Seamos Heaney, el mesmu qu'en 1995 foi premiu Nóbel de lliteratura, tien pasao, dende 1984, llargues temporaes xunto a mio casa, equi en Salines. Venía tolos años hasta que sufrió un problema coronariu, de mou que tará mui contentu de volver a onde escribió Electric Light y Cantares d'Asturies, poemarios inspiraos nos sos paseos d'Arnao a Santa Maria’l Mar, Bayas y San Xuan de L'Arena.
El poeta, una de les grandes figures de les lletres d'Irlanda, que, amás de premiu Nóbel, foi caderalgu en Oxford y Harvard y ye doctor honoris causa por una trentena d'universidaes, solía pasiar per Salines nel más absolutu anonimatu. Esfrutando del paisaxe y de la so identificación cola cultura y los valores de lo asturiano, que lo faen sentise como si nun saliere d'Irlanda.
Prúyeme traélo, güei, equí porque va volver n'abril, porque acaba de llegar la primavera y porque ye una pena que nos olvidemos de los poetes y falemos tolos díes d'esa xente despreciable que nos amarga la vida.
No hay comentarios:
Publicar un comentario
Milio Mariño