Toos nos sentímos apenaos por una traxedia, la de Connecticut, que nunca debió producise. Toos lo llamentamos porque, con ser doliosu, nun tamos falando de neños y adultos muertos por un furacán o un terremotu, falamos de persones que morrieron asesinaes por un llocu.
Llocos hai munchos pel mundu. Dellos anden per ehí al debalu y otros tan nun despachu, dende’l qu'ordenen que se pongan en marcha esos aviones non tripulaos que lleven asesinaes, en Paquistán y Afganistán, a más de 3.000 persones, munches d'elles neños. Persones que tamién teníen familia que lloró lo suyu y entá nun s’esplica'l por qué d’eses muertes.
La diferencia ente unos y otros ye l'atención mediática que reciben. Lo que determina'l valor d'una vida ye que sía, o non, noticia.
Esa ye la clave, sinón…¿Por qué sentimos pena ya indignámonos cuando muerren 20 neños en Connecticut y nun sentimos lo mesmo polos cientos de neños que muerren, a diariu, de fame, o los que son asesinaos por aviones non tripulaos o les bombes israelites?
De toles maneres, nun sé por qué nos facemos eses entrugues. Les respuestes yá les sabemos. Y aterranos oyeles
No hay comentarios:
Publicar un comentario
Milio Mariño