Milio Mariño
(La mio collaboración nel programa Noche tras Noche, de la RPA)
.jpg)
El mio lio d'esta selmana ye pa comentar lo que la xente comenta, na cai, y les persones importantes malpenes-y dan importancia. Ye lo del nuevu Huca, esi hospital cinco estrelles que, por prestaciones y diseñu, asítienlo como ún de los meyores d'Europa, lo qu'equival a dicir del mundu.
La noticia alquier especial relevancia si tenemos en cuenta qu’Asturies ye una rexón d’apenes un millón d’habitantes y, más entovía, porque tamos nuna dómina na que nun se salva de los retayos nin la sanidá pública. Una sanidá que n'otres Comunidaes pasó pol calvariu d'un intentu de privatización, resueltu, a última hora, pola intervención de los tribunales.
El nuevu hospital, l’hospitalón de La Cadellada, entovía ta mudanza, el procesu de treslláu esperen rematalo'l 22 de xunu, pero los primeros pacientes yá salieron maraviaos del tratu recibíu, l'ayuda p'atopar el llugar onde diben y los medios técnicos que vieron.
Por eso creo que ye de xusticia reconocer el méritu de los fixeron posible esti nuevu hospital, con 1039 cames y 33 quirófanos, que costó más de 400 millones d'euros y tardó en construyise casi nueve años.
Y por eso lu traigo equí, porque llamame l'atención que mientres los primeros pacientes se desfaen n'aponderamientos, nun hubiera nenguna persona de relevancia, nin social, nin política, nin sindical nin financiera, que fixera una manifestación pública emponderando lo que, tal como tán les coses, casi pue considerase un milagru.
Lo único qu'oyí foron crítiques, non mui consistentes porque ye difícil atopar dalgún motivu pa criticar, pero si lo suficiente pa dar a entender que los hai que paez como que tuvieren 'rezando' pa qué tou salga mal, lo cuál demuestra'l nivel al que baxamos con esta miseria de furrigaya que tou lo champla.
A lo meyor, tou se debe a que los asturianos, en particular, y los españoles en xeneral, somos más daos a la crítica qu'a reconocer lo bono basándonos, quicias, na premisa de que l'afalagu debilita y la crítica fortalez. Pero l'afalagu al que yo me refiero nun consiste nesi peloteu absurdu que nun lleva a nenguna parte. De lo que yo falo ye del aponderamientu sinceru, del sospiru agradecíu que sal pela boca, proveniente del corazón, que foi lo qu'oyí a los pacientes qu’entrevistaron.
Tenemos que tar arguyosos del nuevu hospital. Tan arguyosos como lo deben tar en Qatar, onde inauguraron un hospital que lu llamen, mialma nun sé por qué, Sidra Medical Center. Un hospital que costó 7.900 millones de dólares y que la so construcción debese a la jequesa, esposa del emir Hamad Jalifa Al Zani, cuyu nome ye Moza, pa mayor concidencia.
Equí, de momentu, al nuevu hospital seguimos llamándolo Huca, pero nun taría mal que brindáremos, anque fora con sidra, por tener unu de los meyores hospitales del mundu.
(La mio collaboración nel programa Noche tras Noche, de la RPA)
La noticia alquier especial relevancia si tenemos en cuenta qu’Asturies ye una rexón d’apenes un millón d’habitantes y, más entovía, porque tamos nuna dómina na que nun se salva de los retayos nin la sanidá pública. Una sanidá que n'otres Comunidaes pasó pol calvariu d'un intentu de privatización, resueltu, a última hora, pola intervención de los tribunales.
El nuevu hospital, l’hospitalón de La Cadellada, entovía ta mudanza, el procesu de treslláu esperen rematalo'l 22 de xunu, pero los primeros pacientes yá salieron maraviaos del tratu recibíu, l'ayuda p'atopar el llugar onde diben y los medios técnicos que vieron.
Por eso creo que ye de xusticia reconocer el méritu de los fixeron posible esti nuevu hospital, con 1039 cames y 33 quirófanos, que costó más de 400 millones d'euros y tardó en construyise casi nueve años.
Y por eso lu traigo equí, porque llamame l'atención que mientres los primeros pacientes se desfaen n'aponderamientos, nun hubiera nenguna persona de relevancia, nin social, nin política, nin sindical nin financiera, que fixera una manifestación pública emponderando lo que, tal como tán les coses, casi pue considerase un milagru.
Lo único qu'oyí foron crítiques, non mui consistentes porque ye difícil atopar dalgún motivu pa criticar, pero si lo suficiente pa dar a entender que los hai que paez como que tuvieren 'rezando' pa qué tou salga mal, lo cuál demuestra'l nivel al que baxamos con esta miseria de furrigaya que tou lo champla.
A lo meyor, tou se debe a que los asturianos, en particular, y los españoles en xeneral, somos más daos a la crítica qu'a reconocer lo bono basándonos, quicias, na premisa de que l'afalagu debilita y la crítica fortalez. Pero l'afalagu al que yo me refiero nun consiste nesi peloteu absurdu que nun lleva a nenguna parte. De lo que yo falo ye del aponderamientu sinceru, del sospiru agradecíu que sal pela boca, proveniente del corazón, que foi lo qu'oyí a los pacientes qu’entrevistaron.
Tenemos que tar arguyosos del nuevu hospital. Tan arguyosos como lo deben tar en Qatar, onde inauguraron un hospital que lu llamen, mialma nun sé por qué, Sidra Medical Center. Un hospital que costó 7.900 millones de dólares y que la so construcción debese a la jequesa, esposa del emir Hamad Jalifa Al Zani, cuyu nome ye Moza, pa mayor concidencia.
Equí, de momentu, al nuevu hospital seguimos llamándolo Huca, pero nun taría mal que brindáremos, anque fora con sidra, por tener unu de los meyores hospitales del mundu.
No hay comentarios:
Publicar un comentario
Milio Mariño