Milio Mariño
(La mio collaboración nel programa de radio Noche tras Noche, RPA)
El mio lio d'esta selmana trata d'esi socesu que ta de boca de toos y de la repercusión que puea tener pal futuru d'Asturies. Yá se lo que tais pensando pero nun voi referime al tema de monarquía o república. Eso déxolo pa los analistes políticos. Lo que, güei, quiero plantegar ye otra cosa. Ye la necesidá de crear un lobby asturianu que, a poco que lu trabayemos y sepamos saca-y partíu, podría danos mui bon resultáu
Que por qué plantego un lobby…? Pos porque con estu qu’acaba d’asoceder y otres cosuques al rodiu, atopámosnos, ehí ye nada, con una Reina en Madrid y un Guaje en Nueva York… Con Villa na Gran Mazana y Letizia, de mazana reineta.
Siempres se dixo que los asturianos somos mundiales. Claro que lo somos, los socesos d'esta selmana non solo confirmen el dichu sinón que demuestren que tamos na cresta de la fola. Nesti momentu tenemos a trés Asturianos na Selección Española: Villa, Mata y Cazorla. Otros trés en Bruseles: los eurodiputaos: Tania González, Ángela Vallina y Jonás González. Y, por si fuera pocu, hai que sumar lo que diximos: una reina en Madrid y un Guaje en Nueva York…
Pero ehí nun acaba la cosa. Tamién tenemos a José Andrés, el cocineru de Mieres, que ta ente les 100 persones más influyentes del mundu, a Fernando Alonso… y a los cientos d'asturianos qu'atopamos perdayuri ocupando puestos de relevancia.
Tenemos qu'aprovechar el tirón. Tenemos que crear un lobby asturianu por más que la palabra lobby n'España tenga enforma de mitu y abondo de mala fama. Gústenos o non, los lobbys esisten y defínense como grupos de persones influyentes, que s'organicen pa primir en favor de determinaos intereses. Y l'interés del que falamos ye Asturies.
Nun val que presumamos d'asturianos cuando vamos pel mundu alantre…. Presumir d'asturianu queda perbién….Oi curiáu que yo… pero depués na… Equí lo que cunta ye'l lobby, ye aprovechar la influencia pa traer industries, negocios, puestos de trabayu, riqueza… Lo que seya.
Debería notase que tenemos una Reina en Madrid y un Guaje en Nueva York… Si nun se nota habrá que llama-yos l'atención…. Y tamién, por qué non, dalguién tendría que falar con Hugo Fontela, esi pintor de Grau que trabaya en Nueva York dende va diez años y acaben de concede-y el premiu de la Fundación Príncipe de Girona 2014 na categoría de les Artes y les Lletres. Y con Lucía Regales, xixonesa y doctora en Bioloxía molecular, investigadora del cáncer nel Memorial Sloan Kettering Hospital de Nueva York. Y col avilesín Cándidu Gude. Y con Marcos Intriago, natural d'Amieva y empresariu d'ésitu, con un montón de tiendes y una fábrica de chorizos na ciudá de los rascacielos.
Hai qu’aprovechar lo que tenemos pol mundu… El titular podría ser el que dixi: una Reina en Madrid y un Guaje en Nueva York pero la intención ye que tolos que tan perehí faigan patria en beneficiu d'Asturies.
(La mio collaboración nel programa de radio Noche tras Noche, RPA)
El mio lio d'esta selmana trata d'esi socesu que ta de boca de toos y de la repercusión que puea tener pal futuru d'Asturies. Yá se lo que tais pensando pero nun voi referime al tema de monarquía o república. Eso déxolo pa los analistes políticos. Lo que, güei, quiero plantegar ye otra cosa. Ye la necesidá de crear un lobby asturianu que, a poco que lu trabayemos y sepamos saca-y partíu, podría danos mui bon resultáu
Que por qué plantego un lobby…? Pos porque con estu qu’acaba d’asoceder y otres cosuques al rodiu, atopámosnos, ehí ye nada, con una Reina en Madrid y un Guaje en Nueva York… Con Villa na Gran Mazana y Letizia, de mazana reineta.
Siempres se dixo que los asturianos somos mundiales. Claro que lo somos, los socesos d'esta selmana non solo confirmen el dichu sinón que demuestren que tamos na cresta de la fola. Nesti momentu tenemos a trés Asturianos na Selección Española: Villa, Mata y Cazorla. Otros trés en Bruseles: los eurodiputaos: Tania González, Ángela Vallina y Jonás González. Y, por si fuera pocu, hai que sumar lo que diximos: una reina en Madrid y un Guaje en Nueva York…
Pero ehí nun acaba la cosa. Tamién tenemos a José Andrés, el cocineru de Mieres, que ta ente les 100 persones más influyentes del mundu, a Fernando Alonso… y a los cientos d'asturianos qu'atopamos perdayuri ocupando puestos de relevancia.
Tenemos qu'aprovechar el tirón. Tenemos que crear un lobby asturianu por más que la palabra lobby n'España tenga enforma de mitu y abondo de mala fama. Gústenos o non, los lobbys esisten y defínense como grupos de persones influyentes, que s'organicen pa primir en favor de determinaos intereses. Y l'interés del que falamos ye Asturies.
Nun val que presumamos d'asturianos cuando vamos pel mundu alantre…. Presumir d'asturianu queda perbién….Oi curiáu que yo… pero depués na… Equí lo que cunta ye'l lobby, ye aprovechar la influencia pa traer industries, negocios, puestos de trabayu, riqueza… Lo que seya.
Debería notase que tenemos una Reina en Madrid y un Guaje en Nueva York… Si nun se nota habrá que llama-yos l'atención…. Y tamién, por qué non, dalguién tendría que falar con Hugo Fontela, esi pintor de Grau que trabaya en Nueva York dende va diez años y acaben de concede-y el premiu de la Fundación Príncipe de Girona 2014 na categoría de les Artes y les Lletres. Y con Lucía Regales, xixonesa y doctora en Bioloxía molecular, investigadora del cáncer nel Memorial Sloan Kettering Hospital de Nueva York. Y col avilesín Cándidu Gude. Y con Marcos Intriago, natural d'Amieva y empresariu d'ésitu, con un montón de tiendes y una fábrica de chorizos na ciudá de los rascacielos.
Hai qu’aprovechar lo que tenemos pol mundu… El titular podría ser el que dixi: una Reina en Madrid y un Guaje en Nueva York pero la intención ye que tolos que tan perehí faigan patria en beneficiu d'Asturies.
No hay comentarios:
Publicar un comentario
Milio Mariño