Lo que dicen de Hessel ye pa indignase

Milio Mariño

Stéphane Hessel foi, percima de tou, un tipu con suerte. Un privilexáu de formación elitista, nacíu nuna familia rica, que tuvo la potra de sobrevivir, nun ta claru cómo, nel campu nazi de Buchenwald, que volvió a llibrase de la muerte n'otros dos campos más, qu'entró nel cuerpu diplomáticu francés cuando acabó la guerra, que pasó más de media vida como diplomáticu na ONU y que, a los 93 años, vendió tres millones de copies d'un folletu, de 32 páxines, qu'anima a llantar cara y remontase ante les midíes qu'adopten los gobiernos pol aquello la crisis.

Qué digan de Hessel que foi un lluchador y un renovador del pensamientu críticu ye pa cortase les venes. Los mozos y menos mozos nun creo que precisaren d'un folletu como esi, que nun diz na, pa saber que taben indignaos, nin tampoco pa salir a la cai. Salieron y salen porque tán fartos. Porque tou tien una llende y estu nun hai quien lo aguante.

Lo peligrosu d’aponderar a los qu'afayen la so vocación lluchadora en pro d'una sociedá más xusta, pasaos los 90 años, ye qu'avecen a tener unes idees que coinciden, nun sé si per casualidá, col populismu prefascista de xente como Beppe Grillu y los sos "grillini" italianos. Nun quiero pensar mal pero lo mesmu ye per ehí por onde quieren empobinanos.

Corinna diz que, realmente, trabayó pa España

Milio Mariño

Corinna ye una señora, de 48 años, que vive en Mónaco y caltién una rellación de candial amistá con Xuan Carlos, al que conoz dende 2004.

Supimos d’esta sorriente y guapa señora cuando la prensa tuvo'l detalle de dicinos qu'acompañaba al Rei na cacería de Botsuana, n'abril de 2012, y volvemos a saber agora, poles sos declaraciones al diariu El Mundo.

Unes declaraciones nes que dixo que trató d'ayudar a Urdangarín buscándo-y, como-y pidió, un empléu compatible cola so posición. Pero dixo más. Dixo tamién que participó en dellos asuntos secretos y en negocios onde intervieno'l Rei, como Xefe del Estáu, puntualizando que temos tranquilos, que nun cobró del Gobiernu, que cobró de los empresarios. Lo cuál compromete y empeora, más si cueye, la situación personal ya institucional del Xuan Carlos y a los españoles déxanos plasmaos, cola cara fata de quien se siente engañáu por tou dios: por un Gobiernu de mentirosos ya corruptos y por un Rei que nun sabe, siquiera, nin aplicase a si mesmu esi refrán popular que diz: Onde tengas la olla non metas la polla.

En cualesquier país democrático esixiríase que'l Gobiernu y el Rei esplicaren el trabayu d'esta señora, non ente les sabanes, qu’eso malditu si nos interesa, pero si en nome y representación d'España.

Confiamos na xusticia porque nun hai otru remediu

Milio Mariño

Dizse que la xusticia ta politizada, y tá, qu'hai xueces prevaricadores, y ha-ylos, que nos altos tribunales campa la derechona, que foron los qu'echaron a Garzón porque destapó lo de Gürtel, y debió ser asina, pero con tou, y lo que quieran amestar, la Xusticia ye, güei, l'únicu poder del Estáu qu'inda nun ta desacreditáu dafechu. Ye l'únicu asideru al que podemos garranos porque tou lo demás cayó o ta cayendo a pedazos.

Plasma la podredume: entamando polos partíos políticos, siguiendo pola monarquía y acabando por una institución, como la Ilesia Católica, que nun forma parte del Estáu pero ye un poder d'enorme influencia dientro del mesmu.

Con esti panorama, la Xusticia ye lo únicu a lo que podemos garranos y garraríamos pa nun soltanos si punxera fin a lo que, mialma, paez que nun cuadra: Que la Infanta nun tea imputada y que Bárcenas siga saliendo, con chulería, de so casa cuando tendría que tar na cárcel.

Asina y tou, defendo la Xusticia que tenemos non porque m'entusiasme sinón porque barrunto que, d'equí a nada, apaecerá dalguién importante, como n'Italia Berlusconi, y soltará dalguna patochada, como que los xueces son una mafia, pa dinamitar la poca ilusión que nos queda.

Quijote tenemos, nos falta Sancho

Milio Mariño

"Procurad también que, leyendo vuestra historia, el melancólico se mueva a risa, el risueño la acreciente, el simple no se enfade, el discreto se admire de la invención, el grave no la desprecie, ni el prudente deje de alabarla”.

El párrafo anterior figura en el prólogo del Quijote, libro que abrí cuando concluyó el debate del estado de la nación. Me había venido la idea de que Rajoy y Rubalcaba acababan de escenificar uno de aquellos diálogos entre el Ingenioso Hidalgo y su escudero Sancho. Un diálogo para oírlo porque físicamente, a menos que Rubalcaba engorde y se afeite, no se parecen, pero oyéndolos tengo que darle la razón a Vargas Llosa, que lleva años empeñado en demostrar que la novela de Cervantes prefigura el neoliberalismo iniciado por Ronald Reagan y Margareth Thatcher.

La comparación puede parecer estrambótica pero quizá merezca un vistazo si nos atenemos a las consecuencias de unos libros caballerescos, llamados hoy de economía, que nos han llevado a que cuanto mejor están los señores peor le va al pueblo llano. Un vistazo que se vuelve interesante al advertir que la España de ahora es muy parecida a la descrita por Cervantes, pues aquella era una época en la que corría el oro, que llegaba del expolio de las Américas, pero disminuía la posibilidad de ganarse el sustento, ejerciendo un oficio o dedicándose a trabajar la tierra. El peso de la economía estaba en lo que aportaban los conquistadores, de modo que se prescindía del trabajo y aumentaba la desocupación de la gente, propiciando la aparición de rufianes y lazarillos.

En aquella España, de grandezas y miserias, Don Quijote vivía de fantasías, era inconsciente el mundo real; en cambio Sancho, que pertenecía a una clase social más explotada, solo aspiraba a tener un salario que le permitiera vivir con un mínimo de decoro. Así se refleja en el capítulo VII de la segunda parte de la obra, donde dice Sancho:

“Voy a parar en que vuestra merced me señale salario conocido de lo que me ha de dar cada mes el tiempo que le sirviere, y que el tal salario se me pague de su hacienda; que no quiero estar a mercedes, que llegan tarde, o mal, o nunca”.

A lo cual don Quijote responde: “Mira, Sancho, yo bien te señalaría salario, si hubiera hallado en alguna de las historias de los caballeros andantes ejemplo; pero yo he leído todas o las más de sus historias, y no me acuerdo de haber leído que ningún caballero haya señalado salario a su escudero. De modo que si no queréis venir a merced conmigo, que Dios quede con vos y os haga un santo; que a mí no me faltarán escuderos más obedientes, más solícitos, y no tan empachados”.

La idea de nuestro hidalgo, el Presidente del Gobierno, viene a ser la misma: que vayamos a merced de lo que propone y que, si acaso, al final del tránsito y después de mucho sacrificio, igual alcanzamos la recompensa de alguna ínsula.

¿Qué se quiere decir con esto? Pues poco, o casi nada. Uno no llega a tanto como Vargas Llosa. Si acaso que Quijote tenemos, lo que no tenemos, y echamos en falta, es un Sancho fuerte que detenga los disparates y desvaríos del caballero. Un Sancho que, como en la obra de Cervantes, haga que don Quijote entre en razones.

 Milio Mariño/ Artículo de Opinión/ La Nueva España

Fai un fríu que pela, pero na cai tase caliente

Milio Mariño

Va unos artículos, falaba del fríu enfotáu que nun volveríemos a velo esti iviernu, pero acabo de llevantame y veo que’l mui cabrón acesma tres los cristales. De momentu va xodese; toi a cubiertu esfrutando del calorín d'un almuerzu caseru mientres escucho a Beegie Adair, al pianu, tocando les canciones de los Beatles.

Tampoco creáis que siempre me llevanto asina de tienru, hai díes qu'inauguro la mañana col tex-mex de Flaco Jiménez. Otros con nada, con un café, unes tostaes y la priesa por poneme delantre la pantalla a sabiendes de que voi a encabroname cola perda de drechos y llibertaes qu’atopare nes noticies, colo que tanto nos costó conquistar y tamos perdiendo.

Dios me llibre de presumir pero na conquista d’esos drechos, unu tuvo so parte. Por eso, después, a la tarde, sí que voi dir escontra del fríu, porque nin la ñeve, nin l'agua, nin el xarazo van torgar que salga a manifestame. Voi dir bien abrigáu, sobremanera pa que non me reconozan nin los amigos. Nun quiero velos, son más de trenta años caminando y, tal día como güei, fastidiaríame volver atopalos onde tábemos al entamu.

Esa foto preciosa ye de Chema Madoz

De vuelta al ruedu, parllamentariu

Milio Mariño

Mentes los del Gobiernu remataben la faena col descabellu de los partiducos pequeños, un Navarro que diz ser catalán, socialista y republicanu pero que, pa min, nun sabe lo que ye pidia otru Rei. Eso sí, provisional. Quiero suponer que por otros 30 años, que sedrá cuando Felipe cumpla los 75 y Letizia engorde dos quilos o trés.

Armóse un pelín de revuelu pero nin putu casu, los diputaos del PP taben a lo suyu, aplaudiendo a Rajoy nun semicírculu que paecía la Monumental. Fuera, na cai, Bárcenas llevantaba acta, ante notariu, de la llista de donantes y agraciaos y Alicia Sánchez Camacho facía d'alguacil alguaciláu, solidarizándose coles compañeres y compañeros del partíu pa que seyan más a facer el ridículu.

Entrín y non, pa que la fiesta fuere dafecho, una Secretaria de Emarsa declaraba qu'ella mesma, en persona, llevó-y dos bolsos de Loewe a Rita Barberá. Colo cual, a esti pasu, mialma que nun va quedar señora del PP que nun recibiera un bolsu de barakalofi, que ye como-y llamen los calés.

Concluyimos el repasu colo dicho por ERC y el Financial Times, con que'l Gobiernu subvenciona con 700 millones d'euros la fiesta de los toros. Con razón diz la drecha que Rajoy tuvo de vuelta al ruedu.

Rajoy imita a Calígula.

Milio Mariño

Cuenta la hestoria que Calígula publicó un documentu colos rexistros de los gastos que realizara l'emperador, daqué que nunca ficiera Tiberio nin dengún otru. De la mesma, tamién entamó un conxuntu de reformes públiques qu'acabaron por arruinar el tesoru y depués, apuráu poles deudes, punxo en marcha una serie de midíes desesperaes pa restablecer les finances, ente les que destacó la de pidir dineru a la plebe.

Lo que pasó naquella dómina na que’l Imperiu Romano taba gobernáu por visionarios y corruptos ye lo que ta pasando en Madrid. La hestoria bien ser siempre la mesma anque los protagonistes vistan, nun casu toga de seda y corona de lloréu y nel otru traxe y corbata y un tintazu pal pelu.

Figuráivos si sedrá paecíu que Calígula acabó creyéndose dios y dio-y un cargu políticu a un caballu. Por esi camín va Mariano que, arrodiáu de pelotes y llambeculos, ayer, nel debade de la nación, vienose arriba y calcó’l discursu d'aquel líder africanu que dixo dirixéndose al pueblu: “Compatriotes, el nuesu país taba nel cantu del abismu, pero entós llegué yo al poder y dimos un pasu al frente”.