Milio Mariño
La mio collaboración, de los xueves, nel programa de la RPA Noche tras Noche)
.jpg)
El mio lio d'esta selmana vien a cuentu de que llegó'l branu y baxaron los impuestos. Eso diz el Gobiernu, que como vía que tábemos cabreaos quixo convencenos de qué nun son tan malos, qu'aprieten pero nun afueguen.
La intención yera esa… Nun crean que foi casualidá qu'anunciaren la rebaxa fiscal la víspora de San Xuan. Les elecciones tán a la vuelta d'un añu, de mou que dalguién debió pensar que lo meyor yera regalanos el suañu d'una nueche de branu. Esa comedia, en cinco actos, na que la protagonista, cuando espierta, atopa al so amante con una cabeza de pollín en cuenta la propia.
Pa min que dalgo asina debió pensar Montoro… Pero nin Montoro ye Shakespeare nin nós precisamos que nos esfreguen los güeyos pa desfacer l'encantu. Tamos tan desencantaos que nun suañamos nin queriendo. Tenemos mui claro que vivimos nel reinu de la mentira, de cuenta que yá puen cantanos l'añada de los impuestos que, lloñe de tener un bon suañu, tenemos velees a cientos.
El cantar ye’l de siempre. Prometen que vamos aforrar nun sé cuantu pero llueu lleemos la lletra pequeña y espertamos suañando lo que yá imaxinen que nun se pue dicir pela radio.
Montoro apuntó, de mano, que baxaba los impuestos, pero depués matizólo y dixo que la presión fiscal calteníase, lo cuál ye tantu como dicir que lo que baxaba per un llau xubíalo por otru y tou diba quedar, más o menos, igual.
Igual o peor porque, con esi trasiegu del xubi y baxa, pue pasar que nos xuban del cuartu al sestu y después nos baxen al quintu, colo cuál non solo quedamos peor sinón cola sensación de que nos tomaron el pelo.
¿Quiero dicir, acasu, que tol mundu ta cabriáu cola rebaxa fiscal del Gobiernu? De xuru que non. Ehí van dellos exemplos. Un trabayador que tenga un salariu brutu de 15.600 euros, va aforrar 390 na declaración de la renta de 2016. Daquién que gane 90.000, va tener una rebaxa de 2.400 euros. Y una nómina de 300.000 va aforrar na menos que 11.600.
Nun sé pue negar que rebaxa si que l'hai pero pa que, daveres, nos supla tenemos que cobrar menos de 14.500 euros a l’añu o rondar los 90.000.
Esi ye’l quiz, lo malo que la mayoría, los que llamamos clase media, anque seyamos del mediu p’abaxo, nun tamos nesi supuestu. Cobramos bastante menos de 90.000 y un pelín más de 14.500.
La realidá ye la que ye. Montoro diz, con razón, qu'él malditu si tien culpa de que nun ganemos lo suficiente como pa beneficianos de la rebaxa qu'acaba d'establecer. Y nun diz más por vergoña porque ehí tan los conseyeros del Ibex 35, que na declaración de 2015, van aforrar 173.000 euros per cabeza. La rebaxa, pa esos, mialma que nun va ser el suañu d'una nueche de branu, va ser como si yos tocara la llotería ensin mercar el décimu.
La mio collaboración, de los xueves, nel programa de la RPA Noche tras Noche)
La intención yera esa… Nun crean que foi casualidá qu'anunciaren la rebaxa fiscal la víspora de San Xuan. Les elecciones tán a la vuelta d'un añu, de mou que dalguién debió pensar que lo meyor yera regalanos el suañu d'una nueche de branu. Esa comedia, en cinco actos, na que la protagonista, cuando espierta, atopa al so amante con una cabeza de pollín en cuenta la propia.
Pa min que dalgo asina debió pensar Montoro… Pero nin Montoro ye Shakespeare nin nós precisamos que nos esfreguen los güeyos pa desfacer l'encantu. Tamos tan desencantaos que nun suañamos nin queriendo. Tenemos mui claro que vivimos nel reinu de la mentira, de cuenta que yá puen cantanos l'añada de los impuestos que, lloñe de tener un bon suañu, tenemos velees a cientos.
El cantar ye’l de siempre. Prometen que vamos aforrar nun sé cuantu pero llueu lleemos la lletra pequeña y espertamos suañando lo que yá imaxinen que nun se pue dicir pela radio.
Montoro apuntó, de mano, que baxaba los impuestos, pero depués matizólo y dixo que la presión fiscal calteníase, lo cuál ye tantu como dicir que lo que baxaba per un llau xubíalo por otru y tou diba quedar, más o menos, igual.
Igual o peor porque, con esi trasiegu del xubi y baxa, pue pasar que nos xuban del cuartu al sestu y después nos baxen al quintu, colo cuál non solo quedamos peor sinón cola sensación de que nos tomaron el pelo.
¿Quiero dicir, acasu, que tol mundu ta cabriáu cola rebaxa fiscal del Gobiernu? De xuru que non. Ehí van dellos exemplos. Un trabayador que tenga un salariu brutu de 15.600 euros, va aforrar 390 na declaración de la renta de 2016. Daquién que gane 90.000, va tener una rebaxa de 2.400 euros. Y una nómina de 300.000 va aforrar na menos que 11.600.
Nun sé pue negar que rebaxa si que l'hai pero pa que, daveres, nos supla tenemos que cobrar menos de 14.500 euros a l’añu o rondar los 90.000.
Esi ye’l quiz, lo malo que la mayoría, los que llamamos clase media, anque seyamos del mediu p’abaxo, nun tamos nesi supuestu. Cobramos bastante menos de 90.000 y un pelín más de 14.500.
La realidá ye la que ye. Montoro diz, con razón, qu'él malditu si tien culpa de que nun ganemos lo suficiente como pa beneficianos de la rebaxa qu'acaba d'establecer. Y nun diz más por vergoña porque ehí tan los conseyeros del Ibex 35, que na declaración de 2015, van aforrar 173.000 euros per cabeza. La rebaxa, pa esos, mialma que nun va ser el suañu d'una nueche de branu, va ser como si yos tocara la llotería ensin mercar el décimu.
No hay comentarios:
Publicar un comentario
Milio Mariño