Milio Mariño
(La mio collaboración nel programa de la RPA Noche tras Noche)
El mi lio d'esta selmana tien que ver coles fartures de branu. Colo muncho que nos presta danos un homenaxe y con esa rémora de prohibinos tantes coses que los hai que pa comer unos callos, una fabada o unos güevos con chorizu y pataques frites, tienen que facelo a escondíes como si esnifaren una raya de coca.
Nun desaxero… Hasta esi puntu llegamos… Y nun ye culpa del médicu… El médicu enterase de lo que s'entera. Lo peor son les cigues qu’anden al rau dando conseyos… El cuñáu simpáticu, la muyer que tantu te quier y ta siempre al quite, esi amiguín del alma… Tolos que, cuando esfriegues les manes anunciando que vas comer lo que más te presta, alcuérdente que yá verás cómo te fai dañu… Eso dicen enantes de recitar esi repertoriu de comíes murnies que, al paecer, son mui sanes pero duldo que puean face-y dalgún bien a naide.
Al cuerpu hai que da-y lo que-y gusta. Y lo que-y gusta ye comer bien y comer cómodu. Por qu’ésa ye otra, el sitiu tamién importa. Importa que sía prestosu, llimpiu, cenciellu y ensin l'aforfugu d'esos camareros fisgones que non te quiten la vista d'enriba.
Pa esfrutar, daveres, hai que comer sentáu nuna siella y detrás d'una mesa con mantel de filo, platos reondos y cubiertos ensin esaxerar. Nun alderico que pa dalgunos sía una delicia comer nun monte, sentaos nuna piedra, col platu ente les piernes y espantando les mosques, pero yo sacrifico esi esfrute y quédome cola vulgaridá d'un asientu alcontradizu y una mesa ensin apretures.
Y, yá puestos, tamién pido comer ensin priesa. Sobre tou agora en branu, que podemos danos el luxu d'emplegar el tiempu necesariu qu’esixe una bona comida. Un tiempu p'abrir l’apetítu y otru pa cerralo. Un par d'hores pa dir abriendo boca, col aperitivu, la sidra y los vinos o la cerveza, y trés o cuatro pa cerrala y sellar el cerroxu col sabor del café, la copa, el puru y la tertulia.
Comer bien y comer cómodu ye un trámite pue durar dende les doce o la una del mediudía hasta les seis o les siete la tarde. A esa hora yá podemos llevantanos de la mesa pa dir a la romería. Anque buenu, tamién pue ser que, bien comíos y bien bebíos, optemos por una bona siesta enantes que pola tertulia. Refiérome a la siesta del pigazu porque la otra, el desenfreno eróticu d'un amor imprevistu nuna furtiva y fresca alcoba de branu, nun ye mui aconseyable dempués d'una bona fartura. Cada cosa al so tiempu. Nun convién mezclar, al empar, los cuatro placieres más grandes que nos da la vida. Qué nun sé pa ustedes pero pa min son: comer, dormir, futiar y ca… Buenu, el cuartu vamos dexalo en blancu y que caún ponga’l que más-y pete.
(La mio collaboración nel programa de la RPA Noche tras Noche)
El mi lio d'esta selmana tien que ver coles fartures de branu. Colo muncho que nos presta danos un homenaxe y con esa rémora de prohibinos tantes coses que los hai que pa comer unos callos, una fabada o unos güevos con chorizu y pataques frites, tienen que facelo a escondíes como si esnifaren una raya de coca.
Nun desaxero… Hasta esi puntu llegamos… Y nun ye culpa del médicu… El médicu enterase de lo que s'entera. Lo peor son les cigues qu’anden al rau dando conseyos… El cuñáu simpáticu, la muyer que tantu te quier y ta siempre al quite, esi amiguín del alma… Tolos que, cuando esfriegues les manes anunciando que vas comer lo que más te presta, alcuérdente que yá verás cómo te fai dañu… Eso dicen enantes de recitar esi repertoriu de comíes murnies que, al paecer, son mui sanes pero duldo que puean face-y dalgún bien a naide.
Al cuerpu hai que da-y lo que-y gusta. Y lo que-y gusta ye comer bien y comer cómodu. Por qu’ésa ye otra, el sitiu tamién importa. Importa que sía prestosu, llimpiu, cenciellu y ensin l'aforfugu d'esos camareros fisgones que non te quiten la vista d'enriba.
Pa esfrutar, daveres, hai que comer sentáu nuna siella y detrás d'una mesa con mantel de filo, platos reondos y cubiertos ensin esaxerar. Nun alderico que pa dalgunos sía una delicia comer nun monte, sentaos nuna piedra, col platu ente les piernes y espantando les mosques, pero yo sacrifico esi esfrute y quédome cola vulgaridá d'un asientu alcontradizu y una mesa ensin apretures.
Y, yá puestos, tamién pido comer ensin priesa. Sobre tou agora en branu, que podemos danos el luxu d'emplegar el tiempu necesariu qu’esixe una bona comida. Un tiempu p'abrir l’apetítu y otru pa cerralo. Un par d'hores pa dir abriendo boca, col aperitivu, la sidra y los vinos o la cerveza, y trés o cuatro pa cerrala y sellar el cerroxu col sabor del café, la copa, el puru y la tertulia.
Comer bien y comer cómodu ye un trámite pue durar dende les doce o la una del mediudía hasta les seis o les siete la tarde. A esa hora yá podemos llevantanos de la mesa pa dir a la romería. Anque buenu, tamién pue ser que, bien comíos y bien bebíos, optemos por una bona siesta enantes que pola tertulia. Refiérome a la siesta del pigazu porque la otra, el desenfreno eróticu d'un amor imprevistu nuna furtiva y fresca alcoba de branu, nun ye mui aconseyable dempués d'una bona fartura. Cada cosa al so tiempu. Nun convién mezclar, al empar, los cuatro placieres más grandes que nos da la vida. Qué nun sé pa ustedes pero pa min son: comer, dormir, futiar y ca… Buenu, el cuartu vamos dexalo en blancu y que caún ponga’l que más-y pete.
No hay comentarios:
Publicar un comentario
Milio Mariño