Milio Mariño
Somos los meyores. La Guardia Civil, nel so día, foi campiona del mundu escorriendo a robagallines y, agora, los xueces son pa quitase la boina y face-yos la reverencia escorriendo a famosos que faen trampes. Tienen a Bárcenas na cárcel y a Sean Connery en capiya. Ehí ye nada. Escapóse-yos Blesa nun descuidu, pero ayeri supimos qu'un xuez español requirió a Sean Connery pa que declare como imputáu nun casu xudicial, paralelu al casu Malaya, rellacionáu cola recalificación de la parcela onde taba'l chalé nel que pasaba les sos vacaciones en Marbella.
El Xuez instructor dixo que va esperar "un tiempu razonable" y que, nel supuestu de que trescurra dichu tiempu ensin que Sean Connery de señales de vida va dictar una orde internacional de busca y detención.
Cuando xubilaron a Garzón mialma creíamos que la xudicatura sufriere una baxa importante pero los que veníen detrás tomaron el relevu con ganes. Nin el dineru, nin la fama, nin los fachas pueden con esta fornada de xueces a los que nun se-yos pon nada per delantre.
No hay comentarios:
Publicar un comentario
Milio Mariño