Milio Mariño
La mio collaboración de los xueves nel programa de la RPA Noche tras Noche
El mio lio d'esta selmana ye qu'empezamos el mes de xunetu, el meyor mes del branu, y paez como que tuviéramos nun funeral de tercera. Naide, nengunu de los nuesos políticos sonri nin fai una declaración curiosa p'allegranos estos díes de bon tiempu y folixa. Toos barrunten que los vieyos tenémoslo crudu y los mozos aínda peor. Y digo yo que, anque tengan la certidume de que les coses van perhí, tamién ye mala suerte que mientan en tantes coses y nesta s’empeñen en dicinos la verdá.
Mialma que lo ye, pero despidimos xunu con díes perguapos y entramos en xunetu con vuelta a les nubes negres: cola entrada en vigor de la llei mordaza y un alderique d'investidura na Xunta del Principáu nel qu'hubo males maneres y reproches mutuos que nun ayuden a ser optimistes. Lloñe de tratar los asuntos con allegría lo que fixeron, toos, foi engarriase n'espolinos que nun conducen a nada. Cualesquier freba d'optimismu, humor, o bon rollu, tuvo tan ausente que paecía que taben discutiendo cuál yera la meyor propuesta p’amarganos el branu.
Como taría la cosa que dalguién, nun se sabe quién, llamó al 112 y apaeció Woody Allen… Pa munchos foi una sorpresa ver a Woody Allen por Uviéu pero vieno porque sintió pidir auxilio y preguntó-y a Natalio Gruesu por qué tábamos tan serios. Pregunto-y si la nuesa traxedia yera como la de los griegos y si yera verdá que los de la Troika andaben perhí, armaos con bates de béisbol y amenaciando con parti-yos les piernes a los que dicen que nun van pagar, porque nun quieren facer a la xente más probe nin baxa-yos les pensiones a los xubilaos.
Lo que dixo Natalio non lu sé pero, en cuantu que Woody Allen llegó a Uviéu atopóse con qu'equí, na Xunta, siguen, ce por be, esi conseyu de Rajoy de que somos un país seriu. Atopóse con eso, cola cara de palu de los nuesos políticos y colos famosos chistes de Zapata, que diz Woody que yá-y los cuntaben a él cuando yera neñu y que nunca-y fixeron gracia.
Conociendo a Woody, ye bien posible que punxera en cuestión si val la pena nun echar unes rises y pasar el branu enoxaos a cuenta de que los probes vuelvan a tener dineru pa pagar la hipoteca y comer caliente una vegada al día. Sobremanera teniendo en cuenta que nun rise, nin siquier ente dientes, nun garantiza que salgamos d'esta. Los bancos y el FMI nun avecen a conformase con quitanos la risa y, a veces, nin siquiera con facenos llorar.
Asina que si queréis esfrutar del branu nun penséis en más nada. Trancar la tele, escuchar la RPA, mandalo tou a tomar pol sacu y que salga'l sol por Antequera, que ye por onde aveza a salir… Reivos muncho, fartavos lo que podáis y esfrutar a mamplén… Agora, eso sí, procurar hidratavos bien, dir pola sombra, tener curiáu colos radares de tráficu y nun convocar referéndums.
La mio collaboración de los xueves nel programa de la RPA Noche tras Noche
Mialma que lo ye, pero despidimos xunu con díes perguapos y entramos en xunetu con vuelta a les nubes negres: cola entrada en vigor de la llei mordaza y un alderique d'investidura na Xunta del Principáu nel qu'hubo males maneres y reproches mutuos que nun ayuden a ser optimistes. Lloñe de tratar los asuntos con allegría lo que fixeron, toos, foi engarriase n'espolinos que nun conducen a nada. Cualesquier freba d'optimismu, humor, o bon rollu, tuvo tan ausente que paecía que taben discutiendo cuál yera la meyor propuesta p’amarganos el branu.
Como taría la cosa que dalguién, nun se sabe quién, llamó al 112 y apaeció Woody Allen… Pa munchos foi una sorpresa ver a Woody Allen por Uviéu pero vieno porque sintió pidir auxilio y preguntó-y a Natalio Gruesu por qué tábamos tan serios. Pregunto-y si la nuesa traxedia yera como la de los griegos y si yera verdá que los de la Troika andaben perhí, armaos con bates de béisbol y amenaciando con parti-yos les piernes a los que dicen que nun van pagar, porque nun quieren facer a la xente más probe nin baxa-yos les pensiones a los xubilaos.
Lo que dixo Natalio non lu sé pero, en cuantu que Woody Allen llegó a Uviéu atopóse con qu'equí, na Xunta, siguen, ce por be, esi conseyu de Rajoy de que somos un país seriu. Atopóse con eso, cola cara de palu de los nuesos políticos y colos famosos chistes de Zapata, que diz Woody que yá-y los cuntaben a él cuando yera neñu y que nunca-y fixeron gracia.
Conociendo a Woody, ye bien posible que punxera en cuestión si val la pena nun echar unes rises y pasar el branu enoxaos a cuenta de que los probes vuelvan a tener dineru pa pagar la hipoteca y comer caliente una vegada al día. Sobremanera teniendo en cuenta que nun rise, nin siquier ente dientes, nun garantiza que salgamos d'esta. Los bancos y el FMI nun avecen a conformase con quitanos la risa y, a veces, nin siquiera con facenos llorar.
Asina que si queréis esfrutar del branu nun penséis en más nada. Trancar la tele, escuchar la RPA, mandalo tou a tomar pol sacu y que salga'l sol por Antequera, que ye por onde aveza a salir… Reivos muncho, fartavos lo que podáis y esfrutar a mamplén… Agora, eso sí, procurar hidratavos bien, dir pola sombra, tener curiáu colos radares de tráficu y nun convocar referéndums.
No hay comentarios:
Publicar un comentario
Milio Mariño