Milio Mariño
Quiciás sosprienda lo que voi dicir pero cada vez soi más agnósticu pa unes coses y más creyente pa otres. Por exemplu, creo en Diego Torres. Créolu non porque sía un santu o una escelente persona, que tou apunta a que non lu ye, sinón porque lo que diz, y lo qu'apurre, ye creíble. Nun hai que tener muncha imaxinación pa imaxinar al Rei, a la so amante, la so fía, el xenru, los asesores de la Casa Real, el repunante Camps, la bobona Barbera y la reciella d’alredor pasándolo pipa y faciendo dineru a embute convencíos de la so impunidá.
Y como yá vos dixi que soi mui creyente, tamién creo nos papeles de Bárcenas, nel impuestu gaviluetu que pagaben munches empreses, nel unu pal PP y dos pa min del tesoreru, y en toa esa troupe, incluyíu Rajoy, que dexaba la mano al descuidu pa recoyer el sobre y metelo en bolsu ensin preguntar. Convencíos de que merecíen eso y más.
¿Qué creo que va pasar? Pos lo que creemos los mui creyentes, que socederá un milagru y los trincones ya indeseables siguirán escoyonándose de nos.
No hay comentarios:
Publicar un comentario
Milio Mariño