Nel hotel informáronla que Cristoforo, que tien 59 años, fuere incluyíu nun ERE y acabare despidíu. Y, entós, según cuenta fía del tal Cristoforo, Merkel foi a so casa, dio-y un abrazu y quedóse a comer con ellos.
Ye lo que tien esta xente de dereches, que toos son mui humanos. Despídente, desahuciente, déxente ensin médicu de guardia y quítente toles ayudes sociales pero depués dante un abrazu y dicen que lo sienten enforma, que si por ellos fuere sedríes millonariu.
La prueba de que son humanos tenémosla nesa semeya na qu'apaez Merkel col so home, talamente como una pareya de xubilaos qu'aprovechen los viaxes del Inserso pa pasar unos díes en Benidorm, a preciu de saldu.
Cuenten que Merkel enfadóse muncho porque publicaren la semeya. Nun m'estraña, viendo'l traxe bañu del home y el conxuntu de la señora entiéndese que protestare. Quier caltener la so intimidá. Nun-y importa a naide lo mal que lo tán pasando.
No hay comentarios:
Publicar un comentario
Milio Mariño