Plasma la reciella d’asesores a sueldu

Milio Mariño

Cuerren malos tiempos, tamién, pa los funcionarios y eso esplica que dellos emplegaos públicos, cabriaos pol aumentu de xornada, dieren a conocer que la corporación madrilana tien 254 asesores a sueldu.

Gracies a esa fonte sabemos que 203 son del PP, 31 del PSOE, 16 d'IU y 4 d'UPyD. Y qu'ente ellos tán una hermana d'Esperanza Aguirre, el famosu Carromero y un bon númberu de parientes, hermanos, hermanes, cuñaos y demás familia, de senadores y diputaos, con sueldos que bazcuyen ente los 40.000 y los 50.000 euros, lo cuál supón, de gasto, 12 millones al añu.

Na información qu'apurren los descontentos, aseguren qu'una bona parte d’esos asesores nun tien horariu d'entrada nin de salida y qu'otros, bastantes, nun pisen l’Ayuntamientu. Imaxino qu'asesorarán dende casa, como Sepúlveda. El casu que vistos los resultaos, una de dos: o los políticos nun yos faen casu o asesoren que dan dolor.

Mialma ye cansinu tar, siempre, col mesmu cantar pero nun hai otra. Dixeron que diben recortar gastos y, nel Ayuntamientu de Madrid, pasaron de 311 asesores en 2011 a 254 en 2012. Claro que, a lo peor, nun ye, solu, en Madrid, si conociéremos el númberu d'asesores que tienen los nuesos conceyos tamién quedábemos plasmaos.

Falsificar palabras

Milio Mariño

Muchas de las medidas que adoptan desde el gobierno las justifican con el argumento de que el Presidente y los Ministros son realistas, pero la realidad parece como si no les hiciera caso ni evolucionara por los derroteros que habían pensado. No se rige ni se somete a sus propuestas ni a las leyes que ponen en práctica, funciona con sus propias reglas, importándole muy poco las consecuencias y los posibles excesos.

Así las cosas, nuestros políticos andan preocupados viendo que la realidad no acepta ser gobernada. Lo cual puede ser delicioso y perverso pues supone una pérdida de control que les obliga a devanarse los sesos y tener que elegir entre lo que ellos entienden por realidad y la verdad pura y dura, conceptos que están relacionados hasta el punto de que pueden parecer lo mismo, pero son distintos.

Deberían empezar por ahí, por entender que realidad es lo que cada uno percibe y, lo que percibimos, tiene poco o nada que ver con la verdad.

Lo que percibimos se acerca más a la ficción y eso es algo que comprobamos todas las mañanas al llegar al quiosco y ver que cada periódico nos ofrece una España y un mundo distintos. Como inventan una verdad a partir de un argumento común y la acercan a sus intereses. Cosa que se repite en esas tertulias televisivas, que parecen obras de teatro alternativo, y en los Telediarios, personalizados según indiquen las altas instancias de la empresa propietaria de la cadena o el gobierno que gobierne la televisión pública.

Con todo, aceptando que la objetividad no existe, media un trecho entre la objetividad imposible y la manipulación descarada. Un trecho que, para explicarlo de forma gráfica, es el que va del contorsionista que logra poner los pies en la cabeza al mago que, con su varita mágica, saca del sombrero tres conejos con las orejas tiesas. Quiere decirse que no es lo mismo partir de un hecho y enfocarlo de forma partidista que inventar ese hecho y difundirlo como cosa cierta.

Para ayudar en esa tarea, para procurar que realidad y verdad acerquen posturas, a nuestros políticos no se les ha ocurrido mejor idea que sacar de la chistera nuevas palabras para nombrar ciertas cosas. Y así tenemos que su lenguaje se está convirtiendo en una especie de neolengua imposible que confirma el poco respeto que sienten por la inteligencia ajena.

Estamos volviendo a los tiempos aquellos que ya teníamos olvidados, a cuando al ministro del ramo se le ocurrió llamar al 1 de mayo fiesta de San José Artesano. ¿Se acuerdan? Pues algo así viene a ser la propuesta del ministro de justicia Ruiz Gallardón, que quiere suprimir la palabra imputado y sustituirla por otra más suave que no induzca a la condena mediática. Siguiendo en la misma línea Cospedal ha prohibido la palabra desahucio y Rubalcaba, para no ser menos, sugiere la posibilidad de que su formación política cambie incluso de nombre. Ha propuesto que abandone la vieja palabra obrero y, aprovechando que las siglas coinciden, pase a llamarse Partido de los Socialistas Europeos-PSOE.

A las palabras les ocurre lo que a las monedas, que no siempre tienen el mismo valor, pero es muy diferente que pierdan valor por el paso del tiempo a que los políticos se dediquen a falsificarlas y, luego, intenten darnos el timo colándolas al descuido como si fueran auténticas.

Milio Mariño/ Artículo de Opinión/ Diario La Nueva España

Natalie, direutora del mundu

Milio Mariño

Pa escapar un pocu d’esos socesos ya personaxes que venimos camentando, casi, a diariu, güei quiero falavos de Natalie Nougayrède, una periodista de 46 años que va ser la primer muyer que dirixa les trés redacciones (dixital, papel y suplementos) del diariu vespertín francés Le Monde.

Prúyeme camentalo porque con ser importante, que daveres lo ye, qu'escoyeren a una muyer pa dirixir un periódicu tan influyente, paezme más importante, entovía, la forma en que lo ficieron, daqué qu'equí sedría impensable.

El procesu pa decidir quién dirixe’l periódicu ábrese cola presentación de cuatro candidatos que tienen que presentar un proyeuto y pasar el filtru del Conseyu d'Alministración. Una vez que'l Conseyu da'l vistu bonu, y aceuta a los candidatos, correspuende, solu, a los periodistes decidir quién va ser la so direutora o direutor.

Pos bien, Natalie, la única muyer ente los que se presentaben, foi escoyida ayeri, n'asamblea, pol 79% de los 370 periodistes que formen la plantiya del periódicu. Nunca antes fuere xefa de nada, nin dirixera ediciones, nin secciones; fuere reportera en Chechenia, corresponsal en Moscú y corresponsal diplomática.

Asina, pienso yo que se debe elexir a los xefes.

Tráficu de multes

Milio Mariño

Güei la cosa va de multes, d'un trucu que nun sabía y toi por apostar que munchos de vosotros tampoco.

Según una información que publica El País, citando fontes policiales, na madrugada del 3 de Febreru, nel kilómetru 41 de la M-40, nun tramu llindáu a 100 kilómetros, un radar móvil pañó a dos coches circulando casi al empar: un Audi a 216 kilómetros per hora y un Porsche a 260. Nengún de los conductores foi deteníu porque los protocolos de la Guardia Civil aconseyen nun escorrer a vehículos que circulen a una velocidá tan alzada por custiones de seguridá vial.

La Guardia Civil nun los detuvo, pero lo que sí fixo foi denunciar y riquir al propietariu del vehículu, nesti casu, al Real Madrid. El mesmu club identificó a Benzema como'l conductor del Audi -según fontes policiales-, pero nun quixo facelo col del Porsche y, por tantu, apechugó cola sanción.

¿Pue'l propietariu d'un coche dexar ensin identificar al conductor cazáu por un radar a más velocidá de la dexada? Sí que pue, anque cometiendo una infracción bien grave sancionada con 1.500 euros.

Cargando cola multa, pagando los 1.500, el propietariu d'un vehículu infractor, cuyu conductor nun fuere identificáu, llibera de responsabilidá a quien conducía'l coche.

Yá veis que coses. Con perres tou s’arregla.

Lo que dicen de Hessel ye pa indignase

Milio Mariño

Stéphane Hessel foi, percima de tou, un tipu con suerte. Un privilexáu de formación elitista, nacíu nuna familia rica, que tuvo la potra de sobrevivir, nun ta claru cómo, nel campu nazi de Buchenwald, que volvió a llibrase de la muerte n'otros dos campos más, qu'entró nel cuerpu diplomáticu francés cuando acabó la guerra, que pasó más de media vida como diplomáticu na ONU y que, a los 93 años, vendió tres millones de copies d'un folletu, de 32 páxines, qu'anima a llantar cara y remontase ante les midíes qu'adopten los gobiernos pol aquello la crisis.

Qué digan de Hessel que foi un lluchador y un renovador del pensamientu críticu ye pa cortase les venes. Los mozos y menos mozos nun creo que precisaren d'un folletu como esi, que nun diz na, pa saber que taben indignaos, nin tampoco pa salir a la cai. Salieron y salen porque tán fartos. Porque tou tien una llende y estu nun hai quien lo aguante.

Lo peligrosu d’aponderar a los qu'afayen la so vocación lluchadora en pro d'una sociedá más xusta, pasaos los 90 años, ye qu'avecen a tener unes idees que coinciden, nun sé si per casualidá, col populismu prefascista de xente como Beppe Grillu y los sos "grillini" italianos. Nun quiero pensar mal pero lo mesmu ye per ehí por onde quieren empobinanos.

Corinna diz que, realmente, trabayó pa España

Milio Mariño

Corinna ye una señora, de 48 años, que vive en Mónaco y caltién una rellación de candial amistá con Xuan Carlos, al que conoz dende 2004.

Supimos d’esta sorriente y guapa señora cuando la prensa tuvo'l detalle de dicinos qu'acompañaba al Rei na cacería de Botsuana, n'abril de 2012, y volvemos a saber agora, poles sos declaraciones al diariu El Mundo.

Unes declaraciones nes que dixo que trató d'ayudar a Urdangarín buscándo-y, como-y pidió, un empléu compatible cola so posición. Pero dixo más. Dixo tamién que participó en dellos asuntos secretos y en negocios onde intervieno'l Rei, como Xefe del Estáu, puntualizando que temos tranquilos, que nun cobró del Gobiernu, que cobró de los empresarios. Lo cuál compromete y empeora, más si cueye, la situación personal ya institucional del Xuan Carlos y a los españoles déxanos plasmaos, cola cara fata de quien se siente engañáu por tou dios: por un Gobiernu de mentirosos ya corruptos y por un Rei que nun sabe, siquiera, nin aplicase a si mesmu esi refrán popular que diz: Onde tengas la olla non metas la polla.

En cualesquier país democrático esixiríase que'l Gobiernu y el Rei esplicaren el trabayu d'esta señora, non ente les sabanes, qu’eso malditu si nos interesa, pero si en nome y representación d'España.

Confiamos na xusticia porque nun hai otru remediu

Milio Mariño

Dizse que la xusticia ta politizada, y tá, qu'hai xueces prevaricadores, y ha-ylos, que nos altos tribunales campa la derechona, que foron los qu'echaron a Garzón porque destapó lo de Gürtel, y debió ser asina, pero con tou, y lo que quieran amestar, la Xusticia ye, güei, l'únicu poder del Estáu qu'inda nun ta desacreditáu dafechu. Ye l'únicu asideru al que podemos garranos porque tou lo demás cayó o ta cayendo a pedazos.

Plasma la podredume: entamando polos partíos políticos, siguiendo pola monarquía y acabando por una institución, como la Ilesia Católica, que nun forma parte del Estáu pero ye un poder d'enorme influencia dientro del mesmu.

Con esti panorama, la Xusticia ye lo únicu a lo que podemos garranos y garraríamos pa nun soltanos si punxera fin a lo que, mialma, paez que nun cuadra: Que la Infanta nun tea imputada y que Bárcenas siga saliendo, con chulería, de so casa cuando tendría que tar na cárcel.

Asina y tou, defendo la Xusticia que tenemos non porque m'entusiasme sinón porque barrunto que, d'equí a nada, apaecerá dalguién importante, como n'Italia Berlusconi, y soltará dalguna patochada, como que los xueces son una mafia, pa dinamitar la poca ilusión que nos queda.