Eses coses nun país seriu nun pasen. Equí, n’España, la seriedá ye lo primero. Equí, mentir más que se fala, presidir un partíu podre, cobrar sobresueldos en negru y cruciar mensaxes con un estafador y corrupto, anguaño na cárcel, son asuntos de risa que puen tar bien pa que nos entretengamos, pero non pa qu'un presidente, como’l nuesu, qu'amás de seriu, ye cínicu, cobarde y caradura, los tome en cuenta.
La verdá ye que somos de risa. Teníemos que ser más serios. Venga esmolecenos polo que ta pasando y Rajoy, según diz Floriano, preocupación cero.
Pidimos dimisiones y los que tendríemos que dimitir somos nós. Vamos col pasu cambiáu. Tomamos en serio lo que ye de risa y reímonos cuando nos alcuerden qu'escoyimos de Presidente, por mayoría absoluta, a un manguán que presidía una banda de lladrones.
No hay comentarios:
Publicar un comentario
Milio Mariño