Milio Mariño
El mio camentario de los xueves nel programa Noche tras Noche de la RPA
El mi lio d'esta selmana ye porque colos chigres ta pasando como coles gasolineres. Non vos asustéis, non me refiero al refrán aquel que dicía: con fabes y sidrina nun fai falta gasolina. Refiérome a qu'hai chigres y sidreríes onde t'echen la sidra y tamién los hai onde tienes que sirvite tu mesmu. Y, pa mi nun tien puntu de comparación que la sidra te la eche un escanciador o la eches tu sirviéndote d'unu d'esos aparatos nos que pones la botella y la sidra acaba nel vasu dempués de que la ximielguen un pocu y paeza como que la tiraron.
Salvando les distancies, ye lo que camentaba, qu’hai gasolineres ensin gasolineru y sidreríes ensin escanciadores. Yá sé que los negocios, tolos negocios, busquen una mayor rentabilidá reduciendo los costos de personal. Incluyíos los chigres, que tamién se valen de máquines pa tener menos echadores de sidra, anque'l serviciu sía inferior.
Hai quien diz que lo prefier. Xente qu'escueye l'aparatín porque nun quier tar pendiente de pidir que-y tiren un culín o qu'en cuenta sacar 5 o 6 culinos por botella, que ye lo que saquen los escanciadores, ellos saquen 8 o 10 porque-yos prui beber menos de cada vez o dir más despacio.
El casu que dellos chigreros dicen que ye difícil atopar bonos echadores de sidra. Que la mocedá ye ronciega y nun quier trabayar echando sidra porque ye una ocupación bien dura. De xacíu que lo ye, riquier muncha atención y un esfuerzu físicu que xenera tendinitis y problemes nel deu de la mano cola qu'echen, anque l'alministración non lu quiera reconocer como enfermedá profesional. Tamién xenera dolores de llombu porque avecen a ser munches hores les que los escanciadores tán al pie de cañón.
Los chigreros que tienen dificultaes p'atopar escanciadores reclamen una mayor ayuda del Principáu porque, según ellos, ye mui fácil defender la sidra pero llueu nun involucrase. Yo creo qu’eses dificultaes, p'atopar escanciadores que dicen los chigreros, vienen de que querer paga-yos pocu. Pero bonu, yo apúntome al so pidimientu de que'l Principáu cree una escuela.
A min mou de ver, nun hai máquina, por avanzada que seya, que puea sustituyir a un ser humanu echando sidra. Beber sidra echada por un aparatu nun tien puntu de comparanza. Por eso, agora que yá vamos camín del branu y empieza a consumise más sidra, ye'l momentu pa que vayáis tomando conciencia de dir a los sitios onde sirven sidra escanciao por escanciadores, primero qu'a onde ufierten la maquinina. Nun pue comparase. Escanciar sidra ye un arte. De mou que non lu digo pa que me faigáis casu, dígolo porque si vais a onde tienen a dalguién escanciando sidra, amás de potenciar lo artístico tais ayudando a que se cree empléu… Que bona falta nos fai.
Y, alcordáivos… Mañana ye Primeru de Mayu.
El mio camentario de los xueves nel programa Noche tras Noche de la RPA
Salvando les distancies, ye lo que camentaba, qu’hai gasolineres ensin gasolineru y sidreríes ensin escanciadores. Yá sé que los negocios, tolos negocios, busquen una mayor rentabilidá reduciendo los costos de personal. Incluyíos los chigres, que tamién se valen de máquines pa tener menos echadores de sidra, anque'l serviciu sía inferior.
Hai quien diz que lo prefier. Xente qu'escueye l'aparatín porque nun quier tar pendiente de pidir que-y tiren un culín o qu'en cuenta sacar 5 o 6 culinos por botella, que ye lo que saquen los escanciadores, ellos saquen 8 o 10 porque-yos prui beber menos de cada vez o dir más despacio.
El casu que dellos chigreros dicen que ye difícil atopar bonos echadores de sidra. Que la mocedá ye ronciega y nun quier trabayar echando sidra porque ye una ocupación bien dura. De xacíu que lo ye, riquier muncha atención y un esfuerzu físicu que xenera tendinitis y problemes nel deu de la mano cola qu'echen, anque l'alministración non lu quiera reconocer como enfermedá profesional. Tamién xenera dolores de llombu porque avecen a ser munches hores les que los escanciadores tán al pie de cañón.
Los chigreros que tienen dificultaes p'atopar escanciadores reclamen una mayor ayuda del Principáu porque, según ellos, ye mui fácil defender la sidra pero llueu nun involucrase. Yo creo qu’eses dificultaes, p'atopar escanciadores que dicen los chigreros, vienen de que querer paga-yos pocu. Pero bonu, yo apúntome al so pidimientu de que'l Principáu cree una escuela.
A min mou de ver, nun hai máquina, por avanzada que seya, que puea sustituyir a un ser humanu echando sidra. Beber sidra echada por un aparatu nun tien puntu de comparanza. Por eso, agora que yá vamos camín del branu y empieza a consumise más sidra, ye'l momentu pa que vayáis tomando conciencia de dir a los sitios onde sirven sidra escanciao por escanciadores, primero qu'a onde ufierten la maquinina. Nun pue comparase. Escanciar sidra ye un arte. De mou que non lu digo pa que me faigáis casu, dígolo porque si vais a onde tienen a dalguién escanciando sidra, amás de potenciar lo artístico tais ayudando a que se cree empléu… Que bona falta nos fai.
Y, alcordáivos… Mañana ye Primeru de Mayu.
No hay comentarios:
Publicar un comentario
Milio Mariño