de Chavez, ye bien difícil, por non dicir imposible, si tenemos que facer balance coles noticies que nos llegaben equí.

Los llogros hai que velos ellí, son los miles y miles de venezolanos, con nome y apellíu, a los que la revolución chavista camúdo la vida pa bien. Nesi sentíu, creo que Chavez foi una necesidá hestórica. Hasta la oposición más facista ye sabedora de que nun va poder pasar per alto una realidá incuestionable: que la probitud en Venezuela asitiábase nun 49,4% en 1999 y pasó a ser del 27,8% en 2010. Un datu que plasma si tenemos en cuenta que, a día de güei, la probitud n’España ye del 21 por ciento.

Dicen los sos adversarios que lo que fixo Chavez n'educación, salú, vivienda, cultura y alimentación nun lo fixo buscando’l bienestar nin la xusticia social, sinón los votos pa perpetuase nel poder. Dicenlo asina como si cualisquier gobiernu nun quixera gobernar más alló de la llexislatura que tá.

La meyora social naide la pue negar. Perembargu, Chavez foi cayendo na tentación d'un narcisismu estremu que paecía cegalo. Esa foi, pa min, la mayor enquivocación. Pero tamién pienso que sedría inxustu que pasare a la hestoria pol chándal y los esbarriaos discursos.