Milio Mariño
La mio collaboración de los xueves nel programa de la RPA Noche tras Noche
El mi lio d'esta selmana ye pol trasiegu de candidatos que se ta dando n'Asturies a cien díes de les eleiciones. Por unu que marcha –Cascos- otru que vuelve –Llamazares- y dalgunos que yá taben equí, como Daniel Ripa y Emilio León, pero que dieron el pasu de presentase col nome de Somos Asturies, que sedrá lo quieran los electores pero que d'entrada choca que yá entamaren por atribuyise qu'Asturies son ellos y si dalguién nun ta d'alcuerdu, hai que ver sinón lu tomarán por cazurru o siguidor del moru Munuza.
Pachu Cascos, fundador de Foru, anunció que lo dexa, colo cuál l'únicu partíu que presumía de ser dafechu asturianu ye previsible que pierda una bona parte del so electoráu, consiguíu con sangre, sudor y llárimes.
Naide pue negar que n'Asturies hai un gran sentimientu nacionaliegu, una conciencia social y cultural forxada sobre la base d'una economía, una xeografía, unes costumes y un idioma bien definíos, pero que nunca tuvieron una proyección política significativa, a pesar de qu'a diferencia d’otres Comunidaes, equí nun tuvimos qu'inventanos una entidá histórica pal accesu al autogobiernu, como manda l'art 143 de la Constitución Española.
Equí, entidá histórica tenemos de sobra, pero los partíos nacionalistes nunca tuvieron ésitu nes eleiciones. Intentos hubo munchos, pero quitando aquel PAS de Xuan Xosé Sánchez Vicente, que sacó un diputáu, o l'URAS de Sergio Marqués, que sacó trés, nengún consiguió trunfar hasta que llegó Pachu Cascos con Foru y llogró 16 diputaos colos que gobernó malpenes un añu, en solitariu, y al nun consiguir sofitos, tuvo que convocar nueves elecciones, nes que perdió cuatro escaños y cualquier posibilidá de gobernar.
De cara a mayu, con Foru n'hores baxes, el PP y el PSOE abonaos al centralismu, y en retrocesu, ya IU en posición de si pero vamos ver, paez que Podemos pue ser la única fuerza que se presente defendiendo la identidá asturiana… Como una fuerza que, per primer vegada, faiga posible que'l nacionalismu asturiano d'esquierdes puea llegar a gobernar n'Asturies.
Si se diera'l casu, si Podemos consiguiera ganar les eleiciones, queden munches coses por estenar. Queden munches incógnites nel aire, dalgunes que nin siquier se plantegaron y otres que paecen coyíes con anfileres. Dellos nacionalistes reconocíos d'esquierdes como Xune Elipe, de Dixebra, o Xandru Fernández, escritor apostaron en principiu pola nueva formación pero condicionen el so sofitu definitivu a la postura que s'adopte tocantes a la normalización del asturianu y a les midíes que se tomen nos 100 primeros díes de lo que llamen el gobiernu de la bona xente.
Tamos nun momentu que pue ser históricu, nuna nueva etapa na qu'unos siguen, otros marchen, dalgún vuelve y dellos que taben equí espierten y apuesten por comprometese. Óxala sía pa bien… Asturies y los asturianos merecemos lo meyor.
La mio collaboración de los xueves nel programa de la RPA Noche tras Noche
Pachu Cascos, fundador de Foru, anunció que lo dexa, colo cuál l'únicu partíu que presumía de ser dafechu asturianu ye previsible que pierda una bona parte del so electoráu, consiguíu con sangre, sudor y llárimes.
Naide pue negar que n'Asturies hai un gran sentimientu nacionaliegu, una conciencia social y cultural forxada sobre la base d'una economía, una xeografía, unes costumes y un idioma bien definíos, pero que nunca tuvieron una proyección política significativa, a pesar de qu'a diferencia d’otres Comunidaes, equí nun tuvimos qu'inventanos una entidá histórica pal accesu al autogobiernu, como manda l'art 143 de la Constitución Española.
Equí, entidá histórica tenemos de sobra, pero los partíos nacionalistes nunca tuvieron ésitu nes eleiciones. Intentos hubo munchos, pero quitando aquel PAS de Xuan Xosé Sánchez Vicente, que sacó un diputáu, o l'URAS de Sergio Marqués, que sacó trés, nengún consiguió trunfar hasta que llegó Pachu Cascos con Foru y llogró 16 diputaos colos que gobernó malpenes un añu, en solitariu, y al nun consiguir sofitos, tuvo que convocar nueves elecciones, nes que perdió cuatro escaños y cualquier posibilidá de gobernar.
De cara a mayu, con Foru n'hores baxes, el PP y el PSOE abonaos al centralismu, y en retrocesu, ya IU en posición de si pero vamos ver, paez que Podemos pue ser la única fuerza que se presente defendiendo la identidá asturiana… Como una fuerza que, per primer vegada, faiga posible que'l nacionalismu asturiano d'esquierdes puea llegar a gobernar n'Asturies.
Si se diera'l casu, si Podemos consiguiera ganar les eleiciones, queden munches coses por estenar. Queden munches incógnites nel aire, dalgunes que nin siquier se plantegaron y otres que paecen coyíes con anfileres. Dellos nacionalistes reconocíos d'esquierdes como Xune Elipe, de Dixebra, o Xandru Fernández, escritor apostaron en principiu pola nueva formación pero condicionen el so sofitu definitivu a la postura que s'adopte tocantes a la normalización del asturianu y a les midíes que se tomen nos 100 primeros díes de lo que llamen el gobiernu de la bona xente.
Tamos nun momentu que pue ser históricu, nuna nueva etapa na qu'unos siguen, otros marchen, dalgún vuelve y dellos que taben equí espierten y apuesten por comprometese. Óxala sía pa bien… Asturies y los asturianos merecemos lo meyor.
No hay comentarios:
Publicar un comentario
Milio Mariño