Copiar nos exámenes

Milio Mariño
( La mio colaboración del Programa Noche tras Noche de la RPA)

El mi lio d’esta selmana… lo que güei quiero camentar, ye qu’esti mes de mayu, na Universidá d'Uviéu, nun se dediquen, precisamente, a llevar flores a María… Anden a vueltes sobre cuál sedrá’l métodu más eficaz pa que los alumnos nun copien nos exámenes finales. Anden con esa xera porque, va unos meses, descubrieron que na Escuela Politécnica de Xixón había alumnos qu'usaben chuletes electróniques.

Ye lo que se lleva. Nel sieglu pasáu, cuando yo estudiaba, llevábense les chuletes en papel, les tatuaes nel cuerpu, los bolígrafos grabaos y los cambiazos. Pero como tou avanza que ye una barbaridá, agora, lo que ta de moda ye'l pinganiellu expres… Entres, faes una semeya del exame col móvil, mándesla por wasapp, a un amigu que ta fuera y esperes a que te chive les respuestes por un pinganiellu que lleves na oreya y abulta menos qu'un garbanzu enanín.

Esi ye’l trucu… Y lo que, pa m’idea, sollerta a los responsables de la Universidá debe ser la sofisticación, porque lo que ye copiar, tola vida se copió. A les pruebes me remito. Un sondéu fexo va pocu, nel que participaron venti mil persones, dio como resultáu qu'el 80% de los consultaos almitió que copiare en dalguna ocasión.

Por eso m’estraña que los responsables universitarios digan, escandalizaos, qu'en cuestión d'honradez vamos de mal en peor. Vamos como vamos… La Universidá va como tou. Nun sé por qué los estudiantes tendríen qué ser distintos al restu de la sociedá, onde les trampes son vistes como dalgo normal.

Güei, lo qu'importa ye trunfar. L’asuntu de la honradez, va tiempu que pasó a ser secundariu. Amás, si m’apuren, nun sé yo si pal estudiante copiar, nun sedrá como pal presu escapar de la cárcel. Una obligación.

Yo, nunca xamás copie, pero una vez pilláronme. Y eso que nun lo comenté con naide. Custión que considero fundamental porque a les autoridaes académiques lo que yos molesta, de verdá, nun ye que los alumnos copien, ye que depués anden, perhí, presumiendo de los trucos qu’empleen y lo llistos que son.

El casu que na Universidá d'Uviéu, no primeru que pensaron, p’acabar col trucu del pinganiellu, foi n'instalar inhibidores. Pero les autoridaes contestaron que, llegalmente, nun ta permitíu. Que los inhibidores nun se puen usar con esa finalidá, qu'esi recursu ta acutáu pa otru tipu de circunstancies de seguridá. Asina que van tener que volver a lo de siempre. A dicir a los estudiantes qu'apaguen los móviles y recorda-yos que, al que pillen copiando, espúlsenlo del exame.

Toi d’alcuerdo en que nun ta bien que los estudiantes copien, pero hai profesores que, tamién se pasen. Cuntáronme, como cosa cierta que, nun exame escritu, el profesor d'Anatomía d'una Universidá, que nun voi dicir el nome, escribió, na cayuela, el tema a desarrollar… Testículos: Tamañu, forma, pesu y consistencia. Y alvirtió: Al alumnu varón que pañe cola mano en bolsu, espúlsolo por copiar.

Pidir l’asturianu nun ye trabayar pal inglés

Milio Mariño

Ayeri, cuando diba incorporame a la manifestación pola oficialidá, crucéme con un paisanu que m’éntrugó: ¿Estu pa qué ye? Y dixe-ylo. Tabáis meyor segando yerba nun práu o cortando rozu nel monte, que bona falta fai. Retrucó. Pero nun crean que lo dixo en castellán, dixomelo asina, como ta escrito.

Hai xente que piensa igual, pero non lu fai a mala fe. Fa-ylo porque sigue pensando que falar asturianu ye volver p’atrás, ye facenos más aldeanos. Y, que se yo, a lo meyor somos nos qu’entá nun supimos esplicar que la cosa nun va pereí. Yá sé que ta dificil, que dende les instituciones ayuden pocu, por nun dicir que piensen como’l paisanu que nos mandaba a cortar rozu, pero, nesti casu, non de bona fe.

Cuntamos con ello. L’enfotu ye qu’ayeri yéramos dos mil y ún de los más vieyos debía ser yo. De mou que nun toi d’alcuerdo colo que dixo la presidenta de l’Academia. L’asturianu nun vive un momentu d’impasse. Que, tamién, yá podía escoyer otra palabra. L’asturianu xorrez, como nunca xorreció, ente los más xovenes. Asina qu’hai que siguir p’alantre… Daveres que nun ye trabayar pal inglés.

Lo bono del malentendíu

Milio Mariño
La mio collaboración nel Programa Noche tras Noche, lo que falé ayer na Radio del Principáu

El mi lio d’esta selmana son dos… Tenía preparáu lo que diba dicir el xueves, pero como’l xueves concidió col 1 de mayu, y nun hubo programa, dixéronme: Na, non te preocupes.. dexalo pal xueves que bien, o seya pa esti. Total nun se pierde… ye una parrafada, nun ye cachopu al cabrales o merluza en salsa verde.

Fici-yos casu. Aforraba de rompeme la cabeza, ya lu tenía preparáu… Namás yera calentalo y llistu… Total que güei diba cuntavos lo del xueves pasáu… Diba cuntar que, por fin, yá se ve la lluz a la fin del túnel… Pero non del túnel que diz el Gobiernu, del de Santiuste, esi que ta ente Unquera y Llanes y yera lo que faltaba pa que l'Autovía del Cantábricu se complete y podamos circular por ella ensin pasar pol tramu caleya, por esos 11 kilómetros que causen tantos atascos.

Tenía previstu falar d’eso porque dicen que yá afuracaron el túnel y que pa finales d’esti añu piensen completar l’autovía, pero nun taba yo tranquilu. Asina que, por si acasu, eché un vistazu a lo que foi noticia estos díes, como faigo siempre, y atopéme con dalgo que nun pudi pasar por altu. Coles declaraciones d’esi cura andaluz que se fexo famosu porque toos entendimos que dixo qu’emborrachase y pega-yos a les muyeres tenía un pase, pero que matales yá yera pasase.

Mialma que toos lo entendimos asina, pero resulta qu’eso nun foi lo que dixo, foimos nos que lu entendimos mal. Aclarólo l’obispáu, que sacó una nota, al día siguiente, culpándonos a los demás de nun entender lo que dixera’l párrocu.

Cuando lleí la nota picóme l’amor propiu. Fexo que m’alcordare d’un profesor de lliteratura que tuvi, que dicía que’l culpable de los malentendíos siempre ye’l sentíu común. Que’l sentíu común ye mui tercu, qu’aveza a facer xuicios rotundos y nun tien reparu en dexanos col culu al aire.

Dando-y vueltes a eso pensé nestes parrafaes míes y llegué al aquello de que la cosa nun ta no que dicimos…. Ta no que los demás entienden que dices. De mou qu’a saber lo qu'ustedes entienden que digo cuando apaezo equí tolos xueves. Yo, por si acasu, apúntome a lo del cura. Si escuchen dalgo que nun yos gusta va ser qu’entendieron mal. Que son ustedes los que s’enquivoquen.

Ye un métodu coyonudu… Pues dicir lo que quieras ensin problema denguno. Home imaxino que van alvertime de que les coses, antes de diciles, hai que pensales dos veces… Lleven razón, lo malu que como unu yá va pa vieyu, si se para a pensar lo que diz, acabase’l tiempu que me dan pa estes parrafaes y nun yos digo nin mu. Asina que voi siguir falando lo primeru que me venga a la mollera… Y si cuadra que tien un pase y ustedes lo aceuten, va ser lo que dixo Sartre, que cuando cuntamos dalgo y los demás lo comprienden y y dicen que tan d’alcuerdo casi siempre ye por un malentendíu.

Náufragos

Milio Mariño

Siempre me llamó la atención que sea noticia que cualquiera muera apuñalado a manos de un desconocido y no lo sea si quien lo apuñala es el Estado.

El Estado, aunque no lo parezca, también mata. Los datos que facilita el Observatorio para la Dependencia, señalan que, desde que comenzó la crisis, han muerto 70.000 personas por falta de recursos y de una atención adecuada. Pero eso no es todo, hay otros 190.000 dependientes esperando por una asistencia que se retrasa y es muy posible que cuando llegue, si es que llega, ya no la necesiten porque muchos habrán fallecido.

Lo sorprendente del caso es que quienes mueren en esas circunstancias, por falta de recursos y de una atención adecuada, no son considerados víctimas; se les considera culpables. El argumento es que ellos se lo han buscado. Que el Estado no tiene culpa de que determinada gente no tenga recursos para vivir de forma digna ni mucho menos de que esté enferma, envejezca o sufra alguna discapacidad. Lo explicaba muy bien Rajoy en un artículo que publicó en el Faro de Vigo hace ya unos años. Decía que la desigualdad es fruto de la libertad. Que la pretensión igualitaria es pura envidia: “es el malestar que sienten, algunos, ante una felicidad ajena deseada e inalcanzable”.

Esas ideas tenía, y tiene, quien, en la actualidad, es Presidente de Gobierno. Y no es el único. Hemos logrado acuñar un término para la violencia de género pero aún no lo hay para la violencia de Estado. Una violencia que provoca, a diario, muertes y maltrato, amparada por la impunidad de un silencio cómplice y una ceguera de la que, en mayor o menor medida, todos somos culpables.

Sí alguien alerta de que está muriendo gente por falta de recursos y de una atención adecuada, decimos que, en nuestro país, esas cosas no pasan, o no con tanta crueldad porque todavía hay vínculos familiares, ayudas sociales y sanidad pública. Liberamos nuestra mala conciencia apelando a premisas falsas. Aceptamos que se nos diga que el Estado no puede pagarlo todo, que cada uno se arregle como pueda y, en último término, que se fastidie si es que no ha logrado salir adelante o no ha sido capaz de defender sus derechos.

Ese es el argumento de quienes gobiernan y dirigen el Estado. Pero, tomándolos por la palabra, algo debe fallar cuando rescatan y ayudan, no ya a los Bancos, sino también a las Autopistas privadas antes que a las personas. Cuando lo que se niega para la Ley de Dependencia, por falta de recursos, se ofrece a los dueños de las Autopistas que, dicen, han sufrido pérdidas.

Los discapacitados, los parados sin prestación y todas las personas dependientes, que requieren asistencia y ayuda para subsistir, parece que no son un problema que requiera la atención del Estado. Los bancos y las autopistas sí. Lo cual significa que los políticos no respetan, siquiera, las reglas del juego que ellos han implantado, que alteran, incluso, la legalidad. Pero nadie se inquieta por ello. Los dramas de los que hablamos son invisibles, nadie o casi nadie los ve, y así es fácil fingir que no ocurren, que no existen o que existen en otra parte.

Algunos habrán vuelto a usar estos días las autopistas de pago. Habrán pagado dos veces para disfrutar de un puente desde el que, seguramente, no vieron ningún náufrago.

Milio Mariño/ Artículo de Opinión/ Diario La Nueva España

La resurreición del gastu

Milio Mariño
( De lo que falé, ayer, nel programa de la RPA Noche tras Noche)

El mio lio d'esta selmana tien que ver cola resurreición… Pero… cuidáu, non cola resurreición de Xesús que celebramos va cuatro díes, sinón con esa otra resurreición que naide s'esplica. Con esi misteriu de que, agora per Pascua, la xente gastara munches más perres que l'añu pasáu, ensin qu'ameyorara la so situación económica.

Cuesta entender que, cola mesma tasa de paru y los sueldos que van cuesta abaxo y ensin frenos, aumentara'l gastu, pero lo cierto ye que'l nuesu Paraísu, el Paraísu Asturianu, llenóse de xente que vieno cola cartera na mano y gastó perres a embute. Falta facía. Precisábemos esta resurreición de los chigres, los hoteles y los restoranes como agua de mayu. Yá tuvo bien de desgracies… de vientos huracanaos, foles xigantes y torbonaes.

El tiempu debíanos dalguna allegría y cumplió, anque non del tou. Hubo díes bonos y díes regular, con vuelta al paragües y a la ropa d’abrigu. Tamién cumplieron la ilesia y el cleru, porque, anque unu se confiése atéu, non por ello dexa de reconocer que la xente vieno a gastar los cuartos por esos dos díes de fiesta siguíos que permiten qu'esfrutemos del ponte más llargu del añu.

A lo meyor, nun tais al tantu pero, por dalgo llamen, al Papa, el Sumu Pontífice… El mesmu nome lo diz: el máximu facedor de pontes. Títulu qu'heredó de l’antigua relixón de los etruscos, pa quien los pontes yeren sagraos.

Pero, volviendo a lo que tábemos, la noticia d'estos díes pasaos, foi la resurreición del gastu… Foi que s'acabara la vixilia del bolsu y la xente volviera a gastar munchos cuartos naide sabe por qué motivu. Tou lo demás, incluyíos los garduñazos de Rusia al mapa d'Ucrania y los gurníos d'Estaos Xuníos, ye secundariu. Como tamién lo ye esa otra noticia de qu'un pescador noruegu, de 64 años, pescara un bacaláu con un consolador nel estómagu.

Ta bien que, dacuando en vez, los periódicos y la radio camienten coses asina col aquello de provocar dalguna sorrisa pero, a nós, lo que daveres nos presta y nos fai reyir ye'l consolador económicu. Lo malo que si entramos en Google y pinchamos esa pallabra, nun atopamos nada que se refiera a una meyora, anque sía lleve, de la economía. Atopamos milenta anuncios de xuguetes eróticos qu'ufierten placer, a precios de saldu.

Sedría una pena que la resurreición del gastu, que se dio la selmana pasada, fuere como si nos masturbaremos con un xuguete de plásticu. Que fuere tan puntual y tan rara como lo del consolador qu’apaeció nel estómagu del bacaláu. Pero menos ye na. Tal como tan les coses consolámonos con pocu. Cerramos los güeyos, abrimos la boca y facemos como’l pexe noruegu. Tragamos lo que nos echen.

La realidad con gafas

Milio Mariño

Vuelvo a mi artículo semanal después de un par de semanas en las que anduve por ahí tratando de divertirme. Desechen, si es que lo piensan, que uno se plantea objetivos insensatos en estos tiempos que corren. Divertirse es verterse en otra cosa diferente a la que habitualmente hacemos. Es como un refresco terapéutico que no implica nada frívolo, sino el propósito de salirnos de nuestro yo cotidiano.

Con ese propósito viajé al sur buscando la primavera y me encontré con el verano. Ahí es nada: treinta grados en Granada, mientras visitaba La Alhambra y el barrio de Sacromonte, con Sierra Nevada, a dos pasos, llena de gente esquiando.

Parecía, ciertamente, otra realidad. Una realidad distinta que vivía en el lado opuesto de la obscuridad y la tristeza. Me lo confirmó un gitano, con el que estuve charlando sobre las paredes encaladas de un blanco que cegaba los ojos. Esto no es nada, dijo el gitano. Haga el favor de mirar cómo deben mirarse las cosas. Imagínese cuando no había gafas de sol. Cuando cualquiera, usted mismo, podía mirar todo esto sin ese reparo absurdo de que los colores auténticos hacen daño y hay que protegerse de ellos. Usted acaba de descubrir un blanco que casi lo marea de puro. Le acaba de suceder como si bebiera un vaso de vino o una copa de aguardiente en ayunas. Y habrá oído, supongo, eso que dicen de nosotros… Eso de: Es más raro que un gitano con gafas… Ya ve que no las llevo, no me hacen falta. Veo esto mismo todos los días y no me hace daño. No necesito obscurecerlo. Y aquí me tiene… Mi casa es pobre pero todos los años la encalo para que no le entre la mugre y luzca como me gusta. Aquí sigo… ¿Sabe por qué?… Porque aquí todavía soy alguien. Fuera, lejos del barrio, tengo dificultades para relacionarme con quienes parecen tener otra mirada. Entiéndame bien: no me refiero a quienes puedan mirarme con indiferencia, reparo o desprecio, sino a quienes no están en las mismas cosas que yo.

Tenía razón, el gitano. Allí arriba, en aquella colina frente a La Alhambra, la velocidad de la vida era diferente y también la forma de pensar. Desde allí uno veía la realidad, tal vez, como debería de ser y no como es.

Fue una suerte haber disfrutado de la sabiduría de aquel gitano, al que imagino sentado a la puerta de su casa esperando, todos los días, que llegue algún forastero para decirle que la realidad no se mira con gafas. Nada de mesarse los cabellos ni llorar a grito pelado por el cruel destino. Es posible que hasta procure sentarse torcido, para que le duela la espalda y, en cuanto se levante, tener así de qué quejarse.

Antes de irme, se me ocurrió hablarle no ya de mis gafas de sol, que me las quité por respeto, a pesar de que soy miope y no las uso, solo, para proteger mis ojos del exceso de luz, sino de las Google Glass. Esas gafas que llevan un dispositivo especial que permite ver la realidad aumentada. Al final, no lo hice porque me pareció absurdo. La realidad es algo utópico, es el soporte de las fantasías. Es un concepto, iluso, que no depende de las gafas ni de los ojos, sino de lo que piensa uno mismo.

Milio Mariño/ Artículo de Opinión/ Diario La Nueva España

La nueva Llei d'Asturianía

Milio Mariño
La mio collaboración nel programa Noche tras Noche de la Radio del Principáu  RTPA

El mio lio d'esta selmana trata de la proposición de llei qu'acaba d'anunciar el conseyeru de Presidencia del Gobiernu Asturianu, Guillermo Martínez, que nun sé si volvería de la xira que taba faciendo allá pola tierra de Panchu Villa.

Guillermo Martínez anunció en México qu’enantes de que se termine esta llexislatura van tener llista la Llei d'Asturianía nel Esterior. Asina, como suena…

Digo como suena porque lo primeru que llama l'atención ye'l títulu: Asturianía nel Esterior. Mialma paez que podríen tar preparando otra llei d'Asturianía nel Interior… Una llei que la so definición y efeutos sedríen los de reconocer l'orixe y los raigaños de los nacíos, y residentes, n'Asturies, que cultiven les costumes, el folclor y el llinguaxe maternu, al empar que s'esmolecen por caltener y preservar dichu orixe de forma bultable.

Pensar nuna llei asina paezme una pollinada. Ye más, nun creo qu’a naide del Gobiernu asturianu puea ocurrise-y seméyante tontura. D'ehí que me llame l'atención el títulu, eso de que, a la llei d’Asturianía, pongan-y como apellíu “nel esterior”. Suena a redundancia. Basta y sobra con Llei d'Asturianía, amestar nel esterior nun tien sentíu.

Otra cosa que llama l'atención, a pesar de que convién puntualizar que la llei ta n’estudiu, qué tamos falando d'una proposición, ye que s'acute la consideración d'asturianu más alló de lo que se reconoz a los españoles, por mediu de la representación consular. Y llama l'atención, si cueye, más entovía que s'ignore y se pase por altu la Llei de Memoria Histórica, cuya so disposición adicional séptima permite adquirir la nacionalidá española orixinaria a los nietos d'españoles.

La consecuencia, tal como ta redactada la propuesta de Llei que camentamos, ye que los nietos y nietes de los que nacieron n'Asturies van poder, si quieren, tener la nacionalidá española pero nun van ser reconocíos como asturianos.

Ehí queda eso…. Españoles buenu, pero asturianos, cuidáu…..

Nun fai falta discurrir muncho pa que paeza del too absurdu que’l nietu de dalguién que nació n’Asturies puea ser español pero non asturianu. Sobremanera si tenemos en cuenta la cantidá d'asturianos qu'emigraron a otros países y n'especial a los que colaron exiliaos o con intención de facer les amériques.

La emigración asturiana quier y merez una llei d'asturianía que meyore la que s'alcordó y entro a valir en mayu de 1984. Una nueva llei que represente un pasu alantre particularmente no que respeuta a la reconocencia de les asociaciones asturianes ensin base territorial. Y, dende llueu, que considere asturianos a los nietos de los que nacieron n'Asturies.

Asturies débe-y enforma a los asturianos qu'emigraron y nun pudieron o nun quixeron volver. Qué menos que facer una llei d’asturianía, ensin apellíos, refería a los asturianos emigrantes y a los sos descendientes, de manera que se sientan representaos y se roconoza'l so orixe y el venceyu afeutivu que, ensin dulda, caltienen con Asturies.