¿Por qué llueve en Selmana Santa?

Milio Mariño

La Selmana Santa nun tien una fecha nel calandariu, pue cayer en marzu o pue cayer n'abril, pero caiga nel mes que caiga, d'un tiempu a esta parte, paez que siempre asocede lo mesmo: que llueve si Dios tien agua y los cofrades, costaleros y el públicu procesonariu pasa la selmana llorando porque nun salen les procesiones.

¿Ye casualidá que llueva?... ¿Ye'l cambéu climáticu?

Nenguna de los dos coses. Ye que Dios ta hasta los mesmísimos de la corrupción n'España. Ta fartu de cristianos corruptos y mandanos esi castigu. Yá nun-y valen los rezos, nin los que se frayen a llatigazos, o los que pasen de la mañana a la nueche tocando'l tambor a lo fatu.

Que llueva asina ye porque Dios lo quier. Nun-y gusta l’espéutaculo, nun-y gusta que, a cuenta d’él, faigan tanta comedia sacándolo en procesión poles cais. Y hai qu'aceptalo. Yo acéptolo anque tengo que confesar que duelme por San Genarín, que’l probe sal anque llueva a xarraos, pero desmerez un pocu.