Milio Mariño
La mio collaboración nel Programa Noche tras Noche
El mio lio d'esta selmana ye pa camentar esi problema que tenemos los homes cuando vamos a la playa. Refiérome a los homes xovenes porque cuando un home algama la edá que yo tengo acabóse la historia. Yá pue dir a la playa ensin más esmolición qu'un traxe de bañu discretu, una toballa, una gorra y un llibru de doscientes páxines. A estes altures yá nun tenemos que preocupanos por dalgo que la bona educación prohibe dafechu. que l'home exhiba, por elevación de la prenda, cualquier bultu, por pequeñu o grande que seya, nel área de la entepierna.
Ciertu que ye una prohibición, nun escrita, que nun figura en sitiu denguno pero, por más que pasen los años, entá sigue vixente a pesar de que ta demostráu, por rigorosos estudios científicos, que'l músculu que la causa espurre y encueye a caprichu, ensin atender a razones de pesu nin a órdenes del celebru. Obedez, puramente, a un impulsu irrefrenable que solu afloxa o desapaez col pasu los años.
Por eso dicía, enantes, que dalguna ventaya teníamos que tener los homes cuando nos vamos faciendo mayores. De toles maneres pienso que yá ta bien de padecer, en silenciu, esi problema del bultu que nos ablaya y nos da tanta rabia. Si porque los homes, sobremanera los xovenes, siempre tienen que tar pendientes, nun puen esfrutar de la playa cola despreocupación y el relaxo que lo faen les muyeres.
Lo curiosu, lo chocante, ye que la ciencia, que resolvió problemes de muncha menor importancia, nun s'ocupara de lliberar al home d'una rémora que lu delata y lu espón a situaciones risibles.
Igual qu'inventaron compreses que lliberen y dan ales a les muyeres, podríen inventar dalgo pa que los homes pudieren pasiar en traxe de bañu seguros de que’l músculu masculín ta en posición de descansu y namás obedez a la voz del so amu.
Viendo lo qu'avanzó la ciencia, esi problema tendría que tar resueltu… Y la custión ye que ta, lo que non s’entiende ye por qué nun s'espublizó de forma que tolos homes lo sepan.
El remediu, o'l trucu, como quieran llamalo, diolo a conocer, cuantayá, el profesor Tompkins, de la Universidá de Cracovia, nun simposiu sobre la enerxía corporal qu'esbardiamos. Ya saben: los sollutos, les ventosidaes, los estornuos, les ereiciones en baldre…. Toa esa enerxía que sal del cuerpu al baudite y nun s’aprovecha.
El profesor Tompkins afita que cualquier home que quiera llibrase d'una ereición playera, imprevista, namás tien qu’enterrar los pies n’arena y espurrir y encoyer los deos, con fuercia, de forma alterna. Si lo fai apriesa, la ereición primeru mengua y, lluéu, desapaez. Yá ven que fácil. Y ye que, polo xeneral, les coses cencielles son les más eficacies. De toes maneres yo llimítome a dicir lo que dixo Tompkins. Depués allá cada cuál si quier, o nun quier, facer la preba.
El mio lio d'esta selmana ye pa camentar esi problema que tenemos los homes cuando vamos a la playa. Refiérome a los homes xovenes porque cuando un home algama la edá que yo tengo acabóse la historia. Yá pue dir a la playa ensin más esmolición qu'un traxe de bañu discretu, una toballa, una gorra y un llibru de doscientes páxines. A estes altures yá nun tenemos que preocupanos por dalgo que la bona educación prohibe dafechu. que l'home exhiba, por elevación de la prenda, cualquier bultu, por pequeñu o grande que seya, nel área de la entepierna.
Ciertu que ye una prohibición, nun escrita, que nun figura en sitiu denguno pero, por más que pasen los años, entá sigue vixente a pesar de que ta demostráu, por rigorosos estudios científicos, que'l músculu que la causa espurre y encueye a caprichu, ensin atender a razones de pesu nin a órdenes del celebru. Obedez, puramente, a un impulsu irrefrenable que solu afloxa o desapaez col pasu los años.
Por eso dicía, enantes, que dalguna ventaya teníamos que tener los homes cuando nos vamos faciendo mayores. De toles maneres pienso que yá ta bien de padecer, en silenciu, esi problema del bultu que nos ablaya y nos da tanta rabia. Si porque los homes, sobremanera los xovenes, siempre tienen que tar pendientes, nun puen esfrutar de la playa cola despreocupación y el relaxo que lo faen les muyeres.
Lo curiosu, lo chocante, ye que la ciencia, que resolvió problemes de muncha menor importancia, nun s'ocupara de lliberar al home d'una rémora que lu delata y lu espón a situaciones risibles.
Igual qu'inventaron compreses que lliberen y dan ales a les muyeres, podríen inventar dalgo pa que los homes pudieren pasiar en traxe de bañu seguros de que’l músculu masculín ta en posición de descansu y namás obedez a la voz del so amu.
Viendo lo qu'avanzó la ciencia, esi problema tendría que tar resueltu… Y la custión ye que ta, lo que non s’entiende ye por qué nun s'espublizó de forma que tolos homes lo sepan.
El remediu, o'l trucu, como quieran llamalo, diolo a conocer, cuantayá, el profesor Tompkins, de la Universidá de Cracovia, nun simposiu sobre la enerxía corporal qu'esbardiamos. Ya saben: los sollutos, les ventosidaes, los estornuos, les ereiciones en baldre…. Toa esa enerxía que sal del cuerpu al baudite y nun s’aprovecha.
El profesor Tompkins afita que cualquier home que quiera llibrase d'una ereición playera, imprevista, namás tien qu’enterrar los pies n’arena y espurrir y encoyer los deos, con fuercia, de forma alterna. Si lo fai apriesa, la ereición primeru mengua y, lluéu, desapaez. Yá ven que fácil. Y ye que, polo xeneral, les coses cencielles son les más eficacies. De toes maneres yo llimítome a dicir lo que dixo Tompkins. Depués allá cada cuál si quier, o nun quier, facer la preba.
No hay comentarios:
Publicar un comentario
Milio Mariño