En pocos sitios pasará lo que pasó en Cataluña, un nial d'espíes, cintes de videu y restoranes con micrófonos nos floreros, onde los partíos políticos espiáronse unos a otros y nun se-yos ocurrió otra cosa que contratar a la mesma empresa de detectives.
Mialma paez de cine. Pero si tiramos por esi llau, pola parte del celuloide, atopámosnos con que la favorita a los Premios Goya, del domingu, ye una película, en blancu y negru, sobre Blancañeves y los siete naninos ambientada nos años venti.
Nun sé, pero puestos a buscar argumentos, chocantes ya orixinales, lo mesmu daba más xuego la película que l'expresidente de la patronal, Díaz Ferrán, cuntó, va unos díes, al xuez: que los sos padres regaláron-y muncho oro antes de morrer.
A too estu, al Rei descubrieron-y otra hernia, la d’agora en metá de la espalda, que tamién lo trai de cabeza y, el PP, sigue empeñáu en facenos creyer que ye normal siguir pagando-y la Seguridá Social y facéi la retención de Facienda a dalguién que va dos años lo echaron de la empresa.
Ye tal la que ta cayendo que mialma paez un milagru que’l meteoritu cayera en Rusia.
No hay comentarios:
Publicar un comentario
Milio Mariño