Milio Mariño
El mio camentario de los xueves nel programa de la RPA Noche tras Noche
El mi lio d'esta selmana ye un lio triste. Ye pola mala suerte d’esos cuatro asturianos d'Avilés, Ángel Hernández, Egidio García, Sabín Fernández y Jesús Mosteirín que salieron d'España'l pasáu 17 d'abril y teníen previstu tornar el 2 de mayu, felices y contentos dempués de realizar una ruta de trekking nel Parque Nacional de Langtang, una de les zones más habituales en Nepal pa prauticar senderismu.
El pasáu 20 d'abril, va casi un mes, foi la última vegada que los montañeros falaron coles sos families, que creen que'l terremotu debió sosprendelos en Kyanjin Gompa, a unos 80 kilómetros de Katmandú. Ellí debió ser onde los enterró’l brutal terremotu qu'algamó los 7,9 graos de magnitú na escala Richter y semó la muerte y l'ablayu en Nepal, unu de los países más probes del mundu.
Esa ye la murnia hestoria de los cuatro montañeros asturianos que quedaron per allá y nun van volver nunca más a la so tierra.
Que m'alcuerde d'ellos nesti pequeñu espaciu de la radio asturiana ye por dos motivos. Porque quiero sumame al homenaxe que se-yos va rindir el próximu domingu 17 de mayu, a les 12 hores, na Casa la Cultura d'Avilés, onde tolos que quieran van tener la oportunidá d’alcordalos y amosa-yos el so ciñu, acompañando a los familiares y amigos. Y porque unu de los cuatro, Jesús Mosteirín, yera un bon amigu col que tengo pasáu mui bonos momentos.
Cuando se produz una traxedia asina ye cuando nos alcordamos de la nuesa fraxilidá y d’esi fatalismu caprichosu que, nun intre, llévanos tontamente al otru llau de la llende invisible que dixebra la vida y la muerte.
Seguramente habrá quien piense que, en delles ocasiones, un desenllaz asina ye consecuencia, lóxica, d’esi amor pol riesgu y l’aventura que sienten dellos montañeros, que los lleva a facer esguilaes y escursiones peligroses. Si fuere por eso tamién taría xustificada la nuesa pena, pero nun ye'l casu. Ángel, Egidio, Sabín y Chumi nun fueron a Nepal a realizar nengún ascensu peligrosu nin a esguilar la cara difícil d'un monte imposible, fueron a caminar, a prauticar senderismu pol míticu Katmandú, un territoriu exóticu y fascinante que, los qu’ayer llamaben Hippies y güei son güelos, convertieron, por un tiempu, na capital mundial del amor y la paz.
Ellí alantrón, soterraos embaxo d'un paisaxe de llombes verdes que ye bien paecíu al nuesu, quedaron los cuatro asturianos qu’alcordamos colos güeyos amoyecíos y un nudu nel gargüelu.
Nun m'asocede meyor resume, pa concluyir esta modesta reconocencia a la so memoria, que lo que-y oyí dicir a un montañeru al que, allá una vegada, y por cuenta d'un accidente mortal, preguntáron-y pol riesgu que suponía prauticar esi deporte.
Al monte nun se va morrer vase a vivir, dixo. Y a eso fueron los nuesos amigos, ensin saber que los esperaba la muerte.
El mio camentario de los xueves nel programa de la RPA Noche tras Noche
El pasáu 20 d'abril, va casi un mes, foi la última vegada que los montañeros falaron coles sos families, que creen que'l terremotu debió sosprendelos en Kyanjin Gompa, a unos 80 kilómetros de Katmandú. Ellí debió ser onde los enterró’l brutal terremotu qu'algamó los 7,9 graos de magnitú na escala Richter y semó la muerte y l'ablayu en Nepal, unu de los países más probes del mundu.
Esa ye la murnia hestoria de los cuatro montañeros asturianos que quedaron per allá y nun van volver nunca más a la so tierra.
Que m'alcuerde d'ellos nesti pequeñu espaciu de la radio asturiana ye por dos motivos. Porque quiero sumame al homenaxe que se-yos va rindir el próximu domingu 17 de mayu, a les 12 hores, na Casa la Cultura d'Avilés, onde tolos que quieran van tener la oportunidá d’alcordalos y amosa-yos el so ciñu, acompañando a los familiares y amigos. Y porque unu de los cuatro, Jesús Mosteirín, yera un bon amigu col que tengo pasáu mui bonos momentos.
Cuando se produz una traxedia asina ye cuando nos alcordamos de la nuesa fraxilidá y d’esi fatalismu caprichosu que, nun intre, llévanos tontamente al otru llau de la llende invisible que dixebra la vida y la muerte.
Seguramente habrá quien piense que, en delles ocasiones, un desenllaz asina ye consecuencia, lóxica, d’esi amor pol riesgu y l’aventura que sienten dellos montañeros, que los lleva a facer esguilaes y escursiones peligroses. Si fuere por eso tamién taría xustificada la nuesa pena, pero nun ye'l casu. Ángel, Egidio, Sabín y Chumi nun fueron a Nepal a realizar nengún ascensu peligrosu nin a esguilar la cara difícil d'un monte imposible, fueron a caminar, a prauticar senderismu pol míticu Katmandú, un territoriu exóticu y fascinante que, los qu’ayer llamaben Hippies y güei son güelos, convertieron, por un tiempu, na capital mundial del amor y la paz.
Ellí alantrón, soterraos embaxo d'un paisaxe de llombes verdes que ye bien paecíu al nuesu, quedaron los cuatro asturianos qu’alcordamos colos güeyos amoyecíos y un nudu nel gargüelu.
Nun m'asocede meyor resume, pa concluyir esta modesta reconocencia a la so memoria, que lo que-y oyí dicir a un montañeru al que, allá una vegada, y por cuenta d'un accidente mortal, preguntáron-y pol riesgu que suponía prauticar esi deporte.
Al monte nun se va morrer vase a vivir, dixo. Y a eso fueron los nuesos amigos, ensin saber que los esperaba la muerte.
Buenos dias:
ResponderEliminarSoy una de las hijas de Angel... Muchas gracias por tus palabras.
Gracias a ti Sheila por leerme... Un abrazo
Eliminar