Milio Mariño
La mio collaboración del los xueves nel programa Noche tras Noche de la Radiu del Principáu, RTPA
El mio lio d'esta selmana ye por esa investigación qu’acaben d'abrir a cuenta d’un presuntu fraude a la hora de peritar y verificar daños por ataques de los llobos al ganáu. Al paecer hai dos casos que son sospechosos de fraude, unu en Ponga y otru en Llaviana. Los barruntos parten d’una indemnización, qu’algama los 150.000 euros, y tamién de la concidencia de qu'una mesma semeya, del animal muertu, s'usara pa distintos daños separaos nel espaciu y el tiempu.
Tou apunta a que nun comprobaben bien que los autores de los ataques, al ganáu, fueren los llobos. Dicen que dalgún guarda y dalgún ganaderu podríen tar "compinchaos" p’arreglalo y repartise la indemnización. Sobre tou, cuando se supo, por fontes cercanes a la investigación, que dalgunos guardes presumíen de cobrar más asina que col so propiu sueldu.
Nos nun queremos culpar a naide. La investigación sigue abierta y hasta agora lo qu’atoparon foron nicios d'un presuntu arriquecimientu ilícitu que podría afeutar a unos cuantos ganaderos asturianos, la mayoría d'occidente, por cobrar, supuestamente, pola muerte del mesmu animal, dos indemnizaciones al empar: la del Principáu y la del Agroseguro.
Les indemnizaciones del Agroseguro nun sabemos a cuantu ascendieron pero si sabemos lo que'l Gobiernu del Principáu dixo que pagare por daños de los llobos na cabaña occidental asturiana. Sabemos qu'hasta’l mes d’ochobre de 2013 pagaron na menos 459.162 euros. Lo cuál, si tenemos en cuenta que la población estimada de llobos ye de 160 exemplares, sal a 2700 euros por llobu. Una cantidá que, mialma, nos fai pensar si nun sería más rentable, pa toos, que'l Principáu, amás del aloxamientu, acordare pagara-yos pensión completa a los llobos.
Dalgunos van dicir que tou sía pel mediu ambiente y el caltenimientu d'una especie que, en tiempos, foi considerada como’l peor enemigu del home. Yá ven que coses, a la hora de designar al so meyor amigu y al so peor enemigu, l’home escoyó a dos animales de la mesma familia: el perru y el llobu.
El casu que tou estu de que pue haber persones que ten faciendo negociu a cuenta los llobos yá lo dexó escritu Plauto: homo homini lupus… L'home ye un llobu pal home.
Lo último que se camienta, d’esta historia, ye que dellos ganaderos, los que yá empezaron a recibir notificaciones de la supuesta irregularidá, quéxense de que naide los avisó de que dambes compensaciones yeren incompatibles. Dicen que se sienten acoxaos, que la intención de les autoridaes ye la de criminalizalos y facelos desapaecer pa dexar sitiu a los llobos.
Igual desaxeren un pocu, nun creo que sía pa tantu. Anque bonu, tampoco taría mal que les autoridaes miraren pa les zones rurales y declararen a los ganaderos especie protexía. Tal como tan les coses y fraudes aparte, que por supuesto hai que persiguilos, cuerren más peligru los ganaderos que los llobos. Lleven camín de desapaecer primeru.
La mio collaboración del los xueves nel programa Noche tras Noche de la Radiu del Principáu, RTPA
El mio lio d'esta selmana ye por esa investigación qu’acaben d'abrir a cuenta d’un presuntu fraude a la hora de peritar y verificar daños por ataques de los llobos al ganáu. Al paecer hai dos casos que son sospechosos de fraude, unu en Ponga y otru en Llaviana. Los barruntos parten d’una indemnización, qu’algama los 150.000 euros, y tamién de la concidencia de qu'una mesma semeya, del animal muertu, s'usara pa distintos daños separaos nel espaciu y el tiempu.
Tou apunta a que nun comprobaben bien que los autores de los ataques, al ganáu, fueren los llobos. Dicen que dalgún guarda y dalgún ganaderu podríen tar "compinchaos" p’arreglalo y repartise la indemnización. Sobre tou, cuando se supo, por fontes cercanes a la investigación, que dalgunos guardes presumíen de cobrar más asina que col so propiu sueldu.
Nos nun queremos culpar a naide. La investigación sigue abierta y hasta agora lo qu’atoparon foron nicios d'un presuntu arriquecimientu ilícitu que podría afeutar a unos cuantos ganaderos asturianos, la mayoría d'occidente, por cobrar, supuestamente, pola muerte del mesmu animal, dos indemnizaciones al empar: la del Principáu y la del Agroseguro.
Les indemnizaciones del Agroseguro nun sabemos a cuantu ascendieron pero si sabemos lo que'l Gobiernu del Principáu dixo que pagare por daños de los llobos na cabaña occidental asturiana. Sabemos qu'hasta’l mes d’ochobre de 2013 pagaron na menos 459.162 euros. Lo cuál, si tenemos en cuenta que la población estimada de llobos ye de 160 exemplares, sal a 2700 euros por llobu. Una cantidá que, mialma, nos fai pensar si nun sería más rentable, pa toos, que'l Principáu, amás del aloxamientu, acordare pagara-yos pensión completa a los llobos.
Dalgunos van dicir que tou sía pel mediu ambiente y el caltenimientu d'una especie que, en tiempos, foi considerada como’l peor enemigu del home. Yá ven que coses, a la hora de designar al so meyor amigu y al so peor enemigu, l’home escoyó a dos animales de la mesma familia: el perru y el llobu.
El casu que tou estu de que pue haber persones que ten faciendo negociu a cuenta los llobos yá lo dexó escritu Plauto: homo homini lupus… L'home ye un llobu pal home.
Lo último que se camienta, d’esta historia, ye que dellos ganaderos, los que yá empezaron a recibir notificaciones de la supuesta irregularidá, quéxense de que naide los avisó de que dambes compensaciones yeren incompatibles. Dicen que se sienten acoxaos, que la intención de les autoridaes ye la de criminalizalos y facelos desapaecer pa dexar sitiu a los llobos.
Igual desaxeren un pocu, nun creo que sía pa tantu. Anque bonu, tampoco taría mal que les autoridaes miraren pa les zones rurales y declararen a los ganaderos especie protexía. Tal como tan les coses y fraudes aparte, que por supuesto hai que persiguilos, cuerren más peligru los ganaderos que los llobos. Lleven camín de desapaecer primeru.
No hay comentarios:
Publicar un comentario
Milio Mariño