Milio Mariño
(La mio collaboración nel programa Noche tras Noche de la RPA, la radio Pública del Principáu)
.jpg)
El mi lio d'esta selmana ye por esi espectáculu, tipu Les Vegues, que pensaben facer nel Hotel Reconquista, el próximu 6 de xunu. Nueche de boxéu Premiun n'Uviéu, anunciaben pa una velada qu'incluyía una petitosa cena, n'unu de los salones del hotel, y depués dellos combates de boxéu destacando la participación del uvieín Diamante Nieto, bicampeón d'España del pesu welter.
Los organizadores llegaren a un alcuerdu col Grupu Meliá, que ye quien xestiona l'hotel, pero la empresa propietaria ye Hoasa, que ta participada pol Principáu y, al paecer, según ellos, naide yos preguntó si taben d’alcuerdo, razón pola cuál decidieron paralizar la velada.
Dicen los organizadores que nun foi por eso, que ye un caprichu políticu… Y como entienden que los caprichos nun puen consentise tán dispuestos a llevar al Principáu a los tribunales si la cosa va p’alantre y, a la fin, nun puen celebrar esa cena con boxéu a los postres.
Les postures d’unos y otros tán dando abondo que falar… Y, claro, hai opiniones pa tolos gustos. Hai quien diz q’un espectáculu asina menosprecia la imaxe del Reconquista, que vendría a ser como dexar cayer un borrón nel prestixu históricu d'un hotel emblemáticu venceyáu a la familia Real y a los Premios Príncipe d'Asturies.
Ún de los que más ta llevantando la voz ye Antonio Masip… Diz Masip que: "Puestos a tener ocurrencies, en llugar d’esi despropósitu, podíen celebrar una corría de toros pa lo que yá tendríen una instalación en forma de ruedu cubiertu nel Salón Cuadonga onde podríen asitiar los palcos y los tendíos… Tamién dixo que les antigües caballerices del Real Hospiciu podríen rescatase como toriles y cuadres con espacios pa los monosabios y demás participantes".
Dexando fueraparte si pue ser meyor o peor pal prestixu del Reconquista, organizar una cena y un conciertu de bofetaes, entrúgome pola visión comercial de los promotores… Nun entiendo que digan que quieren poner al Reconquista a l’altura d’un hotel de Les Vegues… Coyéndolos pola palabra asocédeme qu'Uviéu ye a Les Vegues lo que Corvera a Nevada.
Prohibir ta feu. Si un promotor quier llevar boxéu al Reconquista como si quier organizar una ópera nel campu fútbol de La Pixarra, él sabrá lo que fai. Siempre que non lo faiga con subvenciones o dineru público, allá penes. Otra cosa ye lo que dicen del prestixu del hotel y el so venceyu cola familia real.
Ehí yá nun entro. Igual el prestixu del Reconquista rexéntese más por una velada de boxéu que por agospiar a venti corruptos….Son coses mui complicaes.
Eso por una parte… Y pola otra…. Polo que se refier a la opinión de la Familia Real, ye pa barruntar que son más aficionaos a la caza qu'al cuadrilláteru pero como tampoco naide yos pidió paecer, quien sabe si non mos dan una respuesta que nos dexa KO.
(La mio collaboración nel programa Noche tras Noche de la RPA, la radio Pública del Principáu)
Los organizadores llegaren a un alcuerdu col Grupu Meliá, que ye quien xestiona l'hotel, pero la empresa propietaria ye Hoasa, que ta participada pol Principáu y, al paecer, según ellos, naide yos preguntó si taben d’alcuerdo, razón pola cuál decidieron paralizar la velada.
Dicen los organizadores que nun foi por eso, que ye un caprichu políticu… Y como entienden que los caprichos nun puen consentise tán dispuestos a llevar al Principáu a los tribunales si la cosa va p’alantre y, a la fin, nun puen celebrar esa cena con boxéu a los postres.
Les postures d’unos y otros tán dando abondo que falar… Y, claro, hai opiniones pa tolos gustos. Hai quien diz q’un espectáculu asina menosprecia la imaxe del Reconquista, que vendría a ser como dexar cayer un borrón nel prestixu históricu d'un hotel emblemáticu venceyáu a la familia Real y a los Premios Príncipe d'Asturies.
Ún de los que más ta llevantando la voz ye Antonio Masip… Diz Masip que: "Puestos a tener ocurrencies, en llugar d’esi despropósitu, podíen celebrar una corría de toros pa lo que yá tendríen una instalación en forma de ruedu cubiertu nel Salón Cuadonga onde podríen asitiar los palcos y los tendíos… Tamién dixo que les antigües caballerices del Real Hospiciu podríen rescatase como toriles y cuadres con espacios pa los monosabios y demás participantes".
Dexando fueraparte si pue ser meyor o peor pal prestixu del Reconquista, organizar una cena y un conciertu de bofetaes, entrúgome pola visión comercial de los promotores… Nun entiendo que digan que quieren poner al Reconquista a l’altura d’un hotel de Les Vegues… Coyéndolos pola palabra asocédeme qu'Uviéu ye a Les Vegues lo que Corvera a Nevada.
Prohibir ta feu. Si un promotor quier llevar boxéu al Reconquista como si quier organizar una ópera nel campu fútbol de La Pixarra, él sabrá lo que fai. Siempre que non lo faiga con subvenciones o dineru público, allá penes. Otra cosa ye lo que dicen del prestixu del hotel y el so venceyu cola familia real.
Ehí yá nun entro. Igual el prestixu del Reconquista rexéntese más por una velada de boxéu que por agospiar a venti corruptos….Son coses mui complicaes.
Eso por una parte… Y pola otra…. Polo que se refier a la opinión de la Familia Real, ye pa barruntar que son más aficionaos a la caza qu'al cuadrilláteru pero como tampoco naide yos pidió paecer, quien sabe si non mos dan una respuesta que nos dexa KO.
No hay comentarios:
Publicar un comentario
Milio Mariño