Milio Mariño
El mio camentariu de los xueves nel programa Noche tras Noche de la RPA
El mi lio d'esta selmana ye un lio morrocotudu. Ye pa chiflar dándo-y vueltes y nun atopái sentíu.
Veréis: Va unos díes apaeció na prensa qu'Asturies ye una de les comunidaes autónomes onde los trabayadores perdieron más poder adquisitivu; en concretu un 9,6% dende l'añu 2009. La noticia malpenes lu foi porque toos sabíamos qu'en cuenta de dir a meyor tamos diendo a peor. Pero esi datu, yá sabíu, contrasta con otru, qu'apaeció fai menos d'un mes, nel que se dicía qu'el 2,1% del patrimoniu invertíu en fondos d'inversión n'España venía d'Asturies, apuntando que la cantidá invertía polos asturianos yera na menos que 4.045 millones d'euros.
Si m’entrugáis cómo se come eso, daveres que non lu sé. Namás con pensalo yá m’empapizo. Dalguién tendría qu'esplicar cómo ye que ganamos cada vez menos y aforramos cada vez más. Nun m’esplico d'ónde pudo salir tou esi dineru nin como pue ser que'l patrimoniu mediu por participe se cifre en 30.065 euros.
Buscando d'aú pudieron salir tantes perres atopé que'l salariu mediu n'Asturies, en 2014, foi de 1.576 euros al mes, el quintu más altu d'España. Pero viendo como tán les coses, si nun m’engaña la xente que conozo, que non lu creo, 1576 euros al mes paezme muncho. De toes maneres yá saben que falar de salariu mediu ye metelo tou nun cestu y dividir pol númberu, ye como si usté ta comiendo un centollu y yo mirando como lu come. El datu que dan como resultáu ye que comimos mediu centollu caún.
Sía como fora siguen ensin salime les cuentes. Perdemos poder adquisitivu, cobramos salarios corrientes, la xente que trabaya son 371.000 persones, hai 87.000 paraos y los pensionistes y xubilaos son 300.000, que salen a una media de 1.043,36 euros al mes, incluyíu l'euro o los dos euros de xubida, que tuvieron anguaño, por obra y gracia del PP, por más que diga Rajoy que les pensiones xubieron el 9,9 per cientu.
Con esti panorama sigo ensin esplicame d'onde pudieron sacar los asturianos esos 4.045 millones d'euros que foi lo qu'invirtieron en fondos d'inversión, porque los bancos, al paecer, non solu nun dan réditos sinón que casi hai que paga-yos pa que nos guarden el dineru.
Dempués de da-y vueltes y más vueltes, vistu que los salarios son lo que son, que tenemos una reciella de paraos y qu'a pesar de que la pensión ye escasa, los güelos tienen que compartila colos fíos y los nietos, namás se m’ocurre una cosa que puea esplicar los 4.045 millones invertíos. Ocúrreseme qu'en Salave, Navelgas y Tinéu debe d'haber nun sé cuántos asturianos, un reximientu, pañando oru a destayu y que naide, nin siquier Montoro, se dio cuenta d’esi choyu.
Los 4.045 millones d’euros qu’invirtieron los asturianos ye otru misteriu por resolver. Pa mi polo menos… Y creo que pa Iker Jimenez tamién.
El mio camentariu de los xueves nel programa Noche tras Noche de la RPA
Veréis: Va unos díes apaeció na prensa qu'Asturies ye una de les comunidaes autónomes onde los trabayadores perdieron más poder adquisitivu; en concretu un 9,6% dende l'añu 2009. La noticia malpenes lu foi porque toos sabíamos qu'en cuenta de dir a meyor tamos diendo a peor. Pero esi datu, yá sabíu, contrasta con otru, qu'apaeció fai menos d'un mes, nel que se dicía qu'el 2,1% del patrimoniu invertíu en fondos d'inversión n'España venía d'Asturies, apuntando que la cantidá invertía polos asturianos yera na menos que 4.045 millones d'euros.
Si m’entrugáis cómo se come eso, daveres que non lu sé. Namás con pensalo yá m’empapizo. Dalguién tendría qu'esplicar cómo ye que ganamos cada vez menos y aforramos cada vez más. Nun m’esplico d'ónde pudo salir tou esi dineru nin como pue ser que'l patrimoniu mediu por participe se cifre en 30.065 euros.
Buscando d'aú pudieron salir tantes perres atopé que'l salariu mediu n'Asturies, en 2014, foi de 1.576 euros al mes, el quintu más altu d'España. Pero viendo como tán les coses, si nun m’engaña la xente que conozo, que non lu creo, 1576 euros al mes paezme muncho. De toes maneres yá saben que falar de salariu mediu ye metelo tou nun cestu y dividir pol númberu, ye como si usté ta comiendo un centollu y yo mirando como lu come. El datu que dan como resultáu ye que comimos mediu centollu caún.
Sía como fora siguen ensin salime les cuentes. Perdemos poder adquisitivu, cobramos salarios corrientes, la xente que trabaya son 371.000 persones, hai 87.000 paraos y los pensionistes y xubilaos son 300.000, que salen a una media de 1.043,36 euros al mes, incluyíu l'euro o los dos euros de xubida, que tuvieron anguaño, por obra y gracia del PP, por más que diga Rajoy que les pensiones xubieron el 9,9 per cientu.
Con esti panorama sigo ensin esplicame d'onde pudieron sacar los asturianos esos 4.045 millones d'euros que foi lo qu'invirtieron en fondos d'inversión, porque los bancos, al paecer, non solu nun dan réditos sinón que casi hai que paga-yos pa que nos guarden el dineru.
Dempués de da-y vueltes y más vueltes, vistu que los salarios son lo que son, que tenemos una reciella de paraos y qu'a pesar de que la pensión ye escasa, los güelos tienen que compartila colos fíos y los nietos, namás se m’ocurre una cosa que puea esplicar los 4.045 millones invertíos. Ocúrreseme qu'en Salave, Navelgas y Tinéu debe d'haber nun sé cuántos asturianos, un reximientu, pañando oru a destayu y que naide, nin siquier Montoro, se dio cuenta d’esi choyu.
Los 4.045 millones d’euros qu’invirtieron los asturianos ye otru misteriu por resolver. Pa mi polo menos… Y creo que pa Iker Jimenez tamién.
No hay comentarios:
Publicar un comentario
Milio Mariño