Milio Mariño
La mio collaboración nel programa Noche tras Noche de la RPA
.jpg)
El mio lio d'esta selmana vien pol aquello de que los ganaderos asturianos yá entamen a notar los efeutos del vetu de Rusia a determinaos productos europeos como la lleche y la carne.
Ye pa facese cruces. Quién podía imaxinar, va unos años, qu'un xatu que se cría en Campu Casu diba acabar nuna carnicería de Stalingrado o que la lleche d'una vaca de Gozón diba vendese nun supermercáu de Vladivostok.
Paez ciencia ficción…Pero non lo ye. Entovía m’alcuerdo del xustu que llevé, fai tiempu, cuando vi a un negru calzáu con madreñes, sacando pataques nuna tierra revirada al pie de la carretera, camín de Villaviciosa.
Tuvi que parar a tomar un café. ¿Que-y pasa?... Entrugóme’l chigreru que debió veme pálidu… Pasame que, según venía en coche, acabo de ver a un negru calzáu con madreñes y una fesoria na mano.
Tome’l café qu’a la copa convídolo yo… Lo qu’acaba de ver ye mui fuerte, dixo’l chigreru.
Nun crean que lo invento, pasóme daveres. Depués, cuando me tranquilicé un pocu, pensé que yera ún, otru más, de los munchos efeutos de la globalización, pero costóme aceutalo. Como tamién cuesta aceutar q’un xatu que se cría en Campu Casu acabe fecho filetes nuna carnicería de Stalingrado.
Puen llamame aldeanu, si quieren, pero nun ye fácil imaxinar que les coses camuden asina. De toles maneres, ye lo qu'hai. Y lo qu'hai ye que Putín tomó esa midía, eso de nun compranos carne nin lleche, nun contestu xeneral nel qu’Asturies salió perxudicada de rebote. Si, porque toi convencíu de que non lu fixo arrede. Los asturianos siempre, o casi siempre, tratamos bien a los rusos. Yá sé que ye otru cantar pero basta ver como acoyimos a los virtuosos de Moscu… O, a Onopko, Lediacov, Nikiforod y Cherichev.
Ehí ta… Que nun creo que tengan quexa. Anque bonu, ye xusto reconocer qu'hubo un tiempu, non mui alloñáu, nel que los asturianos teníamos la zuna bautizar a los perros con nomes como Zar o Trosky. De toes maneres tamién llamábamos a munches vaques Morica y nin los árabes nin naide se quexó nunca, nin lu tomó por dalgo ofensivu o racista.
Pero eso ye lo de menos… Lo que daveres importa ye que Rusia taba dándo-yos la vida a los ganaderos asturianos. L'añu pasáu, por exemplu, la venta de carne a los rusos superó, de llargu, el millón y mediu d'euros. Son munches perres. Y, a mín, polo menos non me cayó en sacu rotu. Llevóme a facer una consideración na que Putín, pa m’idea, nun cayó. La carne de les nueses vaques y xatos tien la denominación de Roxa. De mou que si Putín fuere llistu fadría una esceición con Asturies. Interesa-y más a él qu’a nós… Algama y sobra con que se faga esta entruga: ¿Habrá cosa meyor pa los roxos que comer carne roxa?... ¡ Home calla….!
La mio collaboración nel programa Noche tras Noche de la RPA
Ye pa facese cruces. Quién podía imaxinar, va unos años, qu'un xatu que se cría en Campu Casu diba acabar nuna carnicería de Stalingrado o que la lleche d'una vaca de Gozón diba vendese nun supermercáu de Vladivostok.
Paez ciencia ficción…Pero non lo ye. Entovía m’alcuerdo del xustu que llevé, fai tiempu, cuando vi a un negru calzáu con madreñes, sacando pataques nuna tierra revirada al pie de la carretera, camín de Villaviciosa.
Tuvi que parar a tomar un café. ¿Que-y pasa?... Entrugóme’l chigreru que debió veme pálidu… Pasame que, según venía en coche, acabo de ver a un negru calzáu con madreñes y una fesoria na mano.
Tome’l café qu’a la copa convídolo yo… Lo qu’acaba de ver ye mui fuerte, dixo’l chigreru.
Nun crean que lo invento, pasóme daveres. Depués, cuando me tranquilicé un pocu, pensé que yera ún, otru más, de los munchos efeutos de la globalización, pero costóme aceutalo. Como tamién cuesta aceutar q’un xatu que se cría en Campu Casu acabe fecho filetes nuna carnicería de Stalingrado.
Puen llamame aldeanu, si quieren, pero nun ye fácil imaxinar que les coses camuden asina. De toles maneres, ye lo qu'hai. Y lo qu'hai ye que Putín tomó esa midía, eso de nun compranos carne nin lleche, nun contestu xeneral nel qu’Asturies salió perxudicada de rebote. Si, porque toi convencíu de que non lu fixo arrede. Los asturianos siempre, o casi siempre, tratamos bien a los rusos. Yá sé que ye otru cantar pero basta ver como acoyimos a los virtuosos de Moscu… O, a Onopko, Lediacov, Nikiforod y Cherichev.
Ehí ta… Que nun creo que tengan quexa. Anque bonu, ye xusto reconocer qu'hubo un tiempu, non mui alloñáu, nel que los asturianos teníamos la zuna bautizar a los perros con nomes como Zar o Trosky. De toes maneres tamién llamábamos a munches vaques Morica y nin los árabes nin naide se quexó nunca, nin lu tomó por dalgo ofensivu o racista.
Pero eso ye lo de menos… Lo que daveres importa ye que Rusia taba dándo-yos la vida a los ganaderos asturianos. L'añu pasáu, por exemplu, la venta de carne a los rusos superó, de llargu, el millón y mediu d'euros. Son munches perres. Y, a mín, polo menos non me cayó en sacu rotu. Llevóme a facer una consideración na que Putín, pa m’idea, nun cayó. La carne de les nueses vaques y xatos tien la denominación de Roxa. De mou que si Putín fuere llistu fadría una esceición con Asturies. Interesa-y más a él qu’a nós… Algama y sobra con que se faga esta entruga: ¿Habrá cosa meyor pa los roxos que comer carne roxa?... ¡ Home calla….!
No hay comentarios:
Publicar un comentario
Milio Mariño