Milio Mariño
La mio collaboración de los xueves nel Programa de la RPA Noche tras Noche.
El mi lio d'esta selmana ye'l lio que tienen toles families. Ye acertar colos xuguetes… Colo que sía que faiga ilusión al fíu, al sobrín al ñetu… Y, de pasu, a nós mesmos porque los adultos tenemos la mesma necesidá que los neños, o más inclusu, de xugar y somorguianos na maraviyosa fantasía de la ficción.
Lo meyor de too ye qu'agora podemos xugar ensin escondenos. Ensin sentir la vergoña que sentíen los nuesos pás.
Menos mal porque, quiciás, la única forma qu'unu tien de soportar esta vida ye safándose de la realidá y faciendo como si fuere un neñu. Abellugándose nesi espaciu difusu que nos unvia a la infancia y fai que nos escaezamos de los problemes, anque sía por un momentu.
Falábemos de xuguetes… Y, si facemos casu de lo que diz la TIA, la Toy Industry Association, que ye l'Asociación de la Industria del Xuguete, nunca, como agora, se vendieron tantos xuguetes pa los mayores. Quier dicise xuguetes sofisticaos porque los neños siguen xugando colos mesmos xuguetes de siempre. Asina que ye bobada rompese la cabeza.
Nun-y dean vueltes. La industria del xuguete tienlo mui claro: diz que lo retro y lo básicu vuelve a llevase. Que los xuguetes antiguos gusten muncho a los neños y tamién a los padres y los güelos, qu’alcuerden con ciñu los xuguetes de la so infancia y tán mui contentos de poder compartir les sos alcordances colos más pequeños.
De mou que, pa estos Reis, anuncien xuguetes grandes a precios afayadizos. Al paecer, vuelven les cases de muñeques, los coches, camiones, trenes y peluches; les cunes, los triciclos, los cochucos de muñequines y tolo que se refier a lo que llamen xuegos d'imitación. Xuegos qu'inclúin La Cucomix, que, polo visto, va ser ún de los xuguetes estrella y consiste en tou lo necesario pa que los neños xueguen a ser chefs de cocina, semeyando los concursos de la tele. Asina que los que compren esi cacharru yá puen dir preparándose cola que puen lliar los neños en casa.
Los xuguetes Wii y los xuegos de consola y d'ordenador, son cosa de los adolescentes y los mayores. Como tamién lo serán los calzonciellos y los calcetos qu’a bon seguru nun van faltar.
Xuntándolo tou, lo que quieren los mayores y los pequeños, pue dar como resultáu que, nel salón de casa, los neños ten xugando a imitar la vida real, que ye a lo qu’avecen, siempre, a xugar, y los padres tentando safase d’ella con esos xuguetes que los lleven al mundu de la ficción.
Apuesto a qu’eso va ser lo que se de na mayoría les cases. De mou que vamos tener que fialo tou a los neños pos mientres ellos xueguen a imitar la vida real, nos, los mayores, seguru que vamos escoyer la ficción pa xugar a vencer les penalidaes, con un mandu a distancia, dende la comodidá del sofá.
El mi lio d'esta selmana ye'l lio que tienen toles families. Ye acertar colos xuguetes… Colo que sía que faiga ilusión al fíu, al sobrín al ñetu… Y, de pasu, a nós mesmos porque los adultos tenemos la mesma necesidá que los neños, o más inclusu, de xugar y somorguianos na maraviyosa fantasía de la ficción.
Lo meyor de too ye qu'agora podemos xugar ensin escondenos. Ensin sentir la vergoña que sentíen los nuesos pás.
Menos mal porque, quiciás, la única forma qu'unu tien de soportar esta vida ye safándose de la realidá y faciendo como si fuere un neñu. Abellugándose nesi espaciu difusu que nos unvia a la infancia y fai que nos escaezamos de los problemes, anque sía por un momentu.
Falábemos de xuguetes… Y, si facemos casu de lo que diz la TIA, la Toy Industry Association, que ye l'Asociación de la Industria del Xuguete, nunca, como agora, se vendieron tantos xuguetes pa los mayores. Quier dicise xuguetes sofisticaos porque los neños siguen xugando colos mesmos xuguetes de siempre. Asina que ye bobada rompese la cabeza.
Nun-y dean vueltes. La industria del xuguete tienlo mui claro: diz que lo retro y lo básicu vuelve a llevase. Que los xuguetes antiguos gusten muncho a los neños y tamién a los padres y los güelos, qu’alcuerden con ciñu los xuguetes de la so infancia y tán mui contentos de poder compartir les sos alcordances colos más pequeños.
De mou que, pa estos Reis, anuncien xuguetes grandes a precios afayadizos. Al paecer, vuelven les cases de muñeques, los coches, camiones, trenes y peluches; les cunes, los triciclos, los cochucos de muñequines y tolo que se refier a lo que llamen xuegos d'imitación. Xuegos qu'inclúin La Cucomix, que, polo visto, va ser ún de los xuguetes estrella y consiste en tou lo necesario pa que los neños xueguen a ser chefs de cocina, semeyando los concursos de la tele. Asina que los que compren esi cacharru yá puen dir preparándose cola que puen lliar los neños en casa.
Los xuguetes Wii y los xuegos de consola y d'ordenador, son cosa de los adolescentes y los mayores. Como tamién lo serán los calzonciellos y los calcetos qu’a bon seguru nun van faltar.
Xuntándolo tou, lo que quieren los mayores y los pequeños, pue dar como resultáu que, nel salón de casa, los neños ten xugando a imitar la vida real, que ye a lo qu’avecen, siempre, a xugar, y los padres tentando safase d’ella con esos xuguetes que los lleven al mundu de la ficción.
Apuesto a qu’eso va ser lo que se de na mayoría les cases. De mou que vamos tener que fialo tou a los neños pos mientres ellos xueguen a imitar la vida real, nos, los mayores, seguru que vamos escoyer la ficción pa xugar a vencer les penalidaes, con un mandu a distancia, dende la comodidá del sofá.
No hay comentarios:
Publicar un comentario
Milio Mariño