Milio Mariño
( La mio collaboración nel programa Noche tras Noche de la RPA)
El mio lio d'esta selmana ye d'intendencia, trata de que'l Parllamentu asturianu acaba quedar ensin chigre subvencionáu. Los diputaos y diputaes que quieran dalgo meyor qu'un café y una llambiotada de máquina, van tener que salir de palaciu y cruciar la cai. Lo cuál, nun clima lluviosu y húmedu como’l nuesu, abultame que sedrá un problema pos sos señoríes ta vistu que nun quieren moyase.
El Parllamentu nun tien chigre porque la llicitación quedó erma. Naide puxó por axudicase’l chigrin dempués que-y quitaren la subvención, de 16.600 euros al añu, que tenía hasta va pocu. Ensin subvención, los hosteleros nun ven negociu. Saben con quién se xueguen los cuartos… Saben que los diputaos, cuando-yos toca pagar, al preciu que pagamos toos, nun s’espurren nin pocu nin muncho.
Pero buenu, los nuesos entá tienen un pase. Tienen al so favor que decidieron quitar la subvención d’afecho mientres qu'en Madrid, nes Cortes de la Carrera de San Xerónimo, lo que fixeron foi amenorgala un 20 per cientu, de cuenta que, a los contribuyentes, namás va costanos mediu millón d'euros al añu que los diputaos de la capital puean esfrutar d'un menú diariu qu'acaba xubir de 8,50 a 9 euros, y d’unos yintonic ya cubalibres qu'anden polos trés euros y mediu.
Nun sé qué faen, alló per Madrid, coles perres. El chigre del nuesu Parllamentu, con menos subvención, yera inclusive más económicu. Equí ufiertaben café y pinchu por 1,05 euros, y un quintu cerveza a 0,65. Sidra nun había, imaxino que pol engorriu d’escanciala, pero con un sidrin arreglábense y quedaba tou como más propiu.
Colos precios que manexen nos chigres parllamentarios ye comprensible que los diputaos vivan nun mundu que nun se paez al nuesu. Pagando un euru por un pinchu y un café, asina cualquiera. Por eso los hosteleros entienden que si, nel chigre del Parlamentu, cobren lo que val na cai, sos señoríes nun s'averen p’elli nin anque lo recete’l médicu.
Los chigreros conocen al personal como naide. Si ellos pudieren falar de les esixencies y la racanería de los diputaos, tendríen pa facer un llibru. Pero nun pueden. Al axudicatariu que lleve'l negociu tamién se-y esixe que cumpla una cláusula de confidencialidá sobre tola información a la que tenga accesu, incluyía la de calter personal, de mou que nun puen desvelar detalles sobre lo que sos señoríes comen, chumen o falen nel chigre.
El xueves pasáu, fai güei una selmana, foi cuando'l Parllamentu asturianu quedó güérfanu de chigre. Y, al paecer, dellos diputaos y diputaes comentaben la novedá, mentes boriaben pelos pasiellos, bastante enfadaos. Nun ye pa menos, tan viendo, por ellos mesmos, qu’empeoren les condiciones de trabayu, pero como nun hai mal que por bien nun venga igual asina se dan cuenta que lo del café con pinchu, a un euru, yera’l choyu que namás esfrutaben ellos.
( La mio collaboración nel programa Noche tras Noche de la RPA)
El mio lio d'esta selmana ye d'intendencia, trata de que'l Parllamentu asturianu acaba quedar ensin chigre subvencionáu. Los diputaos y diputaes que quieran dalgo meyor qu'un café y una llambiotada de máquina, van tener que salir de palaciu y cruciar la cai. Lo cuál, nun clima lluviosu y húmedu como’l nuesu, abultame que sedrá un problema pos sos señoríes ta vistu que nun quieren moyase.
El Parllamentu nun tien chigre porque la llicitación quedó erma. Naide puxó por axudicase’l chigrin dempués que-y quitaren la subvención, de 16.600 euros al añu, que tenía hasta va pocu. Ensin subvención, los hosteleros nun ven negociu. Saben con quién se xueguen los cuartos… Saben que los diputaos, cuando-yos toca pagar, al preciu que pagamos toos, nun s’espurren nin pocu nin muncho.
Pero buenu, los nuesos entá tienen un pase. Tienen al so favor que decidieron quitar la subvención d’afecho mientres qu'en Madrid, nes Cortes de la Carrera de San Xerónimo, lo que fixeron foi amenorgala un 20 per cientu, de cuenta que, a los contribuyentes, namás va costanos mediu millón d'euros al añu que los diputaos de la capital puean esfrutar d'un menú diariu qu'acaba xubir de 8,50 a 9 euros, y d’unos yintonic ya cubalibres qu'anden polos trés euros y mediu.
Nun sé qué faen, alló per Madrid, coles perres. El chigre del nuesu Parllamentu, con menos subvención, yera inclusive más económicu. Equí ufiertaben café y pinchu por 1,05 euros, y un quintu cerveza a 0,65. Sidra nun había, imaxino que pol engorriu d’escanciala, pero con un sidrin arreglábense y quedaba tou como más propiu.
Colos precios que manexen nos chigres parllamentarios ye comprensible que los diputaos vivan nun mundu que nun se paez al nuesu. Pagando un euru por un pinchu y un café, asina cualquiera. Por eso los hosteleros entienden que si, nel chigre del Parlamentu, cobren lo que val na cai, sos señoríes nun s'averen p’elli nin anque lo recete’l médicu.
Los chigreros conocen al personal como naide. Si ellos pudieren falar de les esixencies y la racanería de los diputaos, tendríen pa facer un llibru. Pero nun pueden. Al axudicatariu que lleve'l negociu tamién se-y esixe que cumpla una cláusula de confidencialidá sobre tola información a la que tenga accesu, incluyía la de calter personal, de mou que nun puen desvelar detalles sobre lo que sos señoríes comen, chumen o falen nel chigre.
El xueves pasáu, fai güei una selmana, foi cuando'l Parllamentu asturianu quedó güérfanu de chigre. Y, al paecer, dellos diputaos y diputaes comentaben la novedá, mentes boriaben pelos pasiellos, bastante enfadaos. Nun ye pa menos, tan viendo, por ellos mesmos, qu’empeoren les condiciones de trabayu, pero como nun hai mal que por bien nun venga igual asina se dan cuenta que lo del café con pinchu, a un euru, yera’l choyu que namás esfrutaben ellos.
No hay comentarios:
Publicar un comentario
Milio Mariño